Ai u shpreh se Prokuroria nuk e akuzon për korrupsion, por për keqmenaxhim të Prokurimeve Publike.

Sipas kryeministrit Rama, nuk mund t`i kufizohet liria dikujt vetëm mbi bazën e dyshimeve për diçka që nuk është korrupsion.

“Pretendimet janë të pasakta, por kështu funksionon sot informacioni publik. Sepse, së pari, nuk është rast korrupsioni. Prokurori nuk e akuzon atë për korrupsion. Pra nuk ka akuzë për korrupsion. Bëhet fjalë për keqmenaxhim të prokurimeve publike, që sipas Kodit Penal është shumë larg korrupsionit.

Së dyti, në Shqipëri nuk kemi imunitet ndaj hetimit. Pra, kushdo mund të hetohet. Edhe unë vetë mund të hetohem nga prokurori pa e ditur fare. E vetmja gjë që bën parlamenti është të thotë “po” ose “jo” për kufizimin e lirisë së dikujt. Ne nuk menduam, dhe vazhdoj të mos mendoj, se kjo duhej bërë. Jam gjithnjë e më i bindur se bëmë gjënë e duhur kur thamë: vazhdoni hetimin, por nuk mund t’ia kufizoni lirinë dikujt vetëm mbi bazën e dyshimeve për diçka që nuk është korrupsion”, tha Rama.

Ndërsa i pyetur për propozimin e tij, që Shqipëria të anëtarësohet pa të drejtë vetoje, Rama deklaroi se këtë nuk e ka thënë vetëm që të hyjë në BE, por argumentoi se nuk ka kuptim që Evropa të varet vetoja e të gjitha vendeve anëtare.

Rama përsëriti synimin që Shqipëria të bëhet pjesë e BE-së deri në vitin 2030, duke e cilësuar këtë objektiv si realist në kushtet aktuale gjeopolitike.

“Çështja nuk është shpërblimi, por Europa. Dhe nuk e thashë këtë vetëm për të hyrë në BE, por sepse besoj në një Europë më praktike dhe më funksionale. Nuk ka kuptim që Europa të varet tashmë nga 27 veto, dhe imagjinoni 29, 33 apo edhe 35 veto.

Prandaj kjo është diçka që duhet trajtuar thellësisht, bashkë me shumë çështje të tjera, sepse folëm më parë për atë që e pengon Europën të ketë një ritëm dhe forcë ndryshe.

Dhe për sa na përket neve, unë besoj se kjo do të ndihmojë gjithashtu në zbutjen e tensioneve që me siguri do të shfaqen në vende të ndryshme kur të vijë momenti i marrjes së vendimeve”, deklaroi kreu i qeverisë shqiptare.

Në intervistë, Rama u shpreh se Evropa ka gabuar duke ia lënë Shteteve të Bashkuara të Amerikës rolin kryesor në komunikimin me Rusinë, duke theksuar se BE duhet të flasë me Moskën.

Sipas tij, BE duhet të ruajë rolin e saj si një fuqi globale dhe të mos e “delegojë ekzistencën e saj në arenën ndërkombëtare”.

Ai shtoi se, ndonëse mbështet Ukrainën në luftën kundër agresionit rus, dialogu me Rusinë mbetet i domosdoshëm në një moment të caktuar.

The post Imuniteti i Ballukut, Rama nuk tërhiqet: Bëmë gjënë e duhur, s’mund t’i kufizohet liria, nuk ka akuzë për korrupsion appeared first on Albeu.com.

Lideri i opozitës teksa i referohet raportit të KE thotë se heqja e imuniteti duhet të jetë përparësi.

Kryedemokrati tha se dokumenti i Parlamentit Europian ngre shqetësime edhe për mungesën e rolit të parlamentit në procesin e integrimit.

“Në këtë raport theksohet se heqja e imunitetit duhet të bëhet pa asnjë pengesë dhe me përparësi, ndërkohë që Lubi Balluku vazhdon të jetë zv kryeministre në hije, me të gjitha funksionet e saj. Raporti dënon rrokullisjen e Shqipërisë 9 vende më poshtë sec ishte, natyrisht dhe mburojën që Rama iu bëri Lindave të tij të AKSHI-t”, tha kreu i PD.

Sipas Berishës, Ballkani i Hapur dhe editoriali i Ramës dhe Vucic në gazetën gjermane është një përpjekje për të minuar integrimin e Shqipërisë.

“Në raport dënohet me forcë Ballkani i Hapur dhe nisma të tjera, sic ishte letra Vucic – Rama, si përpjekje për të minuar procesin e integrimit. Rama fshehu një proces themelor të BE për Shqipërinë”, u shpreh Berisha.

The post Berisha: Imuniteti i Ballukut duhet të ishte hequr pa hezitim, këtë thotë raporti i KE, “Ballkani i Hapur”, përpjekje për të minuar integrimin europian të vendit appeared first on Albeu.com.

Pas një zvarritjeje gati 3 mujore, Kuvendi i Shqipërisë do të votojë të enjten mbi kërkesën e Prokurorisë së Posaçme për heqjen e imunitetit të ish-zv.kryeministres Belinda Balluku, e pandehur për veprën penale të shkeljes së barazisë në tendera në mënyrë të përsëritur.

Votimi pritet gjithsesi të jetë një formalitet, pasi kryeministri Edi Rama dhe mazhoranca socialiste shpallën qëndrimin e tyre kundër kërkesës së SPAK për autorizimin e një mase arresti, duke i ofruar Ballukut votat e tyre si mburojë politike. Votat e deputetëve socialistë janë të mjaftueshme për rrëzimin e kërkesës.

Rrëzimi i pritshëm i kërkesës së SPAK, rrezikon sipas juristëve, që të ketë efekte jo vetëm mbi hetimin e mëtejshëm të Ballukut, por edhe në çështje të tjera të ngjashme në të ardhmen, ku subjekte të Prokurorisë së Posaçme mund të jenë ministra të qeverisë apo deputetë të Kuvendit të Shqipërisë.

Juristët e konsiderojnë qëndrimin e Partisë Socialiste si mbrojtje politike, që sipas tyre rrezikon të kthehet në një praktikë për të gjithë deputetët dhe ministrat.

Edhe pse ligji garanton vazhdimin e hetimit të Ballukut, për ekspertët e drejtësisë ekziston rreziku i ndikimit të tërthortë në sigurimin e provave dhe dëshmive.

Lirime Çukaj, pedagoge e së drejtës penale në Universitetin e Tiranës, parashikon se edhe në rastin e mosdhënies së autorizimit, çështja “Balluku” do të ndjekë rrugën e saj ligjore drejt një vendimi penal të formës së prerë, pavarësisht faktit nëse është dhënë apo jo autorizimi për arrest.

Megjithatë, Çukaj vlerëson se në këtë rast, hetimi në gjendje të lirë mund t’i shkatërrojë provat, nëse personi nën hetim do të kontaktonte dëshmitarët apo do të bënte të mundur ndryshimin e deklarimit të tyre.

“…Në rastin konkret, duhet parë vetëm ky element, nëse masa e sigurimit do të caktohej për vërtetësinë apo marrjen e provave, atëherë mund ta dëmtojë procedimin penal”, tha Çukaj.

Edhe avokati Eugen Beçi, vlerëson se refuzimi nga parlamenti i kërkesës së SPAK për arrestimin e një deputeti nuk është thjesht një vendim politik, por mund të ketë ndikim real në ecurinë e hetimeve.

Beçi shprehu gjithashtu shqetësimin se ky vendim, mund të kthehet në precedent që shumica parlamentare të kthehet në një filtër politik për hetimet ndaj funksionarëve të lartë.

“Nëse refuzimi bëhet duke hyrë në analizë të akuzës, krijohet një ndërhyrje politike në një proces që në thelb duhet t’i takojë vetëm prokurorisë dhe gjykatës”, tha Beçi.

“Edhe pse deputetja nuk ushtron më funksion në ekzekutiv, statusi i saj politik dhe institucional mund të ndikojë tek dëshmitarë, persona të përfshirë në procedura administrative apo tek sigurimi i provave të tjera”, shtoi ai, duke shpjeguar se në hetimet ndaj zyrtarëve të lartë, ndikimi shpesh nuk është i drejtpërdrejtë, por rrjedhojë e pozicionit publik.

Avokati Florian Bonjaku, sjell në vëmendje se përcaktimet aktuale të Kushtetutës dhe ato ligjore, nuk frenojnë hetimet për arsye të mandatit të deputetit, ndryshe nga sa ka qenë vite me parë.

Por ai thekson se në këtë rast, refuzimi i kërkesës së SPAK mund të sjellë si pasojë helmimin apo prishjen e provave – ç`ka ndikon më pas edhe në hetimin penal.

Në një analizë më të gjerë, Bonjaku thotë se vendimarrja për Ballukun do të lerë gjurmën e vet në përballjet e ardhshme mes Prokurorisë së Posaçme dhe pushtetit politik.

“Në terma praktikë kjo mund të sjellë një tërheqje të Prokurorisë së Posaçme, ashtu si dhe mund të sjellë një kujdes më të madh të tyre, në kuptimin që të jenë më specifikë, më të saktë dhe me prova më të organizuara në momentin kur do shkojnë përpara parlamentit për të kërkuar heqjen e imunitetit të deputetit”, tha Bonjaku.

Votimin për të rrëzuar heqjen e mandatit të deputetit, Bonjaku e cilëson “një sinjal force” që politika u jep deputetëve për t’u hequr frikën nga SPAK, tashmë përmes një mburoje politike.

Gjatë viteve të fundit, Prokuroria e Posaçme, ka ndërmarrë hetime për korrupsion ndaj disa prej bashkëpunëtorëve të ngushtë të kryeministrit Edi Rama në qeverisje, por procedimi penal ndaj numrit 2 të qeverisë shënoi një pikë kthese.

Ndryshe nga rastet e tjera, Rama udhëhoqi një betejë ligjore në Gjykatën Kushtetuese për të bllokuar pezullimin nga detyra të Ballukut, ndërkohë që mazhoranca e tij në Kuvend mbajti peng për gati 3 muaj shqyrtimin e kërkesës për autorizimin e arrestit, për të shkuar më pas drejt rrëzimit të saj.

The post Sot në Kuvend votohet për imunitetin e Ballukut/ BIRN: Rrëzimi i kërkesës së SPAK për arrestimin e Ballukut, ‘sinjal force’ për hetimin e zyrtarëve të tjerë të lartë appeared first on Albeu.com.

Në rendin e ditës, nuk është përfshirë çështja e ish-zv.kryeministres dhe ish-ministres së Infrastrukturës dhe Energjisë, Belinda Balluku, për të cilën SPAK kërkon arrestimin dhe i ka kërkuar Kuvendit heqjen e imunitetit si deputete.

Tre ditë më parë, Grupi i PD-së depozitoi në Kuvend raportin e tyre pas mbledhjes së Këshillit të Mandateve, ku argumentojnë se përse Kuvendi duhet të votojë pro kërkesës për heqjen e imunitetit të saj. Por, socialistët, që do të dalin në një raport më vete, nuk kanë publikuar ende asgjë.

The post Sot seanca plenare/ Imuniteti i Ballukut nuk futet në rendin e ditës, SPAK kërkon arrestimin e ish-zv.kryeministres appeared first on Albeu.com.