Gazeta EL TIEMPO mësoi se arrestimi ishte rezultat i një ndjekjeje që zgjati rreth 30 ditë. Një ekip i bllokut të kërkimit të Policisë Metropolitane të Pereira-s dokumentoi lëvizjet e tij në zona si Cerritos, Pinares dhe Álamos, ku ai ndryshonte vazhdimisht automjetet dhe rutinat. Ky model sjelljeje ngriti dyshimet e analistëve të inteligjencës.

Kur u ndalua, ai tentoi të identifikohej si shtetas gjerman, por hetuesit kishin tashmë informacion për origjinën e tij shqiptare dhe të kaluarën kriminale në Evropë. U zbulua gjithashtu se përdorte të paktën dy pasaporta për të lëvizur në vende si Mbretëria e Bashkuar, Mali i Zi, Serbia, Kroacia, Gjermania dhe Spanja.

Autoritetet e lidhin atë me struktura kriminale që operojnë në Costa del Sol, një zonë e njohur për praninë e organizatave evropiane të trafikut të drogës. Emri i tij shfaqet në rrjete kriminale që operojnë në disa vende të kontinentit.

Rasti për të cilin kërkohej daton më 30 qershor 2022, në lagjen Golden Beach në Marbela, ku u gjet trupi i Aleksandar K., një shtetas serb me shenja torture dhe plagë nga arma e zjarrit. Hetimi i gjykatës çoi në urdhër-arreste të lëshuara në korrik 2022 dhe nëntor 2023.

Sipas dosjeve gjyqësore në Evropë, viktima kishte lidhje me rrjete të trafikut të drogës dhe kishte bashkëpunuar si informator me autoritetet gjermane. Njohuritë e tij mbi rrjetet kriminale në Evropë dhe lidhjet me organizata në Amerikën Latine e bënin një figurë kyçe në këto struktura.

Në këtë rrjet, Florind Rama lidhet me organizata kriminale me origjinë ballkanike, përfshirë klane që veprojnë në Mal të Zi, Serbi dhe Kroaci, si dhe kontakte në Gjermani. Autoritetet po hetojnë edhe lidhje të mundshme me rrjete të trafikut të drogës në Amerikë.

Gjatë hetimeve u konstatua se autorët e vrasjes lëviznin me automjete specifike, përfshirë një Porsche Cayenne dhe një Volkswagen, si dhe u gjetën përputhje balistike që lidhin armën e përdorur me krime të tjera në territorin gjerman.

Prania e tij në Pereira, ku përpiqej të fshihej, hapi linja të reja hetimi. Autoritetet po analizojnë lidhjet e mundshme me rrjete lokale të narko-trafikut, përfshirë struktura në Eje Cafetero, si dhe kontakte me organizata ndërkombëtare.

Operacioni u realizua në bashkëpunim mes autoriteteve kolumbiane, Europol-it dhe agjencive të sigurisë të Shteteve të Bashkuara. Në të njëjtën linjë, blloku i kërkimit në Pereira ka arrestuar edhe aktorë të tjerë të ekonomive ilegale, përfshirë alias Cakin.

Florind Rama pritet të përballet me procesin e ekstradimit drejt Evropës, ku kërkohet për vepra si vrasje, ndalim i paligjshëm, armëmbajtje dhe pjesëmarrje në organizatë kriminale. Ndërkohë, autoritetet po vazhdojnë hetimet për aktivitetin e tij në Kolumbi dhe lidhjet e mundshme me rrjete të mëdha narko-trafiku, përfshirë “La Cordillera”, kartelin e Sinaloas dhe Jalisco.

https://rumble.com/v78bupy-arrestimi-i-florind-rames-ne-kolumbi.html

The post VIDEO/ I kërkuar nga Interpol për vrasje dhe dyshime për torturë e rrëmbim, arrestohet shqiptari në Kolumbi (EMRI) appeared first on Albeu.com.

I kërkuari ka tentuar të kaloj pikën doganore për të hyrë në Shqipëri në ditën e Krishtlindjeve, kur nga verifikimi i pasaportës në sistem ka rezultuar se ai kërkohej nga Interpol Tirana pasi ishte i dënuar me 4 muaj burg nga drejtësia shqiptare për “falsifikim dokumentash”.

Ai është ndaluar nga policia greke, ndërkohë që dokumentacioni në ngarkim të tij i kaloi Prokurorisë së Janinës për nisjen e procedurave të ekstradimit.

Ndërkohë po në pikën e kalimit kufitar të Kakavijës, janë kapur edhe dy shtetas të tjerë shqiptarë, të kërkuar në Greqi. Njëri prej tyre rezultonte i dënuar nga Gjykata e Athinës me 3 vite burg për “shmangie taksash” ndërsa tjetri kërkohej me urdhër arresti nga Prokuroria e Kilkis për “ryshfet”.

The post I kërkuar nga Interpol Tirana/ Kapet shqiptari në Kakavijë, në pranga edhe dy të kërkuar në Greqi appeared first on Albeu.com.

Këtë e ka thënë një zëdhënës i BE-së, duke reaguar në njoftimet nga Serbia se ministri i Brendshëm i këtij shteti, Ivica Daçiq, është lavdëruar se po vazhdon kundërshtimi i anëtarësimit të Kosovës në këtë organizatë dhe se, sipas këtij ministri, “Kosova nuk ka kurrfarë gjasash që të bëhet pjesë e Interpolit”.

Daçiq po ashtu ka thënë se Kosova edhe më parë “ka dështuar keq kur ka provuar të bëhet anëtare e Interpolit” dhe se tash “e ka të qartë se nuk ka gjasa, prandaj as nuk po provon”.

Marrëveshja për rrugën drejt normalizimit të raporteve mes Kosovës dhe Serbisë, mes tjerash, obligon Serbinë që të mos kundërshtojë anëtarësimin e Kosovës në asnjë organizatë ndërkombëtare. BE-ja insiston se kjo marrëveshje është valide, se ajo duhet të implementohet pa vonesa, dhe se zbatimi i saj mbetet kusht për Kosovën dhe Serbinë, si për integrimin e tyre në BE, ashtu edhe për përfitime financiare nga plani i rritjes për Ballkanin Perëndimor.
Këtë, në përgjigjen e tij, e ka thënë për Kohën përsëri një zëdhënës i BE-së. “Progresi i Serbisë në rrugëtimin evropian varet nga përpjekjet për implementimin e plotë të obligimeve nga marrëveshja e vitit 2023 për rrugën drejt normalizimit. Duke kundërshtuar në parim anëtarësimin e Kosovës në Interpol, Serbia është në shkelje të obligimeve nga marrëveshja e Ohrit, neni 4 i marrëveshjes”, ka thënë ky zëdhënës.

Por në BE akoma nuk saktësojnë se cilat do të jenë pasojat për Serbinë për një sjellje të tillë që vetë BE e konsideron shkelje. Disa shtete anëtare shpesh kanë shprehur pakënaqësi për mungesën e masave ndaj Serbisë, ndërkohë që Komisioni Evropian i mban në fuqi masat kundër Kosovës. Një qasje e tillë nga disa shtete anëtare të BE-së është vlerësuar si “qasje e pabalancuar”.

The post Beogradi kundërshton anëtarësimin e Kosovës në Interpol, BE: Serbia po shkel detyrimet sipas marrëveshjes për dialogun appeared first on Albeu.com.

Një shqiptarë i cili intimidonte një vajze me publikimin e fotove intime është prangosur në Londër për llogari të Interpol Tiranës.

Flamur Gega 29 vjeç ka dalë përpara gjykatës të ekstradimeve Westminster Magistrate Court të enjten.

Sipas dokumenteve të gjykatës parë nga Top Channel ai ishte shpallur në kërkim nga drejtësia shqiptare pasi në 20.12.2020 kërcënoi se do të publikonte e shpërndante foto dhe pamje intime e si pasojë viktima do të kërcënohej e frikësohej.

Ai do të qëndroj në burgun HMP Wansworth deri në seancën tjetër të procesit të ekstradimit më 03.07.2025.

The post EMRI/ “Wanted” nga Interpol Tirana, arrestohet në Londër shqiptari që intimidonte një femër me fotot intime appeared first on Albeu.com.

“Si rezultat i bashkëpunimit të Interpol Tiranës me Interpol Ëiesbaden, u finalizua ekstradimi nga Frankfurti në Shqipëri i shtetasit Akil Qeleposhi, 33 vjeç,  lindur në Bajram Curri.

Gjykata e Apelit e Shkodrës, në vitin 2022 e ka dënuar këtë shtetas, me 23 muaj  e 7 ditë burgim, për veprën penale “Mbajtja pa leje dhe prodhimi i armëve, armëve shpërthyese e municionit”, pasi:

Gjatë një kontrolli në një lokal në Bajram Curri, në vitin 2020 Policia i gjeti me vete 1 pistoletë dhe municion luftarak, ndërsa në banesë i gjeti 1 kallashnikov dhe municion luftarak.

33-vjeçari iu dorëzua Drejtorisë së Përgjithshme të Burgjeve, për veprime të mëtejshme procedurale”, njofton policia.

The post EMRI/ Interpoli ekstradon nga Gjermania në Shqipëri të shumëkërkuarin nga Tropoja appeared first on Albeu.com.

Në fokus të takimit ishin çështjet e bashkëpunimit mes dy vendeve për luftën kundër krimit të organizuar dhe fenomeneve të tjera kriminale.

Gjatë takimit, ministri Balla vlerësoi mbështetjen e dhënë nga pala spanjolle për Policinë e Shtetit dhe agjenci të tjera ligjzbatuese, sidomos sa u përket trajnimeve për luftën ndaj veprave penale të pastrimit të parave dhe për rikuperimin e aseteve të krimit.

Balla kërkoi që bashkëpunimi mes dy agjencive të rritet e thellohet më tej, duke ngritur grupe të përbashkëta hetimore për goditjen e aktiviteteve kriminale, në bashkëpunim edhe me INTERPOL dhe EUROPOL.

Në takim u vlerësuan edhe rezultatet e arritura deri tani, ndërsa u ra dakord për thellimin e mëtejshëm të këtij bashkëpunimi, sidomos në rastet e hetimeve të përbashkëta, për shkëmbimin e të dhënave kriminale për persona apo dosje të ndryshme, për zhvillimin e takimeve dypalëshe në raste operacionesh specifike si dhe ato në fushën e narkotikëve.

The post Balla në Spanjë, pritet në Drejtorinë e Përgjithshme të policisë: Grupe të përbashkëta me INTERPOL e EUROPOL për aktivitetet kriminale appeared first on Albeu.com.

Për të zhvilluar punimet e këtij eventi, Kuvendi i Shqipërisë do të kalojë me procedurë të përshpejtuar, seancën e 16 majit, marrëveshjen e Shqipërisë dhe INTERPOL, mbi privilegjet dhe imunitetet e delegacioneve pjesëmarrëse. Në këtë marrëveshje thuhet se vendi organizator ka detyrë ruajtjen e sigurisë së delegacioneve dhe dhënien e privilegjeve për aq kohë sa janë të pranishëm dhe për këtë ngarkohet Policia e Shtetit. Përfaqësuesit e ICPO-INTERPOL-i do të kenë të njëjtat privilegje dhe imunitete që zakonisht u jepen organizatave ndërkombëtare, imunitet nga procesi ligjor dhe nga ekzekutimi i procesit ligjor në çështje civile, administrative dhe penale.

Aktualisht, puna vijon për logimin dhe brandimin enkas për aktivitetin. Mbetet e paqartë agjenda e punimeve, ndërsa burime pranë Ministrisë së Brendshme thonë se kjo është në varësi të vendimmarrjes së INTERPOL për publikim të asaj që do të diskutohet, megjithatë baza mbetet e njëjtë, roli i organizatës në luftën kundër krimit klasik dhe formave të reja që sa vijnë dhe perfeksionohen dhe rëndësia e shkëmbimit të informacionit mes anëtarëve të saj.

Sfidë mbetet lufta kundër trafikimit të drogës, krimi ekonomik, kibernetik e më gjerë. Të gjitha shpenzimet për organizimin e kësaj konference do të mbulohen nga buxheti i Policisë së Shtetit dhe arrijnë vlerën e 20 milionë lekëve. Një vit më parë konferenca u mbajt në Ohër të Maqedonisë së Veriut, ndërsa për disa muaj autoritetet shqiptare lobuan që konferenca e radhës të kryhet në Tiranë, ftesë që u pranua nga INTERPOL.

The post INTERPOL në Tiranë, 200 përfaqësues të policive të huaja, priten edhe ministra! 20 mln lekë të reja për organizimin, me urgjencë pakti për imunitetin appeared first on Albeu.com.

“Këto organizata kriminale të ndihmuara nga anonimiteti i ofruar nga interneti, i frymëzuar nga modelet e reja të biznesit që kanë fituar terren që nga periudha e COVID, funksionojnë sot në një shkallë që askush nuk do ta kishte imagjinuar një dekadë më parë” , tha sekretari i përgjithshëm i organizatës mëtë madhe ndërkombëtare të policisë në botë, Jurgen Stock .

Qendrat e reja të krimit kibernetik, të cilat shpesh padashur punësojnë njerëz që janë trafikuar dhe mashtruar nën maskën e punës legjitime, kanë ndihmuar rrjetet e krimit të organizuar që tani t’i nxjerrin të ardhurat e tyre kryesisht nga trafikimi i qenieve njerëzore dhe jo nga trafiku i drogës.

Sipas Stock, të ardhurat nga trafiku i drogës, megjithatë, mbeten në 40% deri në 70% të totalit të të ardhurave të organizatave kriminale.

“Por ne shohim organizata që po diversifikojnë qartë operacionet e tyre kriminale duke përdorur korridoret e trafikut të drogës për trafikun e njerëzve, armëve, pronës intelektuale, mallrave të vjedhura, makinave,” vuri në dukje Stock.

Rreth dy deri në tre trilion dollarë të ardhura të paligjshme lëvizin nëpër sistemin financiar global çdo vit, sipas Stock. Shefi i Intrepol tha se një rrjet i krimit të organizuar mund të bëjë 50 miliardë dollarë fitime çdo vit.

Kombet e Bashkuara njoftuan vitin e kaluar se më shumë se 100,000 njerëz u trafikuan përmes qendrave të mashtrimit kibernetik në Kamboxhia. Në nëntor, Mianmari ekstradoi mijëra të dyshuar kinezë për mashtrime të telekomit në Kinë.

The post Interpol: Trafikimi i qenieve njerëzore në Azinë Juglindore situatë alarmante për botën appeared first on Albeu.com.

Ne listën e Interpolit janë futur shefi i njësitit elitar të Policisë së Kosovës, ‘FIT’, Alban Jetullahu, shefi i ‘RSU’, Besart Ahmeti, si dhe një zyrtar tjetër i Policisë së Kosovës.

Keta tre zyrtare kërkohen për arrestimin e një shtetasi rus në veri të Kosovës në maj të vitit 2019.

Më 31 maj të vitit 2019, Policia e Kosovës gjatë një aksioni në veri të Mitrovicës kishte arrestuar 19 pjesëtarë të policisë të cilët kanë qenë të dyshimtë, 10 qytetarë që kanë qenë të dyshuar, 9 qytetare të tjerë të cilët kanë penguar zyrtarët policorë në kryerje të detyrës si dhe 1 zyrtar të UNMIK-ut, me nënshtetësi ruse.

Sipas njoftimit të lëshuar nga policia atë kohë, thuhej se plani policor kishte filluar së zbatuari ashtu siç ishte planifikuar në të gjitha rajonet në të cilat kryesisht kanë kaluar pa incidente, përjashtuar rajonin e Zubin Potokut, ku tek vendi i quajtur “Klisurë”, Policia thotë se persona të panjohur kanë vendosur pengesa në rrugë si drunj, ndezje të zjarrit dhe automjete të rënda, kamionë me pesha të rënda e të tjera.

“Policia në këtë zonë ka hasur në rezistencë të armatosur me armë zjarri nga persona të dyshimtë, ku si pasojë e të shtënave janë plagosur dy zyrtarë policorë, prej tyre njëri më rëndë ndërsa tjetri më lehtë, përfshirë edhe disa zyrtarë të lënduar gjatë veprimeve për të hapur barrikadat e vendosura nga qytetarët. Shumica e të dyshuarve kanë qenë të dhunshëm gjatë arrestimit, dhe si pasojë e kësaj Policia është dashur që ta përdorë forcën e domosdoshme dhe proporcionale me qëllim që të dyshuarit t’i vë nën kontroll”, deklaron Policia.

“Vlen të theksohet se gjatë largimit të barrikadave dhe disa personave që kishin dalë në rrugë me qëllim të pengimit të policisë, disa herë është vërejtur një automjet ‘Toyota’ ngjyrë e bardhë me targa dhe shenja të UN-it, e cila lëvizte bashkë me të dyshuarit në disa lokacione. Drejtuesi i veturës ka ndihmuar protestuesit e dhunshëm duke e vendosur veturën e tij zyrtare në mes të rrugës para personave të dyshuar dhe barrikadës së vendosur, ku në pjesën e pasagjerit është vërejtur se është nxjerr një motosharrë, e cila nga personat e dyshuar është përdorur për prerjen e druve dhe vendosjen e tyre në barrikadë. Edhe përkundër faktit se zyrtarët policorë kanë kërkuar disa herë nga i njëjti që ta lirojë rrugën, duke e përsëritur kërkesën edhe në gjuhën angleze, i njëjti ka refuzuar urdhrat policorë duke mos pranuar të komunikojë, të identifikohet si dhe ta lirojë rrugën”, theksohej në njoftimin e Policisë së Kosovës.

Më tej thuhej se zyrtarët policorë, duke u gjetur në një situatë të rënduar në një zonë të rrezikshme, “janë detyruar ta nxjerrin nga makina me forcë dhe ta arrestojnë atë, për ta shoqëruar në polici”.

Lidhur me arrestimin e zyrtarit të misionit të UN-it në Kosovës kishte reaguar edhe zëvendësministri i Mbrojtjes, Burim Ramadani. Sipas tij zyrtari rus Krasnoschenkov, kishte punuar më herët në intelegjencën ruse.

“Fjalët e mediave serbe e ruse se Krasnoschenkov ishte një kalimtar i pafajshëm, i cili u kap në përpjekjet e PK-së për të thyer bllokadën rrugore, janë shumë të dyshimta. Atëherë, pse Krasnoschenkov qëlloi atje në vendin e ngjarjes, apo pse nuk u largua kur e pa pengesën? Pse përdori automjetin e tij zyrtar për të bllokuar rrugën, pse i rezistoi arrestimit, ose a ekzistonte ndonjë axhendë tjetër që kishte Krasnoschenkov e që ishte e fshehur nga UNMIK-u? Burime të besueshme pretendojnë që Krasnoschenkov jetoi një jetë krejtësisht ndryshe para se të punësohej në Kombe të Bashkuara dhe Organizatën për Siguri dhe Bashkëpunim në Evropë (OSCE). Krasnoschenkov, një Kolonel i pensionuar i ushtrisë ruse, në 1990 ka punuar në zyrat e Atasheut të Mbrojtjes në Azinë Juglindore. Në vitin 1990 ishte e zakonshme që të gjithë anëtarët e atasheve ushtarakë ruse ishin pjesë e Drejtorisë Kryesore të Inteligjencës ruse (GRU). Inteligjenca Ushtarake Ruse, e njëjta GRU që e mbajti përgjegjësinë për përpjekjen e dështuar në grusht-shtetin në Malin e Zi në vitin 2016. Nëse nuk ishte e qartë më parë, është e qartë tani që qeveria ruse po përpiqet të ushqejë tensionet etnike me qëllim të minimit të sovranitetit të Kosovës dhe prishjen e çdo mundësie në Kosovë dhe Serbi për të normalizuar marrëdhëniet e tyre, duke e mbajtur bashkësinë ndërkombëtare dhe misionet e tyre në Kosovë”, kishte deklaruar zëvendësministri Ramadani atë kohë.

Për shkak të imunitetit të tij diplomatik, kryeprokurori kishte marrë vendim për lirimin e tij dhe ndaj tij nuk është shqiptuar asnjë masë, apo ndjekje penale.

The post Rusia ka lëshuar urdhër arrest për tre zyrtar policor të Kosovës appeared first on Albeu.com.

Sipas tij ky është një hap i rëndësishëm drejt zbardhjes së këtij rasti.

“Ky është një hap i rëndësishëm dhe si i tillë ka efektin e plotë atëherë kur Serbia e cila është duke strehuar dhe akomoduar këta terroristë, i dorëzon tek autoritetet tona për t’u përgjigjur para drejtësisë

Llogaridhënia për organizimin dhe realizimin e sulmit terrorist të 24 shtatorit ku mbeti i vrarë Rreshter Afrim Bunjaku është e domosdoshme. Ndëshkimi për urdhërdhënësit, organizatorët dhe ekzekutuesit e këtij sulmi duhet të ndodhë sa më parë, si garancë e mos përsëritjes së akteve të ngjajshme terroriste”, shkroi ai në një postim në Facebook.

The post Sveçla: Të gjithë të kërkuarit për sulmin terrorist në Banjskë janë vendosur në listën e INTERPOL appeared first on Albeu.com.