Inter-Napoli Archives - Albeu.com

VIDEO/ Inter “gjunjëzon” Napolin në “San Siro”, Dzeko ndal hovin e napoletanëve

E S — Wed, 04 Jan 2023 21:46:13 +0000

Ka përfunduar me rezultatin 1 me 0, përballja e luftuar mes Interit dhe Napolit, e zhvilluar në stadiumin “San Siro”, me djemtë e Inzaghit që i dhanë fund rrugëtimit të gjatë pa humbje të napoletanëve.

“Zikaltrit” u hodhën menjëherë në sulm, por Lukaku e Di Marco nuk ditën të finalizonin siç duhet rastet përpara portës së Meret, duke e mbyllur pjesën e parë me rezultatin 0 me 0.

Me fillimin e pjesës së dytë, situata mbeti po e njejtë, deri sa në minutën e 56’, Edin Dzeko çoi “peshë” stadiumin “San Siro”, ku pas një krosimi fantastik nga Di Marco, boshnjaku gjeti rrugën e rrjetës përballë një portieri fantastik si Meret. Edhe pse përpjekjet e napolitanëve ishin te shumta, një super Onana ishte i pakalueshëm ditën e sotme, duke e mbyllur kështu ndeshjen me rezultatin 1 me 0.

Me këtë fitore Inter ngjitet në vendin e 4-t, të renditje me 33 pikë, ndërsa Napoli vazhdon e pashqetësuar në vendin e parë të renditjes, me plot 41 pikë. /albeu.com

SHIKONI GOLIN

The post VIDEO/ Inter “gjunjëzon” Napolin në “San Siro”, Dzeko ndal hovin e napoletanëve appeared first on Albeu.com.

VIDEO/ Zhbllokohet sfida, Dzeko “çan” rrjetën e napoletanëve

E S — Wed, 04 Jan 2023 21:05:58 +0000

Pas 59′ minutash vuajtje përballë portës së Napolit ka ardhur dhe goli i avantazhit nga djemtë e Inter.

Pas një krosim të bukur nga ana e Di Marco-s, Edin Dzeko e “çpoi” rrjetën e Alex Meret, duke i falur të tijve avantazhin. /albeu.com

The post VIDEO/ Zhbllokohet sfida, Dzeko “çan” rrjetën e napoletanëve appeared first on Albeu.com.

Formacionet zyrtare Inter-Napoli: Dzeko përballë Osimhen, në “Meazza” luhet “ëmbëlsira” e javës së 16-të

E S — Wed, 04 Jan 2023 19:00:26 +0000

Në më pak se 1 orë, në stadiumin “Giussepe Meazza” Inter do të përballet me Napolin, në përballjen më të bukur të javës së 16-të.

Tekniku Simone Inzaghi ka zgjedhur si zakonisht formacionin 3-5-2, ku në portë është pozicionuar Onana e përballë tij treshja e mbrojtjes Acerbi, Baston e Skrinar. Darmian e Di Marco nga krahët janë në suport të mbrojtjes e mesfushës, e cila përbëhet nga Barella, Mkhitaryan dhe Calhanoglu. Ndërsa, sulmi i është besuar dyshes Lukaku-Dzeko.

Në krahun tjetër, tekniku Luciano Spalleti ka zgjedhur formacionin 4-3-3, ku në portë është vendosur Alex Meret. Mbrojtja me katër përbëhet nga Di Lorenzo, Kim Min-Jae, Rrahmani dhe Olivera. Në mesfushë janë pozicionuar Zambo-Anguissa, Lobotka dhe Zielinski, ndërsa “tridenti” i sulmit përbëhet nga Kvartashkelia, Osimhen dhe Politano. /albeu.com

The post Formacionet zyrtare Inter-Napoli: Dzeko përballë Osimhen, në “Meazza” luhet “ëmbëlsira” e javës së 16-të appeared first on Albeu.com.