Emisioni “Në Shënjestër” publikoi këtë të martë të dhëna të reja nga dosja e SPAK, ku flitet për njërin prej tyre Rezart Kuçi, i cili vazhdonte të kryente detyrën e tij në Policinë e Shtetit.

Kuçi, gjatë kohës që kishte porositur ngarkesën e tij me drogë kishte qenë shef i hetimit të krimeve në Vlorë dhe kishte në posedim edhe mjete lundruese.

Ish-efektivi i policisë ishte porositës dhe posedues i 400 kg kokainë të trafikuara nga Spanja drejt Gjermanisë në dhjetor të vitit 2020, por të sekuestruara nga autoritetet gjermane.

Porosi të cilën e kishte bërë në ortakëri me Arben Memishajn, i shpallur në kërkim.

Oficeri i Policisë jo vetëm ishte përfshirë në trafikun ndërkombëtar të lëndëve narkotike, por ndihmonte sindikatën kriminale të Hajrulla dhe Matodashaj edhe me të dhëna nga brenda Policisë së Shtetit

Hetim që në fakt sipas SPAK kishte nisur që në vitin 2022, pikërisht ndaj këtij grupi të strukturuar kriminal, që njëkohësisht urdhëronte edhe vrasje ku në krye të punëve qëndronte vetë Inez Hajrulla.

Dosja Hetimore

Ka prova se oficeri i policisë Rezart Kuçi, i cili aktualisht mbante detyrën e shefit të seksionit në Policisë Shkencore në Kukës ka përdorur funksionin e tij për të ndihmuar aktivitetin kriminal të grupit.

Ai ka siguruar logjistikë për transportin e lëndëve narkotike, ka nxjerrë informacione konfidenciale mbi kontrollet policore, si dhe ka ndërhyrë në pajisje celulare duke fshirë të dhëna me interes për hetimin dhe ka përdorur sistemin TIMS për interesa të personave të përfshirë në aktivitet kriminal.

Më konkretisht ai është porositës i 400 kilogramë kokainë të trafikuara nga Spanja drejt Gjermanisë në dhjetor të vitit 2020, të cilat më pas u sekuestruan nga autoritetet gjermane.

Më herët Rezart Kuçi ka mbajtur detyra në DVP Vlorë, Fier, Tiranë dhe Kukës.

Ndërkohë që këtë trafik ai e ka kryer në bashkëpunim me Arben Memishaj, dhe anëtarë të tjerë të grupit kriminal, të cilët kishin investuar edhe në mjete lundruese për transportin e drogës.

Oficeri i dytë i policisë por që nuk dihet ende në çrrethana është ndaluar në Zvicër, është Hamzë Demushi.

I skeduar më herët për trafik narkotikësh.

Por ajo që vihet re në spektrin e kësaj organizate është larmishmëria e personazheve të inkriminuar.

Të cilët janë përfshirë në ngjarje të ndryshme kriminale në Shqipëri.

Siç është rasti i Flodian Plakut, i njohur si ‘Pole Qorri’, sot i pandehur për ekzekutimin e Gentjan Bejtjas.

Ky i fundit i cili u qëllua në banesën e tij në fshatin Larushk të Krujës, më 15 mars 2024.

Flodian Plaku i cili akuzohet nga SPAK se është porositës i një sasie kokaine prej 750 kg kokainë, të sekuestruar në portin e Roterdamit në Hollandë, drogë e cila vinte nga Ekuadori.

Por episodet e mësipërme të trafikut të drogës nuk janë të vetmit të organizatës kriminale të drejtuar nga Inez Hajrulla.

Një tjetër episod i dokumentuar është ai i rreth 14 kilogramë kokainë të sekuestruara nga Policia Greke në Patra.

Drogë e cila u gjet brenda një kamioni që udhëtonte nga Holanda.

Ku nga komunikimet rezultoi se në këtë mjet transportohej edhe një ngarkesë tjetër droge me destinacion Italinë, transport i organizuar nga Argest Xhezani. në bashkëpunim me persona të tjerë.

Dosja Hetimore

Po ashtu janë dokumentuar edhe sekuestrime të lëndëve narkotike të llojit cannabis sativa, përfshirë 227 kilogramë të sekuestruara në pikën doganore Ipsala në Turqi në korrik 2020 dhe rreth 500 kilogramë të sekuestruara në vendkalimin kufitar Bogorodicë në Maqedoninë e Veriut, në mars 2021, të cilat dyshohet se transportoheshin përmes kamionëve drejt Turqisë përmes Greqisë.

Sipas hetimeve, grupi kriminal kishte ngritur mekanizma të sofistikuar financiarë për të realizuar pagesat dhe për të financuar blerjen e lëndëve narkotike në Amerikën Latine, ndërsa transporti kryhej përmes rrugëve detare dhe tokësore drejt vendeve të Bashkimit Europian.

Një tjetër personazh kontrovers i lidhur me grupin Hajrulla është Mendu Duka, i cili dyshohet për trafik kokainë.

Ai rezulton të jetë bashkëaksioner në disa kompani të fuqishme.

Duka është thuajse një person inekzistent për autoritetet shqiptare, ndërsa është në kërkim nga Gjermania për trafik.

Hetimi i deritanishëm i SPAK është vetëm maja e ajsberit por që nësë grupi Hajrulla dhe grupet rivale hetohen deri në fund do të përshfaqet ndoshta një nga sagat më të përgjakshme ne vend.

E ndoshta përmes këtij hetimi mund të hidhet dritë dhe mbi zhdukjet mafioze në Vlorë, si ajo e Elvis Troqes apo Albano Xhaferrit, si dhe ekzekutimi mafioz me snajper në distancë i Gëzim Sinomatit, djalit të Sokol Sinomatit i njohur si Sokol Buzëderri, ish anëtar i bandës së Gaxhait.

Inez Hajrulla, është ende i lirë dhe nuk dihet vendstrehimi i tij, apo nëse u lajmërua në kohë për operacionin policor në zonën e tij të veprimit, para se të binte në pranga.

Për habinë e hetuesve, anëtarët e grupit të Inez Hajrullës qëndronin vetëm në katet e 8 të pallateve në zonën e Ujit të Ftohtë.

Pas dyerve më zgara hekuri, shfaqeshin dyert e blinduara, pas të cilëve duket se janë kryer edhe krime mafioze dhe të përgjakshme.

The post Zbulohet dosja e SPAK, 2 efektivë policie pjesë e grupit kriminal të Inez Hajrullës/ Ish-shefi i krimeve në Vlorë porositi 400 kg kokainë dhe jepte informacione appeared first on Albeu.com.

Kuçi, aktualisht shef seksioni në policinë shkencore në Kukës, dyshohet se ka ndihmuar grupin e drejtuar nga Inez Hajrulla në disa forma.

Sipas dosjes hetimore, ai ka siguruar logjistikë për transportin e drogës, ka nxjerrë informacione konfidenciale për kontrollet policore dhe ka ndërhyrë në pajisje celulare duke fshirë të dhëna me interes për hetimin.
Po ashtu dyshohet se ka përdorur në mënyrë të paligjshme sistemin TIMS dhe ka komunikuar me anëtarët e grupit përmes aplikacionit të koduar Sky ECC.

Në vitin 2025, kur u vranë Gentjan Qarri dhe Bledar Birçaj, hetuesit besojnë se pas ngjarjeve qëndronte grupi i Hajrullës.

Në atë kohë Kuçi mbante detyrën e shefit për hetimin e krimeve në Vlora. Gjatë karrierës ai ka shërbyer edhe në Lushnjë dhe si shef i krimeve në komisariatin nr.1 në Tiranë.

Në dosje përmendet edhe një rast i trafikut të drogës në dhjetor të vitit 2020, kur rreth 400 kilogramë kokainë u dërguan nga Spanjë drejt Gjermani dhe u sekuestruan nga autoritetet gjermane.

Sipas hetimeve, Kuçi ishte një nga porositësit e kësaj sasie bashkë me Armen Memishaj, i cili është shpallur në kërkim.

Të dy dyshohet se bashkëpunonin me anëtarë të tjerë të grupit dhe kishin investuar edhe në mjete lundruese për transportin e drogës.

Rezart Kuçi është arrestuar për shpërdorim detyre, trafik droge dhe pjesëmarrje në grup të strukturuar kriminal.

Ndërkaq, hetimet për këtë dosje vazhdojnë.

PJESË NGA NJOFTIMI ZYRTAR I SPAK:

Në një tjetër rast, 400 kilogramë kokainë të trafikuar nga Spanja drejt Gjermanisë në dhjetor 2020 janë sekuestruar nga autoritetet gjermane. Sipas hetimeve, porositës dhe posedues të kësaj sasie dyshohen të jenë shtetasit R.K., oficer policie (i cili më parë ka mbajtur detyra në DVP Vlorë, Fier, Tiranë dhe Kukës), dhe A.M., në bashkëpunim me anëtarë të tjerë të grupit kriminal, të cilët kishin investuar edhe në mjete lundruese për transport të drogës.

The post Efektivi që ndihmoi grupin e Inez Hajrullas/ Rezart Kuçi porositësi i 400 kg k*kainë, të dërguar nga Spanja drejt Gjermanisë appeared first on Albeu.com.

Plan për të kryer vrasje, policia dhe SPAK godasin grupin kriminal në Vlorë. Arrestohet 35-vjeçari me tre identitete
Emri i Inez Hajrullës është mjaft i njohur për shkak se ka qenë shpesh shënjestër e atentateve në Vlorë, ndërsa u ka shpëtuar më herët dy tentativave për ta vrarë, fillimisht në vitin 2017 dhe më pas në 2019.

Inez Hajrullës i është bërë atentat me tritol edhe në vitin 2017. Ai ka qenë dy herë i arrestuar për armëmbajtje pa leje, i akuzuar edhe për grabitjen e një kazinoje në vitin 2013. Hajrulla është shoqëruar dhe hetuar edhe për pengmarrjen dhe zhdukjen e Elvis Troqes. Lokali ku ndodhi në zonën që frekuentohej nga Edison Harizaj i vrarë në Durrës në 2018-ën. 27-vjeçari Hajrulla, djalë i biznesmenit vlonjat, Robert Hajrulla, njihet si person me rrezikshmëri në Vlorë.

Gjithashtu nga gjykata e Vlorës Hajrulla është dënuar në 5 shkurt 2018 me 2 vite burgim për akuzën e “Mosbindja ndaj urdhrit të punonjësit të policisë së rendit publik” dhe “Mbajtja pa leje dhe prodhimi i armëve, armëve shpërthyese dhe i municionit”. Por ky dënim me burgim është pezulluar duke e kaluar Inezin në shërbim prove. Por në 28 dhjetor 2018 Inez Hajrulla dënohet sërish nga gjykata e Vlorës me 8 muaj burgim për akuzën e “Largimi i të burgosurit nga vendi i qëndrimit”.

Nga ana e policisë në 18 korrik 2018, një ditë pas zhdukjes së Troqes, është shkuar në banesën e shtetasit Inez Hajrulla për ta pyetur.

The post Inez Hajrulla, shënjestra e tentativave të vrasjeve: Arrestohet 35-vjeçari me tre identitete appeared first on Albeu.com.

Kontrollet u krye në Vlorë. Policia njoftoi sot (17 shkurt) se arrestoi Muharem Koroveshi i njohur dhe me mbiemrat Ismaili dhe Myftaraj, ndërsa u shpallën në kërkim dy bashkëpunëtorët e tij, me të cilët dyshohet se planifikoi atentatin ndaj Inez Hajrullës në Vlorë.

Ndërkohë në gusht të vitit 2023 ra në pranga Amarildo Nikolli nga Shkodra, I cili dyshohet se do të ishte ekzekutori. Policia sekuestroi dhe armën silenciator me të cilën dyshohej se do të kryhej ekzekutimi.

The post Dalin pamjet e operacionit “Trekëndëshi” në Vlorë, ku u arrestua porositësi i atentatit ndaj Inez Hajrulla appeared first on Albeu.com.

Balla thotë se hetimet kanë nisur verën e kaluar pas arrestimit të një personi. Ministri theksoi se ky operacion dhe kjo formë efikase bashkëpunimi mes Policisë së Shtetit dhe SPAK janë një shembull i shkëlqyer për tu shkuar deri në fund zbardhjes së shumë ngjarjeve kriminale.

“Parandalimi i ngjarjeve kriminale është detyrë parësore e Policisë së Shtetit. Arrestimi i një personi në verën e vitit të kaliiar në Vlorë, ndërsa përgatitej të kryente një krim të rëndë kundër personit, nga Policia e Shtetit dhe hetimi shumë profesional disa mujor nën drejtimin e një prej prokurorëve të SPAK, ka çuar në identifikimin dhe vendosjen nën akuzë të tre anëtarëve të një grupi të strukturuar kriminal.

Ky operacion dhe kjo formë efikase bashkëpunimi mes Policisë së Shtetit dhe SPAK janë një shembull i shkëlqyer për tu shkuar deri në fund zbardhjes së shumë ngjarjeve kriminale. Gjithashtu përgëzime Policisë së Shtetit në Tropojë, Fier, Tiranë, Durrës, Vlorë, Elbasan, Gjirokastër, Dibër, Shkodër dhe Muriqan, Forcës Kombëtare të Sigurisë dhe Drejtorisë për Krimet e Rënda në DPPSH. Gjatë 24 orëve të fundit janë sekuestruar një arsenal armësh zjarri, municion luftarak, uniforma ushtrake, lëndë narkotike dhe sende të tjera të kundërligjshme”, shkruan Balla.

Policia dhe SPAK kryen sot një operacion të koduar “Trekëndëshi” me qëllim goditjen e një grupi kriminal në Vlorë.

Në kuadër të operacionit u arrestua një 35-vjeçar me tre identitete. Bëhet fjalë për shtetasin Muharem Koroveshi alias Muharem Ismaili alias Muharem Myftaraj, 35 vjeç, banues në Vlorë.

Ndërkohë u shpallën në kërkim bashkëpunëtorët e 35-vjeçarit, shtetasit L. Z. dhe E. Z. Burime për mediat bëjnë me dije se këta shtetas akuzohen për organizimin e tentativës për vrasjen e Ines Hajrullës.

Më herët në verë, u arrestua Amarildo Nikollin, i cili u kap nga policia e Vlorës me pistoletë me silenciator. Dyshohet se ai kishte ardhur në Vlorë për të kryer atentat ndaj Ines Hajrullës. Nikolli dyshohet se ka mbajtur nën vëzhgim, të gjitha ambientet që frekuentonte dhe posedonte biznesmeni, i cili iu ka shpëtuar më herët dy atentateve.

Gjykata e Posaçme e Shkallës së Parë për Korrupsionin dhe Krimin e Organizuar, në muajin shkurt 2024, ka caktuar masën e sigurisë “Arrest në burg”, për këta shtetas, pasi dyshohen për kryerjen e veprave penale

“Sigurimi i kushteve dhe i mjeteve materiale për të kryer vrasje”, “Mbajtja pa leje dhe prodhimi i armëve, armëve shpërthyese dhe i municionit”, të kryera në bashkëpunimin e posaçëm të grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”.

Ines Hajrullës iu bë atentat më 10 maj të vitit 2019 në qytetin e Vlorës. Asokohe  4 persona kanë qëlluan me armë me zjarri ndaj Ines Hajrullës, i cili ndodhej brenda në makinë. Hajrulla iu kundërpërgjigj me zjarr duke arritur të shpëtonte. Sakaq si pasojë e këtyre të shtënave është plagosur rastësisht Dajko Canodemaj, i cili ka qenë duke pirë kafe, pranë Hajrullës.

Hajrulla njihet si person me precedentë të rëndë penalë, ndërsa në 2017 humbi të dyja këmbët, teksa makinës së tij iu vendos një sasi tritoli prej 300 gramësh. Ines Hajrulla njihet ndryshe si ”Ini i Çones” në Vlorë dhe është djalë i biznesmenit Robert Hajrullës./albeu.com

The post Goditja e “Trekëndëshit” në Vlorë, reagon Balla: Parandalimi i ngjarjeve kriminale detyrë parësore appeared first on Albeu.com.

Gjatë operacionit të koduar “Trekëndëshi” është arrestuar nga policia me urdhër të SPAK Muharem Koroveshi i njohur dhe me mbiemrat Ismaili dhe Myftaraj, ndërsa u shpallën në kërkim dy bashkëpunëtorët e tij, me të cilët dyshohet se planifikoi atentatin ndaj Inez Hajrullës në Vlorë.

Policia e Shtetit njoftoi të shtunën se ka ekzekutuar urdhrin e arrestit të lëshuar nga Gjykata e Posaçme, në muajin shkurt të këtij viti, pasi dyshohet se këta persona kanë siguruar kushtet dhe mjetet për të kryer vrasje ndërsa akuzohen për një sërë veprash të tjera penale si grup i strukturuar kriminal.

Operacioni “Trekëndëshi” është drejtuar nga SPAK, teksa nuk jepen të dhëna zyrtare se kush ishte objektivi, apo rrethanat hetimore.

Burimet bëjnë me dije, se tentativa për vrasje ka ndodhur verën e kaluar, ku në atë kohë u arrestua Amarildo Nikolla me pistoletë me silenciator gati për qitje, ndërsa dosja iu referua SPAK për kompetencë pasi u gjetën elementë të grupit të strukturuar kriminal.

Amarildo Nikolli dyshohet të jetë pajtuar si vrasës me pagesë, me precedentë të mëparshëm në Itali, ndërsa në Shqipëri nuk ishte i skeduar. Ai është arrestuar në ambientet e një pastiçerie që ndodhet afër kompleksit “Oslo” në Vlorë, zonë kjo ku vepron grupi i Edison Harizajt, ndërsa në atë kohë dyshimet ishin se në shënjestër të atentatit ishte Inez Hajrulla.

Njoftimi i policisë

Zhvillohet nën drejtimin e SPAK-ut operacioni policor i koduar “Trekëndëshi”, nga Drejtoria për Hetimin e Krimeve të Rënda në Departamentin e Policisë Kriminale, me mbështetje të Forcës Kombëtare të Sigurisë dhe Drejtoritë Vendore të Policisë Vlorë dhe Tiranë,

Strukturat e Policisë së Shtetit, në bashkëpunim me SPAK-un, zhvilluan operacionin policor të koduar “Trekëndëshi”, për ekzekutimin e vendimit penal të Gjykatës së Posaçme të Shkallës së Parë për Korrupsionin dhe Krimin e Organizuar, për 3 shtetas.

Gjatë operacionit, u bë ekzekutimi i urdhrit të prokurorit të Prokurorisë së Posaçme të Shkallës së Parë për Korrupsionin dhe Krimin e Organizuar, për ekzekutimin e vendimit të Gjykatës së Posaçme të Shkallës së Parë për Korrupsionin dhe Krimin e Organizuar, për shtetasin M. K. alias M. I. alias M. M., 35 vjeç, banues në Vlorë.

Gjithashtu, në funksion të këtij vendimi penal u bë shpallja në kërkim e shtetasve L. Z. dhe E. Z.

Gjykata e Posaçme e Shkallës së Parë për Korrupsionin dhe Krimin e Organizuar, në muajin shkurt 2024, ka caktuar masën e sigurisë “Arrest në burg”, për këta shtetas, pasi dyshohen për kryerjen e veprave penale “Sigurimi i kushteve dhe i mjeteve materiale për të kryer vrasje”, “Mbajtja pa leje dhe prodhimi i armëve, armëve shpërthyese dhe i municionit”, të kryera në bashkëpunimin e posaçëm të grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”.

Vijon puna për kapjen e 2 shtetasve të shpallur në kërkim. Materialet procedurale do t’i kalojnë Prokurorisë së Posaçme të Shkallës së Parë për Korrupsionin dhe Krimin e Organizuar, për veprime të mëtejshme.

The post Planifikuan vrasjen e Inez Hajrullës, goditet “trekëndëshi” kriminal në Vlorë, arrestohet 35-vjeçari me tre identitete appeared first on Albeu.com.

Denis Karafili u arrestua dy ditë më parë nga policia pasi së bashku me 4 miqtë e tij (të shpallur në kërkim), pjesë e grupit të Inez Hajrullës, nuk i qëndroi patrullës së policisë duke u larguar bashkë me mjetin ku po udhëtonin.

Për këtë ngjarje në kërkim ndërkohë janë katër shtetas të tjerë, pjesëtarë të një grupi kriminal me aktivitet në fushën e krimeve kundër personit.

Të shpallurit në kërkim janë Inez Hajrulla, lsi Koçeli, Erand Hoxha dhe Klaus Islamaj.
Hjarulla është emër i njohur për policinë, pasi ai ka qenë dy herë shenjestër e atentateve mafioze në Vlorë.

Në vitin 2017 ndaj tij është bërë atentat me lëndë eksplozive në automjetin e tij, ndërsa në vitin 2019 atentat me armë.

Hajrulla është djali i një biznesmeni të njohur në qytetin bregdetar dhe njihet si person me rrezikshmëri.
Dyshohet si person që i përket një grupimi kriminal në Vlorë, ai mundi ti shpëtojë pa asnjë dëmtim sulmit me armë të datës 10 maj 2019.

Ai është dënuar dy herë. Në shkurt 2018, Hajrulla ka marrë një dënim me 2 vite heqje lirie për “Mosbindje ndaj urdhrit të punonjësit të Policisë së Rendit Publik” dhe “Mbajtja pa leje dhe prodhimi i armëve, armëve shpërthyese dhe i municionit”.

Dënimi kishte lidhje pikërisht me armën që iu gjet gjatë atentatit me eksploziv, të ndodhur në nëntor të 2017, por ky dënim u pezullua duke e lënë të riun në shërbim prove. Gjithashtu, në fund të vitit u dënua me 8 muaj për “Largimi i të burgosurit nga vendi i qëndrimit”.

Inez Hajrulla është person i marrë në hetim për zhdukjen e Elvis Troqes në Vlorë, në korrik 2017.

Atentati i 2017:

Ky atentat u krye me lëndë eksplozive në automjetin e tij, ku humbi një këmbë. Atentati ndodhi një prej lokaleve, që në Vlorë njihet si vendi që frekuentohej nga Edison Harizaj, një prej të fortëve të Vlorës, i vrarë në Durrës. Hajrulla dyshohet se është pjesë e grupit të Harizajt. 26- vjeçari at’here është djali i një biznesmeni të njohur në qytetin bregdetar dhe njihet si person me rrezikshmëri.
I riu është dënuar dy herë. Në shkurt 2018, Hajrulla ka marrë një dënim me 2 vite heqje lirie për “Mosbindje ndaj urdhrit të punonjësit të Policisë së Rendit Publik” dhe “Mbajtja pa leje dhe prodhimi i armëve, armëve shpërthyese dhe i municionit”.

Dënimi kishte lidhje pikërisht me armën që iu gjet gjatë atentatit me eksploziv, të ndodhur në nëntor të 2017, por ky dënim u pezullua duke e lënë të riun në shërbim prove. Gjithashtu, në fund të vitit u dënua me 8 muaj për “Largimi i të burgosurit nga vendi i qëndrimit”.

Inez Hajrulla është person i marrë në hetim për zhdukjen e Elvis Troqes në Vlorë, në korrik 2017. Përfshirja e tij në këtë çështje erdhi pasi një nga dëshmitarët, që është personi i fundit që ka takuar 25-vjeçarin Troqe, ka deklaruar për hetuesit se Elvisi ishte larguar nga lokali ku po qëndronin, duke i thënë se do të takonte një shok me emrin Ini, që dyshohet se i referohet pikërisht Inez Hajrullës, pasi në Vlorë njihet si “Ini i Çones”. Përveç zhdukjes së 25-vjeçarit, Hajrulla dyshohet se është përshirë dhe në ngjarje të tjera kriminale, të cilat janë ende të pazbardhura.

Atentati i 2019:

Hajrulla po qëndronte në në një kafene në kompleksin “Oslo” në zonën e Lungomares, në shoqërinë e dy personave të tjerë, kur papritur nga dy makina janë lëshuar breshëri automatiku.
Qitësit me sa duket kanë qenë amatorë, pasi asnjë nga plumbat nuk ka kapur objektivin, por është plagosur krejt rastësisht një punonjës i bashkisë së Vlorës i quajtur Dajko Cenodemaj, 58 vjeç, i cili po pinte kafe me tre miq të tij.
Autorët u larguan duke i djegur dy makinat në zonës e Babicës, njëra prej të cilëve Land Rover, që nga hetimet rezultoi të ishte me targa të vjedhura ku dhe janë sekuestruar dy automatikë të djegur.

/albeu.com/

The post U arrestua 2 ditë më parë në Vlorë si pjesë e grupit të Inez Hajrullës, Gjykata lë të lirë Denis Karafilin appeared first on Albeu.com.