Ky vendim vjen pasi Gjermania tërhoqi të hënën stafin e ambasadës së saj nga kryeqyteti irakian, Bagdadi – mes sulmeve SHBA-Izrael ndaj Iranit, të cilat shkaktuan veprime hakmarrëse nga Teherani ndaj Izraelit dhe rajonit më të gjerë të Gjirit.

Erbili është kryeqyteti i rajonit gjysmë-autonom kurd, në Irakun verior dhe është shënjestruar vazhdimisht në konfliktin që filloi më 28 shkurt.

“Stafi diplomatik i vendosur në Erbil u tërhoq dje përkohësisht nga Iraku”, thanë zyrtarët e Ministrisë së Jashtme gjatë një vizite të ministrit të Jashtëm, Johann Wadephul në Arabinë Saudite.

Wadephul mbërriti dje në Izrael ku zhvilloi një vizitë të papritur në Riad.

“Wadephul vendosi të tërheqë përkohësisht stafin nga Erbili në kuadër të situatës lokale të sigurisë, por konsullata është ende e arritshme”, tha ministria.

Stafi i ambasadës gjermane me seli në Teheran u evakuua të shtunën për shkak të sulmeve të vazhdueshme SHBA-Izrael.

The post Gjermania tërheq stafin diplomatik nga Iraku verior appeared first on Albeu.com.

Sipas Ministrisë së Mbrojtjes, kontingjenti i fundit i këshilltarëve amerikanë është larguar nga Baza Ajrore Al-Asad në provincën Anbar, një nga pikat kryesore të pranisë ushtarake të SHBA-së që nga pushtimi i vitit 2003.

Autoritetet irakiane publikuan pamje që tregojnë bazën bosh, ndërsa Komanda Qendrore e SHBA-së konfirmoi dorëzimin e instalimeve.

Tërheqja është rezultat i një procesi disa-vjeçar, i nisur pas kërkesës zyrtare të Bagdadit në vitin 2023. Koalicioni ndërkombëtar kundër ISIS-it ka dorëzuar gjithashtu selinë e Komandës së Operacioneve të Përbashkëta, duke ia kaluar kontrollin e plotë forcave irakiane.

Megjithatë, trupat amerikane mbeten të dislokuara në Rajonin Autonom të Kurdistanit, në bazën ajrore Harir pranë Erbilit, e cila nuk është nën kontrollin e drejtpërdrejtë të qeverisë qendrore.

Tërheqja vjen në një moment tensionesh të larta rajonale dhe pritet të ndikojë edhe në debatin për çarmatimin e milicive pro-iraniane.

Bagdadi thekson se bashkëpunimi me SHBA-në do të vazhdojë vetëm në trajnim, pajisje ushtarake dhe koordinim kundër ISIS-it, ndërsa operacionet aktive të koalicionit do të përqendrohen tashmë jashtë Irakut.

The post SHBA LARGOHET NGA IRAKU! Bagdadi konfirmon fundin e pranisë ushtarake amerikane federale appeared first on Albeu.com.

Zyra e kryeministrit irakian njoftoi se të dy vendet kanë nënshkruar një marrëveshje për mekanizmin e zbatimit të një bashkëpunimi për çështjet e ujit, i cili fillimisht ishte arritur në vitin 2024.

Nuk janë dhënë detaje për mekanizmin e saktë të zbatimit. Sipas një zyrtari turk, qeveria irakiane do të krijojë një komision për projektet e infrastrukturës ujore dhe do të ftojë kompani turke të paraqesin ofertat e tyre, ndërsa pagesat do të bëhen nga të ardhurat e shitjeve të naftës që eksportohen drejt Turqisë.

Një zyrtar irakian i infrastrukturës ujore bëri të ditur se paketa e parë e projekteve përfshin ndërtimin e tre digave për mbledhjen e ujit dhe tre iniciativa për rehabilitimin e tokës bujqësore.

Marrëveshja kornizë për bashkëpunimin në fushën e ujit ishte nënshkruar në prill 2024, gjatë vizitës së presidentit turk Rexhep Tajip Erdogan në Bagdad, çka shënoi përmirësim të marrëdhënieve mes dy vendeve pas shumë vitesh tensioni.

Mungesa e burimeve ujore në Irak mbetet një problem i vazhdueshëm, pasi rreth 70% e ujërave të vendit vijnë nga shtetet fqinje, kryesisht përmes lumenjve Tiger dhe Eufrat, të cilët e kanë burimin në Turqi.

The post Turqia dhe Iraku nënshkruajnë marrëveshje për projektet e infrastrukturës ujore appeared first on Albeu.com.

Sipas NDTV, gjatë një konference për shtyp të mërkurën, Biden tha se ushtarët rusë po tërhiqen nga “Fallujah” ndërsa synojnë t’i referohej Khersonit.

Ngatërrimi ndodhi kur Biden po fliste nëse një kompromis midis Rusisë dhe Ukrainës do të ndodhte para dimrit dhe ai nuk nguroi të komentonte lëvizjen e fundit të Rusisë.

“Unë mendoj se konteksti është se nëse ata po tërhiqen apo jo nga Falluxha, dhe…dua të them nga qyteti i Kherson,” tha Biden ndërsa iu përgjigj pyetjes së një gazetari, duke korrigjuar gabimin e tij./albeu.com

Biden: “Whether or not [the Russians are] pulling back from Fallujah and the, I mean…”

Reporter: “Kherson.”

Biden: “Kherson, the city of Kherson.” pic.twitter.com/v6ee2VJ62g

— RNC Research (@RNCResearch) November 9, 2022

The post Tërheqja e trupave ruse, Biden “godet” sërish, ngatërron Kherson e Ukrainës me Falluxhah në Irak (VIDEO) appeared first on Albeu.com.

Disa raketa kanë goditur Erbilin, kryeqytetin e rajonit autonom kurd në veri të Irakut, raportoi të dielën media shtetërore duke cituar guvernatorin e qytetit.

“Nuk ka viktima apo të plagosur pas shpërthimeve në Erbil”, tha Saman Barzanji, ministër i Shëndetësisë në provincën Kurdistan të Irakut.

Ndërkaq, një zyrtar amerikan, duke folur në kushte anonimiteti për agjencinë Retuers, tha se nuk ka viktima në mesin e ushtrisë amerikane pas sulmit në Erbil.

Shtetet e Bashkuara kanë një bazë të madhe ushtarake në Erbil./REL

The post Irani sulmoi konsullatën amerikane në Irak, si paraqitet situata appeared first on Albeu.com.