Berisha theksoi se shumë vende janë shprehur skeptikë për raportin e IBAR, kushtet e ndërmjetme për integrimin në BE, ndërsa shtoi se “një breshëri të re kushtesh e kërkesash që do t’i vendosen Shqipërisë.”

Kryedemokrati ironizoi kryeministrin, teksa tha se duke deklaruar se ka më pak korrupsion po bëhet më i besueshëm, duke iu referuar deklaratave që ka mbajtur ditët e fundit në takimet që ka mbajtur me socialistët.

“Ka mbi një muaj që në Bruksel, përfaqësues të të gjitha vendeve anëtare, kanë bërë gjer dje 5 takime dhe prapë Shqipëria mbetet në klasë për shkak të vjedhjes së Ramës e Ballukut e AKSHI-t të Lindave. Ai është një raport i ndërmjetëm, nuk është përfundimtar dhe as të ndërmjetmë, nuk e kanë pranuar. Janë bërë një grup i madh vendesh, të cilët kanë sjellë dje një breshëri të re kushtesh e kërkesash që do t’i vendosen Shqipërisë në rrugën e integrimit. Të gjitha këto për vjedhjet e Ramës me Lubi Ballukun e Lindat e tij. Dhe del nga një sallë në një tjetër me patronazhistët hajdutë, e kriminelë elektoralë, duke akuzuar dhe mbrojtur korrupsionin, duke deklaruar se nuk kemi shumë korrupsion.

Kujton se nuk e ka parë bota lakuriq atë kur i bllokoi heqjen e imunitetit të Balluku, mendon se të tjerët nuk e dinë se mbrojti veten e tij e jo Lubinë, mendon se nuk e dinë se Linda e AKSHI-t nuk është gjë tjetër vetëm maska e Lindës së Surrelit. E vërteta është që Shqipëria po ndëshkohet pavarësisht nga mashtrimet e tij, por një breshëri kushtesh të reja vendosen dhe de facto pas proceseve të mundshme të anëtarësimit të Islandës, Shqipëria largohet me Edi Ramën, me shpejtësi mbrapa nga horizonti.

Mendon se duke deklaruar se ka më pak korrupsion seç kishte, bëhet më i besueshëm kur të gjithë e dinë se kryehajduti i vendit është ai. Punët e Ramës janë sarajet e Surrelit, pallati i Linda Ramës pa asnjë faturë, porti i Durrësit që shkon disa miliarda, tuneli i Llogarasë, autostrada Librazhd-Dragostunjë, e shembur sikur t’i kesh hedhur bombën më të madhe që ekziston, rrugët e shembura në të 4 anët e vendit”, tha Berisha.

The post Berisha: Shqipëria ka mbetur në klasë për shkak të vjedhjeve të Ramës dhe Ballukut, një ‘breshëri’ e re kushtesh do të vendosen për integrimin në BE appeared first on Albeu.com.

Bardhi deklaroi se Shqipërisë i është bërë e qartë nga partnerët ndërkombëtarë se nuk do të ketë përparim në procesin e integrimit nëse Kuvendi shndërrohet në “bunker për zyrtarët e korruptuar”.

Ai theksoi se nuk mund të ketë hapa përpara nëse nuk hiqet imuniteti i zv/kryeministres Belinda Balluku.

“Pse e fshihni këtë informacion? E shisni Shqipërinë si sukses se hapen kapitujt, por sukses është mbyllja e kapitujve,” u shpreh Bardhi, duke shtuar se për rastin konkret të Ballukut, mazhoranca ka zgjedhur të “shkelmojë shtetin ligjor” dhe të pengojë integrimin evropian.

Ai krahasoi situatën e Shqipërisë me vendet e rajonit, duke përmendur Mali i Zi dhe Serbia, të cilat sipas tij kanë hapur dhe mbyllur kapituj negociatash, ndërsa Shqipëria, sipas Bardhit, mbetet peng i çështjeve që lidhen me Ballukun dhe kryeministrin Edi Rama.

Në fjalën e tij, Bardhi përmendi edhe deklaratat e kreut të Komisionit për Punët e Jashtme në Parlamentin Evropian, David McAllister, duke pretenduar se rasti Balluku përbën një “test kritik” për luftën kundër korrupsionit në Shqipëri.

Sipas Bardhit, çdo person që ka akses në dosjen përkatëse mund të kuptojë, sipas tij, përfshirjen e Ballukut dhe Ramës në çështje korruptive, ndërsa shtoi se shqetësime janë ngritur edhe nga autoritetet gjermane lidhur me një dosje që përfshin Agjencia Kombëtare e Shoqërisë së Informacionit (AKSHI).

Në fund të fjalës së tij, kreu i grupit parlamentar të PD-së akuzoi qeverinë për zvarritje të procesit të integrimit prej 14 vitesh për interesa politike dhe për përdorim të propagandës në vend të reformave reale, duke e cilësuar integrimin evropian si një proces jetik mbarëkombëtar që, sipas tij, po mbahet peng.

The post Gazment Bardhi: Integrimi në BE po pengohet për të mbrojtur Ballukun appeared first on Albeu.com.

Kreu i qeverisë shtoi se PS do të fitojë zgjedhje, por theksoi se kërkon një shumicë më e madhe se çdo herë tjetër.

Edi Rama: Qeveria mund të ketë shumë të meta, mund të ketë bërë plotë gabim, por askush tjetër, as përballë, as përreth, as mbrapa nesh nuk bën dot assesi atë që ne bëjmë dhe mund të bëjmë. Do të ishte fatale për vendin çdo lloj lëkundje më 11 Maj, Nuk para shoh ndryshim të maxhorancës, do ta fitojë shumicën, por çështja është cili do të jetë mesazhi që populli shqiptar do ti japë BE.

Duhet një shumicë më e madhe se çdo herë tjetër për PS, është kaq e thjeshtë, kjo nuk ka lidhje me fanellën apo me faktin që ne rrezikojmë të humbasim zgjedhjet. Kjo nuk ndodh, sepse shqiptarët janë të mençur dhe kanë nuhatje për politikë.

The post Edi Rama: Qeveria jonë mund të ketë shumë të meta dhe ka bërë plot gabime, por integrimin në BE askush tjetër s’e bën dot appeared first on Albeu.com.