Bardhi ka ndarë detaje nga takimi.

Gjithashtu, Bardhi thekson se ka informuar zonjën Santos, për përpjekjet e opozitës që Shqipëria të ketë një Parlament funksional.

Ndër të tjera, Bardhi shkruan se e ka informuar Santos për bllokimin e Reformës Zgjedhore dhe nevojën që ka Shqipëria si vend kandidat, për në BE që të zhvillojë zgjedhje të lira.

Postimi i Bardhit:

“Znj. Isabel Santos, raportere për Shqipërinë në Parlamentin Europian, e informova për përpjekjet e opozitës që Shqipëria të ketë një Parlament funksional, që respekton të drejtat kushtetuese të opozitës, lejon kontrollin efektiv ndaj Qeverisë, dhe që punon në interes të qytetarëve. Moszbatimi nga Kuvendi i vendimeve të Gjykatës Kushtetutese është minim i parimeve të shtetit ligjor dhe akti më brutal antikushtetues i ndodhur në 33 vite. Mazhoranca duhet të heq dorë nga tentativa për të kontrolluar politikisht institucionet e drejtësisë dhe nga çdo përpjekje për të ndërhyrë në punët e organeve të drejtësisë.

Gjithashtu, e informova për bllokimin 2 vjeçar të Reformës Zgjedhore nga mazhoranca dhe nevojën që ka Shqipëria, si vend kandidat për anëtar të BE, që të realizojë zgjedhje të lira dhe të ndershme vitin e ardhshëm. E sigurova se për opozitën përmbushja e rekomandimeve të OSBE/ODIHR, garancitë për barazi të palëve në zgjedhje, dhe zbatimi i vendimeve të Gjykatës Kushtetuese, janë një prioritet jo vetëm i shpallur, por pikënisja e një reforme kuptimplotë zgjedhore, që duhet përmbyllur sa më parë në kohë”, shkruan Bardhi.

The post Bardhi takon raporteren për Shqipërinë në PE, zbardh detaje nga biseda appeared first on Albeu.com.

Eurodeputetët mirëpresin angazhimin e vendosur të Shqipërisë për anëtarësimin në BE, duke vënë në dukje se ai është rezultat i konsensusit midis partive politike dhe mbështetjes dërrmuese midis qytetarëve, në një raport të miratuar të enjten.

Partner i besueshëm i politikës së jashtme

Shqipëria është një partner i besueshëm i politikës së jashtme dhe mbetet një aleat i rëndësishëm gjeopolitik falë përpjekjeve të saj për të promovuar bashkëpunimin rajonal dhe marrëdhëniet e fqinjësisë së mirë, thuhet në raport.
Eurodeputetët mirëpresin faktin që qeveria ka ruajtur fokusin e saj në reformat në lidhje me BE-në, ka forcuar strukturën e saj për koordinimin e integrimit evropian dhe rolin e parlamentit në këtë proces duke amenduar ligjin përkatës dhe u kërkon vendimmarrësve të punojnë së bashku për të përmbushur kriteret e anëtarësimit deri në vitin 2030.

Avancimi i agjendës së reformave të BE-së

Eurodeputetët i bëjnë thirrje qeverisë të shtojë përpjekjet e saj për të forcuar sundimin e ligjit, drejtësinë dhe luftën kundër korrupsionit dhe krimit të organizuar. Ai duhet të garantojë lirinë e medias, të fuqizojë shoqërinë civile, të garantojë të drejtat themelore dhe të drejtat e pakicave, duke përfshirë komunitetin LGBTI+, si dhe të forcojë bashkëpunimin e saj me institucionet e BE-së. Raporti thekson se qeveria duhet të avancojë më tej axhendën e reformave të BE-së në bashkëpunim me opozita dhe të gjitha shtresat e shoqërisë.

Raporti u miratua me 536 vota pro, 54 kundër dhe 32 abstenime.

Deklarata

Raportuesja Isabel Santos tha: “Shqipëria ka treguar një angazhim të thellë ndaj procesit të integrimit duke zbatuar reforma të vështira. Rezultati i votimit të sotëm dëshmon se Parlamenti Europian i njeh këto përpjekje dhe se Shqipëria është plotësisht në përputhje me Politikën e Përbashkët të Jashtme dhe të Sigurisë të BE-së. Ajo njeh vlerën që vendi ka treguar në rrugën e tij drejt anëtarësimit në BE”.

RAPORTI I PLOTË

/Albeu.com/

The post PE miraton raportin për Shqipërinë: Të përmbushen kushtet e anëtarësimit në BE deri në 2030 appeared first on Albeu.com.

“Në relacionin e komisionit për vitet 2019-2020 është bërë i qartë rekomandimi për hapjen e konferencës së parë ndërqeveritare. Ne të gjithë e njohim këtë pikë, që është e nevojshme të procedohet për mbajtjen e konferencës së parë. Tani kemi arritur pothuajse në mesin e vitit 2022 dhe Shqipëria vazhdon të presë. Por vendi nuk ka ndenjur me duart kryq, ka vazhduar të përparojë në rrugën drejt integrimit evropian. Konferenca e parë duhet të mbahet deri në fund të presidencës franceze të këshillit. Është e qartë që Shqipëria dhe Maqedonia e Veriut duhet të bëjnë një rrugë të gjatë në procesin e reformave. Por kushtet për të mbajtur konferencën e parë janë respektuar dhe procesi për Shqipërinë nuk duhet të jetë objekt i diskutimeve paralele, duhet të shkojë përpara”, tha Santos.

The post Integrimi në BE, Santos: Të caktohet data për konferencën e parë, Shqipëria nuk ka ndenjur duarkryq appeared first on Albeu.com.

Në intervistën dhënë për gazetaren Zykaj, Santos është shprehur se Parlamenti Europian thotë me një zë, se Shqipëria është gati për hapjen zyrtare të negociatave të anëtarësimit në Bashkimin Europian dhe duhet fiksuar një datë për mbajtën e konferencës së parë ndërqeveritare.

Ajo thekson se raporti i saj ka rekomandime specifike për reformat kyçe për përmirësimin e procesit demokratik në vend, luftës kundër korrupsionit dhe të drejtat themelore.

Intervista e plotë:

Zykaj: A mund të themi që këtë radhë të gjitha grupet politike në Parlamentin Europian janë në favor të hapjes zyrtare të negociatave të anëtarësimit, ndryshe nga vitet e shkuara, kur kërkohej përmbushja e 15 kushteve nga Shqipëria ?

Isabel Santos: Po, ne themi qartësisht, që Shqipëria përmbush kushtet për mbajtjen e konferencës së parë ndërqeveritare dhe i bëjmë thirrje Këshillit të ministrave të Bashkimit Europian të fiksojë një datë për këtë konferencë shumë shpejt. Raporti për Shqipërinë është aprovuar nga një shumicë e gjerë deputetësh Europianë: 66 vota pro, 3 kundër, 4 abstenime. Bashkimi Europian duhet të kuptojë gjithashtu rrezikun dhe sfidat që i kanosen rajonit të Ballkanit Perëndimor nga lufta në Ukrainë dhe duhet t’i përmbahet angazhimit për t’u zgjeruar me rajonin.

Zykaj: Ju keni qenë në mision faktmbledhës në Shqipëri në 2021 dhe keni nënvizuar rëndësinë e dialogut politik. A ka përmirësim sipas jush?

Isabel Santos: Shoh që ka përmirësim tani që opozita është kthyer në Kuvend me partitë që duhet të negociojnë për të zgjidhur çështje të rëndësishme në vend. Gjithashtu procesi legjislativ vijon. Thënë kjo, unë e pranoj, që duhet përmirësuar dialogu politik. Kjo nuk ndodh brenda ditës, por kërkon kohë, pasi bëhet fjalë për ndërtimin e një kulture të re politike.

Zykaj: Në kompromiset politike bëhet thirrje për të evituar shitblerjen e votës në zgjedhjet e ardhshme. A mund të imagjinohet Shqipëria me problem të shitblerjes së votës në zgjedhjet e 2025 ?

Isabel Santos: Jam e sigurtë, që kjo nuk do të ndodhë, do të ketë përmirësime me ligjin e ri elektoral. E di që partitë politike po diskutojnë mbi përmirësimin e ligjit elektoral dhe besoj, se hapi i radhës do të jetë i rëndësishëm për të ofruar një proces demokratik më të mirë. Ne i kushtojmë gjithashtu vëmendje problematikës së medias dhe jam e sigurtë, që rekomandimet e këtij raporti do të merren në konsideratë nga autoritet shqiptare. Ka një ndryshim të rëndësishëm dhe pozitiv në reformën në drejtësi që reflektohet dhe me aprovimin e zgjatjes së mandatit të organeve të Vetting. Shqipëria ka probleme specifike për luftën kundër korrupsionit. Ndaj, kemi bërë rekomandime të nevojshme për të ecur përpara, përfshirë këtu me dënimet finale për korrupsionin e zyrtarëve të lartë, nëse drejtësia e gjykon të tillë. Lidhur me sanksionet e SHBA-ve për Ballkanin Perëndimor, ne themi që jemi dakord me to dhe shohim si mundësi që të kemi të njëjtën qasje./albeu.com

The post Isabel Santos: Shqipëria gati për hapjen e negociatave, duhet fiksuar data për konferencën ndërqeveritare appeared first on Albeu.com.