AUV thekson se nga sot masa e ndalesës vlen për gjithë territorin e Shqipërisë.

“Pas rivlerësimit të situatës, lajmërimeve për konfirmime të rasteve të sëmundjes PPR (Peste des Petits Ruminants) edhe në regjione tjera, AUV ngrit masën kufizuese për tërë territorin e Shqipërisë, me qellim të parandalimit të përhapjes. Duke parë rrjedhën e situatës përveç masës kufizuese në import. Komunat e Kosovës të brezit kufitarë me Shqipërinë, përmes drejtorive të tyre për Bujqësi të vendosin masa strikte kufizuese të lëvizjes se bagëtive të imta në kullosat e brezit kufitarë. Fermerët mbajtëse të deleve dhe dhive të mbajnë nën mbikëqyrje bagëtitë e tyre dhe të pengojnë çfarëdo kontakti të kopeve të tyre me kopetë e fermerëve nga vendi fqinjë”, thuhet në njoftimin e AUV.

AUV shton se PPR është një sëmundje virale shumë ngjitëse që prek kryesisht delet dhe dhitë. Ajo përhapet përmes kontaktit të drejtpërdrejtë me kafshët e sëmura, ndërsa burim i infeksionit janë sekrecionet dhe jashtëqitjet.

“Shenjat klinike përfshijnë: temperaturë të lartë, rrjedhje nga hunda, inflamacion të syve, ulje të oreksit, diarre dhe në raste të rënda, ngordhje. Kjo sëmundje nuk është zoonotike, pra nuk transmetohet tek njerëzit dhe nuk paraqet rrezik për shëndetin publik”, shton AUV.

Autoritetet kufitare do të forcojnë kontrollet në të gjitha pikat kufitare dhe zonat e brezit kufitar me Shqipërinë, me qëllim parandalimin e futjes së sëmundjes në territorin e Republikës së Kosovës.

“AUV, në bashkëpunim me autoritetet përkatëse, do të ndjekë nga afër situatën dhe do të ndërmarrë të gjitha masat preventive të nevojshme. Gjithashtu, do të informojë rregullisht fermerët dhe publikun për zhvillimet e mëtejshme. Në ketë fazë, fermerët mbajtës të deleve dhe dhive duhet të pengojnë çfarëdo kontakti të bagëtive të tyre me fermat nga Shqipëria ne kullosat e brezit kufitar”, thuhet në njoftim.

The post Ndalohet përkohësisht importi i deleve dhe dhive nga Shqipëria në Kosovë appeared first on Albeu.com.

Projektligji, i cili synon të zëvendësojë ligjin aktual për Menaxhimin e Integruar të Mbetjeve, thotë në nenin 73 se në përgjithësi importi i mbetjeve në Shqipëri ndalohet me përjashtim të rasteve kur Këshilli i Ministrave e lejon.

“Në territorin e Republikës së Shqipërisë lejohen të importohen, vetëm disa kategori të caktuara mbetjesh jo të rrezikshme, përveç atyre të përcaktuara në pikat 1 dhe 2 të këtij neni, pas miratimit të kërkesës për import me Vendim të Këshillit të Ministrave,” thuhet në projektligj.

“Këshilli i Ministrave me propozim të Ministrit miraton listën e mbetjeve jo të rrezikshme të cilat lejohen të importohen në Republikën e Shqipërisë si dhe rregullat për zbatimin e këtij neni,” shtohet aty.

Ndërsa neni 74 lejon më tej kalimin në Shqipëri tranzit të “mbetjeve jo të rrezikshme”, për të cilat mjafton një leje e ministrit të Mjedisit.

“Jam absolutisht kundër,” deklaroi për BIRN Lavdosh Ferruni, aktivisti i Aleancës Kundër Importit të Plehrave, grupi shoqëror joformal që luftoi me sukses fillimisht qeverinë “Berisha” dhe pastaj qeverinë “Rama” për të ndaluar importin e plehrave.

“Shqipëria duhet të vijojë të ketë një ndalim të plotë të importit të plehrave. Shkalla e rrezikut që bashkë me mbetjet e parrezikshme në Shqipëri të hyjnë edhe mbetjet e rrezikshme është sot njësoj e lartë siç ishte edhe më parë,” shtoi Ferruni. “Nëse qeveria do bëjë ndonjë gjë të vlefshme, ajo është që të merret me krizën aktuale mjedisore që u shkaktua nga politika e saj e incinerimit,” theksoi Ferruni, ndërsa shtoi se lejimi i importit të plehrave “vetëm sa do ta përkeqësonte këtë situatë”.

Shqipëria ka debatuar nisma të tre qeverive përgjatë njëzet viteve të fundit që synonin të lejonin importin e mbetjeve, që të gjitha, të dështuara për shkak të protestave popullore. Nisma e parë i takoi ish-kryeministrit Fatos Nano, i cili miratoi një kontratë koncesioni për një impjant incinerimi për biznesmenin kontrovers italian Francesco Becchetti.

Në vitin 2011, qeveria e kryeministrit Sali Berisha miratoi një ligj për lejimin e importit dhe dha licenca për importime mbetjesh, sipas formatit të propozimit aktual. Kryeministri Edi Rama, në kohën kur ishte në opozitë, bëri fushatë gjerësisht duke premtuar heqjen e mundësisë për importin e ligjshëm të plehrave në Shqipëri, vendim që e mori në ditët e para të mandatit të parë në vitin 2013.

Në vitin 2016, Rama ndryshoi mendim dhe vendosi të lejojë sërish importin e plehrave. Projektligji u miratua në parlament, por u kthye nga ish-presidenti Bujar Nishani dhe ngeci pasi ish-aleati i Ramës, Ilir Meta dhe LSI, nuk lejuan rrëzimin e dekretit të Nishanit. Socialistët hoqën dorë nga nisma në vitin 2017 kur pranuan dekretin e presidentit.

Ferruni, i cili është një nga aktivistët e fushatës së vitit 2004, asaj të vitit 2011 dhe asaj të vitit 2016, i tha BIRN: “Do të fillojmë menjëherë të organizohemi kundër.”/BIRN

The post BIRN: Qeveria rikthen sërish importin e plehrave në Shqipëri appeared first on Albeu.com.

Importi për mallrat bazë të industrive prodhuese, lidhet me zgjerimin e aktivitetit të këtyre sektorëve dhe interesin në rritje të sipërmarrjes për përdorimin e teknologjive bashkëkohore që përmirësojnë cilësinë e prodhimit.

Referuar të dhënave të INSTAT-it, Italia, Kina dhe Gjermania, janë partnerët kryesore me volumin më të madh në vlerë të importit të kësaj kategorie.

Gjithsej nga Italia gjatë 2-mujorit u importuan rreth 6.7 miliardë lekë makineri, pajisje dhe pjesë këmbimi.

Nga Kina u importuan 5.3 miliardë lekë makineri, pajisje dhe pjesë këmbimi. Ndërsa nga Turqia u importuan 6.7 miliardë lekë makineri, pajisje dhe pjesë këmbimi.

Investimet e huaja direkte, vijojnë të qëndrojnë në nivele historike. Të dhënat e Bankës së Shqipërisë, flasin për një fluks investimesh të huaja, vlera progresive e të cilave arriti në 1 miliard e 88 milionë euro.

Për nëntëmujorin janar-shtator 2023, vlera e investimeve të huaja direkte u paraqitet në rritje me 10.6 %, krahasuar me të njëjtën periudhë të vitit 2022.

Shtimi i investimeve të huaja direkte po mbështetet fort nga forcimi i monedhës kombëtare, lekut, në kursin e këmbimit valutor në tregun e brendshëm.

Gjatë vitit 2023, sektori i pasurive të paluajtshme, kryesoi shtimin e investimet e huaja direkte për të dytin vit radhazi.

Investimet e huaja në pasuri të paluajtshme për 9-mujorin janar-shtator 2023, arritën vlerën e 222 milionë eurove. Investimet në këtë sektor përbënë më shumë se 20 % të investimeve të huaja për vitin 2023.

Pas pasurive të paluajtshme, sektori i dytë për nga vlera e investimeve të huaja është ai i industrisë nxjerrëse. Për 9-mujorin janar-shtator 2023, investimet në sektorin e industrisë nxjerrëse arritën në 200 milionë euro.

Sektori energjetik renditet i treti, për nga vlera e investimeve të huaja direkte, me 121 milionë euro për 9-mujorin 2023.

Në vitet e fundit, ka një shtim të ndjeshëm të interesit të kompanive të huaja, për ndërtimin e parqeve fotovoltaike dhe eolike.

The post Importi i makinerive dhe pjesëve të këmbimit, rritje me 6.2 % appeared first on Albeu.com.

INSTAT raportoi se Indeksi i volumit të shitjeve në tregtinë me pakicë, i llogaritur mbi Indeksin e shitjeve në vlerë ti deflatuar, arriti 113,9 në tremujorin e parë 2023.

Ky indeks shënoi një rritje prej 4,7%, krahasuar me tremujorin e parë 2022. Të përshtatura sezonalisht shitjet në volum janë rritur 0,9%, krahasuar me tremujorin paraardhës. Në ndryshimin vjetor prej +4,7%, në tremujorin e parë 2023 ndaj tremujorit të parë 2022, në tregtinë me pakicë, grupet kanë kontribuar si më poshtë:

Grupi “Tregti me pakicë e hidrokarbureve në njësi tregtare të specializuara” ka kontribuar me +1,9 pikë përqindje. “Artikuj jo-ushqimore në njësi tregtare të specializuara dhe jo të specializuara” me +1,5 pikë përqindje dhe grupi “Ushqime, pije e duhan në njësi tregtare jo të specializuara dhe të specializuara” me +1,3 pikë përqindje.

Të dhënat e tjera të INSTAT treguan se ndonëse shitjet e karburanteve dhanë ndikimin kryesor në gjallërimin e tregtisë me pakicë, importet e karburanteve për tremujorin e parë ishin 128 mijë ton, me një rritje prej vetëm 0.9% në krahasim me të njëjtën periudhë të një viti më parë.

Ndërsa sipas të dhënave të tregtisë me pakicë të INSTAT, në grupin “Tregti hidrokarbure në njësi tregtare të specializuara“, volumi i shitjeve është rritur me 5,0%, krahasuar me të njëjtin tremujor të vitit 2022.

Edhe gjatë vitit të kaluar, kur të dhënat e doganave treguan për një rënie të importeve të karburanteve në sasi, INSTAT raportoi për rritje të konsumit në volum të karburanteve.

Rriten edhe shitjet e ushqimeve

Në tregtinë me pakicë, pa përfshirë tregtinë me pakicë të hidrokarbureve, volumi i shitjeve në tremujorin e parë 2023 është rritur me 4,4%, kundrejt tremujorit të parë të vitit 2022.

Në grupin “Ushqime, pije, duhan në njësi tregtare jo të specializuara dhe të specializuara”, volumi i shitjeve është rritur 3,9%, krahasuar me të njëjtin tremujor të vitit 2022.

Volumi i shitjeve, për grupin “Artikuj jo-ushqimorë në njësi tregtare të specializuara dhe jo të specializuara”, është rritur 5,1%, kundrejt të njëjtës periudhë të vitit paraardhës.

Ndryshimi tremujor në indeksin e volumit të shitjeve në tregtinë me pakicë, i përshtatur sezonalisht

Në tremujorin parë 2023, volumi i shitjeve, përshtatur sezonalisht, në grupin “Tregti me pakicë, pa përfshirë tregtinë me pakicë të hidrokarbureve në njësi tregtare të specializuara”, është rritur me 0,8%, krahasuar me tremujorin paraardhës.

Në grupin “Ushqime, pije, duhan në njësi tregtare jo të specializuara dhe të specializuara”, volumi i shitjeve, përshtatur sezonalisht, ka pësuar rënie me 0,3%, krahasuar me tremujorin paraardhës.

Volumi i shitjeve, përshtatur sezonalisht, në tregtinë me pakicë, për grupin “Artikuj jo-ushqimore në njësi tregtare të specializuara dhe jo të specializuara”, është rritur me 1,6%, kundrejt tremujorit të mëparshëm.

Në grupin “Tregti me pakicë hidrokarbure në njësi tregtare të specializuara“, volumi i shitjeve, i përshtatur sezonalisht, është rritur me 1,9%, kundrejt tremujorit të katërt 2022. /MONITOR

The post Rritet me 4.7% tregtia me pakicë në tremujorin e parë, udhëhiqet nga karburantet, por importet u rritën më pak se 1% appeared first on Albeu.com.

INSTAT njoftoi se Indeksi i Çmimeve të Importit, në tremujorin e katërt të vitit 2022, arriti 112,4 kundrejt vitit 2020.

Krahasuar me tremujorin e katërt 2021, indeksi i çmimeve të importit shënoi një rritje me 6,7%, një vit më parë ky ndryshim ishte 4,9%. Krahasuar me tremujorin e tretë 2022 indeksi shënoi rritje me 0,8%.

Sipas INSTAT, Çmimet e importit të produkteve në seksionin “Energjia elektrike, gazi, avulli dhe ajri kondicionuar” kanë shënuar rritje me 19,4%. Indeksi në seksionin “Industri nxjerrëse” shënoi një rritje me 14,9%, krahasuar me një vit më parë.

Indeksi në seksionin “Industria përpunuese” me peshën më të madhe prej 91,4% shënoi një rritje me 5,9%. Brenda këtij seksioni rritja më e madhe e çmimeve vërehet në produktet e aktivitetit “Përpunimi i produkteve ushqimore” me 13,4%, pasuar nga “Shtypshkrimi dhe rigrupimi i mediave të regjistruara” me 10,8%, “Prodhimi i pijeve” me 10,0%, “Prodhimi i produkteve optikë, elektronikë, kompjuterikë” me 9,3%, “Prodhimi i produkteve minerale jo metalike” me 9,0%, “Metalurgjia” me 8,7%, “Prodhimi i tekstileve” me 8,0%, “Prodhimi i pajisjeve elektrike” dhe “Prodhimi i produkteve të duhanit” me 7,9% secila, “Prodhimi i mjeteve të tjera të transportit” me 6,8%, etj.

Kostot e prodhimit të biznesit vijojnë rritjen

Ndërkohë, kostot e prodhimit të bizneseve kanë vijuar rritjen, sipas një publikimi tjetër të INSTAT. Në tremujorin e katërt të vitit 2022, Indeksi i Çmimeve të Prodhimit arriti 127,6 kundrejt vitit 2020. Krahasuar me tremujorin e katërt 2021 Indeksi i Çmimeve të Prodhimit shënoi një rritje me 21,4%, një vit më parë ky ndryshim ishte 5,6%.

Indeksi i Çmimeve të Prodhimit në tremujorin e katërt 2022 shënoi rritje me 2,3%, krahasuar me tremujorin e tretë 2022.

Sipas INSTAT, Krahasuar me tremujorin e katërt 2021 rritja me e madhe e çmimeve prej 36,7% vërehet në seksionin “Energjia elektrike, gaz, avull dhe me ajër të kondicionuar” pasuar nga seksionet “Industri nxjerrëse” me 31,0%. Indeksi i Çmimeve të Prodhimit në seksionin “Industri përpunuese” ka shënuar rritje me 18,2%.

Brenda këtij seksioni rritja më e madhe e çmimeve vërehet në aktivitetin “Prodhimi i produkteve minerale jo metalike” me 36,5%, pasuar nga aktivitetet “Prodhimi i produkteve metalikë të fabrikuar, përveç makinerive dhe pajisjeve” me 27,5%, “Prodhimi i kimikateve dhe produkteve kimike” me 26,5%, “Përpunimi i produkteve ushqimore” me 24,3%, etj. Nga ana tjetër ulja më e madhe e çmimeve vërehet në aktivitetin “Prodhimi i mjeteve të transportit, rimorkiove dhe gjysëmrimorkiove” me 4,4%, pasuar nga aktiviteti “Prodhimi i produkteve optikë, elektronikë, kompjuterikë” me 0,1%.

Rritjen më të lartë e shënuan produktet e destinuara për eksport. Indeksi i Çmimeve të Prodhimit të produkteve për eksport, krahasuar me tremujorin e katërt të vitit shënoi rritje prej 24,2%. Rritja më e madhe e çmimeve është shënuar në seksionin “Energjia elektrike, gazi, avulli dhe ajri kondicionuar” me 79.6%, pasuar nga seksioni “Industri Nxjerrëse” me 33,3%, seksioni “Furnizimi me ujë, aktivitete të trajtimit dhe menaxhimit të mbeturinave, mbetjeve” me 27,1% dhe seksioni “Industria Përpunuese” me 10,5%.

Indeksi i Çmimeve të Prodhimit të produkteve për tregun vendas shënoi rritje me 19,4%. Rritja më e madhe e çmimeve vërehet në seksionin “Industri nxjerrëse” me 28,7%, pasuar nga seksioni “Industria Përpunuese” me 25,5%, seksioni “Energjia elektrike, gaz, avull dhe ajër i kondicionuar” me 14,1% dhe seksioni “Furnizimi me ujë, aktivitete të trajtimit dhe menaxhimit të mbeturinave, mbetjeve” me 0,8%.

/monitor/

The post Çmimet e importit ngadalësohen, por kostot e prodhimit të biznesit vijojnë rritjen appeared first on Albeu.com.