Moderatori publikoi në rrjetet sociale një fotografi bardh e zi nga një darkë intime, ku shfaqej partnerja e tij e re, Rreze Kuçi. Postimi u shoqërua vetëm me një emoji trëndafili, duke lënë fillimisht vend për kuriozitet dhe spekulime nga ndjekësit.

Megjithatë, misteri nuk zgjati shumë. Vetë Rreze Kuçi e ripostoi fotografinë, duke e shoqëruar me një përqafim virtual, gjë që konfirmoi publikisht lidhjen dhe vulosi statusin e tyre si çifti më i ri në showbiz.

Ky veprim publik duket se tregon se Kurtishaj e ka mbyllur përfundimisht kapitullin e kaluar në jetën e tij sentimentale dhe po e jeton hapur këtë romancë të re. Zgjedhja për ta bërë publike lidhjen në një datë simbolike si 14 shkurti u interpretua nga ndjekësit si një sinjal i qartë për seriozitetin e marrëdhënies.

The post Pas ndarjes nga e fejuara, zbulohet e dashura e re e fituesit të ‘BBA’ appeared first on Albeu.com.

Dea ka ndarë detaje nga një problem i saj shëndetësor, si po e menaxhon tani, por dhe shumë të pathëna të tjera…

Gjatë kësaj interviste, moderatori i njohur e pyeti atë: “E vizualizon veten shpesh si nënë?”.

Vieri u shpreh se i do shumë fëmijët si dhe ka një mbesë që e do shumë.

“Gjithmonë kam thënë që dua të bëhem nënë, por kohëve të fundit, ndonjëherë edhe ndryshoj pak mendje, stepem, sepse më duket shumë e vështirë të rritësh një fëmijë në ditët e sotme.

Unë do të doja që të kisha një fëmijë dhe të mos i mungonte asgjë, as nga ana financiare, që dhe unë të mos torturohesha.

Dëgjoj gjithmonë nga mami e nga gjyshja, ‘bëje një fëmijë se ta rrisim ne, apo rritet vetë, apo si janë rritur më përpara.’

Unë vij nga një familje që ka qenë një familje normale shqiptare, nuk është se ka pasur shumë të ardhura.

Mua më është dashur të luftoj shumë. Unë jam 28 vjeçe, punën e parë e kam patur 17 vjeçe, jam torturuar, jam lodhur.

Nuk do të doja që këto gjërat që kam kaluar unë, t’i kalonte dhe fëmija. Do doja që fëmijës tim t’i lija 2-3 gjëra gati.

Nuk do të doja t’ia lija të gjitha gjërat gati, por disa gjëra.

Për shembull mua më ka mbetur peng që nuk kam bërë universitetin që do të doja, sepse familja ime nuk e përballonte dot, doja të studioja jashtë, të bëja një universitet të mirë.

Mua më ka ngelur peng që nuk e kam bërë dot atë që doja të bëja. Të paktën do të doja që fëmija im të mos kishte probleme të tilla.

Unë nuk fajësoj njeri për këtë, sepse është normale që të mos i marrim ndonjëherë atë që duam, por nuk do të doja që fëmija im të kishte këto lloj gjërash”, tha Dea Vieri.

The post “Kam dashur të bëhem nënë…”/ Ish-banorja e BBV: Kam ndryshuar mendje, stepem… appeared first on Albeu.com.

Tozaj ka treguar për herë të parë në publik se në moshë të vogël është abuzuar për 7 vite nga një “i fortë lagjeje”, me të cilin jetonin në të njëjtin pallat.
Një rrëfim dramatik, ku për herë të parë në praninë e nënës së tij, moderatores, kamerave dhe publikut shqiptar, Elton Tozaj ka folur për një nga dramat më të mëdha të jetës së tij.

Ai theksoi se kjo dramë ndikoi negativisht për shumë vite në jetën e tij, duke e futur në një qorrsokak, ku shpesh konsumonte alkool dhe lëndë narkotike, pasi vetëm aty gjente pak qetësi.

Por edhe më i rëndë ishte rrëfimi i tij kur tregoi se shpesh ka menduar t’i japë fund jetës.
Pjesë nga biseda:

Elton Tozaj: Jashtë mureve të shtëpisë nuk kam qenë aq i lumtur. Kam qenë fëmijë i shoqërueshëm, i dashur, kjo ka bërë që të jemë viktimë e një abuzimi për 7 vite rresht kur kam qenë i vogël. Unë e gjeja veten të mbrojtur vetëm te mami te babi, te vëllai, te kushërira. Nuk e dija se çfarë ishte, nuk e dija se çfarë kisha kaluar. Por është një gjë që e kam vuajtur shumë. Ka net që nuk fle, pasi ka skena në kokë që më kujtohen në atë kohë.

Brunilda Lahe: Kjo që sapo bëre është një rrëfim shumë i fortë. Për më tepër që ky rrëfim vjen krah nënës tënde. Thua se je abuzuar për 7 vite.

Elton Tozaj: Nëse ka një njeri që më ka ndihmuar, edhe atëherë kur kam tentuar ti jap fund jetës, është nëna ime. Prandaj them që jam krenar dhe do të jem krah saj. Ka raste që më thotë bëj këtej që nesër pasnesër të mos jem. Unë kurrë nuk do ta lejoj që të iki mami para meje.

Ermira (Nëna e Eltonit): E shpreh herë pas here, Kjo më tremb.
Brunilda Lahe: Si e mësove zonja Ermira?

Elton Tozaj: Unë kam përshtypjen që mami e dinte, por nuk ma ka thënë. Njëherë më tha se mamaja jote gjithmonë i kam kuptuar.

Brunilda Lahe: Pra mamaja i ka kuptuar kur ka përfunduar?

Elton Tozaj: E ka kuptuar shumë vonë.

Brunilda Lahe: Shpëtove vetë?

Elton Tozaj: Jo personi që e ka bërë këtë gjë, ka vdekur në 97-ën. Ishte një i fortë i lagjes.

Brunilda Lahe: Person në lagje?

Elton Tozaj: Po komshi në kat të katërt.

Brunilda Lahe: Ku ndodhte abuzimi?

Elton Tozaj: Shokët e babit ishin pedagogë dhe bënin xhiro me biçikleta. Dhe një nga këto raste ishte hajt t’i bëj xhiro Tonit. Pastaj ka qenë dhunë psikologjike e përditshme, pasi ka qenë vetëm 2 kate para nesh. Kam përshtypjen se ishte Zoti ai që e hoqi.

Brunilda Lahe: Nuk gjete forcën ta tregoje për 7 vite?

Elton Tozaj: Kisha shumë frikë. Mendoja se kisha bërë krimin më të madh te jetës time. Ishim shumë injorantë në atë kohë. Nuk kishim informacion.

Brunilda Lahe: A ja ke thënë njeriu në atë periudhë?

Elton Tozaj: Jo, kurrë! Unë e kam folur shumë vonë. Gjej rastin këtu të them Dorit, Xhuli, Ardit miku im më i mirë. Kurrë nuk ja kam thënë familjes time, pavarësisht se këta e kuptuan se çfarë kisha kaluar.

Brunilda Lahe: E kuptuan vite më vonë?

Elton Tozaj: E kuptuan. Mbase mund ta dinin, por nuk e besonin, ose nuk e konceptonin. Por kur shpërtheva para 4 vitesh, sa kishte vdekur babi, pas 2-3 javësh. Kjo gjë më shton pastaj dhe pjesën tjetër që më ndodhi me punën e portaleve. Përfiundova të isha në konsumator i rregullt i alkoolit dhe lëndëve narkotike.

Brunilda Lahe: Vitet e fundit?

Elton Tozaj: Po, mu kthye në një mënyrë jetese, kujtoja se çdo gjë kishte marrë fund, kujtoja se kaq ishte jeta ime. Shpesh shkoja deri aty sa po e bëj për t’i dhënë fund jetës. Gjej ratin t’i kërkoj falje mamit, për gjithçka ka kaluar, për sakrificën që ka bërë. Për mua është grua e hekurt e fortë

The post Trondit rrjetin ish-banori i BBVA: Jam ab*zuar për 7 vite nga i forti i lagjes… appeared first on Albeu.com.

Duke pretenduar se kishte njohje në ministri e bashki, që i mundësonin edhe marrjen pjesë në tendera, fton shtetasin që kishte restorantin që të merrte pjesë në një tender, po për këtë i duhej një “Iphone Pro Max” një laptop “I Mac” dhe një shumë parash, të cilat do të ishin si mostër për tenderin.

Ne momentin që i siguroi të gjitha këto, Tozaj u zhduk.

Ish-banori i “Big Brother”, më parë është dënuar nga Gjykata e Tiranë në vitin 2008 me 3 muaj burg, në 2016 me 4 vjet burg dhe në 2017 është dënuar nga Gjykata e Lezhës me gjobë, të gjitha për “mashtrim” dhe “falsifikim dokumentash”.

Gëzimi për krijimin e mundësisë së blerjes së një shtëpie i shtetases M.P., e cila punonte si pastruese në një kompani private, ka përfshirë edhe një kontabiliste dhe drejtoreshën e shitjeve të kësaj kompanie.

Pastruesja u ka thënë se një mik i saj, i quajtur Elton Tozaj, punonte në Ministrinë e Brendshme dhe ishte përgjegjës i një projekti për dhënien e apartamenteve me kredi të butë për punonjësit e Ministrisë së Brendshme.

Sipas saj, 10 nga përfituesit do të përzgjidheshin nga Tozaj.

Nga hetimet e kryera, rezulton se i pandehuri nëpërmjet mashtrimit, në rast të përsëritur, gjatë periudhës maj-qershor 2016, i ka marrë një shumë prej 650 mijë lekësh të dëmtuarës B.L. dhe shumën 300 mijë lekë të dëmtuarës E.H.

Gjithashtu, ai ka mashtruar edhe shtetasen M.P., duke u marrë dy prej tyre shumën nga 60 mijë lekë dhe të tretës 70 mijë lekë. Për t’u bërë i besueshëm, u ka dhënë të dëmtuarave edhe dokumente me stemë dhe vulë të Ministrisë së Brendshme, si dhe nënshkrim të ministrit Saimir Tahiri, sipas të cilave është miratuar dhënia e kredisë së butë për marrje apartamentesh.

Referuar vendimit, në 6 qershor, rreth orës 08:30, Eltoni e ka marrë në telefon dhe i ka kërkuar të paguante 200 mijë lekë, si dhe dy këste kredie në total 24.000 dhe 6000 lekë siguracion jete. Pasi siguroi paratë, po këtë datë së bashku me bashkëshortin G.B. kanë shkuar përballë dy Kullave Binjake, në afërsi të Kryeministrisë.

Aty takuan Eltonin dhe pasi u prezantuan, i dhanë shumën prej 230 mijë lekësh. I pandehuri Elton Tozaj u dha brenda një zarfi shkresën që figuronte e nënshkruar nga ministri, që, sipas tij, ishte fotokopje me ngjyra, pasi origjinali ndodhej në protokollin e Ministrisë së Brendshme.

Pasi u larguan dhe hapën zarfin, G.B., ka dyshuar se ajo mund të ishte e falsifikuar. Në të njëjtën ditë, bashkë me bashkëshorten ai ka takuar Tozajn në një lokal në Rrugën e Kavajës. Tozaj i është prezantuar si këshilltar i ministrit të Brendshëm dhe këshilltar i jashtëm i kryetarit të Bashkisë Tiranë.

Katër ditë më vonë, Tozaj u ka telefonuar dhe i ka kërkuar që duhej të paguante dhe 150 mijë lekë për siguracion. Duke pasur disa dyshime, G.B. i kërkoi që t’i kthente paratë, por ai nuk pranoi.

Kanë biseduar përsëri, por ai i ka gënjyer për kredinë dhe banesën. Më datë 15.06.2016, ky shtetas ka lëshuar një deklaratë noteriale për njohje detyrimi, ku ka pranuar se i ka marrë shtetases B.L. 650 mijë lekë. Të njëjtat fakte rezultojnë edhe nga kallëzimi i shtetases E.H.
Sipas vendimit, biznesmeni K.L., administrator i një shoqërie tregtare, ka kallë- zuar Tozajn për marrjen e një sasie të hollash në shumën 7 mijë dollarë amerikanë, 35 mijë lekë dhe 5 mijë euro, për të marrë me qira ambientin e njohur si “Vila 31”, në zonën e ish-Bllokut, Tiranë.

Kjo shumë i është marrë me pretendimin se do t’i siguronte me qira ambientin e njohur si “Vila 31”, me sipërfaqe prej 1250 m², kundrejt vlerës 3 dollarë për çdo m². Ky objekt është në pronësi të shtetit dhe për të vijuar procedurën, kallë- zuesi, duke i besuar shtetasit Elton Tozaj, e ka autorizuar atë me një prokurë për të ndjekur të gjitha procedurat ligjore pranë institucioneve shtetërore, me qëllim marrjen e objektit me qira. Fillimisht i pandehuri Elton Tozaj e ka shoqëruar kallëzuesin që të shohë objektin.

Pas bërjes së prokurës, i pandehuri i ka paraqitur kallëzuesit disa dokumente, me qëllim që kallë- zuesi t’i kalonte në bankë disa shuma të hollash që do të përdoreshin sipas tij për mbylljen e praktikës.

Në periudhën gusht-shtator 2015, kallëzuesi K.L. ka kontaktuar me të pandehurin Elton Tozaj dhe duke qenë se ishin vonuar procedurat e marrjes së ambientit me qira, i ka thënë Eltonit se po e mashtronte, veprim për të cilin është bindur kur ka shkuar vetë në ambientet e objektit “Vila 31” dhe rojat e sigurisë i kanë thënë se nuk kishte të drejtë të qëndronte në këto ambiente.

Kallëzuesi ka shpjeguar se krahas shumave të dhëna të pandehurit për procedurat e qirasë së objektit, i ka dhënë edhe sasi të tjera të hollash, të cilat ia ka kthyer babai i të pandehurit Elton Tozaj, shtetasi M.Tozaj, por pa specifikuar se çfarë shume i është kthyer.

The post Arrestohet ish-banori i “Big Brother” appeared first on Albeu.com.

Ish-konkurrenti i “Big Brother VIP” dhe modeli Kledi Hysa duket se ka nisur një lidhje të re me këngëtaren e moderatoren Evi Reçi.

Ata nuk janë shfaqur krah njëri-tjetrit, por disa postime në Instagram kanë ngritur dyshime.

Në fotot e publikuara prej tyre së fundmi vihet re që kanë qenë në disa vende të përbashkëta në Vlorë.

Pak muaj më parë Kledi konfirmoi përfundimin e marrëdhënies 6-vjeçare me modelen austriake, Khaoula Selmi. Modeli tregoi se u ftohën gjërat nga ana e tij dhe pasi e konsultoi me ish-partneren vendosën të ndaheshin. Ai u shpreh se ndoshta nuk ishte momenti i duhur për tu ndarë, por “kështu e ndjeu”.

“U ftohën gjërat nga ana ime dhe kur isha në Austri i thashë që kjo lidhje nuk ka drejtim, kështu të dy bashkë i dhamë fund. Ishte pak e dhimbshme sepse janë 6 vite, por ka 2 vite që nuk kisha mundësi të bëja hapin që duhej, të krijoja një familje dhe të shkoja drejt martesës. Dhe nëse nuk e doja këtë me një person që kisha 6 vite, atëherë kur do ndodhte. Është ndarja e dytë, sepse kam pasur dy lidhje të gjata. E kam të vështirë dhe nuk ndodhi diçka konkrete, momenti nuk ishte i duhur por kështu e ndjeva dhe kështu vendosa”, u shpreh ai në “RTV Ora”.

The post Ish banori i BBV me moderatoren e njohur? Fotot që ngrenë dyshime mbi “çiftin e ri” (FOTO) appeared first on Albeu.com.