Pak ditë më parë, Keijsi, i ftuar në “Big Brother Radio” në Top Albania Radio, deklaroi publikisht se ai dhe Ina nuk janë më në një lidhje. Kjo deklaratë ngriti menjëherë pikëpyetje mes ndjekësve, të cilët kanë qenë të interesuar për raportin mes tyre që prej daljes nga shtëpia e “BBVIP”.
Megjithatë, situata u bë edhe më e paqartë pas publikimit të një videoje në rrjetet sociale, ku Keijsi shihej duke i bërë foto Inës në studion e “Big Brother Fan Club”. Ky moment ngjalli dyshime të reja dhe shtoi kureshtjen e publikut për të kuptuar nëse mes tyre kishte ende diçka më shumë sesa një raport miqësor.

Për herë të parë, Ina ka zgjedhur të flasë hapur për këtë situatë, duke mos dhënë një përgjigje të drejtpërdrejtë mbi statusin aktual të marrëdhënies, por duke lënë të kuptohet se mes tyre ekziston një respekt dhe mirënjohje e ndërsjellë.

“Mund t’ia kem thënë, mund të jetë nënkuptuar, por mund ta them prapë… Është vetëm një faleminderit shumë e madhe për çdo grimcë fryme, energjie, mbështetje, dashurie që ka bërë për mua brenda dhe jashtë programit.”

The post Ina ka dy fjalë për Keijsin pas ndarjes së tyre: Faleminderit për çdo grimcë… appeared first on Albeu.com.

Stelina është shprehur se është në dijeni të gjithë situatës, por ka theksuar se informacionet i kanë ardhur kryesisht përmes ndjekësve në Instagram, të cilët i dërgojnë vazhdimisht lajme dhe komente që lidhen me personazhet e përmendur.

“Ma kanë dërguar gjysma e Shqipërisë në Instagram, ka shumë gjëra që lidhen me ta që më dërgohen vazhdimisht. Kjo gjë më shqetëson deri diku, sepse unë e kam thënë edhe më parë në çdo dalje televizive që nuk më lidh asgjë me ta,” është shprehur ajo, duke lënë të kuptohet se dëshiron të distancohet nga çdo lidhje apo koment rreth tyre.

Historia e Keijsit dhe Inës ka nisur fillimisht në emisionin “Përputhen”, ku të dy u bënë të njohur për publikun, ndërsa më pas marrëdhënia e tyre u zhvillua edhe brenda shtëpisë së “Big Brother VIP”. Edhe pse në fillim të rrugëtimit të tij në program, Keijsi kishte deklaruar se ende kishte ndjenja për Stelinën, më vonë ai nisi një romancë me Inën, e cila u bë pjesë e vëmendjes së madhe publike dhe diskutimeve në rrjet.

The post Ndahen Ina dhe Keijsi, Stelina reagon për herë të parë: Ja si e zbulova lajmin appeared first on Albeu.com.

Në video, Keijsi tregonte se gjithçka ka nisur për lojë dhe se marrëdhënien me Inën e ka krijuar për show.

“Ku ka gjëra tamam, në BBV është çdo gjë show. Shumë gjëra do të ndahen, halli është të marrim përfitime. Nuk është gjë serioze. Nuk e dua (Inën). Është e kuptueshme që është për lojë, edhe nëse nuk e kupton ku qëndron problemi. Të shkojë sa të shkojë, pak muaj. Secili ka jetën e vet, show do të bëj. Qëllimi ishte të kapim show, reklama, wow çifti”, thoshte Keisji në video.

Ina ka mbetur e shokuar dhe e habitur pas kësaj videoje, por më pas ka kërkuar të sqarohet me Keijsin.

Fillimisht asaj i është lexuar edhe një letër ku ish-banori i shprehte dashurinë, situatë që ia shtoi edhe më shumë paqartësinë.

Më pas, ishte vetë Kiara ajo e cila ftoi në studio Keisjin, i cili erdhi me një tufë me trëndafila të kuq, ku u shpjegua se gjithçka ishte një shaka.

The post Ishte një lojë për show/ Videoja e Keijsit shokon Inën, ish-banorët ballafaqohen live appeared first on Albeu.com.

Në mesazhin e saj, ajo shprehet se nuk ka nevojë të flasë me zë të lartë, pasi “mjafton zemra”.

Në letër, nëna e banores thekson se vajza e saj është pikërisht ashtu siç e ka rritur, e vërtetë, me gabime, me ndjenja, me forcë dhe dobësi.
Në fund të mesazhit, ajo i bën thirrje publikut që të tregojë kujdes me fjalët dhe gjykimet, duke kujtuar se pas çdo banori që shfaqet në ekran qëndron një familje që ndjen, që pret dhe që lutet.

“Si nënë, sot nuk kam nevojë të flas me zë të lartë. Mjafton zemra. Vajza ime është aty brenda siç e kam rritur, e vërtetë, me gabime, me ndjenja, me forcë dhe me dobësi. Jo perfektë, por njerëzore. Dhe për mua kjo ka qenë gjithmonë mjaft.

Publikut dua ti them vetëm kaq, pas çdo banori ka një familje që ndjen, pret dhe lutet. Pas vajzës sime jam unë, një nënë që mëson se mirësia, durimi dhe karakteri nuk humbasin kurrë edhe kur sprovohen.
Faleminderit kujtdo që e sheh me zemër të hapur, që e mbështet dhe që e kupton se kjo është një lojë por njerëzit brenda saj janë të vërtetë. Ju faleminderit”, shkruhet në letrën e dërguar nga nëna e Inës.

The post Nëna e Inës letër në “Fan Club”: Pas çdo banori qëndron një familje appeared first on Albeu.com.

Pas daljes nga shtëpia, ai foli për herë të parë për “Shqipëria Live”, ku zbuloi më shumë për raportin e tij me Stelinën dhe Inën.

Sa i përket Stelinës, ai tha se e ka mbyllur përfundimisht, ndërsa për Inën deklaroi se do të vazhdojë njohjen jashtë.

Keijsi foli edhe për lojën duke thënë se Inën e goditën moralisht.

“Pasi hyri Ina, me Stelinën patëm një krisje të madhe, për pritjen që unë i bëra. Puthja me Inën ndodhi vetëm një herë, në atë video që është transmetuar. Ina nuk dinte gjë për videon. Në aspektin moral, e goditën shumë. Sikur ajo është një njeri i pavlerë”, u shpreh ai.

Tutje tha: “Ina nuk ka hyrë mes meje dhe Stelinës. Me Stelinën jam shkëputur për arsye pasigurisë, siç ndodhi dhe aty. Me Stelinën e kam mbyllur përfundimisht”.

“Stelina erdhi me tendencë, u nis nga dëshira dhe përfundoi me tendencë. Lidhjen me Inën do ta vazhdoj jashtë”, shtoi ndër tjerash.

The post “Me Stelinën e kam mbyllur përfundimisht”, Keijsi: Me Inën do të vazhdoj jashtë appeared first on Albeu.com.

Njëri prej tyre ishte për Rogertin, kurse tjetri për Keijsin gjë që rezultoi me përjashtim të tij.

Kjo pasi ka thyer rregullat thuajse që nga hyrja në këtë format, ku shpesh ka eskaluar me fjalor.

E pas kësaj, ajo që u mërzit më së shumti ishte Ina Aderi, me të cilën krijoi një histori dashurie.

Pas spektaklit dhe pas përjashtimit të Keijsit, e njëjta u pa duke qarë me të madhe në dhomën e gjumit.

Duket se nuk e pranoi largimin e të dashurit, meqë me të ka qëndruar tërë kohën.

E përfshirë në këtë histori dashurie ka qenë edhe Stelina, e cila në fund hoqi dorë nga banori tashmë i përjashtuar.

The post Duke qarë, Ina qëndron e vetme pas përjashtimit nga gara të Keijsit appeared first on Albeu.com.

Debati ne Prime:

Stenaldo: Turp t’i vijë Keijsit, Inës dhe këtij tjetrit (Rogertin) që do dalë avash-avash.

Ina: Çdo gjë është shkak-pasojë. Stenaldo gjithë kohës më është drejtuar me fjalë të ulëta. ‘E dimë çfarë përfaqëson ti’. Të prekësh një femër në moral, nuk të bën më shumë burrë. Gjithçka ka nisur aty jashtë. Ti ishe lënduar nga këmbët dhe Keijsi të tha: ‘Stenaldo, a të duhet ndihmë’ dhe ti gjithë neveri i the: ‘Nuk më duhet ndihma jote’. Gjithë kohës më je drejtuar mua dhe Keijsit me një gjuhë urryese, a thua se ke një mllef. Keijsi i tha që harrove Juelën dhe re në dashuri me Baby G, edhe unë i thashë je maniak femrash.

Stenaldo: Nëse Kristi do të kishte qenë shkak i daljes së Keijsit me zarf të zi, atëherë do të kisha qenë dhe unë. Është e rëndë të dëgjosh që unë jam një maniak vajzash.

Ina: Ashtu siç është e rëndë të më thuash mua një femër të pamoralshme.

Stenaldo: Ina, ti ke ardhur me një puthje këtu. Është e vërteta jote. Të të vijë zor për njeriun që përfaqëson.

Baby G: Stenaldo është një djalë me shumë kulturë, respekt dhe logjik. Maniak? Në asnjë mënyrë.

The post “Maniak që sheh çdo femër”/ Ina përballet me deklaratën e saj, çfarë tha Stenaldo? appeared first on Albeu.com.

Stelina, ish e dashura e Keijsit, u shpreh se ky ishte një vendim i merituar dhe se i bëhej qejfi që Keijsi doli, pasi sipas saj, ai nuk i lejonte banorët e tjerë të tregonin vlerat e tyre.

“Patjetër i merituar. Ishte dhe krenar. Patjetër që më bëhet qejfi. Këtu ka shumë njerëz me vlera që nuk po i përcjellin dot vlerat e tyre, sepse Keijsi bërtiste me gishta në vesh dhe nuk i linte të tjerët që t’i tregonin”, tha Stenila.

Nga ana tjetër, Ina iu kthye duke i thënë se për hir të asaj që Stelina dhe Keijsi kanë kaluar, banorja nuk duhet t’i thoshte këto fjalë: “Para dy javësh ia dije vlerat Keijsit. Ai është një njeri që ka lënë gjurmë në jetën tënde. Të paktën, për hir të asaj që keni kaluar së bashku, nuk duhet ta thoje”.

The post “Vendim i merituar, më bëhet qejfi”/ Përjashtimi i Keijsit nga shtëpia, Ina i kthehet Stelinës: Para dy javësh ia dije vlerat appeared first on Albeu.com.

Keijsi dhe Ina kanë shkëmbyer puthje me njëri-tjetrin, si e sheh këtë lidhje?

“Për mua nuk është e vërtetë fare. Ajo që në fillim kur hyri, tha se i kanë ndarë gjërat, janë thjesht shokë, tani nga shokë na kaloi në më shumë se sa shokë. Këto femra që nuk dinë se çfarë thonë… Të paktën mos u prononco, lëre të rrjedhë. Si Stelina, si Ina, mua nuk më ka pëlqyer ideja që ato kanë pranuar të futen. Unë e di që në “Big Brother” një herë të jepet mundësia, por duke qenë një ish atje, për çfarë po i shkon mbrapa? Për t’i dhënë atij audiencën? Që kur janë futur këto dy gocat, ky trekëndësh nuk më ka pëlqyer fare.

Një djalë si Keijsi nuk do më pëlqente fare. Keijsi mund të thotë çfarë të dojë për veten e vet, të jetë dhe më i miri në botë, le ta vlerësojnë të tjerët. Keijsi për mua është arrogant, është një djalë i paedukatë, mënyra se si sillet me femra, me meshkujt po e po, por dhe me femrat. Kështu që ajo Ina, ose i pëlqejnë këta djemtë që janë të paedukatë dhe arrogantë, duke parë se si e shau Stelinën, nuk e si se çfarë i pëlqen. Plus që unë jam e bindur se është thjesht show, asgjë më shumë.

Ina më duket pak e lehtë, mendon se do të zgjasë shumë jetëgjatësia për në “Big Brother”. Ajo tani po del akoma më keq, se keq doli dhe kur hyri, që ishte thjesht një puthje dhe asgjë më shumë, por tani do dalë akoma dhe më shumë më keq. Është aktrim i gjallë, nuk ka shanse. Keijsi për çfarë e bëri atë surprizën me Stelinën? E donte? Dhe pas një dite e shau dhe pas dy ditëve u lidh me Inën? Është shumë e shëmtuar. Nuk besoj se dhe njerëzit jashtë e shohin me ndonjë admirim. Këtij nominimi i shpëtojnë, maksimumi dhe dy javë do zgjasë, Ina do dalë”, tha ajo.

The post “Ina e lehtë, po del shumë keq”, Olta Sheta: Pëlqen djemtë e paedukatë, Keijsi arrogant appeared first on Albeu.com.

Në një intervistë për Shqipëria Live në Top Channel, motra e Keijsit u shpreh se nuk e priste që kjo të ndodhte, por shtoi se nëse ata e kanë ndjerë, atëherë është çdo gjë në rregull.

“Nuk e prisja fare, por nëse e kanë ndjerë për ta bërë atëherë është në rregull”, tha Sara.

Sa i përket komenteve në rrjet për këtë puthje, ajo tha se janë dy të rinj që kanë të drejtën e botës të puthen, dhe se askujt nuk i bëjnë dëm.

“Secili ka një koment për të dhënë, dhe jemi të lirë. Mos ta specifikojmë këtë puthjen e Keijsit sikur çfarë ka ndodhur sepse ka të drejtë të puthet më kë të dojë kur pëlqehen, po puthen dy individë që janë në moshën më të bukur, kanë ndjesitë e tyre, hormonalisht janë shumë të ndezur se janë të rinj, ajo puthje nuk i bën kaq dëm të madh askujt, përveç atyre të dyve nuk prek askënd tjetër ajo puthje”, u shpreh ajo.

Ndërkohë në dhomën e rrëfimit, pas puthjes Keijsi tha: Më e bukura e puthjes ishte se ishte pas një debati shumë të madh.

“Ky ishte emocioni më i fortë që kam kaluar deri tani, e ndjeva dhe e bëra, shumë e thjeshtë”, u shpreh Ina nga ana tjetër.

The post “Nuk e prisja fare”, puthja në buzë me Inën, motra e Keijsit: Nuk i bëjnë dëm askujt, janë të rinj dhe janë hormonalisht të ndezur appeared first on Albeu.com.