importe Archives - Albeu.com

Rritet eksporti i produkteve shqiptare në Maqedoninë e Veriut, zvogëlohet anasjelltas

E B — Thu, 29 Jun 2023 09:12:22 +0000

Në pesë muajt e parë të vitit eksporti shqiptar në Maqedoninë e Veriut është rritur për pothuajse 1,7 miliardë lekë ( 15,7 milionë euro) krahasuar me të njëjtën periudh të vitit të kaluar.

Sipas të dhënava zyrtare në Institutin për statisikë, INSTAT, për shkëmbimin tregtar të jashtëm, në periudhën janar-mar, në Maqedoninë e Veriut janë eksportuar mallra me vlerë rreth 9,2 miliardë lekë ose 82,2 milionë euro.

Përkundrejt rritjes së eksporteve shqiptare, importi i produkteve të Maqedonisë në Shqipëri është në rënie.

2Në këtë periudhë raportuese është vërejtur rënie e importit të mallrave nga Maqedonia e Veriut për 813 milionë lekë (7,5 milionë euro). Sipas të dhënave, importet rezultojnë në shifrat 5,8 miliardë lekë (53,7 milionë euro) kundrejt 6,6 miliardë lekëve (61,1 milionë euro) në pesëmujorin e parë të vitit 2022″, thekson INSTAT.

Produktet më të eksportuara janë ende produktet e freskëta: domatet, kastravecat, peshku i freskët, agrumet e freskëta, produktet e brumit, etj.

Shqipëria dhe Maqedonia e Veriut bashkëpunojnë ngushtë në kuadër të zbatimit të marrëveshjes CEFTA 2006 dhe që nga viti 2011 tregtia mes dy vendeve është liberalizuar dhe funksionon pa detyrime doganore./ina

The post Rritet eksporti i produkteve shqiptare në Maqedoninë e Veriut, zvogëlohet anasjelltas appeared first on Albeu.com.

Rënia e industrisë së qumështit, tregu po zëvendësohet nga importet

Xh — Mon, 06 Mar 2023 06:16:16 +0000

Sasia e qumështit të prodhuar në vend nuk po e plotëson kërkesën e fabrikave përpunuese për prodhim të produkteve të bulmetit.

Kërkesa e lartë për shkak të mungesës së stokut të operatorëve dhe ofertës së ulët ka shtuar presionin për rritje të çmimit të qumështit të freskët të prodhuar nga fermerët.

Operatorët pohojnë se me nisjen e sezonit të pranverës qumështi i deles po shitet nga blegtorët me çmim mbi 160 lekë për litër, duke arritur deri në nivelin e 190 lekë për litër. Shqetësuese për sektorin është edhe marrja e lartë e sasive të qumështit nga baxhot informale.

Mosplotësimi i kërkesës nga prodhimi vendas ka detyruar kompanitë të importojnë qumështin. Për muajt janar shkurt 2023 importet u rritën 9% më shumë krahasuar me të njëjtën periudhë të vitit të kaluar sipas të dhënave të Doganave. Tendenca rritëse e importeve nisi që në vitin 2022. Totali i importeve të 2022 u rrit rreth 2% më shumë se 2021.

Kompanitë përpunuese ngrenë shqetësimin e shtrenjtimit të qumështit të deles, por edhe të lopës në nivele shumë herë më të larta se shtetet e tjera. Aktualisht sipas të dhënave të kompanive çmimi i qumështit të lopës për shtet si Itali, Francë dhe Gjermani është ulur nga 68 cent për litër në 58 cent për litër (58,6 lekë për litër), ndërsa çmimi mesatar i shitjes së qumështit të lopës nga fermeri vendas është 75 lekë për litër.

“Kërkesa për qumësht është e lartë, pasi të gjithë përpunuesit janë bosh, nuk kanë stok të magazinuar. Kjo ka sjellë që qumështi i deles të shitet mbi nivelin e 160 lekë për litër pa TVSh , duke arritur edhe deri në 190 lekë për litër pa TVSH. Stabilizimi i prodhimit të qumështit të lopës shfaqet i ngadaltë, por vijon presioni për rritje të çmimit, kur në shumë shtete çmimi është ulur. Kjo situatë na detyron të dalim në import. Jo sepse jashtë çmimi i qumështit është më i lirë, pasi tarifat e lartë të transportit e shtrenjtojnë shumë çmimin, por nuk ka prodhim vendi”, pohoi për Monitor një nga kompanitë përpunuese.

Për muajt janar-shkurt 46% të importeve të qumështit kryesohen nga Italia, 30% nga Serbia, 10% nga Kosova dhe pjesa e mbetur nga shtete të tjera.

Shoqata e Industrisë së Përpunimit të Qumështit pohon se aktualisht nuk ka rënie prodhimi, sepse çmimi është shumë i favorshëm për blegtorët, por sasia e prodhuar ende nuk plotëson kërkesën që ka sektori përpunimit.

Shqetësuese mbetet edhe informaliteti i lartë i sektorit. Një nga kompanitë nënvizoi se pranë fabrikës përpunuese në lumin e Vlorës numërohen rreth 25 baxho që operojnë në informalitet, pra që nuk paguajnë TVSH dhe të tjera detyrime, duke i konkurruar në mënyrë të padrejtë. “25 subjektet marrin mesatarisht nga 10 kv qumësht në ditë. Ka edhe nga ato baxho që përpunojnë edhe 30 kv qumësht në ditë. Në total llogariten 250 kv qumësht në ditë që shkon te përpunuesit informal. Fabrikës sonë i mbeten vetëm 10 kv qumësht në ditë. Kjo po dëmton përpunuesit e rregullt, madje duke rrezikuar daljen e tyre nga tregu”.

Për formalizimin e tregut dhe rritjen e prodhimit vendas kompanitë rekomandojnë si zgjidhje vetëm ndryshimin e skemës së subvencionimit të qumështit, duke zbatuar subvencionim për litër që fermeri të detyrohet të lëshojë/kërkojë faturë dhe të gjithë do të formalizohen.

Ndërkohë skema kombëtare e bujqësisë për vitin 2023 do të vijojë të mbështesë fermat me subvencione për krerë, jo për sasinë e qumështit të prodhuar, një kërkese e vazhdueshme e industrisë. /monitor

Burimi: Doganat

The post Rënia e industrisë së qumështit, tregu po zëvendësohet nga importet appeared first on Albeu.com.

Kosova eksporton më së shumti në Amerikë dhe Shqipëri, importon nga Turqia dhe Serbia

Xh — Tue, 17 Jan 2023 16:43:23 +0000

Në Kosovë brenda vitit të kaluar janë importuar mallra më së shumti nga Turqia, Gjermania, Serbia dhe Greqia. Kurse, janë eksportuar mallra në Amerikë, Shqipëri, Maqedoni e Veriut e Zvicër.

Në një grafikë, të cilën e ka publikuar Instituti GAP, janë renditur 10 vendet partnere të Kosovës në tregti për eksport dhe import.

Vendi ku Kosova eksporton më së shumti janë Shtetet e Bashkuara të Amerikës, që përbëjnë 15.09 për qind të eksportit të përgjithshëm në një vit.

Po ashtu edhe Shqipëria me 11.9 për qind, në një vlerë për mbi 100 milionë euro.

Vendet e tjera në të cilat ka eksportuar Kosova janë Maqedonia, Gjermania, Zvicra, Serbie e të tjera.

Ndërkaq, Kosova importon më së shumti nga Turqia, sipas të dhënave të Doganës.

Përgjatë vitit 2022, Kosova ka importuar në vlerën prej 839.2 milionë eurove prej Turqisë.

Pas Turqisë, më së shumti ka importuar nga Gjermania, Kina, Serbia, Greqia.

Kosova vazhdon të jetë e varur nga importi i mallrave nga shtetet e huaja. Vetëm gjatë vitit 2022 në vendin tonë kanë hyrë mbi 5 miliardë euro mallra, derisa 370 milionë vetëm nga Serbia.

Në 5 vitet e fundit, Kosova ka importuar më së shumti mallra nga Serbia në vitin 2017. Në vitin 2017 vlera e importit të mallrave nga Serbia ishte 449 milionë e 305 mijë euro, në vitin 2018 ishte 386 milionë e 475 mijë euro, më 2019 ishte vetëm 4 milionë e 443 mijë euro. 2019-ta ishte viti kur ish-kryeministri Ramush Haradinaj kishte vendosur taksë 100% për produktet që vinin nga Serbia.

Në vitin kur u shfaq pandemia, 2020, vlera e importit nga Serbia ishte 173 milionë e 428 mijë euro. Kurse në vitin 2021, vlera është rritur përsëri dhe ka arritur në 305 milionë e 398 mijë euro..Monitor/

The post Kosova eksporton më së shumti në Amerikë dhe Shqipëri, importon nga Turqia dhe Serbia appeared first on Albeu.com.

Kovaçevski: Të rriten prodhimet vendase, të zvogëlohen importet

E B — Thu, 13 Oct 2022 12:46:56 +0000

Kryeministri i Maqedonisë së Veriut, Dimitar Kovaçevski, theksoi sot nevojën për mbështetjen e bujqve, sepse sipas tij lufta në Ukrainë na mësoi për rendësin e energensëve dhe ushqimit. Sipas tij qeveria synon të subvencionoj bujqit me qëllim që të rritet prodhimi vendor dhe të zvogëlohen sa më shumë importet.

“Të dielën në këtë vend isha para jush dhe prezantova setin e ri të masave anti-krizë, atëherë thashë se rrymë dhe ngrohje do të ketë për të gjithë. Sot jemi këtu për të treguar se si do të sigurojmë ushqim për të gjithë. Lufta në Ukrainë na mësoi se cilat janë elementet kryesore për jetë dhe ato janë energensët dhe ushqimi. Dëshirojmë që bujqit tanë të kenë kushte më të mira dhe më lehtë t’i përballojnë sfidat. Duhet të rritet prodhimi vendor, përmes subvencioneve, fondet evropiane dhe resurset njerëzore”, deklaroi Dimitar Kovaçevski. /Alsat.mk

The post Kovaçevski: Të rriten prodhimet vendase, të zvogëlohen importet appeared first on Albeu.com.

Pas 25-vitesh SHBA ndërpret importin e karburantit nga Rusia

E S — Wed, 24 Aug 2022 13:19:57 +0000

Lufta në Ukrainë ka bërë që shtete të fuqishme mos të importojnë më karburant nga Rusia.

Një ndër këto shtet është edhe SHBA, e cila për herë të parë që pas 25 vjetësh, nuk ka bërë më imoprete nga shteti rus. tregojnë të dhënat zyrtare.

Ajo ka thënë gjithashtu se do të heqë gradualisht importet e naftës dhe produkteve të naftës ruse deri në fund të vitit 2022.

Zyra për Statistikat Kombëtare (ONS) tha se kishte pasur një rënie të vazhdueshme të importeve të karburantit nga Rusia që nga marsi, me importet zero të qershorit që përfaqësonin një rënie prej 499 milionë paund krahasuar me mesataren mujore për 12 muajt e mëparshëm, shkruan Al Jazeera.

Rusia ishte furnizuesi më i madh i Mbretërisë së Bashkuar me naftë të rafinuar në vitin 2021, tha ONS. Deri në qershor, nuk kishte importe të naftës së rafinuar, naftës bruto, gazit ose qymyrit nga Rusia./albeu.com

The post Pas 25-vitesh SHBA ndërpret importin e karburantit nga Rusia appeared first on Albeu.com.

Importet e zarzavateve në sasi nga jashtë u rritën me 44% në 6-mujorin e parë

E B — Wed, 20 Jul 2022 05:09:46 +0000

Importet e zarzavateve kanë shënuar një rritje jo të zakontë ne 6-mujorin e parë të vitit 2021 duke sinjalizuar se, konsumi i prodhimeve vendase është duke u zëvendësuar me shpejtësi nga prodhimet e huaja.

Të dhënat e INSTAT tregojnë se, në janar-qershor 2022 u importuan rreth 27 mijë tonë zarzavate, nga rreth 19 mijë tonë vitin e kaluar në të periudhe, ose rreth 8 mijë tonë më shumë.

Kanalet e importit të produkteve bujqësore janë rigjallëruar. Tani në të gjithë tregjet e pakicës, në kulmin e prodhimeve vendase gjen domate të paketuara nga Greqia e Italia.

Më parë funksiononin disa kufizime për të mbrojtur prodhimin vendas, por këtë vit mallrat e importit, të tilla si domate, patate e disa lloj perimesh të tjera kanë hyrë në tregun tonë si asnjëherë këto vitet e fundit.

Edhe pse eksportet e zarzavateve vendase po rriten, përqindja e tyre është më e ulët se, rritja e importeve që po vjen në këto produkte. Në 6 mujorin e parë eksportet e zarzavateve në sasi u rriten me rreth 10%, ndërsa importet me 44%.

Operatorët tregtarë pohuan se prodhimet bujqësore vendase, sidomos ato të serave ishin më të kufizuara në sasi këtë vit, teksa rritja e eksporteve u ndikuar nga shtimi i numrit të kontratave me jashtë për eksportin e tyre.

Si rrjedhojë e rënies së prodhimit dhe rritjes së eksporteve, një pjesë e nevojave për konsum të brendshëm po plotësohen me import.

Eksporti i ushqimeve dhe pijeve në vlerë u rrit me 18.5% për 6 – mujorin, nga 20% në 5-mujor. Kjo ishte rritja më e ulët në krahasim me grupet e tjera të eksporteve. Vitet e tjera eksportet e ushqimeve kishin ritmet më të lartë të rritjes, për shkak të bazës së ulet eksporteve dhe rritjes së prodhimit në sera.

Bujqit në zonën e Myzeqesë pohojnë se këtë vit çmimet e eksporteve ishin më të larta, por sasia ka qenë e ulët për shkak se një pjesë e serave nuk u mbollën nga çmimet e larta të inputeve.

Teksa ekonomia e vendit në vitin 2021 u rrit me rimet të larta të dy dekadave të fundit me mbi 8,5%, bujqësia sektori më i madh i ekonomisë shënoi rritjen më të ulët në krahasim me sektorët e tjetër me vetëm 0.28%. E njëjta situatë vijoi edhe në tremujorin e parë 2022 me vetëm 0.1 %.

Historikisht bizneset bujqësore, sidomos fermat prodhuese, kanë vuajtur nga norma të ulëta të fitimit, por së fundmi rritja e kostove të lëndëve të para la pa mbjellë qindra hektarë tokë. Në zonat e Fierit dhe Lushnjës, këtë vit, ureja shitet 120% më shtrenjtë dhe nitrati gati 250% më shumë se vitin e kaluar./Monitor

The post Importet e zarzavateve në sasi nga jashtë u rritën me 44% në 6-mujorin e parë appeared first on Albeu.com.

“Lulëzon” tregtia me Ukrainën pas luftës, importet rritje me 91%, eksportet 41%

E B — Thu, 12 May 2022 07:03:07 +0000

Përkundër panikut në ditët e para të luftës në Ukrainë, tregtia me Shqipërinë jo vetëm nuk u ndal po ka shënuar një rritje jo të zakontë si në vlerë dhe në sasi.

Të dhënat zyrtare të INSTAT tregojnë se, gjatë muajit mars importet nga Ukraina shënuan një vlerë prej 1.3 miliardë lekësh me një rritje 91 për qind në krahasim me një vit më parë në të njëjtën periudhe.

Rritja në vlerë ka qenë e zakonshme edhe për shtete e tjera, për shkak të shtrenjtimit të çmimeve të lëndëve të para, mirëpo përgjatë tremujorit sidomos në muajt shkurt dhe mars ku lufta ishte e pranishme, mallrat e importuara nga Ukraina njohën rritje edhe në sasi me 112 e për qind në raport me vitin e kaluar.

Rritje të lartë shënuan edhe eksportet shqiptare drejt Ukrainës, por me ritme më të ulëta se importet. Për të njëjtën periudhë të vitit 2022 vlera e mallrave të eksportuara në Ukrainë u rrit me 41% në vlerë dhe mbi 3% në sasi.

Tregtia e Shqipërisë me Ukrainën është modeste. Në janar -mars 2021 mallrat e eksportuara drejt Ukrainës zunë 0.15 % të eksporteve totale, nga 0,14% që ishin vitin e kaluar në tremujorin e parë.

Ndërsa importet nga Ukrainë në tremujorin e kaluar zunë 0.66% të importeve totale, nga 0.44 që zunë në janar-mars 2021.

Artikulli më i importuar në këtë tremujor nga Ukraina ishte vaji i lulediellit dhe me tej mobiliet, dyshekët dhe materiale të tjera prej druri, çelik, bulmet etj.

Ndërsa artikujt më eksportuar nga Shqipëria drejt Ukrainës ishin zarzavatet dhe frutat.

Tregtia në vlerë u rrit edhe Rusinë pavarësisht sanksioneve

Ndryshe nga sa pritej, lufta e ka intensifikuar më tej tregtinë ndërmjet Shqipërisë dhe Rusisë.

Importet për disa artikuj të tillë si çeliku, vaji kanë pësuar zgjerim si në vlerë dhe në sasi, duke bërë që pesha e importeve nga Rusia te rritet në totalin e importeve.

Të dhënat zyrtare tregojnë se në janar -mars 2022 importet ruse në vlerë ishin 3.6 miliardë lekë me një rritje 68% në krahasim me një vit më parë. Në janar-mars 2022 importet nga Rusia zunë 3 për qind të totalit të importeve në vlerë nga 2 për qind në të njëjtën periudhë të vitit 2021.

Për të gjithë tremujorin e parë 2022 u importuan nga Rusia 44 mijë tonë mallra me rënie vjetore 14 për qind. Por vlera e tyre ishte më e lartë në krahasim me vitin e kaluar për shkak të rritjes së çmimeve.

Në tremujorin e parë 2021 Shqipëria kishte zero eksporte në Rusi ndërsa në të njëjtën periudhë të vitit 2022 u eksportuan 2 milionë lekë mallra, një vlerë tejet modeste.

Importet e naftës nga Rusia ndaluan pothuajse totalisht nga Rusia në tremujorin e parë duke pësuar rënie me 97 %. Sipas të dhënave të INSTAT importet e lëndëve djegëse (nafta dhe gazi) nga Rusia ishin vetëm 2800 tonë në tremujorin e parë 2022 nga 22 mijë tonë që ishin në të njëjtën periudhe të një viti më parë. importet e këtyre produkteve shënuan rënie vjetore me 87 për qind. Vitin e kaluar importet e naftës dhe gazit Rus zinin 12 % të importeve totale të këtij grupi.

Në krahun tjetër importet e çelikut rus drejt vendit tonë u rritën me ritme të larta gjatë këtij viti. Sipas të dhënave nga INSTAT në tremujorin e patë u importuan 11 mijë tonë hekur, nga vetëm 1500 tonë vitin e kaluar me një rritur mbi 600%, ndërsa importet e vajit pësuan një rritje të shpejtë. Në -tremujorin e parë u importuan nga Rusia rreth 2400 tonë vaj nga 641 tonë në tremujorin e parë të vitit 2021 me një rritje 273 për qind.

Gjatë vitit 2021, Shqipëria realizoi 2.7% të tregtisë së jashtme me zonat në konflikt, Rusi dhe Ukrainë. Volumi tregtar i Shqipërisë arriti 701 miliardë lekë, ndërsa me Rusinë dhe Ukrainën, tregtia në vlerë ishte 19 miliardë lekë, ose 2.7% të totalit./Monitor

The post “Lulëzon” tregtia me Ukrainën pas luftës, importet rritje me 91%, eksportet 41% appeared first on Albeu.com.

Zelensky thirrje botës: Ndaloni eksportet dhe importet me Rusinë

E B — Mon, 07 Mar 2022 16:21:53 +0000

Presidenti ukrainas, Volodymyr Zelensky, ka dalë në një deklaratë për media, dhe i ka kërkuar komunitetit ndërkombëtar të bojkotojë eksportet ruse. Gjithashtu ai kërkoi një bojkot të furnizimit në Rusi. “Nëse nuk duan të respektojnë rregullat e qytetëruara, nuk duhet të marrin mallra dhe shërbime as nga qytetërimi. Le t’i ushqejë lufta”, tha Zelensky. Ai [...]