Bib Ndreca, ka qënë gjykatësi që ka marrë vendimin ditën e sotme.

Kujtojmë se Irakli Leka, punonjësi i Bugut të Lushnjes, merrte para në këmbim të dhënies së lejeve të përkohshme për të dënuarit, një praktikë tërësisht e jashtëligjshme dhe abuzive me detyrën.

Skandali u bë publik pas transmetimit të pamjeve filmike në emisionin investigativ “Stop”, ku u dokumentua momenti i marrjes së ryshfetit (700 euro) nga ana e Lekës. Menjëherë pas publikimit të materialit, Policia e Shtetit ka ndërhyrë dhe ka arrestuar shefin e regjimit të brendshëm në burgun e Lushnjës. Në reagimin zyrtar, Drejtoria e Përgjithshme e Burgjeve ka njoftuar gjithashtu pezullimin nga detyra të drejtorit dhe nëndrejtorit të burgut të Lushnjës, në kuadër të hetimeve të mëtejshme administrative dhe penale.

The post U kap duke marrë para në këmbim të lejes së përkohshme, GJKKO lë në arrest shtëpie Irakli Lekën appeared first on Albeu.com.

Sipas njoftimit zyrtar, Leka dyshohet për kryerjen e veprës penale “Korrupsioni pasiv i personave që ushtrojnë funksione publike”, parashikuar nga neni 259, paragrafi 2 i Kodit Penal të Republikës së Shqipërisë.

Njoftimi i Drejtorisë së Përgjithshme të Burgjeve:

Në vijim të ngjarjes së ndodhur mbrëmjen e djeshme, ku Shefi i Regjimit të Brendshëm në Institucionin e Ekzekutimit të Vendimeve Penale (IEVP) Lushnjë, Irekli Leka, u filmua duke marrë një shumë parash në këmbim të një leje shpërblyese për një të dënuar, Drejtoria e Përgjithshme e Burgjeve ka ndërmarrë menjëherë masa administrative dhe disiplinore.

Me Urdhër të Drejtorit të Përgjithshëm është pezulluar nga detyra drejtori dhe nëndrejtori i institucionit si dhe është përjashtuar nga radhët e Policisë së Burgjeve punonjësi i dyshuar për korrupsion pasiv.

Pas publikimit të pamjeve filmike në emisionin investigativ “Stop”, Drejtoria e Përgjithshme e Burgjeve, në bashkëpunim të ngushtë me Shërbimin e Kontrollit të Brendshëm dhe nën koordinimin e Strukturës së Posaçme Kundër Korrupsionit dhe Krimit të Organizuar (SPAK), ka bërë të mundur arrestimin e punonjësit të dyshuar brenda 30 minutash nga transmetimi i materialit filmik.

Drejtoria e Përgjithshme e Burgjeve falenderon median për angazhimin e saj në zbardhjen e rasteve të abuzimit me detyrën dhe thekson angazhimin e palëkundur për të garantuar integritetin, transparencën dhe zbatimin me përpikëri të ligjit në çdo hallkë të sistemit penitenciar.

The post Arrestohet Shef i Regjimit të Brendshëm në burgun e Lushnjes (EMRI) appeared first on Albeu.com.