Seanca e radhës do të mbahet më 12 dhjetor, ndërsa mësohet se avokatët mbrojtës të ish-ministrit kanë kërkuar pushim të çështjes ose kthim pas të hetimeve.

Ish-ministri Ilir Beqaj u arrestua në muajin korrik nën akuzën për korrupsion, fshehje pasurie, mashtrim dhe shkelje e barazisë në tendera, bashkë me Ermal Kurtulaj si dhe 5 të tjerë.

Në cilësinë e drejtorit të përgjithshëm i SASPAK, SPAK dyshon se ish funksionari, Beqaj bashkë me koordinatorin Ermal Kurtulaj edhe ky në burg si dhe pesë persona të tjerë abuzuan me fondet e bashkimit europian duke tjetërsuar destinacionin e tyre.

Sipas SPAK, Beqaj urdhëronte procedura fiktive prokurorimi, me vlerë qindra mijëra euro, kompanive të ndryshme për shërbime të pakryera dhe përfitues fundor ishte pikërisht vetë ish-ministri, përmes Restorant Gzona në Tiranë, që SPAK thotë se është në pronësi të tij.

The post Shtyhet gjyqi për Ilir Beqajn, ja çfarë kërkoi ish-ministri në gjykatë appeared first on Albeu.com.

Kontrolli vjen në sajë të një hetimi të ri penal, pas indicieve që SPAK ka marrë, ku dyshohet se në kohën kur Ilir Beqaj ka qenë ministër i Shëndetësisë, ka lidhur kontrata klienteliste me këto farmaci.

AlbEu bën me dije se ish-ministri Beqaj, në kohën kur ka marrë detyrën si ministër, përmes modifikimeve të specifikimeve kualifikuese, ka favorizuar pikërisht kompaninë “Delta Pharma”.

Mësohet se në tenderin e organizuar nga Ministria e Shëndetësie në vitin 2014, në periudhën Mars – Prill, pasi u publikuan tenderat, pak ditë më vonë ka dalë një njoftim për modifikim të specifikimeve kualifikuese.

Burimet konfirmojnë se në mënyrë të selektuar për disa lote, është hequr kërkesa për Autorizim Prodhuesi, ndërsa u la për të gjitha lotët e tjerë. Specifikimi është hequr për të gjitha kompanitë Multinacionale si Roche, Pfizer, Sanofi-Aventis, Bayer, Jansen Cilag, Abbvie, përveç Novartis.

Sipas asaj që konfirmon AlbEu, të gjitha kompanitë e kundërshtuan këtë, pasi binte në kundërshtim me ligjin e barnave, ku thuhet se ‘ministri i Shëndetësisë jep leje importi për barna të pa regjistruara’, kur kreu III, pika 2 thotë: Në raste nevojash të shërbimit shëndetësor (për mjekim ambulator dhe/ose spitalor), për barna të cilat nuk kanë asnjë alternativë të ngjashme, e cila ka autorizim për tregtim nga Agjencia, ministri përgjegjës për shëndetësinë autorizon importimin e barnave, për të cilat nuk është lëshuar autorizim tregtimi nga Agjencia, sipas rregullave të përcaktuara me vendim të Këshillit të Ministrave.

Ndërkohë që të gjithë barnat në këto lote, ishin të regjistruara. BalkanWeb mëson se ministri nuk e ndërpreu procedurën edhe pas ankimimit, ku kompania fituese për të gjitha lotët ishte “Delta Pharma”, njëherazi dhe distributor i Norvatis, që ishte e vetmja kompani multinacionale që nuk u prek nga këto procedura, duke deklaruar në dokumentet e tenderit se produktin do ta merrni në Turqi.

Edhe pas ankimimit edhe në KPP, si dhe komunikim direkt të kompanive, ish-ministri nuk është tërhequr.

Burimet konfirmojnë se asnjë produkt nuk është importuat direkt nga Turqia, siç është deklaruar në ofertë. Po ashtu, të gjitha produktet janë importuar nga “Delta Pharma Kosovë”, kompania bijë e “Delta Pharma Shqipëri”, pa asnjë dokument shoqërues sipas ligjit, pa certifikatë Origjine, dhe pa certifikatë analize, që janë kushte ligjore edhe për barnat e regjistruara.

Referuar burimeve, pas këtij tenderi, kompania “Delta Pharma”, njëherazi dhe përfaqësuese e Novartis, ka pasur një favorizim në përfshirjen në listën e rimbursimit, pothuajse të të gjitha produkteve, ndërkohë që kompanitë e tjera nuk kanë futur asnjë produkt. Kjo dyshohet se lidhet me faktin se një nga pronaret e “Delta Pharma”, Dorian Sadiku është kunati i shefit të Novartis për Shqipërinë, Kliti Hoti.

Sipas ekstraktit të të QKB, tre anëtarë të familjes Sadiku, janë larguar nga “Delta Pharma”, kjo e fundit ka lidhur kontratë me Novartis. Burimet konfirmojnë se në krye të kësaj të fundit ka qenë dhe është kunati i Dorian Sadikut, i cili është rikthyer në 2023 duke blerë “Delta Pharma”, nëpërmjet kompanisë “Delta Holding”, ku pronarë janë Dorian Sadiku dhe Eduard Curraj.

Sipas dokumentacioneve, rezulton se Dorian Sadiku, (kunati i Kliti Hotit, shef i Novartis), dhe Eduard Curraj zotëronin 50% me 50% të aksioneve të “Delta Pharma”. Në 2023, Curraj i shiti aksionet e tij shtetases polake Ewa Maria Kokot, por vijon të jetë administrator i kësaj kompanie.

The post Hetimet e SPAK, zbulohet manovra e Ilir Beqajt, si e favorizoi kompaninë farmaceutike “Delta Pharma” appeared first on Albeu.com.

Këta persona janë Ermal Kurtulaj, Sabian Kurtulaj, Gazmend Prenga dhe Arben Dani.

Dyshohet se këta persona kanë lidhje me ish ministrin, ndërsa mësohet se Ermal Kurtulaj ka qenë edhe koordinator i projektit EUSAIR që menaxhohej nga Agjencia SASPAK.

The post Hetimet ndaj ish-ministrit Beqaj, zbulohen emrat: Ja në banesat e kujt ka kryer kontrolle Byroja Kombëtare e Hetimit appeared first on Albeu.com.

Mësohet se kontrollet janë zhvilluar në kuadër të hetimit pasuror që po kryhet ndaj ish-ministrit të Shëndetësisë, Ilir Beqaj, i cili po udhëhiqet nga prokurorja Elida Kaçkini.

Kujtojmë se GJKKO ka urdhëruar që ish ministri të mos largohet nga territori i Shqipërisë dhe të paraqitet çdo të premte në policinë gjyqësore, pasi po hetohet për dyshime të shpërdorimit të detyrës në bashkëpunim gjatë procedurave të dhënies me koncension 100 milionë dollarë për 10 vjet nga ministria e shëndetësisë, që ai drejtonte, të shërbimeve të integruara për sterilizimet kirurgjikale spitalore.

Koncensioni i dhënë 8 vjet më parë parashikonte ofrimin e setit të personalizuar të instrumenteve kirurgjikalë, furnizimin me material mjekësor steril njëpërdorimësh në sallat kirurgjikale si dhe trajtimin e mbetjeve biologjike dhe dezinfektimin e sallave kirurgjikale.

Disa muaj më parë çështja, për të cilën ish ministri Beqaj është nën hetim për shpërdorim detyre në bashkëpunim, ka çuar në arrest me burg nën akuzat e shpërdorimit të detyrës, falsifikim dokumentash në bashkëpunim dhe mashtrim ish zvëvendësministrin e shëndetësisë Klodian Rrjepaj si dhe biznesmenin që fitoi koncensionin Ilir Rrapaj.

Hetimet e kësaj çështje bazohen në dyshimet për shpërdorim të detyrës nga zyrtarët, shkelje e barazisë së pjesëmarrësve në tendera kryer në bashkëpunim, si dhe korrupsioni pasiv i funksionarëve të lartë shtetërorë.

I dyshuari për mashtrim me pasoja të rënda biznesmeni Ilir Rrapaj fitoi koncensionin në dhjetorin e vitit 2015, ndonëse menjëherë në atë kohë lindën dyshimet për korrupsion dhe mosplotësim të kritereve ligjore.

Edhe 6 persona të tjerë u vendosën me të njëjtat akuza nën arrest shtëpie dhe detyrim paraqitje, si të dyshuar për bashkëpunim në këtë çështje përmes falsifikimeve dhe shpërdorimit të detyrës.

The post SPAK heton ish-ministrin e shëndetësisë Beqaj, kontrolle te “Delta Pharma” dhe rrjeti i farmacive “Ditë Natë” appeared first on Albeu.com.

“Siç e dini që nga data 20 nëntor jam një person në hetim për sterilizimin. Patëm një seance pyetjesh me oficerin e policisë gjyqësore. Kryesisht për ato gjëra që jam pyetur më parë. Bashkë me avokatin kërkuam që të bëhen dhe disa veprime hetimore shtesë… për kohën kur unë nuk kam qenë ministër”, ka thënë ai për kamerat menjëherë pasi la dyert e Prokurorisë Speciale.

Ilir Beqaj u paraqit sot në orën nëntë të mëngjesit, për të sqaruar rolin e tij në koncesionin e sterilizimit, për të cilin SPAK po e heton e ka kërkuar masën “detyrim paraqitje”.

Ka qenë gjyqtari paraprak i çështjes Erion Bani, ai i cili në vendimin e arsyetuar u shpreh se nuk mund të kishte vendosur një masë më të rëndë sigurisë sesa ajo e kërkuar nga dy prokurorët e çështjes.

Ilir Beqaj dyshohet të ketë kryer shpërdorim të detyrës në bashkëpunim gjatë procedurave të dhënies me koncension 100 milionë dollarë për 10 vjet nga ministria e Shëndetësisë që ai drejtonte, të shërbimeve të integruara për sterilizimet kirurgjikale spitalore.

The post Del pas 10 orësh nga SPAK, Ilir Beqaj: Kërkuam të bëhen veprime hetimore shtesë appeared first on Albeu.com.