Ky i fundit ndodhet në gjendje të rëndë në spital.

Rinas/Informacion paraprak;

Rreth orës 14:20, te rrethrrotullimi në afërsi të aeroportit, dyshohet se është qëlluar me armë zjarri drejt automjetit me të cilin po lëviznin shtetasit M. Sh., rreth 40-vjeç dhe G. D., rreth 47-vjeç.

Si pasojë ka humbur jetën shtetasi G. D. dhe është plagosur shtetasi M. Sh., i cili ndodhet në spital, në kujdesin e mjekëve, në gjendje të rëndë shëndetsore.

Shërbimet e Policisë kanë rrethuar zonën, kanë ngritur pika kontrolli dhe vijojnë punën për kapjen e autorit/ëve.

Ndërkohë, grupi hetimor, në drejtimin e Prokurorisë, po punon për zbardhjen e rrethanave të ngjarjes.

The post Atentati me një viktimë në Rinas, policia del me informacion zyrtar: I plagosuri në gjendje të rëndë (EMRI) appeared first on Albeu.com.

Kompania ka shtuar një paralajmërim të shkurtër pranë butonit “post to feed” në aplikacionin Meta AI, duke i këshilluar përdoruesit të shmangin ndarjen e informacionit personal ose të ndjeshëm.

Ndryshimi u vu re për herë të parë nga Business Insider, i cili e quajti aplikacionin një nga vendet më depresive në internet për shkak të vëllimit të madh të informacionit intim, të sikletshëm dhe madje edhe personalisht të identifikueshëm që përdoruesit e Meta AI – me sa duket pa vetëdije – po ndajnë publikisht përmes feed-it të saj të integruar “zbulo”.

Ndërsa Meta AI nuk ndan historikun e bisedave të përdoruesve si parazgjedhje, duket se shumë përdorues kanë zgjedhur të ndajnë ndërveprimet, duke mos e kuptuar se duke vepruar kështu do t’i bënte bisedat e tyre me zë dhe tekst të dukshme për të gjithë.

Ekspertët e privatësisë e kanë kritikuar Metën, duke theksuar se shumica e chatbot-eve të tjerë të njohur të AI-së nuk kanë një burim social, të shikueshëm publikisht.

“Nëse pritjet e përdoruesve rreth mënyrës se si funksionon mjeti nuk përputhen me realitetin, keni një problem serioz me përvojën e përdoruesit dhe sigurinë”, tha javën e kaluar ekspertja e sigurisë Rachel Toback, e cila më parë ka punuar me Meta-n.

“Njerëzit kanë ndërtuar një model mendor se si funksionojnë chatbot-et e inteligjencës artificiale dhe nuk presin që postimet e tyre të shfaqen në ndonjë formë të feed-it social – nuk funksionon kështu mënyra se si funksionojnë mjetet e tjera”, shtoi ajo.

Fondacioni Mozilla i ka bërë gjithashtu thirrje Meta-s të ndryshojë dizajnin e aplikacionit.

“Aplikacioni Meta AI nuk e bën të qartë se ajo që ndani po bëhet plotësisht publike”, tha ai në një deklaratë.

“Nuk ka ikona të qarta, as tregues të njohur të ndarjes si në aplikacionet e tjera Meta”, u tha ndër tjera.

Tani, duket se kompania më në fund i ka kushtuar vëmendje. Me këtë ndryshim, kur një përdorues vendos të ndajë publikisht një ndërveprim me Meta AI, shfaqet një paralajmërim që thotë: “Postimet që postoni janë publike dhe të dukshme për të gjithë. Postimet tuaja mund të sugjerohen nga Meta në aplikacione të tjera Meta. Shmangni ndarjen e informacionit personal ose të ndjeshëm”.

Megjithatë, ky paralajmërim shfaqet vetëm në postimin e parë. Siç raporton Business Insider, burimi publik i aplikacionit nuk duket se tregon më shkëmbimet e mesazheve që përdoruesit e tjerë kanë ndarë me AI-në, por vetëm imazhe dhe video të gjeneruara nga AI.

Nuk është e qartë nëse ky është një ndryshim i përhershëm apo një reagim ndaj vëmendjes negative që aplikacioni ka marrë së fundmi.

Ndërkohë, nëse pa e ditur keni postuar përmbajtje publikisht në aplikacionin Meta AI, mund ta hiqni atë duke klikuar në profilin tuaj në këndin e sipërm të djathtë të aplikacionit, pastaj duke shkuar te Të dhënat dhe privatësia -> Menaxho informacionin tënd -> Bëj të gjitha kërkesat publike të dukshme vetëm për ty dhe duke zgjedhur opsionin “zbato për të gjitha”.

The post Paralajmëron Meta: Mos i ndani këto informacione me AI-në appeared first on Albeu.com.

Sa i përket autorëve dyshohet se kanë qenë tre veta brenda në automjetin tip fuoristradë, por ende nuk ka asnjë gjurmë nga policia dhe janë larguar në drejtim të paditur.

Hetuesit ende nuk kanë një pistë konkrete për këtë ngjarje të rëndë, por dyshohet që autorët mund të kenë ngatërruar edhe shënjestër pa e ditur se cilat persona po udhëtonin brenda në atomjetin G-Class që e kishin nën shënjtestrën e tyre.

Hetuesit kanë marrë deklarimet e para të të rinjve të plagosur pas ngjarjes të cilët te tronditur kanë deklaruar se nuk kanë asnjë konflikt dhe po ashtu edhe ditën e djeshme nuk kanë pasur asnjë sherr.

Të rinjtë nuk kanë asnjë precedent, po ashtu edhe shoferi i tyre nuk ka asnjë precedent dhe asnjë konflikt.

The post Informacion i gabuar apo ngatërruan shënjestër? Atentati në Tiranë, dyshohet se ishin 3 autorë, çfarë thanë të plagosurit në polici appeared first on Albeu.com.

Kryeministria ka dhënë informacion zyrtar për gjendjen e kryeministrit Edi Rama, ku sipas Kryeministrisë, Rama po i nënshtrohet një ndërhyrjeje kirurgjikale laparoskopike të hernies inguinale, nën drejtimin e Prof. Dr. Arben Gjata.

Gjithashtu, mësohet se Rama pritet të kalojë natën e sotme në mjediset spitalore të QSUNT.

“Në lidhje me pyetjet dhe kërkesën tuaj për informacion për ndërhyrjen kirurgjikale të Kryeministrit Edi Rama ju bëjmë me dije se:

Kryeministri Edi Rama aktualisht po i nënshtrohet një ndërhyrjeje kirurgjikale laparoskopike në Qendrën Spitalore Universitare ‘Nënë Tereza’.

Ekipi mjekësor nën drejtimin e Prof. Dr. Arben Gjata po kryen ndërhyrjen kirurgjikale të hernies inguinale.

Pas përfundimit të ndërhyrjes, Kryeministri Rama pritet të kalojë natën e sotme në mjediset spitalore të QSUNT”, deklaron Kryeministria.

The post Iu nënshtrua një operacioni, Kryeministria jep informacion për gjendjen e Ramës appeared first on Albeu.com.

Siç saktësohet, ky informacion thuhet në publikimin e publikuar nga ITU me titullin “Indeksi Global i Sigurisë së Informacionit”.

Në këtë grup pas Shqipërisë, renditen, Austria, Kroacia, Republika Çeke, Gjeorgjia, Hungaria, Irlanda, Izraeli, Lituania, Malta, Polonia, Romania, Sllovakia dhe Zvicra.

Ndërsa në Grupin e parë nga pesë grupet e vendeve që përfshijnë vendet me nivelin më të lartë të zhvillimit në fushën e sigurisë së informacionit, janë Australia, Gana, Maroku, Singapori, Bahrein, Greqia, Holanda, Britania, Sllovenia, Bangladeshi, Islanda, Spanja , Belgjika, India, Norvegjia.

The post Shqipëria në krye të Grupit të dytë sipas indeksit global të sigurisë së informacionit appeared first on Albeu.com.

Ata thanë se kërkesa e parë ka të bëjë me firmosjen e dy marrëveshjeve me dy kompani audituese Angleze dhe gjermane. Marrëveshjet, të cilat për qëllim kanë rritjen e transparencës në këtë institucion, për nënkryetarin e këshillit bashkiak Dorian Teliti janë firmosur në terr të plotë për opozitën.

Një tjetër kërkesë e depozituar pranë bashkisë, ka të bëjë me kërkesën për informacion të detajuar mbi auditimin e brendshëm të kryeqytetit për 8 vitet e fundit.

Demokratët thonë se nëse bashkia vijon të heshtë përballë kërkesës për transparencë të opozitarëve, atëherë ata do të marrin çdo hap të ligjshëm për zbardhjen e çdo procedure në këtë institucion.

PJESË NGA FJALA E TELITIT:

Së bashku me kolegun Pano, kemi bërë dy kërkesa mjaft të rëndësishme në ekzekutivin e bashkisë së Tiranës , të cilët do të bëjnë transparencë se çfarë ka ndodhur dhe çfarë po ndodh në bashkinë e Tiranës.

Konkretisht, disa ditë më parë kemi dëgjuar me zë dhë figurë, kryetarin e bashkisë së Tiranës që ka kontraktuar dy kompani, njërën britanike dhe tjetrën gjermane për të rritur procedurat e mirëqeverisjes brenda bashkisë dhe përmirësuar sistemet e auditit.

Nga dolën këto kompani?

Si u kontraktuan këto dy kompani?

Kur është shpallur procedura?

Kur është shpallur interesi nga vetë institucioni?

Cilat janë fondet e vëna në dispozicion për të paguar këto dy kontrata?

Cili është qëllimi i këtyre dy kontratave?

Nëse Erion Veliaj do të bëjë transparencë dhe të përmirësojë sistemet e transparencës brenda bashkisë së Tiranës, le ta fillojë duke bërë transparente këto dy marrëveshje, dy marrëveshje që ne sot, edhe të zgjedhurit bashkiakë, nuk kemi asnjë informacion.

A keni ju mediat informacion? A kanë qytetarët? Jo! dhe sot kemi dorëzuar dy kërkesa.

Njëra prej tyre, që unë po e prezantoj tani është pikërisht kërkesa për marrje informacioni dhe kopje të këtyre dy marrëveshjeve, të cilat janë të veshura nën petkun e heshtjes nga ana e godinës së bashkisë së Tiranës, për të cilat, po të mos kishte qenë vetë kryetari Erion Veliaj që t’i reklamonte, t’i bënte ato publike, ne nuk do të kishim sot asnjë informacion.

Kemi kërkuar sot kush janë personat që janë negociuar në emër të institucionit të bashkisë Tiranës për të lidhur këto marrëveshje.

Kush janë personat që janë marrë me negociatat? Kush kanë qenë ata që kanë vendosur termat e referencës, sepse asnjë informacion deri më sot nuk është bërë publik?

Ju e dini që para disa muajsh ka ndodhur një skandal në bashkinë e Tiranës, kur drejtorë të bashkisë janë arrestuar. Këto kompani që do të vijnë dhe të auditojnë madje, sipas Erion Veliajt, që do të auditojnë edhe sistemet e brendshme, a do të auditojnë gjë pagesat për inceneratorin që nuk ekziston në Tiranë?

A do të auditojnë se si është e mundur që 29 kontrata janë lidhur midis godinës së bashkisë së Tiranës dhe kompanisë 5D, ku është po ai vetë përfaqësues i bashkisë së Tiranës?

A do të auditojë kjo kompani gjermane dhe kjo kompani angleze, se si është e mundur që paratë sot në Tiranës shpërdorohen dhe transparencë publike se ku shkojnë këto para, nuk ka?!

A do të auditojnë këto për faktin se pse kryetari i bashkisë refuzon të bëjë transparencë në institucion kur ai është i detyruar me ligj që ai të raportojë çdo muaj, që është Këshilli Bashkiak i Tiranës, në të cilin ai refuzon të marrë pjesë dhe të bëjë debatin serioz siç i ka hije çdo bashkia te kryeqytetit, debat midis mazhorancës dhe opozitës, midis përfaqësuesve dhe qytetarëve.

Ajo që ka ndodhur dhe që po ndodh në bashkinë e Tiranës është një gjë: abuzim dhe vetëm abuzim i hapur me Kushtetutën dhe ligjet e këtij vendi. Ndaj ne sot kemi paraqitur një kërkesë, nga e cila do të mundohemi të marrim informacionin, ndonëse nuk kemi besim por megjithatë ne do të jemi përsëri këtu. Nëse pas dhjetë ditësh, Erion Veliaj bashkë me ekipin e tij dhe koordinatorin e tij të informimit për publikun, ne do të procedojmë ashtu si na e detyron edhe ligji, me hallkat e tjera, me Komisionerin e Informimit Publik dhe hallkat e tjera duke iu drejtuar institucioneve të gjykatës.

The post Opozita dorëzon dy kërkesa për informacion në Bashkinë e Tiranës/ Teliti: Të zbardhen marrëveshjet me kompanitë angleze dhe gjermane appeared first on Albeu.com.

“Në lidhje me ngjarjen e ndodhur në fshatin Baltëz, ku u vra me armë zjarri, punonjësi i Policisë (jashtë shërbimit), shtetasi N. C., Policia e Shtetit kërkon ndihmën dhe bashkëpunimin e qytetarëve për lokalizimin e autorit të dyshuar të vrasjes, shtetasit Azgan Mernica, 23 vjeç, banues në fshatin Sulaj.

Kushdo që ka informacion të telefonojë në numrin pa pagesë 112, duke iu garantuar anonimatin. Për çdo informacion të vlefshëm, Policia e Shtetit vë në dispozicion shpërblimin 30 000 euro.

Ndërkohë, shërbimet e Policisë së Fierit, Forca Kombëtare e Sigurisë dhe Reparti Special “RENEA”, në drejtimin e Drejtorit të Përgjithshëm të Policisë së Shtetit, vijojnë veprimet operacionale në zonë, me qëllim kapjen dhe vënien në pranga të 23-vjeçarit.

Gjithashtu, në të gjitha akset rrugore lidhëse me qarkun Fier janë ngritur pika kontrolli.

Grupi hetimor, në drejtimin e Prokurorisë, po vijon veprimet në vendngjarje për të sqaruar dhe dokumentuar me prova ligjore rrethanat e rastit”,- njofton policia.

The post Vrasja e efektivit në Fier/ Policia: 30 mijë euro shpërblim, për këdo që jep informacion për autorin Azgan Mernica appeared first on Albeu.com.

Grupi i posaçëm hetimor, në drejtimin e Prokurorisë, ka kryer një sërë veprimesh hetimore dhe procedurale, si dhe vijon punën intensivisht, për administrimin e çdo prove që do t’i shërbejë identifikimit të autorit/ëve, zbardhjes dhe dokumentimin të rrethanave të ngjarjes.

Krahas veprimeve intensive të grupit hetimor, Drejtoria Vendore e Policisë Shkodër, kërkon ndihmën e qytetarëve për identifikimin e shtetasit që shfaqet në pamjet filmike të sekuestruara.

Për çdo informacion të vlefshëm që do t’i shërbejë hetimit, me qëllim identifikimin e autorit/ëve të rastit, DVP Shkodër vë në dispozicion shpërblimin 30 000 euro.

Kushdo që ka informacion, duhet ta dërgojë në numrin 069 41 05 436. Policia e Shtetit iu garanton anonimat të sigurtë.

Drejtoria Vendore e Policisë Shkodër siguron qytetarët se është maksimalisht e angazhuar për të garantuar rend dhe siguri publike.

The post Shpërthimi me tritol në banesën e gjyqtarit Tonin Sterkaj, 30 mijë euro shpërblim kush jep informacion për autorin appeared first on Albeu.com.