Sipas raportimeve të New York Times, vendimi i Teheranit erdhi pas përpjekjeve të vazhdueshme të Islamabadit dhe thirrjes së Pekinit për fleksibilitet, në funksion të uljes së tensioneve në rajon.

Sipas tre zyrtarëve iranianë, armëpushimi është miratuar nga lideri i ri suprem, Mojtaba Khamenei.

Negociata dyjavore në Islamabad

Sekretariati i Këshillit të Lartë të Sigurisë Kombëtare të Iranit bëri të ditur se Teherani do të marrë pjesë në bisedime me palën amerikane në Islamabad për një periudhë dyjavore, bazuar ekskluzivisht në një plan me 10 pika.

Negociatat pritet të nisin të premten, më 11 prill, dhe mund të zgjaten me marrëveshje të përbashkët mes palëve.

Autoritetet iraniane theksojnë se pjesëmarrja në bisedime nuk nënkupton automatikisht përfundimin e luftës, duke nënvizuar se një marrëveshje finale do të arrihet vetëm pasi të përcaktohen të gjitha detajet.

Gjithashtu, theksohet se procesi zhvillohet në kushte mosbesimi ndaj palës amerikane, ndërsa u bëhet thirrje qytetarëve për unitet kombëtar gjatë kësaj periudhe kritike.

Plani me 10 pika, baza e negociatave

Irani pretendon se SHBA ka pranuar planin me 10 pika si bazë për negociata. Kushtet kryesore përfshijnë:

1-Angazhim për mosagresion

2-Kontrollin iranian mbi Ngushticën e Hormuzit

3-Njohjen e programit të pasurimit të uraniumit

4-Heqjen e të gjitha sanksioneve  primare

5- Heqjen e të gjitha sanksioneve  sekondare

6-Shfuqizimin e rezolutave të  Këshillit të Sigurimit të OKB-së

7- Ndërprerja e të gjitha vendimeve të Bordit

8-Pagesën e kompensimeve ndaj Iranit

9-Tërheqjen e forcave amerikane nga rajoni

10-Ndërprerjen e luftimeve në të gjitha frontet, përfshirë Libanin

Presidenti i SHBA-së Donald Trump e ka përshkruar planin si një “bazë pune” për një marrëveshje.

Në të njëjtën kohë, Ministria e Jashtme iraniane, deklaroi se nëse ndalen sulmet kundër vendit, forcat e armatosura iraniane do të ndalojnë operacionet e tyre mbrojtëse.

Për periudhën dyjavore, kalimi i sigurt nëpër Ngushticën e Hormuzit, do të kryhet në koordinim me forcat e armatosura iraniane dhe duke marrë parasysh kufizimet teknike.

The post Armëpushimi dy javor, Irani nis bisedimet me SHBA! Çfarë parashikon plani i paqes me 10 pika për Ngushticën e Hormuzit appeared first on Albeu.com.

Trump deklaroi se ushtria amerikane “nuk ka filluar ende të shkatërrojë atë që ka mbetur në Iran”, duke shtuar se objektivat e radhës mund të jenë infrastruktura kritike e vendit.

“Ushtria jonë, më e madhja dhe më e fuqishmja kudo në botë, nuk ka filluar ende të shkatërrojë atë që ka mbetur në Iran. Më pas vijnë urat, më pas centralet elektrike. Udhëheqja e re e regjimit e di se çfarë duhet bërë dhe duhet bërë shpejt!”, shkroi ai.

The post Trump kërcënon përsëri Iranin me sulme ndaj infrastrukturës: Regjimi i ri e di çfarë duhet bërë dhe duhet ta bëjë shpejt appeared first on Albeu.com.

Tensionet janë rritur ndjeshëm, pasi Irani ka ndalur pothuajse plotësisht lëvizjen e naftës në këtë korridor strategjik, pas sulmeve të SHBA-së dhe Izraelit të kryera dhjetë ditë më parë.

Si pasojë e situatës, çmimet e naftës në tregjet ndërkombëtare kanë arritur nivelin më të lartë të katër viteve të fundit.

Gjatë një deklarate për mediat në Florida të hënën, Trump paralajmëroi se Irani do të përballet me goditje të tjera nëse vazhdon të pengojë transportin e naftës.

Ai e përforcoi këtë mesazh edhe përmes një postimi në rrjetin social Truth Social, ku deklaroi se Shtetet e Bashkuara do ta godasin Iranin “njëzet herë më fort” se deri më tani.

“Nëse Irani bën diçka që ndalon rrjedhën e naftës në Ngushticën e Hormuzit, ai do të goditet nga Shtetet e Bashkuara njëzet herë më fort se sa është goditur deri tani. Do të shkatërrojmë objektiva që mund të eliminohen lehtësisht dhe që do ta bëjnë praktikisht të pamundur rindërtimin e Iranit si shtet. Vdekje, zjarr dhe tërbim do të bien mbi ta, por shpresoj dhe lutem që kjo të mos ndodhë”, shkroi Trump.

Ai shtoi gjithashtu se mbajtja e hapur e rrugës së transportit në Hormuz është një “dhuratë nga SHBA për Kinën dhe vendet e tjera që varen shumë nga kjo rrugë për furnizimin me naftë”.

Nga ana tjetër, Garda Revolucionare iraniane ka deklaruar se vendet arabe dhe ato evropiane do të lejohen të kalojnë nëpër ngushticë duke filluar nga e marta, por vetëm nëse ato dëbojnë ambasadorët e SHBA-së dhe Izraelit nga territori i tyre.

The post Trump kërcënon Iranin: Do t’i godasim 20 herë më fort nëse bllokohet rruga e naftës në Hormuz appeared first on Albeu.com.

Ndërkohë, mediat iraniane raportuan për shpërthime në Teheran. Sipas pamjeve të publikuara, re të dendura tymi janë parë mbi zona të ndryshme të kryeqytetit iranian. Deri më tani, autoritetet nuk kanë dhënë një sqarim zyrtar mbi shkakun e shpërthimeve.

Sirenat e alarmit kanë rënë në disa zona të Izraelit, ndërsa familje të shumta janë drejtuar drejt strehimoreve për t’u mbrojtur nga një sulm i mundshëm me raketa.

Forcat e Mbrojtjes së Izraelit (IDF) konfirmuan se operacioni u ndërmor si masë parandaluese, ndërsa u bënë thirrje qytetarëve të përgatiten për mundësinë e hakmarrjes nga Irani.

Footage from East Tehran#Iran #Tehran #Israel pic.twitter.com/K9lnMIXtF7

— ~Yuvi✨ (@GamerBoy123012) February 28, 2026

Sipas The Jerusalem Post, në një paralajmërim kombëtar IDF deklaruan: “Kjo është një njoftim paraprak me qëllim përgatitjen e publikut për mundësinë e lëshimit të raketave drejt Shtetit të Izraelit.”. Situata mbetet në zhvillim, ndërsa komuniteti ndërkombëtar po ndjek me shqetësim përshkallëzimin e fundit mes dy vendeve.

Israel is confirmed to have launched “preemptive strikes” this morning against Iran. pic.twitter.com/KAMo8oldTe

— OSINTdefender (@sentdefender) February 28, 2026

Israel attacks Tehran pic.twitter.com/O4pToFlvR2

— Ali Hashem علي هاشم (@Alihashem) February 28, 2026

The post Izraeli sulmon Iranin, shpërthime në Teheran, shpallet gjendje emergjence (VIDEO) appeared first on Albeu.com.

Presidenti iranian Masoud Pezeshkian, e quajti vendimin “të padrejtë, të padrejtë dhe të paligjshëm” menjëherë pas njoftimit të tij.

Rezoluta, e paraqitur nga Moska dhe Pekini, të cilët janë aleatët më të ngushtë të Iranit midis 15 anëtarëve të këshillit, nuk arriti të sigurojë mbështetjen e nëntë vendeve të nevojshme për të ndaluar serinë e sanksioneve të planifikuara të OKB-së, të cilat do të hyjnë në fuqi të shtunën.

Votimi përfundoi me katër vota pro rezolutës, nëntë vota kundër dhe dy abstenime.

“Shpresonim që kolegët evropianë dhe SHBA-të do të mendoheshin dy herë dhe do të zgjidhnin rrugën e diplomacisë dhe dialogut në vend të shantazhit të tyre, i cili thjesht rezulton në përshkallëzim të situatës në rajon”, tha Dmitry Polyanskiy, zëvendësambasadori rus në OKB.

Pezeshkian, duke folur me gazetarë dhe ekspertë të Iranit në margjinat e Asamblesë së Përgjithshme të OKB-së menjëherë pas votimit, tha se pavarësisht kërcënimeve të mëparshme, Irani nuk do të tërhiqet nga Traktati i Mospërhapjes Bërthamore si Koreja e Veriut, e cila braktisi traktatin në vitin 2003 dhe më pas ndërtoi armë atomike.

Përveç një marrëveshjeje të minutës së fundit, sanksionet — të shkaktuara nga Mbretëria e Bashkuar, Franca dhe Gjermania — do të ngrijnë përsëri asetet iraniane jashtë vendit, do të ndalojnë marrëveshjet e armëve me Teheranin dhe do të penalizojnë çdo zhvillim të programit të raketave balistike të Iranit.

Sanksionet janë hartuar për të shtrënguar më tej ekonominë e vendit në vështirësi dhe synojnë të ushtrojnë presion mbi Iranin drejt tryezës së negociatave.

Ky veprim pritet të rrisë tensionet tashmë të përshkallëzuara midis Iranit dhe Perëndimit.

The post Kina dhe Rusia përpiqen të mbrojnë Iranin nga sanksionet, Këshilli i Sigurimit në OKB hedh poshtë rezolutën appeared first on Albeu.com.

Trump njoftoi për “sukses spektakolar ushtarak” më 21 qershor, duke thënë se bombarduesit amerikanë goditën objektet bërthamore në Fordo, Natanz dhe Esfahan, gjatë një përpjekjeje të përbashkët me Izraelin për të shkatërruar programin bërthamor të Iranit, pasi diplomacia dështoi ta kthente Teheranin në tavolinën e negociatave.

“Të gjithë i kanë dëgjuar këto emra për vite të tëra, teksa ata ndërtuan këtë ndërmarrje jashtëzakonisht shkatërruese”, tha Trump gjatë një fjalimi drejtuar kombit nga Shtëpia e Bardhë.

“Qëllimi ynë ishte shkatërrimi i kapacitetit të Iranit për pasurim të uraniumit dhe ndalimi i kërcënimit bërthamor që paraqet sponsori numër një shtetëror i terrorizmit në botë”.

Trump, i cili vetëm dy ditë më parë tha se do të vendoste “brenda dy javësh” nëse do t’i bashkohej Izraelit në përpjekjet e tij për të shkatërruar objektet bërthamore iraniane, pretendoi se sulmet “shkatërruan plotësisht” objektet kyç të Iranit për pasurim të uraniumit.

“Irani, bullizuesi i Lindjes së Mesme, tani duhet të bëjë paqe. Nëse nuk bën, sulmi i ardhshëm do të jetë shumë më i madh dhe shumë më i lehtë”, tha Trump.

E ardhmja e Iranit, sipas presidentit amerikan, “ose ka paqe ose tragjedi”, duke shtuar se në Iran ka ende shumë caqe që mund të goditen.

“Nëse paqja nuk vjen shpejt, ne do t’i godasim caqet e tjera me precizitet”, tha ai, duke falënderuar ushtrinë izraelite dhe atë amerikane për realizimin e operacionit.

“Shpresoj të mos kemi më nevojë për shërbimet e tyre në këtë kapacitet. Shpresoj shumë”, u shpreh Trump, duke folur nga Shtëpia e Bardhë, teksa prapa tij gjendeshin nënpresidenti JD Vance, sekretari i Shtetit, Marco Rubio dhe ai i Mbrojtjes, Pete Hegseth.

Transmetuesi publik izraelit, KAN, citoi një zyrtar izraelit të ketë thënë se sulmet u kryen në koordinim të plotë me Uashingtonin.

Kryeministri izraelit, Benjamin Netanyahu, e uroi Trumpin për sulmet “e guximshme” të SHBA-së, duke e quajtur sulmin një moment historik që mund ta çojë Lindjen e Mesme drejt paqes.

“Urime president Trump. Vendimi juaj i guximshëm për të goditur objektet bërthamore të Iranit me fuqinë e jashtëzakonshme dhe të drejtë të SHBA-së do ta ndryshojë historinë”, tha Netanyahu përmes një video-adresimi.

“Presidenti Trump dhe unë shpesh themi: paqja vjen përmes forcës. Së pari vjen forca, pastaj paqja”, shtoi ai.

Senatori amerikan, republikani nga Karolina e Jugut, Lindsey Graham, gjithashtu e mirëpriti sulmin.

“Kjo ishte vendimi i duhur. Regjimi e meriton. Të lumtë, president Trump”, shkroi Graham në X.

Por, jo të gjithë e mirëpritën sulmin.

Sekretari i Përgjithshëm i Kombeve të Bashkuara, Antonio Guterres, tha se ishte “thellësisht i alarmuar” nga përshkallëzimi.

“Ekziston një rrezik në rritje që ky konflikt të dalë shpejt jashtë kontrollit, me pasoja katastrofike për civilët, rajonin dhe botën”, tha Guterres.

Vendimi për të goditur Iranin, mund të jetë politikisht i rrezikshëm për Trumpin, i cili fitoi zgjedhjet presidenciale vitin e kaluar me premtimin që të mbajë SHBA-në jashtë konflikteve të huaja.

Disa anëtarë të koalicionit të tij, Ta Bëjmë Amerikën Madhështore Sërish, e kanë këshilluar Trumpin që të mos përfshijë drejtpërdrejt ushtrinë amerikan në sulme ndaj Iranit./ REL

The post Përshkallëzohet konflikti/ SHBA bombardon objektet bërthamore të Iranit appeared first on Albeu.com.

Mediat raportojnë se ka pasur shpërthime në Isfahan, pranë një baze ushtarake. 3 shpërthime janë dëgjuar, ndërsa autoritetet iraniane thonë se kanë rrëzuar të tre dronët e nisur nga Izraeli.

Menjëherë pas sulmit, Teherani aktivizoi sistemin e mbrojtjes ajrore, ndërsa tha se centralet bërthamore janë të sigurta.

Deri më tani nuk raportohet për viktima apo dëme, citojnë mediat shtetërore iraniane një gjeneral ushtrie.

Për shkak të sulmit u pezulluan fluturimet në disa aeroporte, ndërsa tashmë gjendja është kthyer në normalitet.

Fluturimet kanë nisur edhe në aeroportin kryesor të Teheranit, Imam Khomeini.

Aleatët perëndimorë të Izraelit gjatë gjithë javës, veçanërisht SHBA-ja dhe Britania, i kanë kërkuar qeverisë së tij që të mos kryejë një përgjigje të rëndë ndaj sulmit raketor iranian.

The post Izraeli sulmon Iranin, goditet një bazë ushtarake në Isfahan appeared first on Albeu.com.

Në njoftimin e Departamentit amerikan të Thesarit thuhet se në korrik 2022, aktorët e sulmeve kibernetike, me mbështetje e qeverisë së Iranit dhe Ministrisë iraniane të Zbulimit dhe Sigurisë, ndërprenë sistemet kompjuterike të qeverisë shqiptare, duke e detyruar qeverinë të pezullojë shërbimet publike online për qytetarët e saj.

“Sulmi kibernetik i Iranit kundër Shqipërisë shpërfill normat e veprimeve të përgjegjshme shtetërore në kohë paqeje në hapësirën kibernetike, ku përfshihet norma për të mos dëmtuar infrastrukturën kritike që ofron shërbime për publikun,” tha nënsekretari i Thesarit për Terrorizmin dhe Zbulimin Financiar, Brian E. Nelson.

“Ne nuk do të tolerojmë aktivitetet kibernetike gjithnjë e më agresive të Iranit që vënë në shënjestër Shtetet e Bashkuara ose aleatët dhe partnerët tanë.”

Në njoftimin e Departamentit të Thesarit thuhet se që nga viti 2007 kjo ministri ka kryer operacione keqdashëse kibernetike që kanë vënë në shënjestër një numër organizatash qeveritare dhe të sektorit privat në mbarë botën dhe në sektorë të ndryshëm të infrastrukturës kritike.

Si rezultat i përcaktimit të sotëm të Minisrisë dhe Ministrit, Esmail Khatibi të gjitha pronat dhe interesat në pronësi të tyre, që janë nën juridiksionin e Shteteve të Bashkuara bllokohen dhe amerikanëve u ndalohet të hyjnë në transaksione me ta.

Po ashtu, çdo biznes, që zotërohet në masën 50 për qind ose më shumë, nga personat apo entitetet e vëna nën saknsione, gjithashtu do të bllokohet.

Edhe personat jo amerikanë që angazhohen në transaksione të caktuara me këta persona mund të bëhen objekt sanksionesh dhe çdo institucion financiar i huaj që me vetëdije kryen ose lehtëson një transaksion të rëndësishëm për ose në emër të personave të caktuar, mund t’u nënshtrohet sanksioneve nga Shtetet e Bashkuara.

The post Sulmet kibernetike ndaj Shqipërisë, SHBA sanksionon Iranin appeared first on Albeu.com.