Albin Kurti, kryeministër në detyrë i Kosovës, ishte i pranishëm në ceremoninë e përurimit të Parkut të Erës në Zatriq, fshat i Komunës së Rahovecit.

Ky park përbën një investim prej rreth 106 milionë eurosh. Ai pritet të prodhojë afërsisht 185 gigavat-orë energji të pastër në vit, sasi që mbulon nevojat vjetore për energji të rreth 45 mijë familjeve.

Zyra e Kryeministrit njoftoi se Kurti e vlerësoi të madh potencialin e Kosovës në fushën e energjisë së ripërtëritshme. Ai deklaroi se Qeveria e Republikës së Kosovës ka ndërmarrë masa konkrete përmes investimeve të menduara mirë, në dobi të qytetarëve dhe të brezave të ardhshëm.

Kurti theksoi se projekti ka rëndësi të veçantë edhe për sigurinë energjetike të vendit. Sipas tij, çdo megavat-orë energji e pastër e prodhuar në këtë park e afron Kosovën drejt zvogëlimit të varësisë nga burimet e kufizuara dhe nga ato më të cenueshme prej krizave të jashtme energjetike.

Pasi falënderoi partnerët financiarë ndërkombëtarë për përkrahjen, institucionet e Republikës së Kosovës dhe ekipet profesionale që kontribuuan në realizimin e projektit, kryeministri në detyrë deklaroi se Parku i Erës vendos një tjetër gur në themelet e një të ardhmeje energjetike më të pastër, më të sigurt dhe më të qëndrueshme për Kosovën.

The post Kurti përuron Parkun e Erës në Zatriq, projekt me vlerë rreth 106 milionë euro appeared first on Albeu.com.

Qeveria e Kosovës ka ndarë 3.8 milionë euro për rinovimin energjetik të 13 objekteve publike në katër komuna, mes tyre edhe Komuna e Vitisë, bëri të ditur kryeministri në detyrë, Albin Kurti, raporton KosovaPress.

Kurti i deklaroi këto gjatë qëndrimit në Viti, ku mori pjesë në përurimin e masave të efiçiencës së energjisë në SHFMU “28 Nëntori”.

Vetëm për ndërhyrjet në këtë shkollë janë investuar rreth 118 mijë euro. Ky investim ka për qëllim krijimin e kushteve më të përshtatshme për nxënësit dhe mësimdhënësit.

“Mësimdhënësit dhe nxënësit e kësaj shkolle, dhe jo vetëm, do ta kenë mbështetjen e pakursyer të qeverisë së Republikës së Kosovës, për Eficiencë të Energjisë, por gjithashtu edhe për arsimim cilësor. Për Eficiencë të Energjisë në këtë shkollë kemi investuar rreth 118 mijë euro, ideja është që temperatura ndriçimi ajri pastaj dritaret kaldaja që të gjitha këto të përbëjnë një sistem që mundëson kushte sa më të dinjitetshme e të përshtatshme edhe për mësimdhënësit që punojnë, por edhe për nxënësit që mësojnë…Kjo është një prej 5 objekteve të rinovuara në Viti, në kuadër të marrëveshjes së qeverisë me komunat dhe me Fondin e Kosovës për Eficiencë të Energjisë, në gjithë skemën qeveria po investon 3.8 milion euro për rinovimin energjetik të 13 objekteve publike në 4 komuna”, ka thënë Kurti.

Ministrja në detyrë e Ekonomisë, Artane Rizvanolli, deklaroi se masat e zbatuara në shkollë kanë prodhuar kursime të ndjeshme të energjisë.

Me 118 mijë euro janë financuar termoizolimi i mureve të jashtme, izolimi i kulmit, zëvendësimi i dyerve dhe dritareve, vendosja e sistemit të ngrohjes me pelet, si dhe ndriçimi LED.

“Masat e eficiencës në vlerë prej 118 mijë euro, përfshijnë termoizolimin e mureve të jashtme, izolimin e kulmit, ndërrimin e dyerve dhe dritareve, instalimin e sistemit të ngrohjes me pelet dhe ndriçimin eficient LED. Ndërsa efektet janë tashmë të prekshme për nxënësit dhe të gjithë këtu, kursimet në baza vjetore janë rreth 75 përqind, ose 118 mijë kilovat-orë në vit. Do të thotë, kjo është një, nga njëra anë, përmirësim i kushteve të mësimnxënies për nxënësit, edhe uljes së ndotjes, sepse përpara ka qenë kapaciteti i kaldasë më i madh dhe ka qenë me dru, tashti për shkak se është më eficjent, kapaciteti është më i ulët dhe është më pelet, që do të thotë është më pak ndotës për ajrin këtu gjatë dimrit për fëmijët”, ka thënë Rizvanolli.

Sipas Rizvanollit, kursimet vjetore arrijnë në rreth 75 për qind, ose 118 mijë kilovat-orë në vit. Ajo theksoi se ndërhyrjet kanë përmirësuar kushtet e mësimnxënies dhe kanë ndikuar në uljen e ndotjes, pasi kaldaja me dru është zëvendësuar me një sistem më efikas me pelet dhe me kapacitet më të ulët.

Rizvanolli u kërkoi komunave të shfrytëzojnë thirrjen e re për aplikime, e cila pritet të hapet nga Fondi i Kosovës për Efiçiencë të Energjisë gjatë muajve në vijim.

Drejtoresha Menaxhuese e Fondit të Kosovës për Efiçiencë të Energjisë, Njomza Hoxha, tha se përfitimet e investimeve shkojnë përtej kursimit të energjisë, pasi ato kanë krijuar kushte më të mira për nxënësit dhe mësimdhënësit.

“Përveç kursimit në energji, këtu është ofruar edhe një komoditet për nxënësit dhe mësimdhënësit”, tha Hoxha.

Drejtori i SHFMU “28 Nëntori”, Sherif Neziri, në emër të drejtimit të shkollës, falënderoi institucionet për investimin dhe përmirësimin e kushteve në objekt.

Pas ceremonisë në SHFMU “28 Nëntori”, aktiviteti vijoi në Qendrën për Punë Sociale në Viti, ku po ashtu janë zbatuar masa për rritjen e efiçiencës së energjisë.

The post Kurti: 3.8 milionë euro për rinovimin energjetik të 13 objekteve publike appeared first on Albeu.com.

Në Zubin-Potok është përuruar përfundimi i rehabilitimit të një segmenti të kanalit të Ibër-Lepencit. Sipas institucioneve, projekti është realizuar për të rritur sigurinë ujore dhe për të mbrojtur infrastrukturën kritike të Republikës së Kosovës. Në ceremoninë e përurimit ishin të pranishëm kryeministri në detyrë, Albin Kurti, dhe ministrja në detyrë e Ekonomisë, Artane Rizvanolli, të cilët theksuan rëndësinë e këtij investimi për furnizimin me ujë, prodhimin e energjisë dhe sigurinë e përgjithshme të vendit.

Kurti e përshkroi projektin si një investim strategjik që ndikon drejtpërdrejt në mbrojtjen e kanalit dhe në garantimin e sigurisë ujore. Ai tha se pjesa pranë së cilës u zhvillua ceremonia tashmë nuk shihet, pasi është rehabilituar dhe, me kërkesën e banorëve, është mbuluar për të shtuar sigurinë e të gjithëve.

Sipas kryeministrit në detyrë, kanali përbën infrastrukturë jetike për Republikën e Kosovës që nga ndërtimi i tij në vitet e 80-ta. Ai nis në këtë komunë dhe shtrihet në një gjatësi prej 49 kilometrash deri në Prishtinë, duke siguruar ujë për termocentralet që prodhojnë deri në 90 për qind të energjisë së vendit, për tokat bujqësore në Rrafshin e Kosovës dhe për fabrikat e ujit të pijshëm që furnizojnë nëntë komuna me mbi 500 mijë banorë.

Kurti nënvizoi se ruajtja e kanalit nuk mund të trajtohet vetëm si çështje lokale apo teknike. Sipas tij, mbrojtja e kësaj infrastrukture nënkupton mbrojtjen e përditshme të Republikës, të energjisë elektrike në shtëpi, të ujit nga rubineti, të prodhimit ekonomik dhe të bukës së siguruar nga ara.

Vlera e projektit arrin në 18 milionë euro. Përmes këtij investimi janë rehabilituar 37 segmente kryesore përgjatë 49 kilometrave të kanalit, ndërsa është ndërtuar edhe një rezervuar kompensues me kapacitet prej 30 mijë metrash kub. Ky rezervuar mund të përdoret për furnizimin emergjent të termocentraleve ose ujësjellësve në rast nevoje.

Sipas Kurtit, projekti tregon se Republika e Kosovës nuk kufizohet vetëm në reagimin ndaj rreziqeve, por krijon kapacitete për parandalimin e tyre dhe për vazhdimin e shërbimeve pa ndërprerje e me cilësinë e nevojshme. Ai shpjegoi se përurimi u organizua pikërisht në këtë zonë, ku kanali dikur përbënte rrezik për banorët, ndërsa sot ndërmarrja Ibër-Lepenc investon në infrastrukturë, punëson qytetarë dhe përmbush misionin e saj ndaj shtetit.

Ministrja në detyrë e Ekonomisë, Artane Rizvanolli, e vlerësoi projektin si veçanërisht të rëndësishëm për sigurinë e kanalit dhe atë ujore të Republikës së Kosovës. Ajo kujtoi se vizita e fundit në atë vend ishte zhvilluar përafërsisht një vit më parë, kur kishin nisur punimet në këtë pjesë. Në atë kohë, kishin kaluar më pak se gjashtë muaj nga përfundimi i rehabilitimit të segmentit të kanalit që ishte cak i një sulmi terrorist.

Rizvanolli deklaroi se ai rast dëshmoi në mënyrën më të qartë rëndësinë jetike të Ujmanit për sigurinë e vendit. Sipas saj, Ujmani është thelbësor për furnizimin me ujë dhe për rezervat ujore, pasi përmban dy të tretat e rezervave të të gjithë Republikës së Kosovës, si dhe mundëson furnizimin me ujë të rreth 500 mijë banorëve.

Ajo theksoi se shteti, institucionet shtetërore dhe ndërmarrjet publike nuk duhet të veprojnë vetëm pasi ndodhin sulme. Mirëmbajtja e rregullt dhe e duhur e infrastrukturës kritike, sipas Rizvanollit, ka rëndësi të barabartë për garantimin e sigurisë.

Ministrja në detyrë bëri të ditur se projekti ka sjellë tri rezultate kryesore. Kanali është rehabilituar dhe i është rikthyer kapaciteti fillestar, cilësia e ujit është përmirësuar, ndërsa mënyra e monitorimit dhe menaxhimit të gjithë kësaj infrastrukture kritike është modernizuar.

Si rezultat i parë, Rizvanolli përmendi rehabilitimin e plotë të 10 kilometrave të kanalit. Ajo sqaroi se segmentet e dëmtuara janë veshur me beton të ri të armuar, kurse pjesët që kishin dëmtime strukturore dhe rrjedhje aktive janë sanuar.

The post Përfundon rehabilitimi i një pjese të kanalit Ibër-Lepenc, Kurti e cilëson investim kyç për sigurinë ujore appeared first on Albeu.com.

“Unë po iu them kaq, edhe të tjerë investime kaq të mëdha që do t’i sjellin Shqipërisë. Po ju them kaq, shumë shpejt do të shikoni, dhe jam shumë kurioz çfarë do thonë për atë, do sjellim një investim shumë të madh diku midis Kavajës dhe Durrësit”, tha Rama.

Sipas tij, Shqipëria nuk duhet të shoh me zili Greqinë, Kroacinë, Malin e Zi për investimet e tyre luksoze.

Rama: Vlonjatët do e kishin kapur, do ua kishte thënë instinktin politik se vlonjatët, Vlora, Fieri dhe ata që jetojnë këtu i kanë thënë punës “mirëmëngjesi” , që luftojnë përditë për turizmin, që jo që e duan atë investim, por duan edhe të tjerë. Unë po iu them kaq, edhe të tjerë investime kaq të mëdha që do t’i sjellin Shqipërisë.

Po ju them kaq, shumë shpejt do të shikoni, dhe jam shumë kurioz çfarë do thonë për atë, do sjellim një investim shumë të madh diku midis Kavajës dhe Durrësit. Pse shqiptarët duhet të shohin me zili Greqinë, Kroacinë, Malin e Zi?

The post Rama nuk tërhiqet nga investimi: Do sjellim projekte edhe më të mëdha në Kavajë dhe Durrës appeared first on Albeu.com.

Edhe pse prej gati një dekade është në krye të skenës së YouTube-it – kryesisht falë sfidave spektakolare dhe eksperimenteve sociale – ai rrallëherë flet për jetën private.

Në një nga rrëfimet e rralla jashtë kamerave, MrBeast – emri i vërtetë i të cilit është Jimmy Donaldson – tha se praktikisht nuk e njeh konceptin e ekuilibrit mes punës dhe kohës së lirë. Ai e trajtoi këtë temë në një video në YouTube me titull “Si punon MrBeast 18 orë në ditë”.

“Jetoj për të punuar dhe fare nuk e vlerësoj ekuilibrin mes punës dhe jetës private”, shkroi ai në rrjetin social X. Ndërsa në dokumentar shtoi: “Është mrekulli nëse dita ime e punës zgjat më pak se 15 orë. Ditët i kam të planifikuara fjalë për fjalë minutë pas minute. Gjithçka duhet të jetë perfekte, sepse thjesht nuk kam shumë kohë”.

Pavarësisht punës së pandalshme dhe pasurisë së vlerësuar rreth 2.6 miliardë dollarë (sipas Celebrity Net Worth), MrBeast thotë se pothuajse nuk ka para të gatshme në dispozicion.

“Për momentin jam ‘në minus’, po marr borxh. Kam shumë pak cash”, ka thënë ai më herët këtë vit në një intervistë për Wall Street Journal.

Madje, ai shtoi se – teknikisht – shumë njerëz që e shikojnë mund të kenë më shumë para në llogarinë bankare se ai, nëse nuk llogaritet vlera e aksioneve që zotëron në bizneset e tij.

“Teknikisht, kushdo që po e sheh këtë ndoshta ka më shumë para në bankë se unë, nëse përjashtojmë vlerën e pjesës sime në kompani. Me ato, në mëngjes s’mund ta blej as mëngjesin në McDonald’s”, u shpreh ai.

Sipas tij, kjo vjen sepse pothuajse gjithçka që fiton e rikthen menjëherë në punë dhe në zgjerimin e projekteve.

“Zgjohem dhe menjëherë punoj. Jam aq i përfshirë në punë, sa as nuk mendoj për llogarinë time personale. Jam i fokusuar plotësisht te krijimi i videove sa më të mira dhe te rritja e biznesit”, tha MrBeast.
Projekti i tij i fundit i madh ishte një transmetim live në YouTube me edhe katër krijues të tjerë, gjatë të cilit u dhuroi shikuesve 1.5 milionë dollarë.

The post MrBeast: Ka raste kur punoj 18 orë në ditë dhe nuk kam fare para në llogarinë time bankare appeared first on Albeu.com.

Fokusi është që bashkitë të identifikojnë zonat me potencial zhvillimi, bazuar në kërkesat e qytetarëve që kanë aplikuar gjatë fazës së parë të procesit.

Qëllimi i kësaj pakete është të krijojë kushte të favorshme për investime në zonat e thella malore dhe të nxisë zhvillimin ekonomik përmes legalizimit të pronësisë, lehtësimit të barrës fiskale dhe orientimit të planeve të territorit drejt rigjallërimit rural.

Bashkitë do të paraqesin propozimet për territoret që duan të shpallin për zhvillim malor dhe qeveria do t’u japë atyre status të posaçëm, ç`ka do të mundësojë zbatimin e të gjithë instrumenteve që përmban ligji.

Sipas Ministrisë për Pushtetin Vendor, ky proces është një mekanizëm i ri bashkëpunimi, ku njësitë vendore kanë rol vendimtar në përcaktimin e zonave me interes më të lartë për zhvillim, duke u bazuar jo vetëm në analizat e tyre, por edhe në shprehjen konkrete të interesit nga qytetarët.

Ligji parashikon se poseduesit jopronarë të pasurive të paluajtshme shtetërore në këto zona do të mund të blejnë tokën që kanë në përdorim me çmim simbolik prej 1 euro.

Pas regjistrimit të kontratës së shitjes, ata ose investitorët që lidhin marrëveshje me ta mund të aplikojnë për leje ndërtimi për zhvillimin e sipërfaqes përkatëse.

Këto veprime do të kryhen në përputhje me rregullat e ligjit të ri dhe me legjislacionin në fuqi për territorin, për aq sa nuk ka kundërshtim midis tyre.

Përfituesit e parë të kësaj pakete do të jenë 500 aplikuesit që kanë shprehur interes dhe kanë përmbushur kriteret ligjore.

Ata do të përjashtohen për 10 vjet nga tatimi mbi të ardhurat, TVSH-ja, taksa për pasuritë e paluajtshme dhe ajo për ndikimin në infrastrukturë.

Një nga kriteret kryesore për përfitim, është që prona të jetë në përdorim faktik nga aplikuesi për një periudhë të vazhdueshme dhe të jetë pjesë e një zone, që do të shpallet me vendim të Këshillit të Ministrave si “zonë malore me përparësi zhvillimi”.

Aplikuesit duhet, gjithashtu, të paraqesin një plan zhvillimi konkret, që të jetë në përputhje me qëllimet e ligjit dhe të mos cenojë mjedisin apo strukturën tradicionale të territorit. Një rast i veçantë është zona e Thethit, e cila pavarësisht ndërtimeve të fundit pa leje, do të vijojë të mbetet park kombëtar.

Zhvillimi në këtë zonë do të jetë i kontrolluar dhe i orientuar drejt trashëgimisë kulturore dhe turizmit natyror, pa devijuar nga kufizimet e statusit të mbrojtur.

Synimi është që modeli i suksesshëm i Thethit të aplikohet edhe në zona të tjera të vendit me karakteristika të ngjashme malore.

Paketa synon të kthejë në resurse ekonomike zonat e braktisura, të ndalojë fragmentimin e tokës dhe të krijojë një valë të re investimesh në agroturizëm, bujqësi, zejtari dhe shërbime, duke ofruar siguri pronësore dhe përfitime konkrete për banorët dhe investitorët.

Procesi i aplikimeve mbetet i hapur, ndërsa muaji shtator pritet të jetë vendimtar për përcaktimin e hartës së parë të zhvillimit malor në Shqipëri.

KRITERET E LIDHURA ME PRONËN

a) Të jetë pasuri shtetërore. Objekt i procedurave sipas këtij ligji janë edhe tokat në pronësi shtetërore, që janë inventarizuar në përgjegjësi administrimi të institucioneve qendrore, si dhe ato që janë transferuar në pronësi ose në përdorim te njësitë e vetëqeverisjes vendore, me kusht që sipërfaqja e pretenduar nga subjekti të mos përfshijë gjurmën e objekteve shtetërore.

b) Të mos jetë pronë publike e patjetërsueshme. Në kuptim të këtij ligji dhe të ligjit nr.8743, datë 22.2.2001, të ndryshuar, llojet e pasurisë “pyll”, “kullotë” “livadh” nuk janë të patjetërsueshme dhe mund t’u nënshtrohen procedurave të kalimit të pronësisë sipas këtij ligji;

c) Nuk i shërben operacionalitetit të Forcave të Armatosura, sipas legjislacionit në fuqi për pushtetet dhe autoritetet e drejtimit e të komandimit të Forcave të Armatosura në Republikën e Shqipërisë;

ç) Të mos rëndojnë mbi të të drejta reale të të tretëve;

d) Të mos jetë objekt i procedurave të fitimit të pronësisë sipas ligjit nr.20/2020 dhe ligjeve të tjera të posaçme, që parashikojnë fitimin e pronësisë nëpërmjet procedurave administrative.

dh) Të mos jetë marrë për të vendimi i kthimit ose i kompensimit fizik ish-pronarëve, sipas legjislacionit përkatës.

Ligji ka për objekt përcaktimin e procedurave dhe të rregullave të posaçme për:

a) shpalljen e zonave malore me përparësi zhvillimi;

b) zhvillimin e pasurive shtetërore të poseduara pa titull pronësie nga subjektet private në këto zona, në harmoni me rregullat e legjislacionin për planifikimin dhe zhvillimin e territorit;

c) kalimin e pronësisë përmes shitjes me tarifën simbolike 1 (një) euro të këtyre pasurive të paluajtshme shtetërore, të cilat rezultojnë të jenë në posedim faktik të poseduesve jopronarë.

The post Paketa e Maleve/ Cilat do të jenë zonat prioritare për investim, aplikuesit duhet të paraqesin një plan zhvillimi konkret, në shtator përcaktohen territoret që përfitojnë appeared first on Albeu.com.

Në një raport të posaçëm për Ballkanin Perëndimor për efektin e ndryshimeve klimatike, Banka Botërore përllogariti se Shqipërisë i duhet një shumë prej 6 miliardë dollarësh në vitet në vijim, për të zbutur ndikimet e klimës.

Banka vë në dukje se kostot e përshtatjes janë të larta, por nga ana tjetër, përfitimet janë edhe më të larta.

Për t’iu kundërvënë rreziqeve në rritje lidhur me ndryshimet klimatike, 6 vendet e Ballkanit Perëndimor do të duhet të marrin në konsideratë investime të mëdha në përshtatje.

Kostot e veprimeve dhe investimeve të propozuara, për një paketë fillestare përshtatjeje janë 6.0 miliardë dollarë për Shqipërinë, 6.8 miliardë dollarë për Bosnjë dhe Hercegovinën, 2.8 miliardë dollarë për Kosovën, 5.7 miliardë dollarë për Malin e Zi, 6.4 miliardë dollarë për Maqedoninë e Veriut dhe 9.5 miliardë dollarë për Serbinë.

Përfitimet nga shmangia e humbjeve i referohet faktit që investimi në përshtatjen klimatike shpëton jetë, minimizon humbjet dhe dëmtimet e pronës, mbron investimet e kapitalit njerëzor dhe pakëson humbjet e produktivitetit. P.sh., nga një investim rreth 1 miliardë euro në Bosnjë shpëtohen 14 miliardë të tjera që mund të vijnë nga dëmet.

Investimet për adaptimin ndaj klimës gjithashtu, mund të çlirojnë potenciale të reja në ekonomi.

Investimet në mbrojtjen e klimës do të krijojnë vende të reja pune, do të nxisin aktivitetin e biznesit, lehtësojnë zhvillimin e kapitalit njerëzor dhe tërheqin investime kapitale qe rrisin më tej produktivitetin e fuqisë punëtore.

Masat e përshtatjes duhen marrë në sektorin e pyjeve dhe të turizmit, pasi përfitimet janë më të larta në këta dy sektorë.

Banka Botërore analizon se investimet në përshtatjen e klimës përforcojnë përfitimet sociale dhe mjedisore, që janë përtej atyre ekonomike ose financiare.

Këto përfitime të përbashkëta përfshijnë përmirësime në eficiencën e energjisë, estetikën, bujqësinë qëndrueshmërinë dhe diversitetin ekologjik.

Strategjitë e përshtatjes urbane mund të përmirësojnë gjithashtu mirëqenien e komuniteteve dhe të krijojnë qytete më të qëndrueshme dhe më rezistente ndaj klimës.

Qytetet i gjelbëruara dhe në përshtatje ndaj klimës duhet të kenë çatitë e gjelbra, parqet publike, të cilat kanë aftësi të ndikojnë në reduktimin e gazeve serrë, rrisin efikasitetin e energjisë dhe promovojnë biodiversitetin.

The post Ndryshimet klimatike/ Shqipëria duhet të investojë 6 miliardë dollarë për të zbutur dëmet appeared first on Albeu.com.

Tridhjetë vjet pasi një skuadër vdekjeje masakroi civilë në Bosnje, asnjë nga Tigrat famëkeq të Arkanit nuk ka dalë në gjyq për rolin e tyre të dyshuar në ato krime. Dhe për dekadat e fundit, njëri prej arritur të fitojë famë dhe para në festivale dhe klube evropiane. Bëhet fjalë pikërisht për DJ Max apo Srdjan Golubovic.

Hamijeta Pajaziti tenton të shpëtojë bashkëshortin e saj, Abdirami, pasi ai pësoi një plagë vdekjeprurëse me armë zjarri më 2 prill 1992 në Bijeljina. Pak çaste më vonë, edhe ajo u qëllua me armë

Remarkable investigation by @RollingStone.

Serbian war criminal who kicks the dead body of a woman in Bosnia in this ’92 pic is Srdjan Golubovic aka DJ Max.

He walks free & has performed in Serbia’s top music festival.

He was on the payroll of Serbia’s State Security Service. pic.twitter.com/UEuuRBpLq3

— Admirim (@admirim) December 30, 2022

Srdjan Golubović shëtit i lirë në Beograd. Ai vazhdon të performojë. Çfarëdo që ai bëri si një nga Tigrat e Arkanit, është lënë pas, madje disa nga miqtë e tij pyesin veten se si jeton me të kaluarën e tij, nëse sekretet i ndjekin ëndrrat e tij.

Të mbijetuarit janë pa diskutim të përhumbur nga ajo ditë – dhe nga mungesa e drejtësisë për të vdekurit.

Civilët shtrihen në tokë pasi u qëlluan në Bijeljina, më 2 prill 1992. Një anëtar i armatosur i Tigrave të Arkanit ecën pas tyre. Ron Haviv/VII/Redux

Nga fundi i vitit 1995, lufta në Bosnje kishte mbaruar dhe në Beograd po lulëzonte një skenë nëntokësore rave. Për rininë e qytetit, ishte një shpërqendrim i mirëpritur nga realiteti dërrmues i jetës së përditshme. Hiperinflacioni i fillimit të viteve 1990 bëri që shumë nuk mund të përballonin mallrat bazë. Sanksionet ndaluan importet dhe eksportet dhe udhëtimet ajrore ndërkombëtare për vite me radhë. Interneti nuk ishte ende i përhapur dhe propaganda ndoti peizazhin e informacionit.

Diku tjetër në botë, mesi i viteve nëntëdhjetë ishte epoka e Tupac, Oasis dhe Fugees. Por në Serbi, shumica e të rinjve nuk mund të përballonin ose të kishin akses në të dhënat. Shumë i kthyen radiot e tyre në B92, një stacion serb nëntokësor që sfidoi nacionalizmin e linjës së ashpër të asaj kohe, duke transmetuar lajme nga bota e jashtme së bashku me muzikën rock dhe elektronike.

“Skena elektronike ishte e lidhur me lëvizjen kundër luftës,” thotë Sasha, një ish-entuziast tekno dhe dëgjues i pasionuar i B92, tani në të dyzetat, i cili frekuentonte protestat e Beogradit në vitet nëntëdhjetë. “Ishte një arratisje nga jeta jonë e përditshme.” Ajo që Sasha dhe fansat e tjerë elektronikë në atë kohë nuk dinin ishte se një nga të rinjtë premtues të skenës, Srđan Golubović (shpesh i shkruar Srdjan Golubovic në anglisht, dhe për të mos u ngatërruar me regjisorin e filmit me të njëjtin emër ), kishte veshur uniformën e Tigrave të Arkanit. Ai kishte qenë një luftëtar në luftën që kishin protestuar kundër. Ai do të akuzohej, nga shtypi vendas dhe anëtarët e publikut, se ishte i riu me uniformë, të cilin Haviv e fotografoi në vitin 1992, me çizme të ngritura, duke qëlluar trupin e gjakosur të Tifa Shabanoviqit.

Një anëtar i Arkan’s Tigers gjuan edrejt trupit të një gruaje civile, Tifa Shabanoviq, në Bijeljina më 2 prill 1992. Ron Haviv/VII/Redux

Kur u vendos në Bosnje, sipas burimeve të shumta, anëtarët e Tigrave të Arkanit e quajtën atë Max. Në festat e Beogradit, njerëzit e quanin “Kapiten Maks”. Në raves dhe koncerte, ai ishte DJ Max, emri me të cilin ai ende performon, megjithëse performancat e tij janë më të rralla këto ditë.

“Ai është i neveritshëm,” thotë Sasha, i cili kërkoi të identifikohej vetëm me emrin e tij. Rolling Stone ka shqyrtuar shumë fotografi nga Haviv, të realizuara në Bijeljina më 2 prill, pesë prej të cilave duket se tregojnë Golubović. Në njërën, ai është në një spital duke folur me dy gra, fytyrat e tyre të shtrembëruara nga frika ose pikëllimi. Në një tjetër, ai është fotografuar në patrullë me Tigrat e Arkanit.

Dhe në një, e cila Rolling Stonepo publikon për herë të parë, një Golubović i ri me fytyrë foshnje ulet në një Suzuki blu. Fotografia është bërë në të njëjtën ditë me masakrën, thotë Haviv, dhe është fotografia më e qartë deri më tani që tregon praninë e Golubović-it në Bijeljina. Dy banorë të Bijeljinës thonë se njohin ndërtesat e vjetra në fotografi, disa minuta më këmbë nga vendi i masakrës.

Golubović refuzoi kërkesa të shumta intervistash për t’iu përgjigjur pretendimeve se kishte luajtur një rol në vrasjet masive në Bijeljina.

Lexoni shkrimin e plotë: (Kliko Këtu)

The post Revista e njohur zbulon skandalin, kush është krimineli serb i luftës që goditi trupa e pajetë të shqiptarëve në Bosnje appeared first on Albeu.com.

Kovaçi është shprehur se protesta do të vijojë me bojkotin total të mësimit dhe mbledhjet para Universitetit Politeknik të Tiranës çdo ditë në orën 10:00.

Për Kovaçin, rankimi i universiteteve pa u bërë investime në to, gjë që e ka paralajmëruar kryeministri Rama, është i kotë.

Ai shtoi se me këto paga që kanë pedagogët dhe me këto investime të qeverisë për universitetet, ato nuk sjellin shpresë, duke bërë që studentët të largohen.

“Sindikata e punonjësve të arsimit, duke falenderuar stafin akademik deklaron protestë në ditët në vijim, në formën e ndërprerjes së plotë të procesit mësimor gjatë gjithë ditës dhe grumbullimit në orën 10 para fakulteteve, te politekniku sic janë sot. Vetëm qëndresa jonë e përbashkët do rikthejë dinjitetin e profesionit tonë dhe një thirrje të vecantë kam për ata që nuk janë bashkuar në protestë, misioni ynë akademik vijon.

Ne jemi pedagogët më të keqpaguar në Europë, pa literaturë bashkohore, pa kërkim shkencor pa laboratore, ska të ardhme. Ai e ka takimin me drejtorët dhe natyrisht ti thërrasë mendjes të targetojë gjendjen e mjerueshme të universiteteve, të gjitha janë në gjendje kënetore , nuk ka rankim pa investim.

Performanca e universiteteve është shumë e mirë krahasuar me kushtet, falë pedagogëve. Rankim nuk ka sepse nuk bëhet me 0.7% të GDP-së, të kthejnë kokën nga universiteti dhe të financojnë dhe të kemi mundësi të konkurrojmë me universitetet e tjera,” tha Kovaçi.

The post Protesta e padagogëve, Kovaçi: S’kan rankim pa investim appeared first on Albeu.com.

Rama u ndal te ikja e të rinjve në Britani, ku u kërkoi të mos shpenzonin 30 mijë euro për t’u larguar, por ata para t’i përdornin për të investuar në agroturizëm pasi mund të fitojnë më shumë.

“Të gjithë ata që shpenzojnë nga 30 mijë paund, për të marrë ato rrugët e frikshme të emigracionit klandestin, duke jua lënë kursimet në dorë trafikantëve në kërkim të një ëndrre që nuk ekziston, me 30 mijë paund mund të bëjnë një ekonominë e tyre atje në Kukës, në tokën e gjyshërve. Këtë nuk e them nga ca kam parë në një ëndërr me sy mbyllur, por nga ajo që kam parë në realitetin e shumë agroturizmeve që janë ndërtuar, Të gjithë ata të rinj që duan të ndërtojnë një agroturizëm, jemi gati t’i mbështesim. Edhe ata që kanë transformuar tokat dhe shtëpitë e gjyshërve, fitojnë më shumë se nga ato që mund të fitojnë në të bardhë a në të zezë atje në Angli. Ky është fakt” tha Rama, ndërsa shtoi se është një e ardhur e sigurt.

Rama më herët thase sot turizmi përbën 17% të prodhimit të brendshëm bruto, nga 4% që ishte më parë.

“Kemi pasur një diversifikim shumë domethënës të fashave nga veriu në jug falë edhe investimeve të mirëmenduara që janë edhe pikat më tërheqëse të veriut sidomos një turizëm që ka sjellë disa vizitorë në disa qytete. Kjo shikohet edhe nga hotelet që kanë qenë plot e për plot dhe në rrugë digjitale.

Turizmi ishte rreth 4 % kur ne e morëm drejtimin e vendit. Kemi qenë një vend pa turizëm. Sot është 17% në prodhimin kombëtar. Kemi qenë një vend dhe kjo gjë ka vazhduar prej disa vitesh që bëhej lajm për pisllëkun që dilnim në mediat e huaja si një vend pis i ndotur. Kemi pasur një nga gangrenat më të mëdha të Shqipërisë. Fushën e plehrave të Durrësit e cila bënte lajm çdo verë. Në gjithë mediat që shkruajnë për turizmin Shqipëri e nxjerrë kokën”,  u shpreh Rama./albeu.com

The post Rama të rinjve që ikin në Londër: Investoni në tokat e gjyshërve, do të fitoni më shumë sesa në Angli appeared first on Albeu.com.