Videoja e publikuar nga JOQ, është shpërndarë edhe nga eksponentë të Partisë Demokratike.

Sekretari i Përgjithshëm i PD, Flamur Noka, teksa publikon videon thotë se, “Rama ka sulmuar me thonj emigrantin shqiptar, pasi ky i fundit i ka thënë kreut të qeverisë ‘mos u kthe në ”.

Krahas videos, Noka shkruan duke iu drejtuar socialistëve: “Shikoni kë keni kryeministër! Se i yni s’ka qenë kurrë”.

Ndërkohë nga pamjet në video shihet kreu i qeverisë me një të ri teksa diskutojnë në shkallët e avionit. Ndërsa pasi zbresin, i riu futet direkt në makinën e policisë italiane në Napoli.

The post VIDEO/ Mos u kthe në Shqipëri, incidenti mes Ramës dhe emigrantit! Çfarë ndodhi teksa po zbrisnin nga avioni! Noka: Kryeministri sulmon me thonj të riun dhe ia dorëzon policisë italiane appeared first on Albeu.com.

Komuna e Çairit ka reaguar përmes një njoftimi për media lidhur me incidentin e rëndë, ku një i mitur ka mbetur i plagosur rëndë, duke shprehur keqardhje të thellë dhe duke i uruar atij shërim sa më të shpejtë.

Komuna thekson se ngjarja nuk ka ndodhur brenda territorit të saj. Sipas institucionit, zbardhja e plotë e rrethanave dhe zhvillimi i hetimit u takojnë institucioneve kompetente.

Duke nënvizuar ndjeshmërinë e rastit, veçanërisht për shkak se të përfshirët janë të mitur, Komuna e Çairit u bëri thirrje mediave që të raportojnë me kujdes dhe t’i verifikojnë saktë të dhënat, përfshirë vendndodhjen e ngjarjes, për të shmangur krijimin e një perceptimi të pasaktë në opinion.

Ministri i Punëve të Brendshme, Pançe Toshkovski, deklaroi se i mituri i plagosur ndodhet në gjendje shumë të rëndë dhe po lufton për jetën.

“Një person aktualisht është në gjendje shumë të rëndë shëndetësore dhe po lufton për jetën. Bëhet fjalë për një të mitur, ndërsa sipas informacioneve fillestare të marra nga shërbimet e Ministrisë, edhe personi që ka kryer veprën penale është i mitur. Fëmija me lëndime të rënda trupore dhe fëmija që i ka shkaktuar ato janë të së njëjtës gjeneratë, të lindur në vitin 2012”, deklaroi Toshkovski.

The post Komuna e Çairit sqaron: Incidenti me thika nuk ndodhi në territorin e saj, kërkohet raportim i verifikuar appeared first on Albeu.com.

Rama tha se kryebashkiaku i Pustecit, Pali Kolefski, kishte kërkuar paraprakisht që në aktivitet të ekzekutohej edhe himni shqiptar, por kërkesa e tij ishte injoruar.

Gjithashtu, kryeministri theksoi se, Shqipëria i konsideron minoritetet si një pasuri kombëtare dhe jo thjesht si një statistikë.

“Kryetari i Bashkisë së Pustecit, Pali Kolefski, kërkoi paraprakisht që të luhej edhe himni shqiptar. U injorua dhe më pas kërkoi ndjesë për një faj që nuk ishte i tij. U tregua një shtetar dhe qytetar i denjë i Shqipërisë Europiane, në nder të vetes dhe të komunitetit të tij maqedonoverior, të cilit i duam vetëm më të mirën. Ne e kemi nderuar edhe atë komunitet të vockël me një status të posaçëm si bashki më vete, pikërisht sepse për Shqipërinë minoritetet nuk janë statistikë, por pasuri kombëtare, dhe qytetarët minoritarë nuk janë numra, por vëllezër e motra me të njëjtat liri dhe të drejta si të gjithë ne”, shkruan Rama.

Kreu i qeverise komentoi edhe reagimet që pasuan incidentin, duke e cilësuar situatën si një “cirk të lashtë flamujsh në epokën e Inteligjencës Artificiale”.

“Tani, kjo ardhja e herëpashershme në territorin tonë e trupave të cirkut të nacional-folklorizmit ballkanik, herë nga një vend, herë nga një tjetër e herë nga një tjetër akoma, nuk se na shqetëson për vete, për sovranitetin e Shqipërisë jo e jo, por as për ekuilibrat e jetës politike këtu brenda, ku nuk ka mushkë Troje të rritur në kodrat tona apo “diasporë” të eksportuar nga brenda lagjes sonë që na lëkund”, shkruan kryeministri.

Ajo që ndodhi në Pustec është një parodi domethënëse për botëkuptimet tona të ndryshme në këtë lagje të Europës.

Kryetari i Bashkisë së Pustecit, Pali Kolefski, kërkoi paraprakisht që të luhej edhe himni shqiptar. U injorua dhe më pas kërkoi ndjesë për një faj që nuk ishte i…

— Edi Rama (@ediramaal) August 21, 2026

Reagimi:

Ajo që ndodhi në Pustec është një parodi domethënëse për botëkuptimet tona të ndryshme në këtë lagje të Europës.

Kryetari i Bashkisë së Pustecit, Pali Kolefski, kërkoi paraprakisht që të luhej edhe himni shqiptar. U injorua dhe më pas kërkoi ndjesë për një faj që nuk ishte i tij. U tregua një shtetar dhe qytetar i denjë i Shqipërisë Europiane, në nder të vetes dhe të komunitetit të tij maqedonoverior, të cilit i duam vetëm më të mirën.

Ne e kemi nderuar edhe atë komunitet të vockël me një status të posaçëm si bashki më vete, pikërisht sepse për Shqipërinë minoritetet nuk janë statistikë, por pasuri kombëtare, dhe qytetarët minoritarë nuk janë numra, por vëllezër e motra me të njëjtat liri dhe të drejta si të gjithë ne.

Tani, kjo ardhja e herëpashershme në territorin tonë e trupave të cirkut të nacional-folklorizmit ballkanik, herë nga një vend, herë nga një tjetër e herë nga një tjetër akoma, nuk se na shqetëson për vete, për sovranitetin e Shqipërisë jo e jo, por as për ekuilibrat e jetës politike këtu brenda, ku nuk ka mushkë Troje të rritur në kodrat tona apo “diasporë” të eksportuar nga brenda lagjes sonë që na lëkund.

Gjithësesi, u shpreh sot një keqardhje të sinqertë për të gjithë sponsorëve të këtij cirku të lashtë flamujsh në epokën e Inteligjencës Artificiale, ndërsa mëmëdhetarëve mes nesh që në kësi rastesh hidhen përpjetë përpara pasqyrave të tyre digjitale, duke kërkuar përgjigje me të njëjtën monedhë, u them:

Jo, Shqipëria, Europa e Ballkanit, kurrsesi nuk mund t’ia lejojë dhe nuk do t’ia lejojë vetes ta zbresë monedhën e vlerave të saj në nivelet e parodisë së Pustecit🇦🇱🦅🇪🇺

The post Incidenti me himnin Kombëtar në Pustec, reagon Rama: Cirk i lashtë flamujsh në epokën e Inteligjencës Artificiale, nuk do të ulim veten në nivelin e tyre appeared first on Albeu.com.

Sipas raportimeve të mediave të huaja, helikopteri u ngrit nga Shtëpia e Bardhë të martën pasdite, por kontrollorët e trafikut ajror nuk i kishin ndërprerë në kohë ngritjet dhe uljet e avionëve komercialë në Aeroportin Kombëtar Ronald Reagan të Uashingtonit, siç kërkohet nga protokollet e sigurisë për lëvizjet e presidentit.

FAA po heton mundësinë që të ketë pasur një shkelje të distancave të përcaktuara të sigurisë midis avionëve, e njohur si humbje e distancës standarde të sigurisë. Rregulloret kërkojnë, në raste të tilla, një distancë minimale horizontale prej 1.5 miljesh dhe një distancë vertikale prej 500 këmbësh midis avionëve.

Megjithatë, një zëdhënës i FAA-s sqaroi se Marine One dhe avioni komercial që po ngrihej nuk ishin në afërsi të rrezikshme ose nuk ndiqnin kurse konvergjente. Prandaj, incidenti nuk konsiderohet serioz dhe as nuk konsiderohet se kishte një rrezik të menjëhershëm përplasjeje. Për Shtëpinë e Bardhë, zëdhënësi Kush Desai theksoi se fluturimet e Marine One kryhen nga disa nga pilotët më të mirë në botë dhe në asnjë moment nuk është kompromentuar siguria e presidentit.

The post Incidenti i sigurisë me helikopterin e Trump në Uashington, FAA nis hetimet appeared first on Albeu.com.

Ngjarja lidhet me incidentin e ndodhur tri ditë më parë në fshatin Magure të Lipjanit, ku dyshohet se një grup personash nga komuniteti rom kanë sulmuar Skender Shahinin para shtëpisë së tij, si dhe veteranin e luftës së UÇK-së, Bekim Meta.

Për këtë rast, Gjykata në Lipjan ka caktuar masën e arrestit shtëpiak për veteranin dhe invalidin e luftës së UÇK-së, Bekim Meta, si dhe për Skendër Shahinin, të dy palë të përfshira në incident.

Nga arresti shtëpiak, Skënder Shahini ka treguar versionin e tij për përleshjen në Magurë të Lipjanit, për të cilën të premten Gjykata në Lipjan i caktoi masën e arrestit shtëpiak për 30 ditë.

Sipas tij, ai dhe grupi ku bënte pjesë nuk kanë sulmuar, por vetëm janë mbrojtur, pasi pretendon se rreth 20 persona kishin shkuar për ta sulmuar veteranin e UÇK-së, Bekim Meta.

Shahini tha se pas ndërhyrjes së policisë, të gjithë të përfshirët janë dërguar për trajtim mjekësor dhe më pas janë ndaluar për 48 orë.

Shahini: Kemi bërë vetëm mbrojtje, kurrfarë sulmi nuk kemi bërë.

“Para se me ndodh ai problem e kanë lëshuar një herë dronin, kanë ardhur me disa kerre e kanë vëzhguar terrenin. Pastaj kanë ardhur e kanë sulmuar Bekim Metën me babën e tij. Naser Bekteshi kishte ardhur vetëm me pa çka po ndodh dhe e kanë goditur me tre ose katër gurë në kokë. Pastaj kanë dalë banorët e fshatit, kam dalë edhe unë. Kemi bërë vetëm mbrojtje, kurrfaë sulmi nuk kemi bërë…. Na kanë ndalur në paraburgim 48 orë. Më pas gjykata neve na ka caktuar arrest shtëpiak për 30 ditë. Edhe pala tjetër, sipas informatave që kam unë, është dënuar me 30 ditë paraburgim. Tash po presim çka do të ndodhë pas këtyre 30 ditëve, i kam njohur rreth 80 për qind. Kanë qenë afërsisht 20 persona. Me ta nuk kemi pasur konflikt më herët, por janë fqinjët tanë”, tha ai.

Ai pretendoi se në themel të incidentit qëndron një mosmarrëveshje për një parcelë, për të cilën tha se ishte dhënë në shfrytëzim me leje nga komuna. Sipas Shahinit, personat e përfshirë kanë tentuar ta marrin atë parcelë me forcë.

Shahini shtoi se edhe pas ngjarjes vazhdon të ndihet i rrezikuar.

Shahini: Mua më kanë goditur në kokë, kam humbur vetëdijen – ndihemi të rrezikuar

“Kanë pasur thupra hekuri, shkopinj bejsbolli, shata e lopata. Mua më kanë goditur në kokë. Kam humbur vetëdijen. Në spital më kanë bërë qepje në kokë në katër anët Vec jam mbrojtur, nuk kam sulmuar askënd. Ndihemi të rrezikuar, sepse ata mund të vijnë përsëri në cdo kohë ne presim qe të kthehenn prap kthehen prapë, nëse vijnë prapë e sillen si herën e kaluar, do ta mbrojmë pragun e shtëpiisë, do tti mbrojmë fqinjët”, u shpreh ai

Versionin e tij për ngjarjen e ka dhënë edhe Hysen Meta, babai i veteranit dhe invalidit të UÇK-së, Bekim Meta. Ai pretendon se përplasja nisi pas provokimeve dhe se pala tjetër kishte me vete mjete të ndryshme.

Sipas tij, nga përleshja ka pasur të lënduar, ndërsa djali i tij ka pësuar lëndime serioze.

Meta: Tha kemi me ua bo ma zi se në ’99-tën

“Kanë provokuar kanë përcjellë terrenin edhe me drona, me kerre kanë pasur me vete tuli briskash, tuli çekiçash, tuli hekurash njëri doli prej mbrapa edhe tha kemi me e bo ma zi se në ’99-tën, në gjak kam me e bo gjakun’. Aty ka filluar konflikti kanë dalë kojshitë, ne kemi dalë për Bekimin, Bekimi ka dalë për neve. Qashtu ka qenë. Me ndihmëm e Zotit janë ndalur, se kanë qenë të gjithë të armatosur… Bekimi i lënduar rëndë në dorë, e ka dorën e thyme kan marrë trajtim mjekësor”, tha ai.

Babai i Bekim Metës deklaroi gjithashtu se familja ende nuk ndihet e sigurt pas asaj që ndodhi dhe se pa ndërhyrjen e policisë, situata mund të kishte marrë përmasa edhe më të rënda.

Rrëfimin e tij e dha edhe Isuf Avdullahu, banor që jeton afër vendit ku ndodhi përleshja në Magurë. Ai tha se gjithçka nisi pasi ata kishin ardhur për ta varrosur motrën dhe se synimi i tyre, sipas tij, ishte kryerja e sulmit.

Avdullahu: Kanë qenë rreth 20 vetë me thika e me lopata

“Kanë pas me ardh me varros motrën e tyre edhe kanë ardh mkanë thanë ki me e ni se coa ka me ndodh nesër ju thashë a keni ardh me varros motrën a me bo cka keni me bo. Të nesërmen u bo qajo. Ishin përgatit për këtë ngjarje, ma shumë se për varrim të motrës. Kanë qenë rreth 20 vetë me thika e me lopata. Kur kanë ardh i kem pa tu fol me Skënderin, Skënderi u rrzu në tokë e e kanë shty, në atë moment krejt kanë vrapu”, tha ai.

Avdullahu tha gjithashtu se me banorët e tjerë të zonës ka pasur gjithmonë marrëdhënie të mira.

Avdullahu: Unë mirë kam kalu gjithmonë me këta, ani pse jam prej komunitetit ashkali.

“Unë mirë kam kalu gjithmonë me këta, ani pse jam prej komunitetit ashkali. S’më kanë pa kurrë ndryshe, nuk kemi pasur probleme më herët”, deklaroi ai.

The post Përplasja në Magurë të Lipjanit, të përfshirët paraqesin rrëfimet e tyre për incidentin dhe pretendimet për sulm appeared first on Albeu.com.

“Derisa po festonim bashkë me kolegë të tjerë paraqitjen e Shqipërisë në Eurovision, në Qendrën e Mediave në Vjenë, një grua nga delegacioni i Serbisë erdhi dhe tentoi të na e heqë flamurin e Kosovës, duke na thënë se ‘ky flamur nuk lejohet këtu’. Sigurisht, ajo tentoi ta prekë, por nuk e lejova dhe u kthye mbrapsht. Flamuri i Kosovës do të valojë dhe do të lejohet gjithkund, ndërsa ne do ta mbrojmë me çdo kusht”, ka shkruar Limani në Facebook, teksa ka publikuar edhe videon nga momenti i incidentit.

The post VIDEO/ Incident në Eurovision, delegacioni serb tenton të heqë flamurin e Kosovës appeared first on Albeu.com.

Në seancën e sotme gjyqësore të mbajtur ndaj tij mësohet se artisti ka shfaqur pendesë, duke pretenduar se veprimet i ka bërë si pasojë e gjenjes së tij shëndetësore.

“Jam në ankth, kam vepruar në gjendje të afektit. I kërkoj falje gjykatës, prokurorit si dhe palës së dëmtuar”, ka deklaruar ai.

Ndërsa mediat vendase raportojnë se mbrojtja e tij, avokati Artan Qerkini, ka kundërshtuar kërkesën e Prokurorisë për paraburgim me argumentimin se reagimi i Gjestit ishte impulsiv dhe i ndikuar nga situata financiare e vështirë e artistit.

Më tej Qerkini ka shtuar se Gjesti për shkak të prishje së marrëdhënies me produksionin nuk ka pasur aktivitete muzikore së fundmi.

Incidenti mësohet se ka ndodhur pas një mosmarrëveshjeje për një borxh të pashlyer.

Nga ana tjetër dëshmitarët kanë rrëfyer se artisti ka hyrë në zyrat e kompanisë duke dëmtuar kompjuterë e xhama, ndërsa pas pak ai ka nxjerrë armën duke kërcënmuar stafin e produksionit “Onima”.

Kujtojmë se në lidhje me këtë ngjarje ndaj artstit rëndojnë akuzat për kanosje, dëmtim të pasurisë dhe mbajtje pa leje të armës.

Ndaj tij u caktua masa e paraburgimit e cila pritet të zgjasë nga 11 marsi deri më 9 prill 2026.

The post Shkak i mungesës së tij në muzikë u bë “Onima”, Gjesti “u detyrua” të kanoste produksionin: Isha në gjendje ankthi appeared first on Albeu.com.

Një konflikt mes lojtarëve eskaloi shpejt, duke u shoqëruar edhe me përfshirjen e tifozëve duke krijuar një përleshje të pakuptimtë me lojtarët kundërshtarë, çka e bëri situatën të pakontrollueshme.

Pas incidenteve, skuadra e Teutës u largua nga fusha e lojës. Gjyqtari i takimit, Eldorjan Hamiti, u detyrua gjithashtu të largohej nga fusha pas hyrjes së tifozëve gjatë momentit të përplasjes.

Për shkak të situatës së krijuar, ndeshja u ndërpre për disa minuta, por si përfundim u mor vendimi që sfida të vazhdonte pa tifozë.

Episodi ndodhi në minutën e 67-të, teksa ishte Teuta ajo që po fitonte me shifrat 0-1.

The post Incidenti në Vlorë/ Dhuna në stadiumin “Flamurtari” (VIDEO) appeared first on Albeu.com.

Lajmi u bë i ditur nga ministri i Punëve të Brendshme i Serbisë, Ivica Daçiç.

Daçiç tha në një njoftim se “polici i Kosovës Dylot Brahimi do të arrestohet sapo të jetë i qasshëm për policinë serbe, pa parashkrim, sa herë që kjo të jetë e mundur”.

Serbia nuk ka juridiksion në Kosovë, pasi Kosova shpalli pavarësinë e saj më 2008 dhe njihet nga mbi 100 vende të botës.

Incidenti në Mitrovicën e Veriut më 23 maj shkaktoi reagime të shumta kryesisht për shkak të mënyrës se si i ishte përgjigjur atij një pjesëtar i Policisë së Kosovës që ndodhej në afërsi.

Polici është kritikuar se veproi në mënyrë “selektive” dhe përdori “forcë të tepruar” kur e ndali një maturant serb të Kosovës gjatë një feste të maturantëve në Mitrovicën e Veriut për shkak se, siç thuhet, ai i kishte provokuar njerëzit në një kafene aty pranë.

Policia e Kosovës për rajonin e veriut njoftoi më 23 maj se parada e maturantëve serbë në qendër të Mitrovicës së Veriut përfundoi “qetësisht dhe pa ndonjë problem”, por shtoi se Policia duhej të ndërhynte gjatë festimeve për shkak të disa provokimeve, dhe se situata u qetësua dhe se festa vazhdoi.

Në deklaratën e policisë nuk saktësohet se kush kë po e provokonte dhe në çfarë mënyre.

Në pamjet që qarkullojnë në rrjetet sociale, shihet një maturant gjatë paradës duke treguar gishtin e mesëm në drejtim të një kafeneje, ndërsa nga aty një klient, siç thuhet, po bënte me duar simbolin e shqiponjës dykrenore – e cila është simbol në flamurit kombëtar shqiptar.

Shefi i misionit të BE-së për sundimin e ligjit (EULEX), Giovanni Pietro Barbano, reagoi ndaj incidentit duke thënë se ndihej “thellësisht i tronditur” dhe e dënoi “përdorimin e tepruar të forcës nga polici i Kosovës ndaj të riut në Mitrovicën e Veriut”.

Në anën tjetër, ministri në detyrë i Punëve të Brendshme i Kosovës, Xhelal Sveçla, theksoi se polici kishte vepruar në mënyrë “profesionale” dhe se ndërhyrja kishte për qëllim të ndalte përshkallëzimin pas provokimeve nga disa maturantë, të cilët, sipas tij, përdorën simbole nacionaliste dhe brohoritje shoviniste si “Kosova është zemra e Serbisë”.

Sveçla publikoi në Facebook një video ku dëgjohen maturantët duke kënduar këngën “Vidovdan” dhe duke bërtitur “Kosova është zemra e Serbisë” pranë urës kryesore mbi lumin Ibër në Mitrovicën e Veriut.

Ministria e Drejtësisë e Serbisë ka kërkuar hetim ndërkombëtar për incidentin e 23 majit në Mitrovicën e Veriut.

“Përfshirje e drejtpërdrejtë e përfaqësuesve ndërkombëtarë në mbrojtjen e të drejtave të popullit serb, pezullim i mbështetjes politike dhe logjistike për Policinë e Kosovës derisa të vendoset llogaridhënia dhe respekti për të drejtat themelore të serbëve”, tha Ministria serbe të shtunën.

Kryetari i partisë për Liri, Drejtësi dhe Mbijetesë, Nenad Rashiç, dënoi incidentin, duke thënë se “përdorimi i mundshëm i forcës kundër të rinjve është një goditje serioze ndaj vlerave themelore demokratike”, dhe shtoi se kjo ndikon në përkeqësimin e marrëdhënieve në veri të Kosovës.

Rashiç është ministër për Komunitete dhe Kthim në Qeverinë e Kosovës, dhe partia e tij fitoi gjithashtu një ulëse në zgjedhjet për Kuvendin e Kosovës në shkurt.

Ai i kërkoi ministrit Sveçla t’i marrë të gjitha masat e mundshme, në mënyrë që raste të tilla të mos përsëriten, dhe njoftoi se do të kërkojnë edhe një hetim nga Inspektorati i Policisë së Kosovës.

Lista Serbe – partia më e madhe e serbëve të Kosovës, e cila e gëzon mbështetjen e Beogradit zyrtar – e quajti incidentin “plotësisht të papranueshëm” dhe se pretendoi se institucionet që duhet të sigurojnë paqe “po përdoren për të përhapur frikë dhe presion me motiv etnik”.

“Ne kërkojmë hetim të menjëhershëm të këtij rasti, përcaktimin e përgjegjësisë dhe ndëshkimin e policëve që kanë keqpërdorur kompetencat e tyre”, thuhet në deklaratë.

Edhe Lëvizja Popullore Serbe dhe Demokracia Serbe kërkuan hetim dhe e quajtën ngjarjen “dhunë institucionale ndaj fëmijëve serbë nga Policia e Kosovës”./REL

The post Incidenti në veri, Serbia lëshon fletëarrest për policin e Kosovës appeared first on Albeu.com.

Noka tha se personat me të cilët është përplasur janë “shoferi i Bert Xhabaftit dhe një shoqërues“.

Gjithashtu, Noka deklaroi se këta persona “janë urdhëruar nga Rama të punojnë për Blendi Gonxhen“.

Ai u bëri thirrje qytetarëve të votojnë masivisht dhe shtoi se sot është “dita e fundit e bandave”.

“Personi që u hoq si qytetar dhe që mediat dhe porthalet e regjimit e shesin si qytetar, është shoferi i Bert Xhabafti, ai tjetri shoqërues. E patë vetë, u filmua live, dy ushtarët e Bertit ishin brenda QV duke ushtruar presion.

Bert Xhabafti është urdhëruar nga Rama të punojë me bandën e tij, për Blendi Gonxhen. Është denoncuar nga zonja Vokshi, sepse ka ngrënë dreka dhe darka me Blendi Gonxhen. Dua të denoncoj organizimin e kësaj bande në funksion të votave për Rilindjen. E imagjinoni të hyjë banditi si Bert Xhabafti? Ishte aty, e patë vetë. Keni parë ndonjë polic këtu?

Ku është policia? Ku është SPAK-u? SPAK duhet të ishte këtu, ka dy orë që ka ndodhur ngjarja. Në Bazë të ligjit, duhet të ishin këtu. Banda e Xhabaftëve, është pajisur me bexhet e KQZ. Patronazhistët janë pajisur me bexha të KQZ. Keni reagim? Celibashi thotë se nuk janë bexha të prodhuara nga ne dhe janë fallco. Asgjë!

Ata kanë vetëm një shpresë, shpresa ësthë te bandat. U bëj thirrje qytetarëve, dilni në votime. Tmerri i bandave, është vota e lirë. Duhet rrëzuar ky pushtet horrash dhe banditësh. Po tregon atë që nuk e ka treguar as diktatura, që nuk imponohej me banda.

Janë përpëlitjet e fundit të tyre. Askush nuk u trembet atyre. Dita e qytetarëve po vjen, sot merr fund dita e bandave. Nesër do gdhidhet dita e qytetarëve. Dilni masivisht në votime“, u shpreh Noka.

The post Flamur Noka flet pas incidentit në Vorë: Ushtarët e Bert Xhabaftit ushtronin presion, janë urdhëruar nga Rama appeared first on Albeu.com.