Drita e ka mbyllur aventurën në play-offin e Ligës së Konferencës pas një eliminimi të dhimbshëm përballë Inter D’Escaldes, që triumfoi në ekzekutimin e penalltive dhe avancoi në fazën e ligës.

Skuadra gjilanase e nisi takimin e fokusuar te mbrojtja dhe gjatë pjesës së parë arriti ta mbante larg rrezikut portën e mbrojtur nga Faton Maloku.

Edhe pse Drita u paraqit me dy sulmues, gjatë 45 minutave të para nuk krijoi raste të pastra për gol.

Inter D’Escaldes e rriti presionin pas pushimit dhe kërkoi më shumë në fazën ofensive. Megjithatë, pritjet e mira të Malokut dhe pasaktësia e futbollistëve të skuadrës nga Andorra bënë që rezultati të mos ndryshonte.

Pranë fundit të ndeshjes, Drita pati një mundësi pas një goditjeje nga këndi, por Besnik Krasniqi nuk arriti ta devijonte në rrjetë topin e harkuar në zonë.

Pas barazimit 2-2 në ndeshjen e parë të zhvilluar në Prishtinë, edhe dueli i kthimit në Andorrë përfundoi pa fitues pas 90 minutave, duke e lënë rezultatin e përgjithshëm të pandryshuar.

Në serinë e penalltive, për Dritën realizuan Besnik Krasniqi dhe Ovouka. Portieri Faton Maloku i dha përkohësisht shpresë skuadrës kosovare, pasi ndali penalltinë e tretë të Inter D’Escaldes.

Megjithatë, Kristal Abazaj nuk e shndërroi në gol tentativën e tij dhe Interi kaloi sërish në avantazh, 3-2. Më pas, Igball Jashari e goditi jashtë portës penalltinë e radhës.

Riyadi realizoi penalltinë e katërt për Inter D’Escaldes, duke i siguruar ekipit nga Andorra fitoren dhe kualifikimin.

Me këtë rezultat, Drita eliminohet në play-off dhe nuk arrin të marrë pjesë në fazën e ligës së Ligës së Konferencës.

Ndryshe nga sezoni i kaluar, kur kampionia e Kosovës luajti në fazën e ligës, këtë herë aventura evropiane e gjilanasve përfundon pas një përballjeje dramatike në Andorrë.

The post Drita eliminohet në mënyrë dramatike, Inter D’Escaldes siguron fazën e ligës pas penalltive appeared first on Albeu.com.

Pas përfundimit të 90 minutave, Inter D’Escaldes dhe Drita kanë barazuar 0-0, ndaj fituesi i përballjes do të përcaktohet në vazhdime.

Ndeshja zhvillohet në Andorra dhe është sfida e kthimit të play-offit të Ligës së Konferencës. Takimi i parë, i luajtur në Prishtinë, përfundoi me rezultatin 2-2.

Drita e nisi pjesën e parë e përqendruar te mbrojtja, duke i mbyllur hapësirat dhe duke mos i dhënë mundësi skuadrës vendase të krijonte rrezik serioz pranë portës së Faton Malokut.

Edhe pse gjilanasit u rreshtuan me dy sulmues, ata nuk patën një rast të pastër për të shënuar gjatë 45 minutave të para.

Inter D’Escaldes e rriti presionin pas pushimit dhe kërkoi më shumë golin, por pritjet e Faton Malokut dhe pasaktësia e futbollistëve të klubit nga Andorra e mbajtën rezultatin të pandryshuar.

Drita pati një tentativë në fund të takimit, kur kërkoi të përfitonte nga një goditje këndi. Megjithatë, Besnik Krasniqi nuk arriti ta devijonte në rrjetë topin e harkuar në zonë.

Me barazimin 2-2 në Prishtinë dhe rezultatin 0-0 pas 90 minutave në Andorra, rezultati i përgjithshëm vijon të jetë i barabartë dhe ndeshja tashmë ka hyrë në vazhdime.

The post Drita dhe Inter D’Escaldes nuk ndahen në 90 minuta, sfida shkon në vazhdime appeared first on Albeu.com.

45 minutat e para të përballjes mes Inter D’Escaldes dhe Dritës janë mbyllur me rezultatin 0-0. Takimi luhet për ndeshjen e kthimit të play-offit të Ligës së Konferencës.

Ekipi nga Gjilani u përqendrua kryesisht te detyrat mbrojtëse, duke i mbyllur hapësirat dhe duke mos i dhënë kundërshtarit mundësi të rrezikojë portën e mbrojtur nga Maloku.

Pavarësisht se Drita zbriti në fushë me dy sulmues, gjilanasit nuk arritën të prodhonin një rast të pastër për gol gjatë kësaj pjese.

Fraksioni i parë pati edhe përplasje mes lojtarëve dhe ndërhyrje të forta. Për këto episode, kartonë të verdhë morën David Lopez i Inter D’Escaldes dhe Albert Dabiqaj i Dritës.

Pas përfundimit të pjesës së parë, rezultati vijon të jetë 0-0. Drita synon kualifikimin, pas barazimit 2-2 në takimin e parë të zhvilluar në stadiumin “Fadil Vokrri”.

The post Përfundon fraksioni i parë, Inter D’Escaldes dhe Drita në barazim pa gola appeared first on Albeu.com.

Kampioni i Kosovës, Drita, përballet sonte (e enjte) me Inter Club D’Escaldes në sfidën që do të përcaktojë kualifikimin në fazën e ligës të Ligës së Konferencës. Për skuadrën gjilanase, vetëm fitorja ose një rezultat më i mirë pas 90 minutave do të mjaftojë për të siguruar kalimin.

Takimi në Andorrë është ndeshja e kthimit e fazës play-off, ndërsa përballja e parë në Prishtinë përfundoi në barazim 2-2. Për këtë arsye, gara mbetet tërësisht e hapur dhe ekipi që do të dalë triumfues në aktin e dytë do të avancojë në fazën e ligës.

Drita udhëton me synimin për të përmbyllur me sukses një tjetër kapitull të rëndësishëm në arenën evropiane dhe për të regjistruar një arritje historike.

Pas dy golave të shënuar në ndeshjen e parë, gjilanasit duhet të paraqiten në nivel të lartë në transfertë, pasi çdo gabim mund t’u kushtojë eliminimin nga Inter Club D’Escaldes.

Një përballje e fortë pritet të zhvillohet nga ora 19:00 në stadiumin Estadi de la FAF në Encamp, ku vendimi përfundimtar mund të merret vetëm në momentet e fundit.

The post Drita kërkon fitoren vendimtare ndaj Inter Club D’Escaldes për fazën e ligës appeared first on Albeu.com.

Parashikimet e Football Meets Data për pesë përballjet e “Champions Path” në play-offin e Ligës së Konferencës e vendosin Dritën në një situatë të hapur, me gjasa reale për të siguruar kalimin në fazën e ligës.

Skuadra gjilanase do të luajë të enjten ndeshjen e kthimit ndaj Inter Club d’Escaldes. Sipas vlerësimeve të publikuara, FC Drita ka 43 për qind mundësi për t’u kualifikuar, ndërsa ekipi nga Andorra llogaritet me 57 për qind shanse.

Diferenca e ngushtë mes dy skuadrave tregon se bëhet fjalë për një prej dueleve më të ekuilibruara të kësaj faze. Takimi i parë, i zhvilluar në Prishtinë, përfundoi me rezultatin 2-2.

Edhe pse Inter Club d’Escaldes shihet si favorit, Drita mbetet pranë kundërshtarit në projeksione. Një paraqitje e nivelit të lartë në sfidën e kthimit mund t’i sigurojë kampionit kosovar avancimin në fazën e Ligës së Konferencës.

Ndër çiftet e tjera, Borca Banja Luka ka epërsi të theksuar ndaj Vikingur Reykjavikut, me 93 për qind gjasa për kualifikim, kundrejt vetëm 7 për qind të skuadrës islandeze.

Favorit i qartë është edhe Larne FC në përballjen me Lincoln Red Imps, pasi vlerësohet me 92 për qind shanse për të kaluar më tej. Ndërkohë, Riga FC ka 78 për qind mundësi përballë KI Klaksvik.

Në duelin mes KuPS Kuopio dhe Shamrock Rovers, skuadra finlandeze llogaritet me 65 për qind gjasa për kualifikim, ndërsa ekipi irlandez me 35 për qind.

Përballja Inter Club d’Escaldes-FC Drita rezulton më e balancuara në listën e publikuar, pasi mes dy ekipeve ka një diferencë prej vetëm 14 pikësh përqindjeje.

Një kualifikim i Dritës do të përbënte një tjetër sukses të rëndësishëm për futbollin kosovar në garat evropiane.

The post Drita me 43 për qind mundësi për kualifikim në fazën e ligës së Ligës së Konferencës appeared first on Albeu.com.

Drita dhe Inter D’Escaldes e kanë mbyllur në barazim 2-2 përballjen e parë të ‘play-off’-it të Ligës së Konferencës, të luajtur në stadiumin “Fadil Vokrri” në Prishtinë.

Ekipi nga Gjilani e gjeti golin që në aksionet e para të takimit, duke kaluar në avantazh në minutën e katërt.

Hajdin Salihu, i cili iu bashkua Dritës gjatë kësaj vere, shënoi me kokë pas një realizimi të bukur dhe i dha skuadrës kosovare epërsinë e hershme.

Megjithatë, avantazhi vendas zgjati vetëm nëntë minuta. Në minutën e 13-të, mesfushori maroken Doni Berlanga realizoi për Inter D’Escaldes dhe vendosi baraspeshën, 1-1.

Drita nuk u ndal së kërkuari golin e radhës dhe pak para pushimit arriti ta rikthejë epërsinë.

Blerim Krasniqi shënoi në minutën e 42-të për 2-1, ndërsa aksioni u ndërtua pas asistimit të Igball Jasharit.

Me këtë rezultat skuadrat shkuan në dhomat e zhveshjes pas përfundimit të pjesës së parë.

Në fraksionin e dytë, Inter D’Escaldes reagoi përsëri dhe barazoi shifrat për herë të dytë.

Portieri i Dritës, Faton Maloku, e grushtoi topin në zonë në minutën e 56-të, por David Lopez përfitoi nga situata dhe e dërgoi topin në rrjetë për 2-2.

Asnjëra skuadër nuk arriti të shënonte më deri në vërshëllimën e fundit, ndaj sfida përfundoi me ndarjen e pikëve.

Barazimi e lë të hapur garën për ndeshjen e kthimit, ku Drita do të synojë të sigurojë kalimin në fazën e ligës së Ligës së Konferencës.

The post Drita dhe Inter D’Escaldes barazojnë në Prishtinë, vendimi për kualifikimin merret në Andorrë appeared first on Albeu.com.

Drita do ta zhvillojë në shtëpi përballjen me Inter Escaldes, të vlefshme për ‘play-off’-in e Ligës së Konferencës. Ndeshja nis në orën 20:00.

Pak para fillimit të sfidës, trajneri i kampionit të Kosovës, Ardian Nuhiu, ka bërë publike përbërjen me të cilën skuadra e tij do të luajë nga minuta e parë.

Nuhiu ka zgjedhur skemën 4-4-2, ndërsa në mesin e zëvendësuesve kanë mbetur disa futbollistë të rëndësishëm, mes tyre Arb Manaj, Liridon Balaj dhe Rron Broja.

Blerim Krasniqi do ta udhëheqë repartin ofensiv të Dritës, ndërsa Besnik Krasniqi është vendosur në krahun e djathtë të sulmit.

Në qendër të mesfushës do të jenë Ëilliam Beaten dhe Vesel Limaj. Në formacionin titullar është përfshirë edhe Hajdin Salihu, i cili do ta nisë takimin në mbrojtje.

Formacionet zyrtare:

Drita: Maloku, Bytyqi, Pëllumbi, Ovouka; Beaten, Limaj; Krasniqi, Nguena, Jashari; Krasniqi.

Inter Escaldes: Diaz; Torres, Sanchez, Hernandez, Pochettino; Molina, Otegui, Lopez; Sidibe, Chouaib, Berlanga.

The post Drita pret Inter Escaldes në ‘play-off’: Kampioni i Kosovës vetëm 180 minuta larg historisë appeared first on Albeu.com.