Inermierja e identifikuar në rrjet vetëm me emrin Silvana ka publikuar video të rënda në TikTok gjatë kryerjes së punës së saj në repartin e Kirurgjisë në spitalin e Elbasanit.

E reja rezulton studente në vitin e parë në Fakultetin e Shkencave Mjekësore, teksa ka marrë kritika rë shumta.

Në lidhje me pamjet e rënda ka reaguar edhe drejtori i qendrës spitalore Elbasan Agron Gaxho.

Në një intervistë për Fax News, ai i cilësoi pamjet e publikuara skandaloze dhe të rënda, por garanton se veç fotove të të resë pamjet e tjera nuk i takojnë spitalit të Elbasanit.

“Janë pamje vërtetë të rënda dhe skandaloze. Fatmirësisht nuk është punonjëse te ne,por studente në vitin e parë për infermjeri. Pas analizës së pamjeve rezulton se vec fotove të të resë që janë bërë në institucionin shëndetësor në Elbasan pamjet e tjera nuk i takojnë spitalit të Elbasanit. As salla e operacioneve dhe ambjentet e tjera nuk përshtaten me tonat, vecanërisht pamjet ku ekspozohet embrioni. Është detyrë e Fakultetit të Shkencave Mjekësore Teknike të marrë masa,”-përfundon Z. Gaxho.

Ndërkohë vetë e reja ka deklaruar se video është montazh me pamje të marra nga interneti.

The post Infemierja publikoi video me embrionin e foshnjës së abortuar, reagon spitali i Elbasanit: Nuk janë pamje nga ambientet tona appeared first on Albeu.com.

Nga Emi Kalaja

Shumë degë në universitetin “Luigj Gurakuqi” në Shkodër kanë vështirësi të sigurojnë studentë. Deri në mes të tetorit, 11 degë si gazetaria, historia, fizika dhe programe shkollimi të pedagogjisë kishin të regjistruar më pak se 10 studentë dhe rrezikojnë mbylljen. Në degët gjeografi dhe histori ka 0 të regjistruar, bazuar në të dhënat e siguruara nga BIRN.

Por situata paraqitet ndryshe në tre degët e studimit të lidhura me mjekësinë në Fakultetin e Shkencave të Natyrës, ku degë si Infermieria, Fizioterapia apo Infermieri Mamia kanë një numër të lartë kandidatësh ende pa përfunduar faza e parë.

Emiliano Pjetri, shef i Departamentit të Infermierisë në Universiteti “Luigj Gurakuqi” thotë se për shkak të kërkesës së lartë, ata bënë amendime për të shtuar edhe 20 kuota në këto degë.

“Në këtë raund u përmbush në masën 100 për qind programi i studimit Infermieri ku kemi pasur 100 kuota brenda vendit, dhe studimi për mami, ku kemi pasur 50 kuota brenda vendit,” tha Pjetri.

Fluksi i kërkesave për këto degë frymëzohet nga mundësia për të emigruar në Gjermani, më shumë sesa me ofertën e tregut shqiptar të punës. Shumë nga studentët që ndjekin këto degë zhvillojnë paralelisht kurse për të mësuar gjermanisht.

“Kam bërë punë vullnetare në Urgjencën e Spitalit Rajonal të Shkodrës, por kam zgjedhur që të vazhdoj kursin (e gjuhës gjermane), pasi spitalet shqiptare nuk ofrojnë punësim për studentët e rinj,” thotë Armela Abdyli, infermiere e licensuar.

Elvis Rroji, mësues i gjermanishtes në “Akademinë Dekra”, e cila i mundëson leksionet e gjuhës gjermane, thotë se në 5 vitet e fundit vetëm nga Shkodra kanë shkuar drejt Gjermanisë rreth 200 infermierë.

Sipas statistikave nga Zyra Federale e Statistikave, në vitet 2018 dhe 2019 në Gjermani u njësuan dhe u pranuan diplomat e 2460 infermierëve dhe punonjësve shëndetësorë nga Shqipëria.

Paulo Kaceri, kreu i Sindikatës së Infermierëve në Shkodër thotë se kjo “hemorragji” e këtij sektori nuk prek vetëm të rinjtë, por edhe infermierët që kanë 20-25 vite punë në këtë profesion. Ironikisht, ai thotë se në Spitalin e Shkodrës dëgjohet të flitet më shumë gjermanisht, pasi stafi praktikon gjuhën.

“Kjo dëshirë fatkeqësisht masive për t’u larguar drejt vendeve të zhvilluara vjen si pasojë e humbjes së shpresës nga të gjithë njerëzit, për më tepër nga profesionistët e shëndetësisë, të cilët punojnë me paga minimale në kushte pune aspak të favorshme,” thotë Kaceri. Ai shtoi se nga spitali janë larguar 35-40 infermierë.

Ndër ata që presin të largohen është edhe Renato Kola, i cili thotë se punoi mbi dy vjet si vullnetar në spitalin e Shkodrës, por thotë se kushtet e punës dhe paga e shtyjnë të ikë.

“Zgjedhja e vetme për ne si infermierë në profesionin tonë është Gjermania,” thotë Kola. Ai shton se edhe pse pati një eksperiencë të mirë në Spitalin e Shkodrës, mundësitë e punësimit janë mjaft të pakta dhe vendet e punës janë ose me mik, ose me para. “Të gjithë që bëjmë kurs jemi të licencuar, por politikat në vendin tonë shkojnë në favor të miqve dhe lekut,” thotë Kola, ndërsa është i ulur në klasën e gjermanishtes.

Infermierja tjetër, Armela Abdyli vë në dukje se veç pagës dhe mundësive të punësimit, infermierët në Shqipëri kishin edhe probleme të kushteve të punës.

“Aty (në spital) mungojnë kushtet e punës më së shumti, nuk ka sterilizim apo medikamente,” përfundoi ajo./albeu.com

The post Me sytë nga Gjermania, studentët shkodranë dynden në infermieri appeared first on Albeu.com.