Fillimisht AMP njoftoi se e riu pasi ka mbërritur në komisariat nuk është ndjerë mirë dhe më pas është  dërguar në Spitalin e Traumës ku edhe ka ndërruar jetë.

Por sipas raportimeve nga “Trauma” mësohet se Kurti ka mbërritur pa shenja jete në spital.

Nga informacionet bëhet e ditur se viktima ishte përdorues i lëndëve narkotike dhe vuante nga epilepsia, shkruan Albeu.com

Ky është rasti i tretë në pak kohë që një qytetar humb jetën në duart e policisë pas Klodian Rashës dhe Ilvi Metës.

Ngjarja:

Gjithçka nisi kur rreth orës 23:07, Patrulla e Përgjithshme e Komisariatit të Policisë Nr. 3 Tiranë, kanë konstatuar në rrugën “Riza Cuka” një shtetas të cilit i kanë bërë thirrje për të ndaluar me qëllim për t’i kontrolluar dokumentet e identifikimit.

Por ky i fundit, konkretisht 32-vjeçari Laer Kurti, tentoi të largohej, por u kap më pas. Agjencia e Mbikëqyrjes Policore, nën drejtimin e Prokurorisë ka ngritur menjëherë grupin hetimor, i cili po kryen veprimet e para hetimore për sqarimin e plotë të rrethanave të ngjarjes.

Gjithashtu, aktualisht po kryhen ekzaminimet mjeko-ligjore për përcaktimin e shkakut te vdekjes dhe në përfundim AMP do të dalë me një njoftim përfundimtar për shtyp.

Çfarë deklaroi AMP:

Informacion paraprak i Agjencisë së Mbikëqyrjes Policore (AMP)

Më datë 19.10.2022, rreth orës 23:07, Patrulla e Përgjithshme e Komisariatit të Policisë Nr. 3 Tiranë, gjatë kontrollit të territorit, kanë konstatuar në rrugën “Riza Cuka” një shtetas të cilit i kanë bërë thirrje për të ndaluar me qëllim për t’i kontrolluar dokumentat e identifikimit.

Sapo patrulla i kërkoi për të paraqitur dokumentat e identifikimit, shtetasi L.K., 32 vjeç është larguar me vrap. Punonjësit e policisë janë vënë në ndjekje dhe kanë arritur ta ndalojnë në rrugën “Don Bosko”, duke kryer më pas edhe shoqërimin e tij në ambientet e Komisariatit të Policisë Nr. 3 në Tiranë.

Gjatë shoqërimit të tij, ky shtetas ka shfaqur probleme shendetësore sapo ka mbërritur në ambientet e Komisariatit. Menjëherë është kërkuar ndihma e shërbimit të Urgjencës dhe për shkak se situata shëndetësore e tij është rënduar, ky shtetas është dërguar me mjetet e Policisë në Spitalin e Traumës, ku edhe ka ndërruar jetë.

Agjencia e Mbikëqyrjes Policore, nën drejtimin e Prokurorisë ka ngritur menjëherë grupin hetimor, i cili po kryen veprimet e para hetimore për sqarimin e plotë të rrethanave të ngjarjes.

Gjithashtu, aktualisht po kryhen ekzaminimet mjeko-ligjore për përcaktimin e shkakut te vdekjes dhe në përfundim AMP do të dalë me një njoftim përfundimtar për shtyp.

Rasti i tretë pas Klodian Rashës dhe Ilvi Metës:

1-Vrasja e Klodian Rashës, 08-10-2020

Më 8 dhjetor, orët e para të mëngjesit në rrugën “Dritan Hoxha” në Tiranë, Klodian Rasha u ekzekutua nga policia vetëm sepse shkeli orën policore gjatë pandemisë.

Gjithçka ndodh për pak sekonda, mbasi dy oficerë i kërkuan Klodianit të ndalojë. Klodiani ikën me vrap dhe njëri prej tyre, Nevaldo Hajdaraj, i vihet nga pas. Polici rrezohet, aty ulet në gjunjë dhe e qëllon mbas shpine Klodianin. Mbas të shtënave Klodiani vrapon dhe tre hapa dhe rrëzohet. Polici i afrohet dhe mbas tij dhe kolegu , ndërsa shfaqen në radio.

Për pak sekonda Klodiani ndërron jetë. Mbas vrasjes së Klodian Rashës vendi u përfshi në protesta, që kërkonin drejtësi për Klodianin dhe që u mbyllën me dorëheqjen e ministrit të brendshëm Sandër Lleshaj dhe arrestimin e efektivit Nevaldo Hajdari.

2-Vetëvrasja e Ilvi Metës në Komisariatin e Kavajës, 04-05-2022

Ilvi Meta i dha fund jetës në ambientet e paraburgimit në Komisariatin e Policisë së Kavajës, pasi ishte arrestuar pak orë më parë për vjedhje.

Çfarë tha policia:

“Lidhur me ngjarjen e ndodhur sot, në Komisariatin e Policisë Kavajë, ku në dhomat e sigurisë u gjet pa shenja jete, shtetasi I. M., i dyshuar si i vetëvarur, i cili ishte ndaluar mesditën e sotme, informojmë se:

Drejtori i Përgjithshëm i Policisë së Shtetit Gledis Nano ka dërguar menjëherë në Komisariatin e Policisë Kavajë, një grup inspektimi, të përbërë nga specialistë të Departamentit të Sigurisë Publike dhe të Drejtorisë së Standardeve Profesionale, për të verifikuar nëse janë zbatuar ose jo procedurat standarde për sigurinë e personave të shoqëruar, të arrestuar dhe të ndaluar nga ana e Komisariatit të Policisë Kavajë.

Veprimet hetimore po kryhen nga një grup i posaçëm hetimor i Agjencisë për Mbikëqyrjen Policore, nën drejtimin e Prokurorisë pranë Gjykatës së Rrethit Gjyqësor Kavajë.

Policia e Shtetit nuk është pjesë e këtij hetimi.

Policia e Shtetit mbetet e angazhuar dhe e interesuar për zbardhjen dhe dokumentimin e plotë ligjor të ngjarjes.”

Burime nga Prokuroria e Kavajës bënë me dije se në trupit e 31-vjeçarit nuk janë konstatuar shenja dhune.

3-Rasti tjetër është vdekja e Enea Ftoit në Korçë.

Vdekja e 27 vjeçarit Enea Ftoi që humbi jetën në komisariatin e Korçës tronditi opinionin publik. Familjarët e Ftoit dorëzuan në Prokurori një CD me pamje filmike ku duken qartë shenjat e dhunës në trupin e të riut. Organi i akuzës, ka administruar si provë materiale, duke e bërë pjesë të fshikullit hetimor një CD me pamje filmike, ku familjarët pretendojnë se duken qartë shenjat e dhunës në trupin e të riut. Tomorr Ftoi, babai i viktimës: “Me video më të tëra, unë i kam origjinale. Nuk kanë si të gënjejnë ato.”

Familjarët e Enea Ftoit nuk pranojnë konkluzionet e ekspertizës mjeko-ligjore, duke akuzuar për dhunë disa efektivë të Komisariatit.

“Janë 7-8 polica ata që i kanë dhënë dhunë djalit. Janë edhe shoferat e tyre që ishin në turn. Unë kur vajta, më mashtruan.“

Mimoza Ftoi, e ëma: “Si bëhej gjyqi kur ne dëgjuam emrin dhe hymë brenda. U futëm brenda, gjyqi në atë kohë mbaroi, ka vdekur na thanë. S’dinim ku të shkonim. Janë shkelje këto, shkelja e policisë që na gënjeu. Shkelja e dytë është që prokuroria po e zhvillonte pa dijeninë e familjes.”

4-Arben Mici ndërroi jetë në komisariatin nr.5 në Kamëz

Më 26 mars në komisariatin nr.5 në Kamëz në dhoma ku qëndronin të shoqëruruarit u përfshi nga zjarri, ku për pasojë humbi jetën 26-vjeçari Arben Mici.

Mici ishte arrestuar pasi kishte dhunuar nënën e tij.

Në këtë ngjarje, një tjetër i paraburgosur dhe një punonjës policie, u dërguan në spital, por pa pasoja për jetën./albeu.com

The post Të vdesësh në duart e policëve/ Nga Arben Mici te Klodian Rasha, katër të rinjtë që u pushoi zemra nëpër komisariate appeared first on Albeu.com.

Protestat vijnë pas vdekjes së 31-vjeçarit Ilvi Meta në komisariatin e policisë së Kavajës, ku policia thotë se është vetëvarur me lidhësen e kapuçit të xhupi, ndërsa familja e tij thotë se ka vdekur nga dhuna e policëve

“Ne orën 20.00 pranë të gjitha komisariateve të policisë në të gjithë vendin do të ndizen qirinj në një protestë të heshtur paqësore nën moton “Stop vrasjes në komisariate”.

Në Tiranë qirinjtë do të ndizen tek Kryeministria, po në orën 20.00.

Ftojme mediat në Tiranë dhe në rrethe të ndjekin këtë protestë të heshtur”, njofton Komisioni i Rithemelimit./albeu.com

The post Sot protesta në të gjithë komisariatet e vendit, do të ndizen qirinj për Ilvi Metën appeared first on Albeu.com.

“I falënderoj për mbështetjen që më dhanë për tu zgjedhur si kryetar i këshillit kombëtar. Më e rëndësishme ishin vendimet që mori së fundmi këshilli kombëtar, u miratua rezoluta që përcakton qëndrimin e PD për zgjedhjen e presidentit ku përcaktohet qartazi edhe qëndrimi që duhet të mbajë grupi parlamentar pasi këshilli Kombëtar është më i lartë që përcaktoni bindjet e PD. Nesër në gjithë Shqipërinë me organizimin e PDE do të ketë protestë të heshtur për në gjithë kosmiariatet e Shqipërisë ku një i ri u gjend i vdekur në komisariat dhe pavarësisht cila është e vërteta ky është një akt i rëndë që bën përgjegjës këtë qeveri, policinë e shtetit pasi nuk është akt i vetëm nesër në orën 8 para komisariateve do të bëjmë protestë të heshtur të anëtarëve të PD do të dilet para këtyre institucioneve”, tha Paloka.

Kujtojmë se para dy ditësh u njoftua vdekja e 31-vjeçarit. Autoriteti i Mbikëqyrjes Policore thotë se nga hetimet paraprake, i riu ka varur veten me lidhësen e kapuçit të xhupit, ndërsa familjarët pretendojnë se ai ka vdekur nga dhuna e policëve./albeu.com

The post Paloka flet pas rizgjedhjes kryetar i Këshillit Kombëtar: Nesër protesta në të gjithë vendin appeared first on Albeu.com.

Protesta do të mbahet për të kërkuar dorëheqjen e Ministrit të Brendshëm Bledi Çuçi, për rastin e vdekjes së të riut në komisariatin e Kavajës, Ilvi Meta.

Ai paralajmëroi se nesër do të ketë protestë, ku do të ndizen qirinj në shenjë solidarizimi për vdekjen e të riut.

“Ministri i familjes që në vend të merret me zbatimin e ligjit, është gardian i interesave kriminale të klanit Rama. Drejtori i Përgjithshëm i Policisë heshti sikur nuk ka ndodhur asgjë. Kjo është dhe më kriminale. Heshti në një kohë kur në një hark kohor 5-javor 2 të rinj u vdiqën në qelitë e komisariatit të policisë ku duhet të ishin më të sigurt. Duke dënuar këtë qëndrim çnjerëzor të drejtuesve të shtetit, kërkoj dorëheqjen e menjëhershme të ministrit Çuçi. Ndërkohë unë do t’i propozoj sot Komisionit të Rithemelimit nesër para të gjitha komisariateve të Shqipërisë në orën 8 të ndizen qirinj në një protestë të heshtur paqësore, stop vrasjeve në Komisariate”, tha Berisha./albeu.com/

The post MOTIVI/ Berisha paralajmëron: Nesër protestë! appeared first on Albeu.com.

Siç shihet, në dhomë janë dy shtretër dhe mbi ta batanije dhe jorganë. Në dysheme një palë atlete, me sa duket të 31-vjeçarit. Dhoma ka një dritare të izoluar dhe gjithashtu tualetin brenda.

Ilvi Meta sipas policisë u vetëvra me lidhësen e kapuçit në qeli dhe me gjithë ndihmën e dhënë nuk mundi të mbijetonte. Familja akuzon policinë për dhunë ndaj të riut.

The post Jorganë, batanije e këpucët në dysheme, brenda qelisë ku u gjet i vdekur 31-vjeçari Ilvi Meta (VIDEO) appeared first on Albeu.com.

Kreu i shtetit i ka shprehur ngushëllime familjes, ndërsa shkruan se është e papranueshme që një qytetar humb jetën brenda institucioneve shtetërore, sikundër është Komisariati i Policisë së Kavajës.

Sipas Metës, kjo ngjarje ka tronditur thellësisht besimin e qytetarëve tek organet ligjzbatuese.

Ai ka bërë thirrje për zbardhjen e ngjarjes.

“Duke i shprehur ngushëllimet më të sinqerta familjes së të ndjerit Ilvi Meta, e konsideroj tepër të rëndë dhe të papranueshëm faktin që një qytetar humb jetën brenda institucioneve shtetërore, sikundër është Komisariati i Policisë së Kavajës.

Humbja e një jete në një moshë fare të re brenda Komisiariatit të Policisë përbën jo vetëm një tragjedi familjare, por trondit thellësisht besimin e qytetarëve tek organet ligjzbatuese.

Bëj thirrje për zbardhjen sa më parë të rrethanave të vdekjes tragjike të të riut Ilvi Meta dhe vendosjen përpara drejtësisë të përgjegjësve për këtë tragjedi të pajustifikueshme!”, shkruan Meta.

The post Vdekja e të riut në paraburgim, Meta: E papranueshme, tragjedi që trondit besimin tek organet ligjzbatuese appeared first on Albeu.com.

Policia njofton se pas hetimeve, rezulton se I riu është vetëvarur me lidhësen e kapuçit të trikos, ndërsa thotë se nga ekspertiza mjeko-ligjore nuk rezulton të jetë dhunuar. Gjithashtu njoftoi për arrestimin e 3 policëve.

Njoftimi:

Nga ana tjetër, babai i 31-vjeçait thotë se djali nuk ka shenja lidhësejen në qafë dhe beson se djali u ka mbetur në duar policëve nga dhuna që i është ushtruar. Ai kërkon që përgjegjësit të vihen para drejtësisë’.

Kavajë – Në vijim të komunikimit për ngjarjen e ndodhur me datën 04.05.2022 në Komisariatin e Policisë Kavaje, ku është gjetur i vdekur shtetasi I.M., Drejtoria Rajonale e AMP Durrës-Kavajë ka përfunduar hetimet paraprake nga ku ka rezultuar si vijon:

Më datë 04.05.2022, rreth orës 19:00, në dhomat e sigurisë/ndalimit/arrestimit, në Komisariatin e Policisë Kavajë, shtetasi i arrestuar I.M., 31 vjeç, ka kryer vetëvrasje duke përdorur lidhësen e kapuçit të bluzës që mbante veshur, duke gjetur më pas dhe vdekjen.

Nga ana e ekspertëve mjeko-ligjorë është bërë këqyrja e viktimës nga ku ka rezultuar se në trupin e tij nuk janë konstatuar shenja dhune.

Nga hetimet paraprake ka rezultuar se punonjësit që kanë pasur për detyrë mbikëqyrjen dhe mbajtjen në kontroll të shtetasit I. M gjatë kohës që ai ka qenë i shoqëruar/ndaluar në ambientet e Komisariatit të Policisë Kavajë, nuk kanë përmbushur detyrimet që rrjedhin nga Ligji 108/2014 “Për Policinë e Shtetit” dhe Procedura Standarde “Trajtimi dhe sigurimi i personave të arrestuar/ndaluar në ambientet e Policisë së Shtetit, evidentimi dhe zgjidhja e kërkesë/ankesave të tyre” miratuar me Urdhër nr.925, datë 19.07.2019 të DPPSH.

Pas marrjes dhe vlerësimit të provave në kuadër të këtij hetimi dyshohet se këta punonjës me veprimet dhe mosveprimet e tyre kanë shpërdoruar detyrën, duke mos marre masa për parandalimin e ngjarjes.

Në përfundim të hetimeve paraprake, Agjencia e Mbikëqyrjes Policore (Drejtoria Rajonale e AMP-se Durrës) ka arrestuar në flagrancë 3 punonjës policie, të dyshuar për kryerjen e veprës penale “Shpërdorim i detyrës”, parashikuar nga neni 248 i Kodit Penal e konkretisht:

1. Nënkomisar P. B., 61 vjeç, me detyrë Specialist i sallës së komandimit, në Komisariatin e Policisë Kavajë;
2. Inspektor B. B., 60 vjeç, me detyrë trupë shërbimi, patrullë e përgjithshme në Komisariatin e Policisë Kavajë;
3. Inspektor R. K., 59 vjeç, me detyrë trupë shërbimi në dhomat e sigurisë pranë Komisariatit të Policisë Kavajë.

Materialet procedurale i kanë kaluar Prokurorisë së Kavajës për hetime të mëtejshme.

Nga ana tjetër, babai i 31-vjeçait thotë se djali nuk ka shenja lidhësejen në qafë dhe beson se djali u ka mbetur në duar policëve nga dhuna që i është ushtruar. Ai kërkon që përgjegjësit të vihen para drejtësisë.

“Policia thotë se djali është vetëvrarë me lidhësen e kapuçit, në pamë kufomën dhe s’kishte asnjë shenjë në fyt. Djalin na e ka vrarë policia. Të dalin para drejtësisë, autorët. Djali nuk do ta kryente kurrë aktin e vetëvrasjes. Nuk kishte arsye. Dyshojmë se u ka ngelur në dorë policëve”, ka thënë ai./albeu.com

The post Mbyllen hetimet paraprake, AMP: Ilvi Meta u vetëvra me lidhëse kapuçi, nuk ka shenja dhune, 3 policë në pranga appeared first on Albeu.com.

Babai i 31-vjeçarit, Agim Meta, beson këtë të dytën.

Ai thotë se djalin ia ka vrarë policia dhe se nuk është vetëvaurur me lidhësen e kapuçit siç pretendohet.

“Policia thotë se djali është vetëvrarë me lidhësen e kapuçit, në pamë kufomën dhe s’kishte asnjë shenjë në fyt. Djalin na e ka vrarë policia. Të dalin para drejtësisë, autorët. Djali nuk do ta kryente kurrë aktin e vetëvrasjes. Nuk kishte arsye. Dyshojmë se u ka ngelur në dorë policëve”, ka thënë ai./albeu.com

The post Vdekja e Ilvi Metës në komisariatin e Kavajës, babi: Ma vranë policët, nuk kishte shenja në qafë appeared first on Albeu.com.

Kjo deklaratë e tij bëri bujë në media, ndërsa ai ka reaguar sërish për emisionin “Në shënjestër” duke sqaruar pse besonte se ai ishte vrarë nga policët e komisariatit.

“Unë nuk mund të tregoj burimin, por duke qenë në detyrën e deputetit pata një telefonatë nga një person brenda policisë. Ngjarja i ka mbetur në dorë policisë. Kjo ngjalli irritim. Detyra jonë si politikan dhe opozitë është të vendosim alarmin dhe të dalë e vërteta ashtu sic është. Segmente të caktuara kanë dashur të mbulojnë ngjarje të tilla, siç është rasti i Klodian Rashës. Nuk ka asgjë më shumë. Nuk ka akuza të drejtpërdrejta për persona të caktuar. Është e rëndësishme të hetohet, të dalë e vërteta. Kjo është e rëndësishme. Kam pyetur edhe dy tre burime të tjera dhe japin indicie që është ushtruar dhunë ndaj viktimës. Mund të mos ketë ardhur vdekja nga ushtrimi i dhunës. Rastet që kanë ndodhur apo dinamikat e ngjarjes duhet të hetohen në detaje. Apeli është për të gjithë punonjësit e shtetit. Të hetohet me ndershmëri, pastërti dhe drejtësi. Të njëjtin apel kam edhe për Prokurorinë e Kavajës. Të dalë e vërteta ashtu siç është Nëse autopsia nxjerr që është ushtruar dhunë të gjithë personat që kanë shkelur ligjin duhet të mbajnë përgjegjësi,” tha Sula./albeu.com

The post “31-vjeçari nuk u vetëvar, e vranë”, deputeti demokrat sqaron deklaratën: Telefonata që mora nga brenda policisë appeared first on Albeu.com.

Ilvi Meta ishte ndaluar nga policia pasdrekën e sotme si i dyshuar për veprën penale të vjedhjes. Nuk dihen ende rrethanat e ngjarjes së rëndë.

Sipas informacioneve ai është gjetur i vetëvarur në qeli. Policia e ka gjetur me shenja jete, ai u transportua në spital por nuk mundi të mbijetonte.

Agim Meta, babai i vetëvrarit në komisariatin e Kavajës, Ilvi Meta tha për Top Channel, se djalin e akuzuan për vjedhjen e një dere alumini.

“Polici qensh, polici qensh janë, e morën paradite bënë kontroll në shtëpi, edhe thanë do ta sjell, s’ka gjë s’ka gjë edhe ikën. E akuzuan për vjedhjen e një dere alumini. Nuk e di, unë isha në një lokal duke pirë kafe me një shok, vetëm kur më thanë Agim ik tek shpia se ka ndodh diçka. Kur shkova në shtëpi gjeta gruan, vajzën duke qarë. Nuk më kanë thënë asgjë, qoftë policia, kryeministri Edi Rama që mos e bëfshin pikën e hajrit. Nuk e di s’më ka ardhur asnjë informacion. S’më kanë thënë asgjë, do ta zbardh këtë gjë”, tha babai.

Në lidhje me ngjarjen po hetohet dhe përgjegjësia e  punonjësve të policisë në detyrë në dhomat e ndalimit që ishin këtë të mërkurë./top-channel.tv

The post I arrestuar për një derë, reagon babai i viktimës: Do ta zbardh zgjarjen appeared first on Albeu.com.