Pak ditë pasi profesori i shkencave në degën e biologjisë, Halil Ibrahimi, njoftoi për zbulimin dhe u shpreh se ky insekt jeton vetëm në Bjeshkët e Nemuna, për të ka shkruar edhe mediumi i njohur për zbulime shkencore “Phys.org”.

Duke iu referuar publikimit në revistën prestigjioze “Boidiversity Data Journal”, kjo faqe ka shkruar se pas analizave molekulare dhe morfologjike ishte kuptuar se është specie në të cilën shkenca s’kishte pasur qasje më herët.

Ky insekt është zbuluar nga profesori i Fakultetit të Shkencave të Natyrës në Universitetin e Prishtinës, Halil Ibrahimi.

Për ta kujtuar kohën kur është zbuluar ky lloj i ri i insektit, ai është emërtuar Potamophylax coronavirus.

The post E rrallë/ Mediat e huaja shkruajnë për insektin e ri që u zbulua në Kosovë appeared first on Albeu.com.

Salvinia molesta, që ka pushtuar gjithë liqenin, është një bimë që nuk ngjitet në tokë por lundron lirshëm në sipërfaqet ujorë.

Në shikim të parë duket këndshëm, por në fakt është shumë i rrezikshëm për strukturën ekologjike të liqenit. Përhapja e bimës është aq e shpejtë, sa e bën të pa mundur parandalimin e rritjes dhe shfarosjes së saj.  Ajo përhapet nga era, rrymat e ujit, përmbytjet, kafshët dhe njerëzit.

Shtresa e formuar nga bima në sipërfaqen e ujit parandalon hyrjen e dritës së ditës në ujë. Kjo bimë, e cila kufizon zhvillimin e peshkut, bën që krijesat e tjera që jetojnë në liqen të kenë vështirësi të ushqehen dhe të migrojnë në ujërat e tjera.

Por ka një mënyrë për të shpëtuar nga ky problem që kërcënon të ardhmen e qytezës. Bëhet fjalë për një  insekt i zi i cili zhvillohet vetëm në Salvinia molesta.

Insekti i vogël, i gjatë vetëm 2-3.5 mm, depërton në rrënjët e bimës, duke shkaktuar dëme vdekjeprurëse dhe duke shkatërruar salvininë. Pra, ky insekt ka në dorë fatin e një qyteze të tërë.

The post Rreziku përhapet edhe nga era, insekti që ka “në dorë” të ardhmen e një qyteze appeared first on Albeu.com.