Sipas Zhulalit, Berisha ka një pozicion të veçantë në PD dhe është i angazhuar në misionin për të luftuar regjimin e Edi Ramës.

Ajo theksoi se në këtë moment, është e nevojshme që PD të përqendrohet në analizën e brendshme dhe të synojë krijimin e një qeverie teknike për të siguruar zgjedhje të lira.

“Ne jemi përballë një regjimi dhe patronazhistët janë njerëz “ushtarë” që merr urdhra dhe i zbaton. Unë besoj tek liria dhe besoj se PD e përfaqëson misionin e lirisë. Partia Demokratike iu ka bërë ftesë të gjitha partive dhe ka kërkuar që partitë të jenë kundër Ramës. Më vjen keq që koalicioni nuk u bë më i madh, ne e bëmë ftesën. Një bashkim numrash do na nxirrte më mirë. PD do të bëjë një proces analize së brendshmi.

Proceset që do të do të shikohen se janë transparencë. Nuk besoj se do të bënte mirë dorëheqja e Berishës, pasi i është futur misionit për të luftuar këtë regjim. Berisha ka guximin për të denoncuar krimin dhe regjimin. Sali Berisha ka pozicion unik në PD. Nuk ka njerëz të pazëvendësueshëm, por nuk besoj se ky është momenti për të debatuar për këtë gjë, por qeveria është përgjegjëse për manipulimin e procesit zgjedhor. Ne duam qeveri teknike, që të kemi zgjedhje të lira”, tha ajo.

The post A duhet të japë dorëheqje Berisha? Zhulali: Kreu i PD ka pozicion unik në parti appeared first on Albeu.com.

Në fjalën e saj, Ilda Zhulali, shprehet se World Justice Project, fakton edhe një herë dështimin total të drejtësisë së re.

“Shqipëria renditet në vendin e 106 për ndërhyrjen e qeverisë në drejtësinë penale! Vietnami komunist përsëri renditet më mirë, në vendin e 98, ndërsa Kosova në vendin e 65!”, theksoi Zhulali.

Deklarata e drejtueses së Departamentit të Politikës së Jashtme në PD, Ilda Zhulali:

“Vietnami komunist ia kalon përsëri Shqipërisë europiane. Këtë konstatoi në raportin e publikuar dje, Ëorld Justice Project, autoriteti më i besueshëm ndërkombëtar që bën matjen e sundimit të ligjit në 142 vende të botës.

Shqipëria renditet në vendin e 106 për kufizimin e pushtetit të qeverisë, ndërsa Vietnami renditet me 8 pikë më mirë se ne, në vendin e 95!! Kosova renditet e 59, në rang botëror!! Kolumbia ka më pak korrupsion se Shqipëria. Shqipëria renditet e 107 për nivelin e korrupsionit, ndërsa Kolumbia renditet më mirë, në vendin e 100. Kosova renditet në vendin e 65!!!

Shqipëria renditet në vendin e 92-të për lirinë e shprehjes, ndërsa Kosova renditet e 60-ta në botë! E drejta për të protestuar dhe aktivizmi politik e gjen Shqipërinë të renditur në vendin e 102, Serbinë në vendin e 93, ndërsa Kosovën në vendin e 60, nga 142 vende të botës!

Shqipëria renditet në vendin e 114 për nivelin e zbatimit të Ligjit, ndërsa Bjellorusia renditet më mirë se ne, në vendin e 108! Kosova renditet e 82-ta në rang botëror! Shqipëria renditet në vendin e 128 në botë për proceset e rregullta administrative! Kosova në vendin e 95!

Shqipëria renditet në vendin e 101 për respektimin e të drejtave civile, ndërsa Vietnami komunist në vendin e 96! Kosova renditet e 89-ta në rang botëror. Shqipëria renditet në vendin e 110 për mosndërhyrjen e qeverisë në vendimet gjyqësore civile! Ndërsa Bangladeshi në vendin e 97! Kosova renditet në vendin e 66!

Shqipëria renditet në vendin e 92 për nivelin e drejtësisë penale, ndërsa Bjellorusia në vendin e 88! Kosova renditet e 62-ta në rang botëror. Shqipëria renditet në vendin e 106 për ndërhyrjen e qeverisë në drejtësinë penale! Vietnami komunist përsëri renditet më mirë, në vendin e 98, ndërsa Kosova në vendin e 65!

Ëorld Justice Project fakton edhe një herë dështimin total të drejtësisë së re dhe reformimit të shtrembër të këtij sistemi. Renditja e Shqipërisë poshtë Vietnamit komunist, tregon qartë se sundimi autoritar i Edi Ramës është shkaku themelor dhe i vetëm i dështimit të reformës, duke e vendosur të gjithë sistemin nën kontrollin e tij politik”, u shpreh Zhulali.

The post Partia Demokratike: Vietnami komunist ia kalon përsëri Shqipërisë europiane, World Justice Project fakton edhe një herë dështimin total të drejtësisë së re appeared first on Albeu.com.

Gjithashtu, Zhulali theksoi se; Edi Rama, tradhtoi vokacionin kombëtar për t’iu bashkuar Europës, duke na tërhequr zvarrë drejt Ballkanit të Hapur.

Mes të tjerash ajo u shpreh se; “dështimi i Edi Ramës e la Shqipërinë vendnumëro në procesin e integrimit europian”.

Deklarata e drejtueses së Departamentit të Politikës së Jashtme ne PD, Ilda Zhulali:

“Politika mund dhe duhet të jetë një forcë e së mirës.
Të bëhemi bashkë në këtë betejë, për t’u dhënë fund kaosit, korrupsionit dhe krimit të qeverisjes 11-vjeçare të Edi Ramës. Mos harroni çfarë ka bërë në 11 vite!

Edi Rama do të mbahet mend si helmuesi më i pashembullt i marrëdhënieve ndërmjet Shqipërisë dhe Kosovës. Në 11 vite, Edi Rama u konfliktua me katër kryeministra dhe dy presidentë të Kosovës.

Ndërhyrjet e tij dobësuan pozicionin ndërkombëtar të Kosovës dhe minuan dialogun me Serbinë, që në 2013 dukej se po shkonte drejt fundit.

Edi Rama tradhtoi vokacionin kombëtar për t’iu bashkuar Europës, duke na tërhequr zvarrë drejt Ballkanit të Hapur.

Projekti i tij dhe Vuciçit për ndryshimin e kufijve e vendosën përsëri rajonin në hartën e vatrave të rrezikut për konflikt të armatosur.
Edi Rama, që veriun e Kosovës e konsideron tokë të askujt, u bë zëdhënës i Vuçiçit, dhe mbrojtësi më i flaktë i politikës serbe që refuzonte zbatimin e sanksioneve të BE ndaj Rusisë.

I vetmi në rajon që ndërtoi një marrëdhënie aq të afërt me Vuçiç sa me ironi një gazetar gjerman do ta quante “kryeministri më i mirë serb pas Pashicit”.

Dështimi i Edi Ramës e la Shqipërinë vendnumëro në procesin e integrimit europian. Nga dallgët e detit të trazuar europian tek dallga e pseudoreformave të tij ka në mes një vorbull kushtesh të papërmbushura dhe fonde të vjedhura.

Shishet e shampanjës u derdhën lumë, por negociatat me Bashkimin Europian ende nuk kanë nisur.

Asnjë investitor i madh europian nuk e shkeli territorin shqiptar, pavarësisht tapetit të kuq ku shpesh e pamë të bënte klounin. U paralajmëruam dy herë se do të pezullohej lëvizja e lirë në BE, nëse Edi Rama nuk hiqte dorë nga pasaportat e arta dhe nuk ndalonte emigrimin masiv të shqiptarëve.

Falë korrupsionit dhe babëzisë së Edi Ramës e ministrave të tij, fondet europiane për bujqësinë u pezulluan dhe qëndrojnë të ngrira deri sa këta të kthejnë paratë e vjedhura. Fondi për Portin e Durrësit u anulua.

Arritën deri aty sa të vjedhin dietat e FRONTEX, apo faturat e darkave luksoze, që paguheshin njëkohësisht edhe nga paratë e taksapaguesve europianë edhe nga taksapaguesit shqiptarë.

Por turpi më i madh dhe njolla më e zezë ndërkombëtare e Edi Ramës, do të mbetet korruptimi i agjentit të FBI Charles McGonigal me qëllim që të vriste opozitën e vendit të tij.

Edi Ramës i është dhënë e gjithë koha dhe çdo mundësi për të parë çfarë është i aftë të bëjë, dhe rezultati është dështim, krim, shpopullim. Tashmë jemi në një mision të përbashkët ta largojmë një orë e më parë.

Të bashkuar në betejë, ejani të protestojmë së bashku, të enjten ora 8 përpara Kryeministrisë”, u shpreh Zhulali.

The post Protesta e 11 korrikut/ Partia Demokratike: Edi Rama helmuesi i marrëdhënieve Shqipëri-Kosovë, njolla më e zezë ndërkombëtare appeared first on Albeu.com.