Vanesa u shpreh e zhgënjyer nga sjellja e Indrit pas daljes nga ferma, duke deklaruar se kishte investuar maksimalisht në marrëdhënien e tyre, ndërsa sipas saj ai e harroi gjithçka sapo ajo u eliminua.

Nga ana tjetër, Indri mohoi se kishte luajtur me ndjenjat e saj dhe këmbënguli se çdo gjë që kishte thënë brenda fermës ishte e sinqertë.

Indri pranoi se kishte gabuar me mënyrën se si kishte vepruar pas largimit të Vanesës, por mohoi që Klevisa të kishte qenë arsyeja e krisjes së raportit të tyre.

Pjesë nga biseda:

Florian Agalliu: Pasi u eliminove, si e le marrëdhënien?

Vanesa: Ne ishim shumë, shumë mirë. Përgjatë gjithë javës së fundit unë i jam dhënë 150% Indrit dhe deri në ditën e fundit meraku im ka qenë si ishte ai.

Kur kam dalë, kam lënë amanet rrobat dhe fizikën e Indrit.

Pesë minuta që dola, pastaj ishte kështu si një pluhur, u harrua çdo gjë që kishte ndodhur këtu brenda.

Florian Agalliu: Ju keni komunikuar gjatë kësaj kohe që keni qenë jashtë?

Vanesa: Kemi pasur një bisedë te after party. Një bisedë shumë të shkurtër, pesë minuta.

Në ato pesë minuta vërtetova edhe njëherë atë që kisha krijuar, ishte shumë i ftohtë në logjikën, në atë që thoshte. Kuptova që s’kishte pasur pikë ndjenje.

Indri: Unë e kuptoj Vanesën, më vjen shumë keq. Unë të gjitha gjërat që t’i kam thënë ty, i kam thënë se i kam ndjerë vërtet. Nuk ka qenë strategji.

Vanesa: Ka qenë.

Indri: Unë nuk e kam fuqinë të të bëj ty të më besosh. Por unë po ta them në sy, letrën e kam shkruar unë me vullnetin tim.

Vanesa: Bravo, urime.

Indri: Unë kam pasur vërtet një pëlqim të madh për ty që në ditën 1, 2. Më ke pëlqyer shumë për vajzën që je, për artisten që je, për shpirtin e pastër që mendoj se e ke.

Ndodhi çfarë ndodhi… Ti je viktimë e atij problemi që unë kam pasur, e atij momenti.

Unë shumë, shumë herë të kam thënë ta marrim me qetësi, hap pas hapi. Ti s’e ke marrë me qetësi.

Vanesa: Më thuaj kur s’e kam marrë unë me qetësi?

Indri: Kemi pasur një disnivel.

Vanesa: Pse s’ma ke thënë brenda, por prite të dilja jashtë?

Indri: Në momentin që ti më thua “të dua”, “jam e përfshirë”… në momentin që unë s’të përgjigjem “të dua”, por them ta marrim me qetësi…

Vanesa: Jo, s’ma ke thënë.

Indri: Ka qenë një marrëdhënie njohjeje.

Vanesa: Nëse të pyesin: “Vanesa Sono çfarë e ke pasur?”, çfarë do thuash ti? Do thuash e kam pasur shoqe? Çfarë kemi qenë ne të dy?

Indri: Të dashur s’kemi qenë. Ajo që të kam dhënë unë ty ka qenë komplet prej shpirtit tim, të tëra momentet e bukura.

Vanesa: Ke dalë dhe ke thënë s’kam qenë i dashuruar. Si ke dhënë dashuri kur s’ke qenë i dashuruar?

Indri: Po, faji im është që s’kam rënë në dashuri me ty, o Vanesa?

Vanesa: Pika jote e fortë në lojë ishin marrëdhëniet romantike. Dhe the:

“Marrëdhënia romantike iku, çfarë të bëj unë tani?”. Po prit se kjo vajza, Klevisa, erdhi, ja ta shtyj deri në finale.

Indri: Klevisa s’ka lidhje me ndarjen tonë. Bëra gabim, shumë gabim që shpreha diçka të sinqertë për Klevisën.

Vanesa: Mua gjëja që më bezdisi më tepër se ndërprerja e marrëdhënies është, nga ana njerëzore, një seri gjërash që ti bëre.

Vjen Klevisa, pas pesë minutash që unë isha larguar, shkon merr Klevisën, harrove dhe patericën. Madje, në një moment the: “Shpëtova nga skemat”. Nga cilat skema?

The post “S’të kam thënë të dua”/ Indri përballet për herë të parë me Vanesën, zbulojnë bisedat pas daljes nga Ferma VIP appeared first on Albeu.com.

Gjysmëfinalisti Romir Zalla pranoi se rikthimi në jetën e përditshme nuk ka qenë aq i thjeshtë sa e kishte menduar. Aktori foli edhe për mënyrën se si është perceptuar loja e tij nga publiku, duke theksuar se shpesh është ndjerë i keqkuptuar.

“Më vjen keq që tendenca ka qenë më shumë për të na keqkuptuar sesa për të na kuptuar. Keqkuptimi më i madh ka qenë puna e të qenurit ‘aktiv’, një nocion që unë e konceptoj ndryshe nga të tjerët”, tha Romiri.

Ndërsa Indri u ndal te marrëdhëniet me ish-banorët e tjerë, duke treguar se jo të gjithë vazhdojnë të komunikojnë me të. Ai u pyet për raportin me Vanesën pas përfundimit të eksperiencës në fermë ku zbuloi se mes tyre nuk ka komunikim.

“Mbrëmë u takuam me Vanesën. Patëm një takim shumë të ftohtë nga ana e saj. Mua më erdhi spontante me e përqafu. Ajo me të drejtë me distancoi. Gresa nuk më foli, cfarë ka Gresa me mua. Edhe Malbora nuk më flet.

Vanesën mund ta kuptoj po të tjerët çfarë kanë me mua. Unë flas me të gjithë, por ka disa që nuk më flasin mua. Për mua, kur mbaron ferma, kujtoj vetëm momentet e paharrueshme, jo keqkuptimet“, u shpreh Indri.

Pavarësisht gjithçkaje që kanë pasur brenda fermës, Indri nuk i kurseu vlerësimet për këngëtaren.

“Vazhdoj të mendoj se Vanesa ka një nga zërat më të bukur dhe më të çmuar në panoramën shqiptare dhe atë ndërkombëtare”, deklaroi ai.

The post “Mbrëmë u takuam me Vanesën”/ Indri zbulon marrëdhënien me këngëtaren pas Ferma VIP: Më erdhi spontanisht ta përqafoja appeared first on Albeu.com.

Indri u shpreh se eliminimin e ka pritur me qetësi, duke lënë të kuptohet se kishte arritur në një pikë lodhjeje. “U ezaurova komplet”, tha ai, duke shtuar se nuk e përjetoi me keqardhje fundin e aventurës së tij në program.

Aktori komentoi edhe raportin me Klevisën, duke pranuar se ka reflektuar mbi disa prej veprimeve dhe deklaratave të tij. “Jam penduar, i kam kërkuar falje Klevisës”, u shpreh ai, ndërsa shtoi se gjithçka kishte ardhur si pasojë e një “momenti dobësie”.

Një tjetër temë që ngjalli interes ishte raporti me Vanesën. I pyetur nëse do të kishte mundësi për një rikthim mes tyre pas përfundimit të formatit, Indri u tregua i prerë në përgjigje. “Jo, nuk ka gjasa”, deklaroi ai.

Gjatë intervistës, ai hodhi poshtë edhe pretendimet se marrëdhëniet e krijuara në fermë kanë qenë pjesë e një strategjie loje. “Nuk di të bëj lojë, e kam paguar naivitetin tim”, tha aktori, duke theksuar se ka vepruar gjithmonë sipas ndjenjave dhe jo sipas kalkulimeve për të avancuar në garë.

Pavarësisht mënyrës si përfundoi eksperienca e tij në “Ferma VIP 3”, Indri tha se largohet me “ndërgjegje të pastër”, duke mbetur i bindur se ka qenë vetvetja gjatë gjithë rrugëtimit.

The post Indri thyen heshtjen pas daljes nga Ferma: Pendesë për Klevisën, por jo rikthim te Vanesa appeared first on Albeu.com.

“Vendimin që ai ka marrë unë e respektoj. Arsyet i di ai. Nuk është e bukur normalisht, është diçka që askush s’do ndihej mirë, por është vendimi i tij dhe është në rregull (për mua). Indrin unë e besoj që ka pasur pëlqim, siç e kam thënë edhe brenda. Besoj se ka pasur edhe probleme, që s’mundem as unë, asnjë njeri t’i kuptojë përderisa nuk e di historinë e tij. Por unë jam një njeri që jepem 100%”, u shpreh ajo.

Vanesa pranoi gjithashtu se ka qenë plotësisht e përfshirë emocionalisht në këtë histori dhe nuk e ka problem ta pranojë publikisht.

“Po, isha e dhënë. Nuk e kam fare kompleks ta pranoj këtë!”

Duke folur për momentin kur u vu në dijeni për letrën e Indrit, ajo tregoi se nuk ishte surprizuar, pasi kishte dijeni për përmbajtjen e saj.

“Unë e dija përmbajtjen e letrës, ndaj nuk më erdhi si shok. Nuk më pëlqeu normalisht. Ishin gjëra të thëna në atë letër që nuk e di sa prej tyre ishin me vend. Ajo që kam thënë në statusin tim, unë e kam thënë përciptas, por po e sqaroj. Unë jam thirrur ditën e enjte për të qenë pjesë e programit ditën e premte, por jo për Indrin. Jam thirrur për të pasur një ballafaqim me dy vajza, por unë e kam refuzuar;

Më vonë më është thënë për ekzistencën e letrës. E marr vesh ekzistencën e letrës ditën e premte. Nuk kam shkuar ditën e premte, normalisht, sepse s’kisha arsye pse, nuk e ndieja;

Ditën e hënë vendosa të mos shkoja, sepse disa hije të mia të dyshimit u vërtetuan. E para, e gjithë situata, të shkruarit e një letre në një mënyrë të nxituar, mënyra si po organizohej… Fillimisht mu tha t’i bëja një surprizë Indrit ditën e premte, të kisha ballafaqimin me vajzat dhe një surprizë për Indrin.

Unë, si Vanesa, e kam ndier si një lloj gjëje jo të sinqertë; Nuk doja të gjendesha para një situate që dukej si kurth, të gjendesha e papërgatitur.”

Në fund, ajo la të kuptohej se mënyra si i sheh gjërat tani ka ndryshuar ndjeshëm pas daljes nga formati.
“Kam parë një Indri atje brenda me mua dhe shoh një tjetër person tani që kam dalë jashtë.”

The post Vanesa flet për herë të parë pas letrës së Indrit: Unë e dija përmbajtjen e saj appeared first on Albeu.com.

“Gjatë ditëve që nuk kemi qenë bashkë kam patur një liri dhe besoj ka qenë edhe për ty. Nuk besoj që historia jonë mund të ketë të ardhme. Nuk kam ndjerë mungesë, por liri. Disniveli i ndjesisë është bërë më i qartë në largësi. Kam pasur dëshirë që, kur të dal nga këtu, të dal e të takohemi ballë për ballë. Unë nuk jam i duhuri për ty dhe ti meriton një person që të do!”

Vanesa nuk ndenji duarkryq, por ripostoi një moment nga “Ferma VIP”, ku shfaqet Elvis Pupa duke thënë këto fjalë për Indrin:

“Gjithë mashtruesit kanë me vuajtur në këtë jetë, gjithë manipulatorët se vuajnë se e varin jetesën e vet te manipulimi i të tjerëve. Njerëzit janë mësuar me dallavere, kështu do t’i shkojë jeta të gjithëve.”
Vanesa nuk zgjodhi të përballej me Indrin a.k.a djalin për të cilin la të dashurin e saj, por megjithatë mesazhi mbetet i qartë: është e zhgënjyer!

Gjithsesi, të tjerë duam, të tjerë na duan.

Me rëndësi mbetet të duam veten. ????/ ANABEL

The post Pas letrës virale të Indrit, Vanesa duket se ka diçka për të thënë appeared first on Albeu.com.

Menjëherë pas momentit të shumëkomentuar gjatë Prime-it, ku Indri i dha fund marrëdhënies me Vanesën përmes një letre të lexuar live, një tjetër zhvillim i papritur ka trazuar rrjetin social. Në qendër të kësaj situate është përfshirë ish-konkurrentja e spektaklit, Malbora Gurra, e cila me një reagim të shkurtër, por të koduar, ka ngritur shumë pikëpyetje.

Gjithçka nisi nga një postim i Meridian Ramçaj në Instagram, i cili vendosi të përfshijë publikisht Malborën në diskutim me një pyetje që menjëherë mori vëmendje.

“Malbora Gurra, a ke ndonjë të vërtetë për Indrin apo ndonjë foto/video që s’e dimë ne? Se më duket sikur ke materiale rezervë për finale.”

Një koment që u interpretua menjëherë si një sinjal se mund të ekzistojnë prapaskena apo materiale që publiku nuk i ka parë ende.

Por ajo që e ndezi edhe më shumë situatën ishte reagimi i vetë Malborës. Ish-konkurrentja nuk e la pa përgjigje postimin, duke e rishpërndarë në rrjetet sociale dhe duke shtuar një frazë që ka hapur menjëherë debat.

“…Arkiv për finale!!”, shkroi ajo, e shoqëruar me pikëçuditëse, pa dhënë më shumë detaje.

The post Malbora hedh dyshime të forta, çfarë po ruan për Indrin? appeared first on Albeu.com.

Ajo ka konfirmuar se Klevisa është në një marrëdhënie jashtë formatit televiziv dhe shtoi se e bija ka vepruar drejt që e ka treguar këtë fakt që në fillim brenda shtëpisë, duke mos lënë hapësirë për afrime apo keqkuptime nga konkurrentët e tjerë.

Kjo deklaratë vjen pas situatës së krijuar mes Klevisës dhe Indritit, ku ky i fundit shprehu publikisht një pëlqim ndaj saj.

Ky qëndrim u shoqërua edhe me vendimin e Indritit gjatë spektaklit të fundit Prime, ku ai i dha fund lidhjes me Vanesën përmes një letre, duke pranuar hapur se pëlqimi i ri për Klevisën ishte një ndër faktorët kryesorë që ndikoi në ndërprerjen e asaj marrëdhënieje.

The post “Klevisa është e lidhur jashtë”/ Mamaja e saj reagon pas situatës me Indrin appeared first on Albeu.com.

Vanesa e cila kishte një lidhje nga jashtë e ndërpreu pas afrimitetit me Indrin, ku këngëtarja shprehu mes tyre nuk kishte thjesht pëlqim, por edhe dashuri.

Por dalja e Vanesës nga Ferma Vip duket se ka qenë një liri për Indrin. Aktori i ka shprehur këto ndjesi përmes një letre, e cila u lexua nga vetë aktori.

“Gjatë ditëve që nuk kemi qenë bashkë kam patur një liri dhe besoj ka qenë edhe për ty.

Nuk besoj që historia jonë mund të ketë të ardhme. Nuk kam ndjerë mungesë, por liri. Disniveli i ndjesisë është bërë më i qartë në largësi. Kam pasur dëshirë që kur të dal nga këtu të dal e të takohemi ballë për ballë. Unë nuk jam i duhuri për ty dhe ti meriton një person që të do”, thuhet në letër.

View this post on Instagram

A post shared by Ferma VIP Albania (@fermavip.al)

The post “Nuk ta kam ndjerë mungesën”, Indri lexon letrën, i jep fund lidhjes me Vanesën: Që kur ike ti, jam i lirë! appeared first on Albeu.com.

Për herë të parë ka reaguar edhe motra e Klevisës, Sebastiana, e cila ka sqaruar raportin mes tyre dhe ka hedhur poshtë aludimet për interes nga ana e motrës së saj.

“Klevisa është vajzë e re, mund të ketë disa mangësi në shprehje, prandaj mendoj që është bërë një rrëmujë, një keqkuptim i madh. Flas për situatën me Indrin. Është bërë thjesht një rrëmujë padashje, sepse Klevisa nuk ka dhe nuk do ketë kurrë interes për Indrin, ju a siguroj. Është perceptimi i publikut”, u shpreh ajo.

Në debat ndërhyri edhe Albano, i cili theksoi se diskutimi nuk lidhet vetëm me Klevisën, por me afrimitetin e dukshëm të Indrit pas daljes së Vanesës.

“Pyetja është: a ka gjë Indri me Klevisën? Këtë po diskutojmë. Të gjithë po themi që sapo doli Vanesa, Indri u afrua me Klevisën”, tha ai.

Sebastiana pranoi se afrimiteti është vënë re nga të gjithë, por u shpreh e shqetësuar për diferencën në moshë mes tyre.

“Distanca që kanë në moshë, shpresoj shumë që Indri të mos ketë interes. Një burrë i moshës së Indrit të ketë një pëlqim për një vajzë 19-vjeçare është shqetësuese. Klevisa aty është komplet vetvetja, siç është në shtëpi dhe me shoqërinë. Nuk ka bërë ndonjë lojë të pisët apo të ketë vënë maskë”, deklaroi ajo.

The post Klevisa drejt romancës me Indrin në Ferma VIP? Flet motra: Është shqetësuese! appeared first on Albeu.com.

Në orët e fundit, fermeri ka kërkuar të shkruajë një letër për Vanesën, por përmbajtja e saj ende nuk është zbuluar. Pikërisht kjo letër u kthye në temë diskutimi në Ferma Club, ku opinionistët dhanë mendimet e tyre për situatën.

Albano u shpreh se letra mund të jetë vendimtare për raportin mes tyre: “Te ajo letra do i thotë ose e kam vendosur që do martohemi, ose do ndahen”.

Ai komentoi edhe afrimitetin e fundit mes Indrit dhe Klevisës, duke theksuar se fermeri po i shkon vazhdimisht nga pas banores së re.

Nga ana tjetër, Klevisa ka bërë të qartë se jashtë ka dikë dhe nuk dëshiron të krijojë diçka brenda fermës.

Edhe Çiljeta ndau mendimin e saj për këtë raport, duke treguar se fillimisht kishte besuar te lidhja mes Indrit dhe Vanesës.

“Unë kam qenë tifoze e kësaj marrëdhënieje, por Albano paska pasur të drejtë. Ishalla ka thënë fjalë të bukura në atë letër që të dalë mirë. Indri po mundohet të mbajë veten në lojë dhe po e përdor këtë si strategji”, tha ajo.

Mbetet për t’u parë nëse letra që do të lexohet së shpejti do të afrojë sërish Indrin me Vanesën apo do të vulosë përfundimisht ndarjen e tyre.

The post Do të ndahen apo do të martohen? Opinionistët e Ferma Club: Çfarë shkruhet në letrën e Indrit për Vanesën appeared first on Albeu.com.