Edhe pse pritej që Dejvi Bregu të vazhdonte me Dinamon përmes rinovimit dhe të ishte pjesë e skuadrës së Ilir Dajës në Kupat e Europës, zhvillimet morën një drejtim tjetër.

Sulmuesi 30-vjeçar ka zgjedhur të transferohet te Al-Zulfi në Arabinë Saudite.

Në një “story” të publikuar në rrjetet sociale, Bregu ka përcjellë një mesazh për klubin dinamovit dhe për ish-shokët e tij të skuadrës.

“Dua të falënderoj klubin Dinamo, presidentin, stafin teknik dhe tifozët për mbështetjen gjatë kësaj periudhe.

Një falënderim të veçantë për shokët e ekipit, me të cilët ndava çdo sfidë, çdo fitore dhe shumë kujtime që do t’i vlerësoj gjithmonë. Suksese!”, ka shkruar Bregu.

Gjatë 2 viteve me “blutë” e kryeqytetit, anësori arriti të fitonte 3 trofe.

The post Dejvi Bregu ndahet me Dinamon para Kupave të Europës dhe u dërgon një mesazh “bluve” të kryeqytetit appeared first on Albeu.com.

Dinamo ka zyrtarizuar në rrjetet sociale afrimin e sulmuesit Ruben Silva-Richards, duke i dhënë më shumë alternativa Ilir Dajës në prag të sfidës europiane.

22-vjeçari kanadez ka luajtur më parë në Portugali dhe Holandë, ndërsa konsiderohet si një futbollist me eksperiencën e nevojshme për të dhënë kontribut në fazën sulmuese të skuadrës së drejtuar nga Ilir Daja.

Me këtë lëvizje, “blutë” e kryeqytetit forcojnë sulmin përpara përballjes me Astanën në Conference League.

“Mirë se erdhe, Ruben Silva-Richards!

FC Dinamo ka kënaqësinë të njoftojë arritjen e marrëveshjes me klubin portugez Estoril për transferimin e sulmuesit Ruben Silva-Richards.

Lojtari 22-vjeçar, i formuar në futbollin portugez dhe me eksperiencë edhe në atë holandez si pjesë e ADO Den Haag, vjen te Dinamo pas aktivizimit së fundi me Ferizajn, duke sjellë cilësi, shpejtësi dhe potencial në repartin ofensiv.

I urojmë Rubenit mirëseardhjen në familjen dinamovite dhe shumë suksese me fanellën blu! Mbetemi maksimalisht të impenjuar për të pasur një skuadër sa më të fortë në Europë dhe në të ardhmen…”, ka shkruar klubi i Dinamos.

The post Dinamo përforcon repartin ofensiv para Europës, firmos me Ruben Silva-Richardsin nga Estoril appeared first on Albeu.com.

Për ekipin dinamovit realizuan Farruku dhe Vila, ndërsa goli i tretë erdhi nga një autogol i kundërshtarit.

Ndonëse bëhej fjalë për një ndeshje përgatitore në funksion të raundit të parë të Conference League, skuadra e drejtuar nga Ilir Daja dha shenja shumë pozitive dhe tregoi nivel të lartë në fushë.

Në anën tjetër, Struga e drejtuar nga Bledi Shkëmbi u përpoq të rivalizonte, por nuk arriti të ndalte kryeqytetasit.

The post Dinamo triumfon 3-2 ndaj Strugës në Ohër, ekipi i Ilir Dajës shkëlqen në miqësore appeared first on Albeu.com.