Kryetari i Partisë së Lirisë, Ilir Meta, përmes një video-mesazhi shpreh rëndësinë e familjes dhe ndalet te fenomeni i largimit të të rinjve nga vendi. Meta thekson se PL synon të krijojë një shoqëri të mbrojtur nga shpopullimi.

Meta: T’i japim fund kësaj ndjesie që kanë të rinjtë dhe të rejat të mungesës së vëmendjes për t’i mbështetur ata për ta ndërtuar folenë e tyre të lumturisë në vendin e tyre. Besoj se me ndihmën dhe bashkëpunimin e të gjithëve ne do ta arrijmë këtë sepse për ne familja jo vetëm ka qenë e shenjtë, por edhe do të mbetet e shenjtë.

Ne duam një familje të fortë dhe të konsoliduar, në mënyrë që të kemi një shoqëri të shëndetshme dhe të mbrojtur nga shpopullimi. Prandaj në pjesën më të rëndësishme të programit të Partisë së Lirisë gjenden të gjitha ato propozimet konkrete që fuqizojnë familjen dhe që mbështesin gratë dhe rininë shqiptare.

/Albeu.com/

The post “Familja është e shenjtë”, mesazhi i Metës: Të krijojmë një shoqëri të mbrojtur nga shpopullimi appeared first on Albeu.com.

Sipas Metës, këto ndryshime mbrojnë sistemin financiar dhe të ekonomisë në tërësi nga kërcënimet e pastrimit të parave duke forcuar integritetin e sistemit parandalues në vend.

“Ndryshimet në këtë ligj synojnë të mbrojnë sistemin financiar dhe të ekonomisë në tërësi nga kërcënimet e pastrimit të parave dhe financimit të terrorizmit, duke forcuar njëkohësisht integritetin e sistemit parandalues në vend dhe rritjen e koordinimit dhe bashkëpunimit për të kontribuar për paqen, sigurinë dhe përmbushjen e detyrimeve ndërkombëtare.

Ligji synon që të rrisë garancitë dhe mekanizmat që agjencitë ligjzbatuese të ushtrojnë efektivisht funksionin për parandalimin, zbulimin dhe goditjen e kërcënimeve për pastrimin e parave dhe financimit të terrorizmit. Akoma më e rëndësishme, është përpjekja për reflektimin e rekomandimeve të FATF (Financial Action Task Force – FATF) dhe Monyeval”, thotë Presidenti./albeu.com

The post Meta dekreton ligjin për parandalimin e pastrimit të parave appeared first on Albeu.com.