irlanda e veriut Archives - Albeu.com

Irlanda e Veriut, Suedia dhe Maqedonia e Veriut, në vazot e shortit janë fantazmat e së kaluarës së Italisë

M C — Wed, 19 Nov 2025 22:33:08 +0000

Vendi i dytë në kualifikueset e Botërorit 2026 pas Norvegjisë detyron Italinë që të luajë në dy raunde playoffi, një gjysmëfinale ku do të përballet me një skuadër të vazos së katërt dhe një finale ku do të ketë përballë nga nga fitueset në sfidat mes skuadrave të vazos së dytë dhe atyre të tretë.

Duke parë precendentët, te Italia shfaqen në horizont disa rreziqe dhe disa fantazma të së kaluarës si Maqedonia e Veriut, Suedia dhe Irlanda e Veriut. Deri në dështimet në dy botërorët e fundit, hera e vetmë që Italia nuk u kualifikua në shekullin e kaluar ka qenë në vitin 1958. Në atë kohë Italia u desh të luajë kualifikimin për në Botërorin e Suedisë me sfidën ndaj Irlandës së Veriut në Belfast. Ishte 15 janari i 1958 kur Të Kaltrit vizituan Windsor Park për ndeshjen me Irlandezoveriorët me dy rezultate në dispozicion me këta të fundit që fituan këtë ndeshje që kujtohet si disfata e Belfastit

Pas 60 vitesh, Italia ngeli sërish pa Botëror në 2018. Këtë radhë ishte Suedia ajo që i eliminoi Të Kaltrit pas sfidës së dyfishtë të luajtuar në 10 dhe 13 nëntor të 2017. Ishte Italia e Venturës që i nisi kualifkueset me entuziazëm, por pas humbjes 3-0 ndaj Spanjës dhe barazimit në shtëpi ndaj Maqedonisë, skuadra humbi besimin. Në ndeshjen e zhvilluar ne Stockholm, Italia humbi 1-0 pas një gjuajtje të Jakob Johansson që u devijua nga De Rossi dhe nuk mund të pritej. Në San Siro pritej përmbysja, por Italia u limitua me një sëre krosimesh të larta që largoheshin me lehtësi nga suedezët. Emblematik ishte momenti kur De Rossi, në stol këtë radhë, diskutoi me një anëtar të stafit që i kishte thënë të cohej e të bënte nxemjen: ‘Po unë për cfarë të hyj? Duhet të fitojmë, jo të barazojmë’ duke treguar Insignen. Por hyrja e futbollistit të Napolit në atë kohë, nuk shërbeu Italisë për të evituar dështimin.

Por eliminimi më i bujshëm i Italisë ishte ai i 2022 dhe kjo për shkak të nivelit të kundërshtarit. Të Kaltrit e Mancinit ishin kampionët në fuqi të Evropës, por në fazën e grupeve u renditën pas Zvicrës për shkak të dy penalltive të humbura nga Jorginho në ndeshjet direkte. Kështu Italia shkoi në playoff që kishte të njëjtën formulë me atë që do të jetë në mars. Në rrugën e Të Kaltërve u shfaq Maqedonia e Veriut dhe më pas do të ishte Turqia ose Portugalia. Por Italia as nuk e arriti finalen. Në 24 mars të 2022, në Palermo, loja e bukur që Italia zhvilloi në Evropian ishte vetëm një kujtim i zbehtë. Të Kaltrit sulmuan, shpërdoruan shumë, por u ndëshkuan nga Trajkovski në minutat shtesë me ish sulmuesin e Palermos që gjuajti nga 20 m duke befasuar Donnarummën me Italinë që bëri një figurë të shëmtuar.

The post Irlanda e Veriut, Suedia dhe Maqedonia e Veriut, në vazot e shortit janë fantazmat e së kaluarës së Italisë appeared first on Albeu.com.

Atentat ndaj Biden? Gjenden katër bomba në Irlandën e Veriut para vizitës së Presidentit amerikan

Xh — Tue, 11 Apr 2023 18:21:56 +0000

Katër bomba janë gjetur ditën e sotme në një varrezë në Derry, afër Belfast në Irlandën e Veriut, aty ku presidenti Biden kishte planifikuar të zhvillonte një vizitë udhëtim për të shënuar 25 vjetorin e Marrëveshjes të së Premtes së Mirë.

Një oficer i lartë i Shërbimit Policor të Irlandës së Veriut (PSNI) e përshkroi situatën si një zhvillim shqetësues, ndërsa oficerët që po kontrollonin vendin të martën u sulmuan me bomba benzine dhe predha të tjera.

Varrezat e qytetit Derry në Creggan ishin të mbyllura për vizitorët për pjesën më të madhe të së martës pasi ajo që dyshohet të jetë një bombë me tub u gjet në orën 6:30 të mëngjesit.

Policia nisi një kërkim me ndihmën e oficerëve të asgjësimit të bombave dhe zbuloi tre pajisje të ngjashme brenda perimetrit.

Bombat e dyshuara u gjetën një ditë pasi republikanët u mblodhën në varreza për të përkujtuar Ngritjen e Pashkëve të Prillit 1916.

Para ngjarjes në parcelën republikane në varreza, pati skena “lufte” në zonën e Creggan ku një numër raketash, duke përfshirë bomba benzine, u hodhën nga të rinjtë në një Land Rover të policisë që monitoronte paradën para-përkujtimore.

Ndihmës shefi i policisë së PSNI Bobby Singleton tha se zbulimi i bombave me tuba ishte një “zhvillim i keq dhe shqetësues”./Albeu.com/

The post Atentat ndaj Biden? Gjenden katër bomba në Irlandën e Veriut para vizitës së Presidentit amerikan appeared first on Albeu.com.

Irlanda e Veriut barazon Kosovën, gabimi në mbrojtje kushtoi shumë (VIDEO)

admin — Sat, 24 Sep 2022 17:43:56 +0000

Irlanda e Veriut ka arritur të barazojë rezultatin ndaj Kosovës.

Pas një kundërsulmi dhe një gabimi në mbrojtjen e Kosovës, Lavery dërgoi një pasim në minutën e 82 në drejtim të Whyte i cili me portën e boshatisur shënoi golin e barazimit./h.ll/albeu.com

The post Irlanda e Veriut barazon Kosovën, gabimi në mbrojtje kushtoi shumë (VIDEO) appeared first on Albeu.com.

Nations League/ Formacionet zyrtare të Irlandës së Veriut dhe Kosovës

admin — Sat, 24 Sep 2022 14:51:09 +0000

Një përfundim nervoz e pret Irlandën e Veriut në Ligën e Kombeve të UEFA-s (UNL) 2022/23, pas një ecurie pa fitore në Grupin C2 që i detyron ata të luftojnë për të shmangur ndeshjen Play Out. Kjo është nëse ata nuk mund të marrin një rezultat pozitiv këtu kundër Kosovës, gjë që së paku do t’i vendosë njerëzit e Ian Baraclough në krye të fatit të tyre duke shkuar në ndeshjen e fundit, edhe pse ata humbën ndeshjen e kundërt 3-2.

Kosova mund ta konsiderojë veten shumë të sigurt, pasi ka fituar gjysmën e ndeshjeve të saj këtë sezon të Ligës së Kombeve, që do të thotë se çdo rezultat pozitiv kundër Irlandës së Veriut ose Qipros në ndeshjen e tyre të fundit do t’i shohë ato të ruajnë statusin e tyre në Ligën C. / h.ll/albeu.com

The post Nations League/ Formacionet zyrtare të Irlandës së Veriut dhe Kosovës appeared first on Albeu.com.

Irlanda e Veriut merr vendimin në shenjë respekti për vdekjen e Elizabeth II, shtyhen të gjitha ndeshjet

admin — Fri, 09 Sep 2022 12:10:05 +0000

Edhe Federata e Futbollit të Irlandës së Veriut, pas asaj angleze, ka vendosur të shtyjë të gjitha ndeshjet e planifikuara për në fundjavë në shenjë respekti për vedkjen e Mbretëreshës Elizabeth II. “Në shenjë respekti pas vdekjes së Madhërisë së Saj Mbretëreshës Elizabeth II, ndeshjet e kësaj fundjave të të gjitha ekipeve të futbollit të [...]