Teksa rrëfeu jetën profesionale dhe atë personale, ajo u pyet se sa para ka fituar nga pjesëmarrja në filmin Hollywood-ian, “Fifth Element”

Sa të paguan? Se Hollywood-i…

Inva Mula: Ishte një akt ishte gabim jetësor. Unë shkova me agjentin tim një njeri me shumë eksperiencë, por edhe ai gaboi. Nga entuziazmi ai harroi të firmoste të drejtat e autorit.

Nuk fiton asgjë sot e kësaj dite?

Inva Mula: Jo! Është me miliona, por i kam thënë vetes që s’ka gjë, pasi fitova përjetësisht administrimin e publikun. Edhe milionat nuk më interesojnë, më interesojnë njerëzit që kanë parë shfaqjen. Po të kisha milionat nuk e di nëse do të më interesonte të këndoja më apo jo.

The post Sa u pagua në Hollywood? Rrëfehet Inva Mula: Milionat nuk më interesojnë sepse… appeared first on Albeu.com.

Nëpërmjet një reagimi në rrjetet sociale, Inva, nuk harron takimet me Lili Cingun, jo vetëm vitet e fundit, por që në fillimet e karrierës së saj artisitike.

“Sa kujtime me artisten e madhe. Lili ka qenë për mua një nga figurat femërore më të spikatura nga e cila mora modelin e femrës dhe artistes së përkryer. Ajo ishte model, të gjithë donim ti ngjanim asaj në elegancë, në mirësi. Kur kalonte Lili në rrugë nuk kishte kokë që nuk kthehej, i madh dhe i vogël. Ajo ishte etalon i hijeshisë se ishte përtej të bukurës. Ndërsa kur Lili dilte në skenë çdo gjë transformohej në magji dhe koha ndalej për të shijuar lëvizjet e saj që nuk donim të mbaronin kurrë.

Lili Cingu krijoj epokën e saj dhe mbeti e përveçme në përjetësi. Faleminderit Mike!” shkruan Inva Mula.

The post Inva Mula me fjalë zemre për Lilin: Kur kalonte, kthente kokën i madh e i vogël! appeared first on Albeu.com.

“Fillova të kuptoj që bota është shumë e madhe, dyert ishin të mbyllura dhe ishte shumë e paimagjinueshme që zëri im të dëgjohej”, tha sopranoja, teksa theksoi se vajtja në Paris e një të riu shqiptar që vinte nga një shoqëri e mbyllur nuk ishte e njëjtë me të atij që vinte nga një vend tjetër i botës.

“Ishin frikëra të mëdha se vija nga një rini e mbyllur. Do ballafaqohesha me artin botëror. Çdo gjë do të fillonte nga e para, edhe pse kisha një bagazh të mirë teknik dhe artistik”, u shpreh ajo.

Sopranoja rrëfeu se ajo çka e ndihmoi atë të arrinte majat e suksesit dhe ta menaxhonte atë siç duhej më pas ishte edukimi i mirë dhe puna e madhe.

“Unë bëra atë që isha dhe atë që nëna ime më kishte mësuar. Sekreti im i vetëm ishte se isha një fëmijë i mbushur me dashuri. Ti nuk ke frikë se s’do të dojë njeri nëse të kanë dashur prindërit”, tha Inva teksa tregoi se ka patur kolegë më famë të madhe që qanin para shfaqjes apo që një orë para se të hynin në skenë merrnin mjekun për t’u bërë psikoanalizë të shpejtë. Ndër të tjera diva e muzikës rrëfeu marrëdhënien që ka patur me prindërit e saj, artistët e mëdhenj Nina dhe Avni Mula.

“Fati më i madh që unë kam patur në jetë është se kam patur ata prindër”, tha Inva.

Sopranoja tha se mamaja e saj Nina Mula ka qenë shumë kërkuese me të dhe motrën e saj, “Kemi qenë shumë të disiplinuara”.

Inva tregoi se të gjitha të ardhurat që mamaja e saj fitonte shkonin për kurset e tyre pas shkollës, duke filluar nga pianoja, frëngjishtja, anglishtja, italishtja e deri te rrobaqepësia.

Ndërkohë për babanë e saj, Avni Mula, sopranoja tha se ka qenë shumë tolerant, “Babi ka qenë më pak prezent në edukimin tonë. Ka qenë gjithë kohës i angazhuar duke krijuar dhe kompozuar. Kishte autoritet si prind dhe artist”.

Inva tha se dy prindërit e saj investuan tek ajo dashurinë për artin dhe punën e madhe që duhet të bëjë një artist që në moshë të vogël.
Gjatë bisedës Inva rrëfeu momentin e vështirë kur ajo rreth moshës 15-vjeçare kishte menduar të hiqte dorë prej muzikës dhe të fokusohej në një fushë tjetër sikurse shoqet e saj.

Një moment i rëndësishëm ky, i cili falë Nina Mulës u menaxhua siç duhej, duke e këshilluar dhe bindur të bijën se ato së bashku duhet ta provonin njëherë nëse ja vlente apo jo që Inva të merrej me muzikë.

Sopranoja foli në program edhe për marrëdhënien me motrën e saj e cila për të do të ngelet gjithmonë “motra e madhe” të cilës ia dëgjon këshillat e vyera. Një moment i bukur për artisten ishte kur në studio u shfaq një videomesazh nga motra e saj, e cila kishte zgjedhur disa fjalë të bukura zemre për të.

The post Fillimet e saj në Paris, artistja shqiptare tregon sekretet: Ishin frikëra të mëdha, e paimagjinueshme që zëri im të dëgjohej appeared first on Albeu.com.

Ajo tha se nuk mund të shkonte kurrë si spektatore atje dhe atje lanë pa përmendur historinë e Teatrit.

Mula foli pak ditë pas mbrëmjes gala të hapjes së Teatrit Kombëtar të Operas dhe Baletit, ku ishin të ftuar personalitete e figura të rëndësishme, mes tyre dhe tenori i famshëm, Placido Domingo. Por vetë sopranoja nuk mori pjesë në këtë event.

Duke folur për “Tirana Post”, Inva Mula ka sqaruar se ajo ka marrë ftesë për në mbrëmjen gala, por si spektatore. Ajo është shprehur se nuk mund të pranonte një ftesë të tillë, pasi eventi përkonte edhe me një përvjetor të teatrit, i cili ka të bëjë me prindërit e sopranos, Avni dhe Nina Mula.

“Më vjen keq që kanë dalë, se po bëhet si gjyq. Kuptuat apo nuk kuptuat? Jam ftuar në publik po. Më ka ardhur ftesë nga sekretarja e drejtorisë, për të qenë në publik, si spektatore, dhe nga Ministria e Kulturës si spektatore, por nuk e kam pranuar. Nuk mund të jem spektatore.

Inva nuk mund të jetë spektatore. Unë mund të isha edhe 99 vjeç, prapë nuk do isha spektatore në një ngjarje të tillë. Se nuk ishte vetëm hapja e rinovimit të teatrit, por përkonte me një përvjetor të teatrit. Ky teatër ka një histori.

Ky teatër ka një memorie e cila rëndon mbi supet e shumë artistëve. Po një peshë, një gur i rëndësishëm në këtë memorie është familja Mula aty brenda. Nuk bëhet fjalë për Invën. Bëhet fjalë për Nina dhe Avni Mulën. Nuk e di, por paskam bërë shumë mirë që s`kam qenë dhe si spektatore, pasi aty nuk është folur për prindërit e mi.

Atje nuk ka dalë një imazh i premierës të Invës 22-vjeçare me Traviatën, që kam thyer të gjitha rekordet. Deri atëherë nuk kishte ndodhur një gjë e tillë. Domethënë, nëqoftëse historia në Shqipëri do shkruhet nga njerëz të cilët ose nuk e njohin, ose janë dashakeqës”, u shpreh Mula./albeu.com

The post Nuk mori pjesë në mbrëmjen gala në TKOB, reagon Inva Mula: Nuk shkoj kurrë si spektatore, aty nuk u fol për prindërit e mi appeared first on Albeu.com.

Anthony është i apasionuar pas muzikës elektronike dhe ka ndjekur edhe studimet në këtë drejtim.

Për shkak se prindërit e tij janë një ndër ish-çiftet më të famshme në vend, edhe Antoni ka marrë vëmendjen e mediave shqiptare dhe bëhet herë pas here pjesë e tyre, shkruan Albeu.com.

Së fundmi Antoni ka publikuar të dashurën e tij në Instagram me disa foto shumë interesante krah të cilave shkruan: Ajo është special.

Alice Blu, që nga emri e kuptojmë se e dashura e tij nuk është shqiptare. Edhe Alice ka shpërndarë postimin e Antoni duke shkruar: Dashuria ime.

Kujtojmë se pak ditë më parë lajmi se Pirro Çako është bërë baba për herë të dytë surprizoi rrjetin dhe pse kantautori vazhdon të mbaj çdo detaj secret./albeu.com/

The post “Ajo është speciale”, djali i Pirro Çakos dhe Inva Mulës prezanton të dashurën (FOTO LAJM) appeared first on Albeu.com.