infeksion urinar Archives - Albeu.com

Sa herë hyni në tualete publike, duhet të keni parasysh këtë

E S — Wed, 16 Nov 2022 11:16:25 +0000

Ndonëse për situatën që ndodhemi duket si zgjedhja optimale, ky zakon mund të shoqërohet me probleme të tjera në afatgjatë.

1. Mund të merrni infeksion urinar

Duke qëndruar në pozicion gjysmë të ulur teksa urinoni, muskujt e legenit tendonsen rreth 40% dhe fshikëza nuk është plotësisht e relaksuar. Pra edhe kur t’ju duket sikur përfunduat, nuk jeni çliruar 100%. Urina e mbetur mund të krijojë baktere, që rrisin rrezikun e një infeksioni urinar të mundshëm.

2. Mund të ndjeni vazhdimisht nevojën e pakëndshme për të urinuar

Duke qenë se në fshikzën tuaj ka mbetur ende diçka që duhet çliruar, ju krijohet vazhdimisht ndjesia se keni nevojë sërish për të shkuar në tualet dhe e dimë që s’është fare, po fare e rehatshme.

3. Fshikëza bëhet gjithnjë e më e dobët me kalimin e kohës

Kur qëndroni në një pozicion të tillë, ju s’po i përdorni muskujt e pjesës së legenit në mënyrë natyrale, pra jeni duke i sforcuar ato. Prandaj, nëse përdorni në mënyrë të vazhdueshme banjo publike dhe qëndroni shpesh në këtë pozicion, trajnoni muskujt të mos çlodhen dhe pas disa vitesh do të gjendeni përballë një fshikze më të dobët.

4. Nëse situata është urgjente, një pozicion squat i plotë është më mirë se gjysmë squat

Kur nevoja për të urinuar nuk mund të presë asnjë sekondë më shumë, uluni në pozicion squat-i të plotë sepse është pozicion më relaksues për muskujt e legenit dhe fshikzën e urinës.

The post Sa herë hyni në tualete publike, duhet të keni parasysh këtë appeared first on Albeu.com.

A mund ta rrezikojë shtatzëninë infeksioni urinar?

E B — Sat, 22 Oct 2022 18:27:07 +0000

Gratë janë më të predispozuara të bëjnë infeksione urinare për shkak se uretra e tyre është më e shkurtër se ajo e meshkujve. Nga ana tjetër, femrat shtatzënë janë akoma më të predispozuara për infeksione urinare për shkak të ndryshimeve hormonale tipike të shtatzënisë, të cilat shkaktojnë një ngadalësim të fluksit të urinës.

Në një pjesë të vogël të rasteve infeksionet urinare mund të komplikohen me kontraksione uterine të hershme duke shkaktuar kështu aborte ose lindje para kohe, për këtë arsye infeksionet urinare duhet të trajtohen në mënyrë korrekte gjatë shtatzënisë.

Një analizë e thjeshtë urine duhet të kryhet në çdo tremujor të shtatzënisë dhe në çdo rast që pacientja ka ankesa. Në rast se evidentohen bakterie apo prani të simptomave pacientja duhet të kryejë edhe një urokulturë (kultura apo “mbjellja” e urinës).

Trajtimi me antibiotikë duhet të fillojë vetëm në momentin kur përgjigja e urokulturës është gati dhe jeni konsultuar me mjekun.

The post A mund ta rrezikojë shtatzëninë infeksioni urinar? appeared first on Albeu.com.

Po veproni gabim, ja se çfarë duhet të bëni përpara se të shkoni për të bërë analizën e urinës

E S — Fri, 29 Jul 2022 08:34:32 +0000

Nëse keni shqetësime si djegiet gjatë dhe pas urinimit, urinimi i shpeshtë, ngjyra e turbullt, aroma e pakëndshme etj., me shumë gjasa jeni prekur nga një infeksion urinar dhe ajo që bëni shpesh është t’i drejtoheni laboratorit më të afërt me shtëpinë me një mostër urine për ta analizuar.

Por shumë njerëz gabojnë në kushtet e marrjes së kësaj mostre dhe rrjedhimisht rezultatet e analizave dalin të gabuara.

Sipas mjekëve laborantë, ka disa kushte specifike të cilat duhet të përmbushim para se të marrim një mostër urine dhe nga zbatimi me përpikmëri i këtyre kushteve varet gjysma e përgjigjes së analizave. Le të lexojmë më poshtë cilat janë ato:

Së pari, duhet të blejmë në farmaci një gotë të veçantë për analiza urine dhe ta hapim atë vetëm në momentin që do ta përdorim. Pasi e kemi mbushur pak më shumë se gjysma me urinë, e mbyllim menjëherë.

Së dyti, urina që merret për analiza, duhet të jetë urina e parë e mëngjesit. Duhet të jemi esëll dhe nuk duhet të kemi pirë lëngje. Pra, nuk ka vlerë të shkoni në laborator në mesditë. Sa do të harxhoni paratë kot.

The post Po veproni gabim, ja se çfarë duhet të bëni përpara se të shkoni për të bërë analizën e urinës appeared first on Albeu.com.