By Irena Beqiraj

TEARS of joy began streaming down my face without warning, like a raging river with no return, when I heard that 30 countries were on the list of those waiting to purchase military equipment from the Albanian company…

But, as with every moment of happiness, the joy lasted only a few seconds and ended as soon as I heard that the World Bank, a financial institution, had also apparently joined the queue to buy military equipment manufactured in Albania.

Strange?

But strange occurrences in this country no longer last three days, only three minutes, until you read an article by Klod Tomorri explaining that, over five months, the company had a gross payroll of 5.8 million lek, or around 61,000 euros. In other words, this miracle of military equipment production has an average of 14 employees earning a gross salary of around 860 euros.

It could even have had only five workers because we live in the age of robotics, meaning its success should have been found in the technology or machinery used in production, which is listed under non-current assets.

On the balance sheet, at the end of 2025, the company’s fixed non-current assets amounted to 146,000 lek, or 1,500 euros. So even the World Bank, which has no need for military equipment, is waiting in line to buy military equipment from a company with 14 workers and machinery that costs less than an Asko espresso machine! I started crying again, but this time not from happiness, but out of pity at how this man ended up like this?!

The post VIDEO/ How Did This Man End Up Like This?! appeared first on Albeu.com.

NGA lumturia lotët më rrodhën pa paralajmërim, si lumë i rrëmbyer e pa kthim, kur dëgjova se 30 vende janë në listën e vendeve që po presin të blejnë mjete ushtarake nga kompania shqiptare ……

Por si çdo moment lumturie që ka filluar të zgjasë vetëm disa sekonda gazmendi ndali sapo degjova që edhe Banka Botërore një Institucion Financiar paskërka zënë rradhën të blejë mjete ushtarake të prodhuara në Shqipëri.

Çudi?

Por çuditë në këtë vend nuk zgjasin më 3 ditë por vëtëm 3 minuta, sapo lexon një artikull të Klod Tomorrit që shpjegon se për 5 muaj kompania ka patur një fond bruto pagash prej 5.8 milionë lekësh ose rreth 61 mijë euro. Pra mrekullia e prodhimit të mjeteve ushtarake ka mesatarisht 14 punonjës që marrin një pagë bruto prej rreth 860 eurosh.

Mund të ndodhë të kishte edhe vetëm 5 puntorë sepse jetojmë në kohën e robotikës ndaj suksesi duhej kërkuar tek teknologjia ose makineritë e përdorura në prodhim, të cilat gjenden tek aktivet afatgjata.

Në bilanc, në fund të vitit 2025 aktivet afatgjata të qëndrueshme të kompanisë rezultonin 146 mijë lekë ose 1 mijë e 500 euro. Pra edhe Banka Botërore që nuk ka nevojë për mjete ushtarake po pret në radhë të blejë mjete ushtarake nga një kompani që ka 14 punëtorë edhe makineri që kushtojnë më pak se një ekspres kafeje Asko !
Fillova prap të qaj , por këtë herë jo nga lumturia por nga keqardhja sesi u katandis kështu ky burrë ?!

The post VIDEO/ Si u katandis kështu ky burrë?! appeared first on Albeu.com.

Sot rrjeti ishte mbushur me një sekuencë të intervistës së deputetes Xhaçka, në të cilën ajo shprehej se “plazhi i është dhënë bashkeshortit të saj kundrejt tarifës, me qëllimin që të mos vijnë ato nga mali edhe të ngulin çadrën pasi investimi ka qëllimin ekselent të ofrojë turizëm cilësor”!

Sinqeriteti i Oltës është çarmatosës. Me fjalinë e mësipërme ajo ka konfirmuar se qeveria socialiste me vizionin e saj ka varrosur dhimbshëm njëherë e mirë axhendën progresive socialiste, e cila ka në themel “mirëqënien e banorit lokal nga mali”.

Turizmi që duhet të zhvillonin socialistët, duhet të ishte mjeti për rritjen e mirëqënies pikërisht “të banorit lokal nga mali” edhe jo të ushqente kaq hapur plagën e diskriminimit, fanatizmit dhe përjashtimin. Ne si vend mund të përparojmë vetëm nëse ka prosperitet të përbashkët.

Unë nuk jam e majtë denbabaden e nuk vij nga një familje socialiste si zonja Xhaçka. Unë jam e majtë sepse jam ekonomiste. Në ekonomi mësova se për të përcaktuar qëllimet e së ardhmes, duhet të studiojmë të tashmen në dritën e së shkuarës edhe se asnjë pjesë e natyrës së njeriut ose e institucioneve të ndërtuara prej tij nuk duhet të jetë jashtë vëmendjes tonë kur hartojmë politikat ekonomike.

Edhe ishin pikërisht studimet në ekonomi ato që më bindën se ideologjia , ku investitori strategjik përpiqet të fitojë më shumë, edhe duke mos lejuar “vendaliun nga mali” të vendos çadrën ishte e gabuar; Besimi pothuajse fetar në fuqinë e investimeve të ekselencës siç e quajti deputetja investimin e bashkëshortit — edhe aq më tepër mbështetja e pakufizuar qeveritare për disa investitorë – nuk ka baza as teorike e as praktike në ofrimin e prosperitetit ekonomik të vendit.

Sot, përtej pabarazisë ekonomike midis investitorit strategjik edhe dhërmiotëve apo himariotëve nga mali, realiteti ekonomik i “kapitalizmit së kurorës” që po përcjellim çdo ditë ka braktisur me kohë çdo logjikë ekonomike, duke ushqyer një pabarazi ektreme shoqërore edhe relacionale .

Nuk di sa duar do të duhet të puthin e sa tallava do të duhet të kërcejë në kohë zgjedhjesh Rama& Co për të zhbërë sinqeritetin e znj. Xhaçka, e cila tregoi në një fjali të thjeshtë, spontane, pa shume stërholllime se si në të vertetë brenda mendjes se tyre qeveritarët socialistë i shikojnë e trajtojnë “shqiptarët nga mali”.

Ajo fjali shkallmoi dje çdo propagandë!

Ajo fjali vlen më shumë se 1000 analiza kritike që një e “majtë e bërë nga librat” si unë i ka bërë qeverive socialiste këto 8 vjet!

The post Sinqeriteti i zonjës Xhaçka! appeared first on Albeu.com.

Sot në një konferencë shtypi qeveria na i rikujtoi që mali i Shpiragut ndodhet në Shqipëri edhe është pronë e shqiptarëve . Na tha gjithashtu, se me thesarin e zbuluar nga SHELL vetëm “qielli është limiti” duke perdorur kështu një sinomim elegant të shprehjes “do të hamë me lugë floriri”.

Edhe pse e velur nga konferencat e qeverisë , mendoj që prap ato mungojnë. Mungojnë konferencat ku qeveria të arsyetojë rezultatet , arritjen pse jo edhe mos arritjet e objektivave të vendosura nga ajo vet.

Përshembull, ca gojë të liga thonë që Air Albania ka krijuar “një gropë” ku gjithë kapitali i vendosur nga shteti po gllabërohet nga humbjet. Por nga qeveria askushnuk flet më për Air Albania-n .

Ca gojë edhe ” më të liga” akoma duan të thonë që Kompania e Investimeve Strategjike , ( e pagëzuar si ” Kërpërata” është një dështim, s’ka bërë asnjë lek punë edhe do të mbyllet . Edhe qeveria ende pa ju mbyllur mirë “plagët e luftës parlamentare” në mbrojtje të saj , as emrin nuk ja e zë më në gojë !

Shtohet afati i koncensionit të markimit , “si dhuratë për sekserin turk të kryeministrit”, thone ca ” njerëz të kqinj ” , por sërisht asnjë argumentim nga qeveria , nëse kjo është e vertetë. Nëse po, pse u morr ky vendim? E ndërsa pas 10 vjetesh operim qeveria duhet të prezantonte ca matje sesi ndikoi markimi në mirë administrimin e të ardhurave, edhe cfarë mësimësh nxorri qeveria nga kjo eksperiencë .

Asnjë matje e dedikuar nuk gjendet për arritjet e ekonomisë prej investimeve strategjike , prej fondeve e start up-it, fondeve të buqësisë etj . Asnjë informacion mbi monitorimin edhe implementimin e kontratave të parneritetit publik privat.

Ministret e qeverisë në daljet publike më shumë se përgjegjëse për politikat publike ngjasojnë me kryeinxhinierët e kantjereve të ndërtimit , apo me bamirëset zemër gjera që më paratë e tyre ndërtojnë rrugë spitale apo tunele . Ka edhe ministre që dashurojnë të duken si punonjese të shoqatave vullnetare në shërbim të komunitetit.

Kur nevojitet të flasin me argumente , me matje edhe pa pasion heshtin , ndrësa kur nuk ka asgjë për të thenë, bëhen konferenca shtypi.

Ndaj edhe opinioni publik është transformuar në një “lesh-punuese” masive, ku tirren perceptime, ku nuk shpëton njëri, e nuk do të na shpëtojë askush. Arkitektja edhe furnizuesja kryesore me lendë e parë i këtij transformimi fatkeqësisht është qeveria.

The post Air Albania drejt kolapsit, po ha të gjithë kapitalin e shetit shqiptar appeared first on Albeu.com.

Mirelë! Dil pastro e siguro plazhet nga gjallesat me dy këmbë !

Për një njeri që noton 2 km cdo ditë si unë, skafet motorrët e ujit janë bërë jo vetëm të padurueshëm por edhe të frikshëm .

Jo vetëm që nuk dinë ti përdorin , por e kanë kaq të vështirë të mbajnë distancat nga zona e rrethuar , madje aty bëjnë spektakël manovrash, sa të bejnë të mendosh se kutinë midis dy vesheve e kanë krejt bosh . As shohin, as mendojnë, për të dëgjuar jo e jo .

Liria e tyre për të lëvizur të motorizuar në ujë, duhet të marrë fund për sa kohe nuk e kemi kulturën e respektimit të lirisë së tjetrit !

I NDALONI NJE HERE E MIRE !

Fotoja flet vet !! Pasi i ka vrarë fëmijen ngre edhe duart drejt babait!

E DASHUR MINISTRE E TURIZMIT ! Me plehra jemi mësuar , cdo vit e pastrojmë vetë plazhin , mos hajde e mos u lodh të heqesh asnjë qese ! Por këtij tipit edhe shokëve të tij që jo fare cuditërisht kanë të gjithë këtë tipologji e fizionomi, nuk ua dalim dot , aq me tepër kur janë edhe pjesë e policisë “që duam “.

Bashkë me kolegë e me shefin , dil e na i pastro e siguro plazhet nga gjallesat me dy kembë !

The post Mirelë! Dil pastro e siguro plazhet nga gjallesat me dy këmbë! appeared first on Albeu.com.