Agjencia e Kombeve të Bashkuara për Shëndetësi ka paralajmëruar se një në gjashtë infeksione bakteriale të konfirmuara në laborator më 2023, ka treguar rezistencë ndaj trajtimeve me antibiotikë të ndryshëm.

“Këto gjetje janë shumë shqetësuese”, ka thënë Yvan J-F. Hutin, kreu i departamentit të OBSH-së për çështje të rezistencës antimikrobiale.

“Teksa rezistenca ndaj antibiotikëve vazhdon të rritet, neve po na mbarojnë mundësitë e trajtimit dhe po rrezikojmë jetë njerëzish”.

Ka vite që disa baktere kanë krijuar rezistencë ndaj ilaçeve të krijuara për t’i luftuar ato, duke i bërë trajtimet krejtësisht të padobishme.

Ekspertët besojnë se kjo situatë është rezultat i përdorimit masiv të antibiotikëve për të trajtuar njerëz, kafshë dhe ushqim.

Bakteret rezistente ndaj mikrobiomeve shkaktojnë rreth 1 milion vdekje në vit dhe kontribuojnë në gati pesë milionë vdekje tjera, sipas të dhënave të OBSH-së.

Ky institucion ka arritur në këto gjetje pas analizimit të rezistencës së baktereve në 22 antibiotikë të përdorur për t’i trajtuar infeksionet e traktit urinar, gastrointestinal, dhe ato të qarkullimit të gjakut.

The post OBSH paralajmëron për përhapje të baktereve rezistente ndaj ilaçeve appeared first on Albeu.com.

Sipas uniformave blu, janë arrestuar në flagrancë katër administratorë farmacie: Sh. Y., 65-vjeç, A. Xh., 59-vjeçe, P. B., 36-vjeçe dhe T. P., 35-vjeçe.

Gjithashtu, është proceduar në gjendje të lirë shtetasja T. A., 53-vjeçe.

Gjatë kontrolleve të ushtruara në farmacitë dhe banesat e tyre, u sekuestruan ilaçe të kontrabanduara me një vlerë rreth 800 mijë lekë.

Barnat rezultuan pa pullën fiskale të Agjencisë Kombëtare të Barnave dhe Pajisjeve Mjekësore, duke konfirmuar shkeljen e ligjit për tregtimin e produkteve farmaceutike.

Materialet procedurale janë referuar Prokurorisë pranë Gjykatës së Shkallës së Parë të Juridiksionit të Përgjithshëm Fier për vijimin e veprimeve ligjore ndaj të ndaluarve.

The post Shisnin ilaçe të kontrabanduara, arrestohen 4 administratorë farmacie në Fier (VIDEO) appeared first on Albeu.com.

Me urdhër të ish-ministrit Ilir Beqja, në janar 2016, ata mjekë familjeje që nuk plotësojnë numrin e analizave të “Check-up”, të alternuara mes moshave 35-70 vjeç, gjobiten me 1 pagë mujore.

Hetimi i SPAK për “Check-up” e vërtetoi këtë skandal, por dhe shefat e Fondit të Sigurimit Shëndetësor, pranuan, se për shkak të këtij presioni banditesk gjobash e largimi nga puna, mjekët e familjeve janë detyruar të deklarojnë numër fiktiv analizash me lista emërore false.

Me këtë mashtrim, Vilma Nushi ka përfituar nga 4-6 milionë Euro në vit, ose afro 55 milionë Euro për punë të pa kryer gjatë viteve 2015-2023, të cilat Fondi i Kujdesit Shëndetësor i ka paguar, megjithëse e ka ditur që 40% e numrit të analizave nuk janë kryer realisht, madje ka marrë dhe nga 1-2 milionë Euro TVSH çdo vit, kur kjo PPP nuk duhet të marrë rimbursim.

Krimi tjetër me pacientët, i zbuluar në Fondin e Kujdesit Shëndetësor, bëhet me sasinë dhe cilësinë e ilaçeve kryesore e të sëmundjeve të rënda, që marrin qendrat spitalore e spitalet rajonale; me sasinë e llojet e ilaçeve që rimbursohen dhe numrin e të sëmurëve të rimbursuar.

Krimi është ky: Me urdhër të Ministrisë së Shëndetësisë, për çdo 1 mijë pacientë me sëmundje të rënda, ilaçet sigurohen vetëm për 100 pacientë; ndërsa në çdo 1 mijë pacientë me sëmundje kronike, në listën e rimbursimit futen 300 të sëmurë, sepse për kaq ka akorduar fond qeveria.

Shefat e Fondit të Kujdesit Shëndetësor, pranuan se numrin e pacientëve dhe llojet e ilaçeve që do jepen me ribursim, i caktojnë mjekët e familjeve; por ata janë urdhëruar, që në receta t’u shënojnë vetëm 30-40% të sasisë së ilaçeve e vetëm ato ilaçe me çmime të lira.

Mjekët janë urdhëruar, të mos shtojnë asnjë të sëmurë kronikë në lista rimbursimi, pa hequr aq sa të sëmurë do shtojnë; por dhe të mos japin për rimbursim, asnjë ilaç të sëmundjeve të rënda.

Sepse për kaq sasi e lloje ilaçesh akordon fonde qeveria, ndërsa kur nuk ka ilaçe, janë urdhëruar të vonojnë me 10 ditë deri në 2 javë, dërgimin e recetave elektronike nëpër farmaci, duke mashtruar pacientët me refrenin: “Nuk punon sistemi i Fondit të Kujdesit e Sigurimit Shëndetësor”!

Krimi tjetër që bëhet ndaj të sëmurëve me kancer dhe ndaj të sëmurëve të tjerë spitalor, është mungesa e ilaçeve të shtrenjta në QSUT, Spitalin e Fëmijëve, Onkologjik, Spitalin e Traumës,  Spitalin “Shefqet Ndroqi”, 2 qendrat spitalore Obstreti-Gjinekologji dhe në 12 spitalet rajonale, ku qeveria financon vetëm 35-40%  të sasisë së tyre, pa llogaritur vjedhjet me tenderët.

Vlera financiare për të furnizuar spitalet me krejt nevojat për ilaçe, duhet të jetë mesatarisht 155 milionë Euro në vit, ndërsa qeveria akordon vetëm 67 milionë Euro në vit, duke detyruar mjekët, të bëjnë pazare me ryshfete dhe pacientët t’i blejnë ilaçet te farmacitë private./Pamfleti

The post Raportimi i Fondit Shëndetësor zbulon krime të tjera ç’njerëzore me ilaçet dhe vjedhjet me Check-up appeared first on Albeu.com.

Të dhënat e INSTAT, referojnë se vitin e kaluar u importuan 6,753 tonë ilaçe nga 5,917 tonë me 2022, por shihet një tendence e rritjes së fortë e importeve nga Turqia.

Vitin e kaluar u importuan nga ky vend 1203 tonë produkte farmaceutike, të cilat zunë 17 për qind të importeve totale të këtyre produkteve.

Para pandemisë në vitin 2019 importet nga Turqia, zinin vetëm 8 % të importeve totale të produkteve farmaceutikë (shiko grafikun e mëposhtëm).

Ekspertët e tregut të farmaceutikës, pohojnë se fondet e ulëta të rimbursimit kanë çuar konsumin e barnave drejt alternativave të lira që vijnë kryesisht nga Turqia, ndërkohë që përfaqësitë e kompanive shumëkombëshe janë tërhequr nga Shqipëria.

Nga 13 të tilla që ishin para disa vitesh, tani janë vetëm 3 prej tyre.

Në vitin 2023, vendi ynë ka importuar 26,8 miliardë lekë (255,7 mln euro) produkte farmaceutike, por vetëm rreth 12 miliardë lekë ose 44%, janë mbuluar nga fondi i rimbursimit që vihet në dispozicion nga qeveria shqiptare.

Të dhëna më të detajuara, tregojnë se shqiptarët kanë akses të ulët te barnat kryesore që trajtojnë sëmundjet kardiovaskulare, onkologjinë, autoimunet, nervoret etj.

Të dhënat nga Shoqata Shqiptare e Përfaqësive Farmaceutike, tregojnë se barnat e reja që kanë një trend të lartë shitje në tregjet europiane dhe ato të rajonit ende nuk kanë hyrë në tregun shqiptar.

Ato kushtojnë shumë dhe nuk janë të përballueshme për pacientët, pasi shteti nuk i rimburson. P.sh. në Shqipëri nuk janë të pranishme të tilla si Apixaban, Pembrolizumab që trajtojnë sëmundje autoimune.

Tregu shqiptar është në zhvillim e sipër, ku barnat tradicionale gjenerike dhe ato jashtë patentës përfaqësojnë 76%, ndërsa trajtimi spitalor i specializuar dhe me terapi inovative vetëm 24%.

Përfaqësuesit e tregut farmaceutik, thonë se nevojat e popullsisë janë shumë më të larta se furnizimet aktuale.

Por përvoja globale, ka treguar se financimet publike dhe orientimi i tyre i drejtë i çon përpara sistemet shëndetësore dhe përmirëson ndjeshëm shërbimet shëndetësore për popullatën.

Nga viti 2019 deri më 2024, buxheti i FSDKSH (struktura që financon shërbimet shëndetësore publike), është rritur me rreth 40%, ndërsa zëri i rimbursimit të medikamenteve vetëm 20%, sipas të dhënave zyrtare.

Në vitin 2019, fondi i rimbursimit zinte 24% të totalit të shpenzimeve të FSKDSH-së, ndërsa më 2024 vetëm 20.6%.

The post Barra e sëmundjeve rrit importet e farmaceutikës me 14% më 2023, por po konsumohen ilaçe më të lira appeared first on Albeu.com.

Në pranga përfunduan Aleks Dokaj dhe Sokol Idrizi, të cilët akuzohen për shitje të ilaçeve dhe artikujve farmaceutikë, pa elemente sigurie.

Njoftimi i policisë:

“Lezhë/Një sërë planesh operacionale po zhvillohen paralelisht në të gjithë territorin e qarkut, me qëllim goditjen e paligjshmërive, në çdo formë të shfaqjes së tyre.

Finalizohet operacioni policor i koduar “Antidote”. Zbulohen dhe goditen 2 raste të shitjes së ilaçeve dhe artikujve farmaceutikë, pa elemente sigurie.

Për njërin rast u arrestua një 34-vjeçar që kishte fshehur në 2 subjektet që kishte në pronësi (farmaci dhe magazinë të një marketi), 300 kuti me ilaçe jashtë kritereve, me vlerë rreth 10 000 euro.

✅Për rastin tjetër u procedua penalisht administratori i një kompanie farmaceutike, pasi në automjetin e kompanisë, u gjetën 200 artikuj ortopedikë dhe aksesorë parafarmaceutikë, pa dokumentet shoqëruese që kërkon ligji”, thuhet në njoftimin e policisë.

The post 300 kuti me ilaçe pa elementë sigurie, arrestohen pronarët e dy depove farmaceutike në Lezhë appeared first on Albeu.com.

Njoftimi policisë:

“Menjëherë pas transmetimit në emisionin investigativ të një rasti të shitjes së ilaçeve me vulën e spitalit të Tepelenës, në një farmaci private, për llogari të 3 shtetaseve (2 prej tyre, punonjëse në këtë spital), specialistët për Hetimin e Krimeve Ekonomiko-Financiare të Drejtorisë Vendore të Policisë Gjirokastër kanë kryer të gjitha veprimet e nevojshme hetimore dhe procedurale për të nxjerrë përpara përgjegjësisë penale shtetaset përgjegjëse për këtë rast.

Si rezultat, u referuan materialet në Prokurori ku nisi procedimi në gjendje të lirë për shtetaset:

-K. Gj., 44 vjeçe, banuese në Tepelenë, me detyrë shefe e Shërbimit, në Drejtorinë e Shërbimit Spitalor, Tepelenë;

-N. Z., 61 vjeçe, banuese në Tepelenë, me detyrë kryeinfermiere, në Urgjencën e Drejtorisë së Shërbimit Spitalor, Tepelenë;

-J. Gj., 42 vjeçe, banuese në Tiranë, me profesion farmaciste, pronare e subjektit privat ku shiteshin ilaçet me vulën e spitalit të Tepelenës.

Në vijim, gjatë kontrolleve në spitalin e Tepelenës dhe në farmacinë e shtetases J. Gj., u gjetën dhe u sekuestruan në cilësinë e provës materiale, kartela dhe regjistra mjekësorë që dyshohet se janë plotësuar me të dhëna fiktive, për të shitur ilaçe për përfitime personale.

Materialet procedurale i kaluan Prokurorisë Gjirokastër, për veprime të mëtejshme.”/Albeu.com

The post Shitën ilaçet e spitalit të Tepelenës në farmaci private, nën hetim shefja e shërbimit spitalor, kryeinfermierja dhe farmacistja appeared first on Albeu.com.

Njoftimi i policisë:

DVP Kukës/Finalizohet operacioni policor i koduar “Medikamenti”, për goditjen e kontrabandës së mallrave për të cilat paguhet akcizë.

Operacioni, nga Sektori për Hetimin e Krimeve Ekonomike dhe Financiare, në DVP Kukës, në bashkëpunim me autoritetet doganore në Morinë.

Sekuestrohen 15 kuti me medikamente të ndryshme, me vlerë 15 000 euro.

Vihet në pranga një 54-vjeçar, pronar i autobusit ku u gjetën medikamentet.

Specialistët për Hetimin e Krimeve Ekonomike dhe Financiare në Drejtorinë Vendore të Policisë Kukës, pas informacioneve të marra në rrugë operative, për një rast të tentativës për të kontrabanduar në vendin tonë, një sasi medikamentesh, kanë organizuar punën dhe në bashkëpunim me autoritetet doganore në Morinë, kanë finalizuar operacionin policor të koduar “Medikamenti”.

Gjatë operacionit, në hyrje të PKK Morinë, si rezultat i kontrollit të ushtruar nga shërbimet e DVP Kukës, në bashkëpunim me autoritetet doganore në Morinë, në autobusin në pronësi të shtetasit M. H. u gjetën dhe u sekuestruan në cilësinë e provës materiale 15 kuti me medikamente të ndryshme (mallra për të cilat paguhet akcizë), me vlerë 15 000 euro.

Në përfundim të veprimeve u arrestua në flagrancë shtetasi M. H., 54 vjeç, banues në Kosovë, pronar i autobusit të linjës Prishtinë -Tiranë, në të cilën u gjetën medikamentet që do të kontrabandoheshin në Shqipëri.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprën penale “Kontrabanda me mallra për të cilat paguhet akcizë ose me pezullim të plotë apo të pjesshëm nga detyrimet doganore ose të akcizës”.

The post Do hynin kontrabandë në Shqipëri, sekuestrohen ilaçe me vlerë 15 mijë euro në Morinë appeared first on Albeu.com.

Ndërkohë është arretsuar 58-vjeçari që vinte nga Italia dhe tentoi të fuste paratë në Shqipëri pa i deklaruar.

Shuma e parave dhe medikamentet u sekuestruan në cilësinë e provës materiale. Vijojnë hetimet për dokumentimin ligjor të këtij rasti.

Njoftimi i policisë:

Operacione të njëpasnjëshme për parandalimin dhe goditjen e tentativave për të futur në Shqipëri, para që rrjedhin nga veprimtaritë kriminale.

Finalizohet si rezultat i inteligjencës policore dhe i analizës së riskut, operacioni policor i koduar “Fluksi”. Sekuestrohen 251 295 euro dhe medikamente mjekësore.

Operacioni, në vazhdën e operacioneve të njëpasnjëshme për goditjen e grupeve kriminale që tentojnë pastrimin e parave, si dhe për sekuestrimin e aseteve dhe vlerave monetare që rrjedhin nga veprimtaritë kriminale.

Arrestohet 58-vjeçari që vinte nga Italia dhe tentoi t’i fuste në Shqipëri, pa i deklaruar, paratë dhe medikamentet që kishte fshehur në automjetin e tij.

Shërbimet e Policisë Kufitare të portit të Durrësit, si rezultat i zbatimit të masave shtesë të ndërmarra për të rritur parametrat e sigurisë në këtë pkk, për t’iu ofruar qytetarëve, shërbim cilësor, etik dhe të shpejtë, si dhe për të parandaluar dhe për të goditur krimet kufitare, në vijim të operacioneve të njëpasnjëshme për goditjen e tentativave për pastrim të parave nga grupet kriminale, kanë finalizuar një tjetër operacion për goditjen e tentativës për të futur para dhe medikamente në vendin tonë, pa i deklaruar.

Si rezultat i operacionit policor të koduar “Fluksi 4″, i zhvilluar nga shërbimet e Policisë Kufitare, në bashkëpunim me autoritetet doganore, u kap në flagrancë dhe u arrestua shtetasi M. H., 58 vjeç, banues në lagjen nr. 13, Durrës, i cili vinte nga Italia dhe kishte fshehur automjetin e tij, 251 295 euro dhe medikamente, me qëllim futjen e tyre në Shqipëri, pa i deklaruar sipas ligjeve në fuqi.

Shuma e parave dhe medikamentet u sekuestruan në cilësinë e provës materiale. Vijojnë hetimet për dokumentimin ligjor të këtij rasti.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprat penale “Mosdeklarimi në kufi i të hollave dhe i sendeve me vlerë”, “Pastrimi i produkteve të veprës penale ose veprimtarisë kriminale” dhe “Kontrabanda me mallra të licencuar”.

The post Tufa me para dhe çanta me ilaçe kontrabandë, sekuestrohen mbi 250 mijë euro në portin e Durrrësit, arrestohet 58-vjeçari appeared first on Albeu.com.

Të dhënat e INSTAT tregojnë se importet e produkteve farmaceutike në sasi arritën në 4400 tonë në periudhën referuese nga 3800 tonë që ishin me 2022, por në terma të vlerës ato shënuan rënie me rreth 1 %. Kjo ecuri tregon për një rritje të sasisë së produkteve farmaceutike të importuara, por me çmim më të ulët.

Ekspertët e tregut farmaceutik shpjegojnë se, vlera e importeve ka rënë, pasi janë reduktuar vaksinat dhe antibiotikët kundër Covid -19 që rriten vlerën e importeve gjatë viteve 2021 dhe 2023 (shiko grafikun më poshtë).

Zgjerimi i importeve në sasi për produktet farmaceutike po udhëhiqet nga rritja e konsumit për shkak të plakjes së popullsisë dhe rritjes së barrës së sëmundjeve. Por nga ana tjetër, hapësirat për rritje të mëtejshme të importeve në artikujt e farmaceutikës janë të larta për shkak se shqiptaret kanë konsumin më të dobët për frymë të produkteve farmaceutike në raport me Europën dhe vendet e rajonit.

Të dhëna më të detajuara tregojnë se shqiptarët kanë akses të ulët në ne barnat kryesore që trajtojnë sëmundjet, kardiovaskulare, onkologjinë, autoimunet, nervore etj.

Psh barnat e reja që kanë një trend të lartë shitje në tregjet europiane dhe ato të rajonit ende nuk janë futur në tregun shqiptar. Ato kushtojnë shumë dhe nuk janë të përballueshme për pacientët, pasi shteti nuk i rimburson. P.sh. në Shqipëri nuk janë të pranishme te tilla Apixaban, Pembrolizumab që trajtojnë sëmundje autoimune.

Tregu shqiptar është në zhvillim e sipër, ku barnat tradicionale gjenerike dhe ato jashtë patentës përfaqësojnë 76%, ndërsa trajtimi spitalor i specializuar dhe me terapi inovative vetëm 24%.

Përfaqësuesit e tregut farmaceutik bëjnë me dije se nevojat e popullsisë janë shumë më të larta se furnizimet aktuale. Po përvoja globale ka treguar se financimet publike dhe orientimi i tyre i drejtë i çon përpara sistemet shëndetësore dhe përmirëson ndjeshëm shërbimet shëndetësore për popullatën.

Financimet e ulëta buxhetore behën shkak për rimbursim të ulët të medikamenteve inovative që kurojnë sëmundje të tilla si kanceri dhe auto imunet.

Fondet buxhetore për rimbursimin e medikamenteve kanë qëndruar në nivelin 10-11 miliardë lekë për vite me radhë edhe pse nevojat e popullatës në plakje janë në rritje.

Qëndrimi në vendnumëro i fondeve të rimbursimit mban gjithashtu tregun e barnave të pazhvilluar dhe e orienton ndaj produkteve me të lira. /Monitor

The post Produktet farmaceutike nuk njohin krizë konsumi, importet rritje vjetore me 17% në 8-mujor appeared first on Albeu.com.

Jo pak herë kemi dëgjuar për aksidente, thumbime nga insektet apo shpërthimin e një alergjie tek plazhistët. Këtu vjen në ndihmë kutia e ndihmës së parë e cila është gjithmonë e dobishme, kudo që jemi, veçanërisht nëse keni fëmijë të vegjël.

Lexoni më poshtë përgatitjet dhe produktet më të rëndësishme që duhet të jenë në çantën e ndihmës së parë:

-Serum fiziologjik në doza të vetme për pastrimin e plagëve, syve ose mukozave.

-Garzë për të mbuluar plagët ose djegiet

-Antiseptikë të tillë si klorheksidina, peroksidi i hidrogjenit ose alkooli 70. -Sapun neutral ose antiseptik për higjienën e zonave të dëmtuara ose të dëmtuara.

-Gërshërë dhe piskatore për të hequr copa, këpusha ose sende të tjera të mbërthyer në lëkurë. Qetësues të dhimbjeve pa recetë ose antipiretikë si acetaminofeni ose ibuprofeni.

-Termometër për të matur temperaturën e trupit.

-Kremra anti-inflamatorë me bazë Arnica për gunga ose mavijosje.

-Kremra antihistaminë ose kortikosteroide në rast se ka pickim insekti.

-Serumet e rehidrimit oral në rast të gastroenteritit.

-Pomadë për djegie dhe acarime.

The post Këto janë medikamentet që duhet t’i merrni me vete kur niseni për në plazh appeared first on Albeu.com.