Sipas raportimeve të agjencisë së lajmeve ANI, në autobus ndodheshin 22 persona, mes tyre edhe dy fëmijë.

Autoritetet konfirmuan se katër viktimat janë dy burra dhe dy gra, ndërsa 18 të mbijetuarit janë transportuar në spital për të marrë ndihmë mjekësore.

Shkaqet e aksidentit nuk janë bërë ende të ditura, ndërsa autoritetet kanë nisur hetimet për të zbardhur rrethanat e ngjarjes.

#WATCH | Kullu, Himachal Pradesh: As per information received by the Police Control Room Kullu, a traveller vehicle met with an accident near Sojha after falling off the road. A total of 22 persons were on board (20 adults and 02 children). Out of these, 18 persons have been… pic.twitter.com/lWysAJJWy8

— ANI (@ANI) April 4, 2026

The post Aksident tragjik/ Autobusi bie në greminë, 4 persona humbin jetën, plagosen 18 të tjerë appeared first on Albeu.com.

Turma të mëdha janë mbledhur në stacionet e benzinës në disa shtete indiane për shkak të frikës nga mungesat.

Ditët e fundit, janë raportuar radhë të gjata për karburant në qytete të mëdha, duke përfshirë Gujaratin, Maharashtra-n, Tamil Nadu-n dhe Telanganën.

🇮🇳 Fuel crises in India are worsening due to closure of Hormuz Strait.

Massive crowds have gathered at petrol pump stations across multiple Indian states due to shortages and panic buying. Clashes on stations across India have resulted in two deaths.

India, with a population… pic.twitter.com/jqoIFOLIBg

— The Daily News (@DailyNewsJustIn) March 25, 2026

Shumica e atyre që mblidhen dhe presin me orë të tëra po blejnë kryesisht nga paniku, me autoritetet që sigurojnë se ka stoqe të mjaftueshme për momentin.

Sigurisht, po zhvillohet një betejë që njerëzit të jenë në gjendje të mbushin kanaçet e tyre të benzinës dhe çdo kontejner tjetër që kanë sjellë për të mbushur, ndërsa ka media në Indi që madje po raportojnë vdekje nga incidentet në stacionet e benzinës, me të paktën 2 viktima.

India, me një popullsi që tejkalon 1.4 miliardë banorë, varet shumë nga Ngushtica e Hormuzit për furnizimin e saj me gaz natyror dhe naftë, pasi afërsisht 45% e nevojave të saj plotësohen përmes saj.

Qeveria siguroi se ka “rezerva të mjaftueshme benzine dhe nafte”, ndërsa kompanitë shtetërore të naftës po i bëjnë thirrje publikut të mos u besojë thashethemeve dhe të mos bëjë blerje në panik.

Indian police have been deployed at petrol pumps in Gujarat amid panic over potential fuel shortages, as Iran’s blockade of the Strait of Hormuz disrupts a route that carries over 40% of India’s crude imports. pic.twitter.com/vjnBi9vBIA

— Al Jazeera English (@AJEnglish) March 25, 2026

The post Rritja e çmimit të karburanteve/ Shpërthejnë trazirat në Indi, përleshje të dhunshme mes qytetarëve në stacionet e benzinës (VIDEO) appeared first on Albeu.com.

Tragjedia dyshohet se ndodhi pasi babai i tyre u kishte ndaluar përdorimin e telefonit celular dhe lojën e një të ashtuquajture “lojë dashurie” koreane.

Sipas mediave indiane, viktimat janë identifikuar si Vishikha (16-vjeç), Prachi (14-vjeç) dhe Patsi (12- vjeç).

Ato lanë pas një shënim vetëvrasjeje prej tetë faqesh, në të cilin shprehnin lidhjen e tyre të fortë me kulturën koreane.

Në shënim thuhej: “Babi, më vjen keq. Koreja është jeta jonë, Koreja është dashuria jonë më e madhe. Pavarësisht se çfarë thua, ne nuk mund të heqim dorë. Kjo është arsyeja pse po kryejmë vetëvrasje”.

Shënimi përfundonte me fjalët: “U përpoqët të na distanconit nga koreanët, por tani e dini sa shumë i duam”.

Babai i vajzave, i tronditur nga ngjarja, deklaroi se nuk kishte qenë në dijeni të lojës që ato po luanin.

“Kjo nuk duhet t’i ndodhë asnjë prindi apo fëmije. Nuk e dija për lojën, përndryshe nuk do t’i kisha lejuar kurrë ta përdornin”, tha ai për mediat.

Megjithatë, raportime të fundit sugjerojnë se rrethanat e ngjarjes mund të jenë më komplekse. Sipas policisë, dy nga motrat mund të kenë tentuar ta ndalonin të tretën nga ndërmarrja e aktit fatal, ç`ka ngre dyshime se rënia mund të ketë ndodhur gjatë një përpjekjeje për ta parandaluar atë.

Babai i përshkroi vajzat si të varura në mënyrë ekstreme nga gjithçka që lidhej me Korenë, përfshirë filmat, muzikën dhe serialet televizive.

Ai tha se kjo varësi kishte filluar gjatë pandemisë COVID-19, ndërsa mediat lokale raportojnë se vajzat nuk ishin kthyer më në shkollë që nga ajo periudhë.

Një zëdhënës i policisë bëri të ditur se ditët e fundit vajzave, u ishte ndaluar përdorimi i telefonave celularë, një vendim që, sipas tij, duket se i ka ndikuar ndjeshëm emocionalisht.

Sipas Daily Mail, në murin e dhomës së tyre ishin shkruar fraza si; “Jam shumë, shumë e vetmuar”, duke sugjeruar gjendje të rënduar psikologjike. Ngjarja tragjike ndodhi pak pas orës 02:00 të mëngjesit të së mërkurës.

Policia ka nisur hetimet për zbardhjen e plotë të rastit dhe ende nuk ka identifikuar lojën specifike që dyshohet se ka ndikuar në reagimin ekstrem të vajzave.

The post Ngjarje tronditëse/ Tre motra hidhen nga kati i nëntë i pallatit, më e vogla 12-vjeç appeared first on Albeu.com.

Vizita e Messi-t në Indi po bën shumë zhurmë, ndërsa lajmet që vijnë janë nga më të çuditshmet.

Së fundmi, sipas mediave lokale, stafi i Leo Messit, ka planifikuar edhe takime private mes Messit dhe personazheve VIP në Indi.

Gjithnjë sipas mediave, një takim kokë më kokë me legjendën argjentinase kushton afro 93 mijë euro.

The post 93 mijë euro për një takim privat, Lionel Messi u vendos “gjobë” VIP-ave në Indi appeared first on Albeu.com.

Zjarri shpërtheu pas mesnatës së së shtunës drejt të dielës në një klub që ishte pjesë e një hoteli në Arpora, në rajonin North Goa, sipas policisë dhe agjencisë së lajmeve Press Trust of India.

Lajmi u konfirmua nga kreu i qeverisë së shtetit, Pramod Sawant, dhe zyrtarë të tjerë lokalë.

Mes viktimave kishte “tre deri në katër” turistë, tha Sawant për PTI. Ende nuk është sqaruar nëse mes tyre kishte të huaj dhe cilat ishin kombësitë e tyre.
Kryeministri i shtetit deklaroi se ka urdhëruar nisjen e një hetimi për të përcaktuar shkaqet e tragjedisë dhe për të verifikuar nëse ishin respektuar rregullat e sigurisë kundër zjarrit dhe kodet e ndërtimit.
“Përgjegjësit do të përballen me pasojat më të rënda ligjore. Çdo neglizhencë do të trajtohet me ashpërsi”, theksoi ai. Tre persona humbën jetën nga djegiet, ndërsa të tjerët nga asfiksia, sipas Sawant.

Pamjet e PTI tregojnë ekipet e shpëtimit që nxjerrin të plagosur ose të vdekur nëpërmjet barelave, duke zbritur një shkallë të ngushtë prej guri gjatë natës drejt klubit “Birch”, ku ishin mbledhur policë, ekipe ndihme dhe qytetarë.

Në pamje më të gjera duken re tymi që ngrihen mbi vendin e tragjedisë.

Për shefin e qeverisë lokale, “ky aksident tragjik nuk duhej të kishte ndodhur kurrë”, pasi “lokali funksiononte pa licencë” dhe “pikërisht kjo pakujdesi shkaktoi zjarrin”.

Sipas raportimeve të Indian Express dhe mediave të tjera, një nga shkaqet e mundshme ishte shpërthimi i një bombole gazi të përdorur në kuzhinë. Por shefi i zjarrfikësve në Goa, Nitin V. Raitkar, deklaroi për CNN News18 se “shumica e njerëzve vdiqën nga asfiksia në bodrum dhe kuzhinë”, pasi “një shfaqje me fishekzjarre i vuri flakën pjesëve prej druri të lokalit duke e mbushur atë me tym”.

Goa priti mbi dhjetë milionë turistë në vitin 2024, mes tyre rreth 470 mijë të huaj, sipas të dhënave zyrtare. Zjarret në Indi janë të shpeshta, pasi infrastruktura është shpesh në gjendje të keqe dhe rregullat e sigurisë zbatohen me përjashtime

The post Tragjedi në Indi, 26 persona humbin jetën pas një zjarri në një klub nate appeared first on Albeu.com.

Shumica e viktimave dyshohet të jenë punonjës të klubit në zonën Arpora, në Goa-n e Veriut, ndërsa mes të vdekurve ka edhe turistë, raporton BBC.

At least 23 people killed in #nightclub fire in #India’s #Goa https://t.co/hUQnMXnRAJ
Several tourists were among the dead in the fire, which broke out at about midnight at a club in #Arpora in the North Goa district, according to officials cited by the Press Trust of India.… pic.twitter.com/c0FgNp9HFC

— ⚡️🌎 World News 🌐⚡️ (@ferozwala) December 6, 2025

Sipas hetimeve paraprake, zjarri nisi pasi një bombol gazi shpërtheu në kuzhinën e klubit, duke shkaktuar përhapjen e menjëhershme të flakëve rreth mesnatës së së shtunës.

Autoritetet te dielën në mëngjes konfirmuan se numri i viktimave u rrit nga 23 në 25, ndërsa gjashtë persona të tjerë po trajtohen në spital dhe ndodhen në gjendje të qëndrueshme.

Dëshmitarë në vendngjarje përshkruan skena paniku në zonën e njohur për jetën e gjallë të natës.

“Zjarri ishte përqendruar kryesisht në zonën e kuzhinës në katin përdhes”, tha Alok Kumar, Drejtori i Përgjithshëm i Policisë së Goa-s.

“Zjarri shpërtheu rreth mesnatës dhe tashmë është vënë nën kontroll”, shtoi ai.

Sipas tij, shumica e trupave u gjetën pranë kuzhinës, ç`ka përforcon dyshimin se viktimat ishin kryesisht punonjës të lokalit.

“Sot është një ditë shumë e trishtueshme për të gjithë ne në Goa. Një zjarr i madh në Arpora ka marrë jetën e 23 personave”, tha Savand.

Tre persona humbën jetën për shkak të djegieve dhe pjesa tjetër nga asfiksia.

Sipas një raporti në gazetën Indian Express, shkaku i mundshëm i zjarrit ishte shpërthimi i një bombole gazi që përdorej në kuzhinë.

Goa – një ish-koloni portugeze, e lagur nga Deti i Omanit, është një magnet për turistët nga e gjithë bota.

Muajt ​​e dimrit zakonisht kanë një kulm në vizita.

The post Tragjedi në Indi/ Shpërthen bombola e gazit, shkrumbohet nga flakët klubi i natës, humbin jetën 25 persona (VIDEO) appeared first on Albeu.com.

Autobusi po udhëtonte midis qyteteve Jaisalmer dhe Jodhpur dhe u përfshi nga flakët. “Nëntëmbëdhjetë pasagjerë vdiqën brenda autobusit dhe një tjetër vdiq nga djegiet e tij në një rrugë në Jodhpur”, tha për AFP Rajesh Meena, një oficer policie.

Sipas agjencisë së lajmeve Press Trust of India, e cila raportoi të njëjtën histori, autobusi u ndal në anë të rrugës sepse nga pjesa e pasme dilte tym, përpara se të përfshihej nga flakët brenda një kohe shumë të shkurtër.

Kryeministri indian Narendra Modi tha nëpërmjet Twitter-it se ishte “i tronditur nga humbja e jetëve njerëzore” dhe premtoi kompensim deri në 200,000 rupi (rreth 1,940 euro) për familjet e të ndjerëve.

Në Indi, vendin më të populluar në planet, situata e sigurisë rrugore përshkruhet si katastrofike.

Në vitin 2023, sipas të dhënave zyrtare më të fundit në dispozicion, në rrugët indiane u regjistruan më shumë se 480,000 aksidente rrugore, me pothuajse 173,000 vdekje dhe rreth 463,000 të plagosur.

The post Indi/ Autobusi përfshihet nga flakët, të paktën 20 persona ndërrojnë jetë appeared first on Albeu.com.

Dhjetëra mijëra qytetarë ishin mbledhur në qarkun Karur për të marrë pjesë në një aktivitet fushate të aktorit të kthyer në politikan, Vijay.

Sipas mediave lokale, ngjarja ishte shtyrë me disa orë, ndërsa pamjet e transmetuara në televizion treguan njerëz që binin të fikët nga mbipopullimi dhe mungesa e ajrit, raporton BBC.

Ministri i Shëndetësisë i Tamil Nadu, Ma Subramanian, konfirmoi se viktimat përfshinin të paktën 16 gra, nëntë burra dhe gjashtë fëmijë. Më shumë se 50 persona të tjerë janë plagosur.

Kryeministri i shtetit, MK Stalin, tha se mjekë nga qarqe të afërta janë thirrur për të dhënë ndihmë shtesë, ndërsa familjeve të viktimave do t’u jepet një kompensim prej një milion rupish (rreth 11 mijë e 300 dollarë). Ai theksoi se është hapur një hetim mbi incidentin.

Në një reagim publik, Vijay shprehu “dhimbjen e madhe” dhe tha se zemra e tij ishte “e thyer” nga humbja e jetëve. Ai u dërgoi ngushëllime familjeve të viktimave dhe uroi shërim të shpejtë për të plagosurit.

Edhe Kryeministri indian, Narendra Modi, reagoi në rrjetin X, duke e quajtur ngjarjen “të trishtë” dhe “thellësisht të dhimbshme”.

Ngjarje të tilla fatale nuk janë të rralla në Indi. Vetëm këtë vit janë shënuar disa incidente të ngjashme, përfshirë shtypje masive gjatë festivalit hindu Kumbh Mela dhe jashtë një stadiumi kriketi.

The post Tragjike në Indi: Të paktën 36 persona ndërrojnë jetë në një miting politik, mes tyre dhe fëmijë appeared first on Albeu.com.

Sipas Daily Mail, Sagar Tudu, kishte shkuar të shtunën në ujëvarën Duduma, në distriktin Koraput, për të realizuar një video me dron për kanalin e tij.

Teksa pozonte pranë ujit, ai u tërhoq nga rryma dhe, pavarësisht përpjekjeve për t’u kapur pas një shkëmbi, nuk arriti të shpëtonte.

Pamjet dramatike, të cilat janë bërë virale, tregojnë kalimtarët që përpiqen t’i hedhin një litar dhe t’i japin udhëzime, në një përpjekje të dëshpëruar për ta shpëtuar, por pa rezultat.

Deri të dielën në mbrëmje, ekipet e shpëtimit kishin mundur të gjenin vetëm çantën e tij me pajisje.

Videoja e fundit e Tudu-t ka ngjallur reagime të ndryshme: disa theksojnë dimensionin tragjik të ngjarjes, ndërsa të tjerë e kanë kritikuar për zgjedhjen e pamatur për të hyrë në një vend aq të rrezikshëm.

Mediat lokale raportojnë se rryma e fuqishme u shkaktua nga reshjet e dendura të shiut, të cilat rritën nivelin e lumit dhe shkaktuan përmbytjen e digës McHood.

22-year-old Indian YouTuber, Sagar Tudu, will never be seen on Youtube again, he was swept away by raging currents at the Duduma Waterfall in Odisha, while attempting to impress his fans for likes. pic.twitter.com/9tCC2Jk8QP

— Dane (@UltraDane) August 26, 2025

The post Tragjike/ Donte të impresiononte fansat, rrjedha e ujëvarës përpin 22-vjeçarin (VIDEO) appeared first on Albeu.com.

Një Kryevepër Inxhinierike

E ndërtuar me një kosto prej rreth 170 milionë dollarësh, përmes një gryke të thellë malore në një rajon me aktivitet të lartë sizmik dhe kushte ekstreme klimatike, ura e Chenab-it është një mrekulli inxhinierike. Ajo ka një gjatësi prej 1,315 metrash, përfshirë një hark qendror prej 467 metrash. Projekti u realizua nga kompani indiane të ndërtimit dhe inxhinierisë me pjesëmarrje minimale të huaj, duke demonstruar aftësitë e avancuara të Indisë në ndërtimin me çelik dhe rezistencën ndaj erërave të fuqishme, tërmeteve dhe shpërthimeve. Ajo mund t’i përballojë erërat deri në 266 km/h, temperatura ekstreme deri në –20°C, tërmete të shkallës 8 dhe shpërthime të barasvlershme me 40 tonë TNT. Përdorimi inovativ i çelikut rezistent ndaj motit, saldimi robotik dhe përdorimi i vinçave ajrorë për ndërtim në terrene të paarritshme e bën këtë projekt unik.

Më shumë se një Urë: Një Projekt Kombëtar

Përtej aspektit teknik, ura përfaqëson një simbol të fortë social dhe politik. Ajo përmbush një premtim të kahershëm për të integruar Jammu dhe Kashmirin, emocionalisht dhe ekonomikisht, në strukturën kombëtare të Indisë – një hap konkret drejt zhvillimit gjithëpërfshirës.

Ura është pjesë qendrore e linjës hekurudhore Udhampur-Srinagar-Baramulla, që për herë të parë lidh Luginën e Kashmirit me rrjetin hekurudhor kombëtar, duke përmbyllur izolimin dimëror të rajonit. Kohët e udhëtimit do të shkurtohen ndjeshëm, zinxhirët e furnizimit do të stabilizohen dhe mundësitë ekonomike do të shumohen. Për banorët e fshatrave të thellë malorë, kjo urë është një hap i madh drejt përfshirjes në zhvillimin kombëtar.

Kryeministri Modi e quajti këtë urë “triumf i qëndrueshmërisë dhe vendosmërisë” dhe theksoi rolin e saj në bashkimin e jo vetëm territoreve, por edhe zemrave dhe aspiratave.

Zhvillimi i Infrastrukturës si Shtyllë e Rritjes

Inaugurimi i kësaj ure përputhet me përpjekjet e përgjithshme të qeverisë indiane për ta kthyer zhvillimin e infrastrukturës në motorin kryesor të rritjes. Në dekadën e fundit, India ka zgjeruar autostradat, ka elektrifikuar mbi 90% të linjave hekurudhore, ka ndërlidhur çdo distrikt me aeroporte pranë dhe po zhvillon porte dhe limane përmes projektit SagarMala – një iniciativë për të përdorur detet dhe rrugët ujore për zhvillimin kombëtar. Gjithashtu, India ka arritur suksese të mëdha në ndërlidhjen dixhitale dhe në politikat e neutralitetit klimatik, duke përfshirë edhe zonat më të largëta në rrjetet dixhitale dhe energjinë e pastër.

Qasja është gjithëpërfshirëse – zhvillimi nuk është më vetëm çështje urbane, por ka arritur edhe gjeografitë më të vështira. Është një vizion kombëtar ku përfshirja nuk është vetëm fjalë, por pjesë e strukturës – e ndërtuar në ura, tunele dhe hekurudha.

Hekurudhat Indiane: Forca që Bashkon

Përfundimi i urës së Chenab-it është një tjetër arritje madhore për Hekurudhat Indiane – një nga rrjetet hekurudhore më të mëdha në botë. Me mbi 68,000 kilometra rrugë, ato transportojnë mbi 23 milionë pasagjerë çdo ditë dhe afro 1.4 miliardë tonë mallra çdo vit. Me më shumë se 1.2 milionë të punësuar, Hekurudhat Indiane janë një nga punëdhënësit më të mëdhenj globalisht.

Kohët e fundit, sektori është futur në një epokë të re modernizimi dhe qëndrueshmërie. Mbi 90% e linjave me gjerësi të madhe janë elektrifikuar dhe sistemi synon të bëhet i pari hekurudhë neutrale ndaj karbonit në botë deri në vitin 2030. Inovacionet vendore si treni Vande Bharat dhe sistemi i sigurisë Kavach janë dëshmi të transformimit të këtij sektori.

Hekurudhat Indiane nuk janë thjesht një sistem transporti – ato janë një forcë që fuqizon unitetin, lëvizshmërinë dhe ekonominë e vendit. Me përparimet teknologjike dhe përgjegjësinë mjedisore, ato janë të gatshme ta udhëheqin Indinë drejt një epoke të re zhvillimi inteligjent, të qëndrueshëm dhe gjithëpërfshirës.

The post India përuron Urën Hekurudhore të Chenab-it: Një urë për integrim dhe përfshirje appeared first on Albeu.com.