Pas një sezoni në të cilin Milani nuk arriti të sigurojë një vend në Ligën e Kampionëve, drejtuesit e klubit vendosën të largojnë si Taren, ashtu edhe Allegrin. Në këtë kontekst, ish-drejtori sportiv shqiptar ndau vlerësimin e tij për trajnerin italian dhe për periudhën e kaluar te klubi.

“Ai [Allegri] është i klasit të parë, vendimi i Napolit ishte i mençur, në përputhje me ambiciet që klubi ka dhe duhet të vazhdojë të ketë për sezonin e ardhshëm”, u shpreh fillimisht Tare.

Më tej, ai theksoi se situata të tilla janë normale në botën e futbollit dhe në natyrën e profesionit. Sipas tij, që prej vitit të kaluar Allegri ishte ndër emrat e mundshëm për Napolin, ndaj lidhja mes palëve kishte mbetur aktive.

“Unë dhe Max flasim shpesh, çdo dy ose tre ditë telefonojmë njëri-tjetrin: kemi bërë disa gabime, por Allegri është një trajner që ka bërë shumë mirë në historinë e futbollit italian dhe do të vazhdojë ta bëjë këtë”.

Tare shtoi gjithashtu se dëshira e tij është që Milani të arrijë stabilitet dhe të ndërtojë një plan serioz për të ardhmen.

I pyetur për Leaon, ai tha se nuk është i sigurt nëse është e drejtë apo jo që lojtari të kërkojë përvoja të reja, por nënvizoi se kur lind një dëshirë e tillë, kjo tregon se raporti ka përfunduar dhe se cikli ka marrë fund. Sipas tij, cilësitë e futbollistit nuk vihen në diskutim, por ai duhet të gjejë më shumë vazhdimësi në ndeshje, pasi është një lojtar që mund t’i vendosë ato i vetëm. Tare shtoi se këtë vit kjo nuk ndodhi, edhe për shkak të problemeve fizike që kishte lojtari.

Ndërkaq, pak ditë më parë Milani zyrtarizoi trajnerin e ri: portugezi Ruben Amorim do të marrë vendin e Max Allegrit në stolin e kuqezinjve. Megjithatë, gjendja brenda klubit mbetet ende e papërfunduar dhe në fazë përcaktimi.

The post Igli Tare flet për kohën te Milani: “Kemi gabuar”, komenton edhe Allegrin dhe të ardhmen e klubit appeared first on Albeu.com.

Ish-drejtori sportiv i kuqezinjve u ndal te Alegri, duke e quajtur zgjedhjen e duhur të Napolit. Më pas foli për Milanin, Leaon, por edhe përfaqësuesen e Italisë.

“Jam mjaft mirë. Tani dua të kaloj pak kohë me familjen, gjë që të ndihmon të rimarrësh veten.

Alegri? Ai është një trajner i nivelit më të lartë. Zgjedhja e Napolit ishte e mençur dhe në përputhje me ambiciet që klubi ka dhe duhet të vazhdojë të ketë për sezonin e ardhshëm. Këto janë situata që bëjnë pjesë në lojën dhe profesionin tonë. Edhe vitin e kaluar Alegri ishte një nga kandidatët e mundshëm për Napolin, ndaj ata e kanë mbajtur gjallë marrëdhënien me të. Unë dhe Maks flasim shpesh. Çdo dy ose tre ditë telefonojmë njëri-tjetrin. Kemi bërë edhe ndonjë gabim, por Alegri është një trajner që ka bërë shumë mirë në historinë e futbollit italian dhe do të vazhdojë ta bëjë këtë.

Shpresoj që Milani të gjejë ekuilibër dhe një projekt serioz për të ardhmen. Leao? Nuk e di nëse është mirë apo keq që ai dëshiron përvoja të reja, por kur një lojtar ka këtë dëshirë, do të thotë se marrëdhënia ka arritur në fund dhe se një cikël është mbyllur. Cilësitë e tij janë të padiskutueshme. Ai duhet vetëm të gjejë vazhdimësi gjatë ndeshjeve, sepse është një lojtar që mund t’i vendosë ato i vetëm. Këtë sezon kjo nuk ndodhi, edhe për shkak të problemeve fizike që pati.

Italia mund të riniset pa dyshim nga përvoja e Mançinit, trajnerit të fundit të kombëtares që ka fituar një trofe dhe që tani mund të vazhdojë punën e ndërprerë. Ky është momenti për të bërë zgjedhje të guximshme dhe për t’u besuar të rinjve. Ka lojtarë me perspektivë. Mjafton të shohësh rezultatet e ekipeve të moshave. Duhet guxim, duhet t’u japësh besim dhe të dish të presësh për ta”, u shpreh Tare.

The post Igli Tare nuk ka dyshime për zgjedhjen e Napolit: Flas çdo 2-3 ditë me Alegrin, Milani duhet të… appeared first on Albeu.com.

Ish-zv.kryeministrja dyshohet se e ka përfituar si ryshfet nga kompania Eurocol të cilën e ka faporizuar në një tender kur ishte drejtoreshë e Albcontrol. Tare pretendon se vila është në pronësi të tij dhe e konsideron të padrejtë masën e sekuestros. Seanca për shqyrtimin e ankimimit do të mbahet më datë 30 qershor.

Belinda Balluku, ish-ministre e Infrastrukturës dhe Energjisë po hetohet për abuzime me tenderat e rrugëve, korrupsion e pastrim parash.

The post Dosja “Balluku”/ Sekuestrimi i vilës në Dhërmi, Igli Tare ankimon vendimin appeared first on Albeu.com.

Markus Kroshe u tregua si opsion për rolin e drejtorit sportiv. Igli Tare ka lënë vakant një pozicion shumë të rëndësishëm në këtë moment.

Kroshe është drejtor sportiv i Eintraht Frankfurt. Dhe Matias Bek si president i Frankfurt ka folur për këtë.

“Nga ana e Milanit nuk ka pasur askënd që të na ketë kontaktuar në lidhje me Markus Kroshe. Dhe ne, si komitet ekzekutiv i Eintrahtit. Pasi kemi diskutuar me Markus Krosshe, nuk kemi asnjë sinjal që të na bëjë të mendojmë se ai dëshiron të largohet nga Eintrahti përpara përfundimit të kontratës së tij në vitin 2028″, u shpreh presidenti i Frankfurtit.

The post Milani mbeti me pasoja nga largimi i Igli Tares, presidenti nxjerr keq kuqezinjtë për drejtorin sportiv: Nuk jemi kontaktuar appeared first on Albeu.com.

Sipas SPAK ish.zv-kryeministrja Balluku, fshehu vilën në emër të Igli Tares.

Ish-futbollisti u mor gjithashtu në pyetje nga Prokuroria e Posaçme, ndërsa mësohet se i është komunikuar edhe akuza e pastrimit të parave.

Sipas SPAK, për të fshehur pronësinë reale të vilës, Balluku ka përdorur Taren dhe vartësen e saj vartësen e saj kur drejtonte Albcontrol sh.a., shtetasen J.B, përmes kontratave të porosisë dhe qirasë të konsideruara fiktive nga hetuesit.

“Për të fshehur këtë pasuri si produkt të veprës penale, shtetasja Belinda Balluku ka përdorur shtetasin I.T dhe vartësen e saj në Albcontrol sh.a., shtetasen J.B. Kështu, rezulton se shtetasja Belinda Balluku ka kryer veprimin fiktiv të kontratës së porosisë nr. 1059 rep., nr. 650 kol., datë 5.12.2018, të lidhur mes shtetasit I.T dhe pronarit të shoqërisë “Eurocol” sh.p.k., shtetasit P.C. Veprimet e kundërligjshme në formën e pastrimit të produkteve të veprës penale kanë vijuar nga shtetasit Belinda Balluku, I.T dhe J.B, duke kryer veprimin tjetër fiktiv, atë të kontratës së qirasë (kontratë dore), datë 25.5.2022, dhe amendamentin e kësaj kontrate, datë 26.4.2024”, thuhet në njoftimin e SPAK.

SPAK tha në njoftimin zyrtar se ish-zv.kryeministrja, e marrë zyrtarisht e pandehur për shkelje të barazisë në tendera, pas hetimeve të reja, dyshohet edhe për veprat penale të korrupsionit dhe pastrimit të parave.

Sipas SPAK, pasuria lidhet me një përfitim të parregullt prej 145 mijë eurosh, që dyshohet se është marrë në këmbim të favorizimit të kompanisë “Eurocol” sh.p.k. në tenderin për rikonstruksionin e godinës teknologjike të Albcontrol, me fond limit 88.6 milionë lekë dhe një shtesë kontrate prej 14.1 milionë lekësh.

Hetimet kanë zbuluar se, në kohën kur drejtonte Albcontrol, Balluku dyshohet se ka bashkëpunuar me Evis Berberin si shef i Sektorit të Prokurimeve dhe 3 anëtarë për të vendosur kritere që favorizonin kompaninë fituese “Eurocol”.

Sipas SPAK, favorizimi ka vijuar edhe pas shpalljes së fituesit, përmes një parapagimi prej 50% të kontratës dhe gjatë zbatimit të saj.

Ky përfitim prej 145 mijë eurosh është marrë në formën e pasurisë së paluajtshme, konkretisht vilën e ndërtuar nga kompania Eurocol.

The post SPAK i sekuestroi vilën luksoze në Dhërmi, Belinda Balluku e fshehu në emër të Igli Tares appeared first on Albeu.com.

Akuza iu komunikua paraditen e kësaj të enjteje, 4 qershor, pasi ai u paraqit në organin e akuzës pas fletëthirrjeve që ishin dërguar ndaj tij.

Tare u thirr në Prokurori, në kuadër të hetimeve për ish-zëvendës kryeministren Belinda Balluku.

The post Igli Tare merret i pandehur nga SPAK, ja akuza që iu komunikua ish-futbollistit të Kombëtares appeared first on Albeu.com.

Fillimisht u shkarkuan të gjithë drejtorët, bashkë me Igli Taren, si edhe trajneri Alegri. Më pas erdhi lajmi që Luka Modriç nuk do vazhdojë me kuqezinjve.

Vetëm së fundmi është Rafa Leao, që po ashtu tregon se do e mbyllë te Milani. Ky i fundit ka dy vite të mbetura kontratë, por duket i vendosur që të ndryshojë ekip.

Largimi i Igli Tares solli kështu pasoja të rënda. Ish-drejtori shqiptar shprehej më parë me siguri që projekti do vazhdojë me dy titullarët në fjalë.

Gjërat ndryshuan, ndërsa pronari Kardinale dhe Ibrahimoviç janë në krye. /Panorama Sport

The post Tronditet sërish Milani, shkarkimi i Igli Tares sjell menjëherë largimin e dy titullarëve te kuqezinjtë! appeared first on Albeu.com.

Pikërisht Xhorxho Furlani nuk e pranoi investimin te Xhaka. Dhe te Milani padyshim që tashmë pendohen, por është vonë duke qenë se Tare dhe pjesa tjetër e drejtuesve me trajnerin Alegri u shkarkuan.

Xhaka konsiderohet si transferimi më i mirë i Premier Ligë për këtë sezon. Jo vetëm kaq, por edhe ndoshta në gjithë historinë e Sanderlendit, që do të luajë në Ligën e Europës. Kapiteni shqiptar rezultoi goditja e duhur në merkato.

RAPORTI I THE ATHLETIC

Transferimi më i mirë në Premier Ligë: Granit Xhaka, nga Leverkusen te Sanderlend
Tarifa e transferimit sipas “The Athletic”: 17.3 milionë paund (me bonuse shtesë)
Kohëzgjatja e kontratës: 3 vite
Përshtypjet e para: Xhaka i shton lidership një skuadre të re. Në moshë 32-vjeçare ende ka forcën, aftësitë dhe vizionin për të pasur ndikim të madh në mesfushë. Qetësia e personifikuar.

Përfundimi: Përvojë, udhëheqje, cilësi dhe një dëshirë e pandërprerë për të luftuar për synimin si në mbrojtje ashtu edhe në sulm. “Trajneri në fushë” i Sanderlandit, lojtari i sezonit të tyre dhe, siç thonë disa, transferimi më i mirë në historinë e klubit. Pse? Sepse as një talent si Çerki nuk e ka transformuar një dhomë zhveshje si Xhaka, duke sjellë një kulturë të re në klub dhe madje edhe në qytet. Sezoni i parë i Sanderlendit pas rikthimit në Premier Ligë nuk mund të kishte shkuar më mirë. Dhe as ky transferim nuk mund të kishte qenë më i suksesshëm.

The post Te Milani pendohen për “bastin” e Igli Tares, artikulli i fundit u dhemb shumë kuqezinjve appeared first on Albeu.com.

Prapaskenat që po zbulohen tregojnë se Tare po punonte për sezonin e ri, madje drejtori sportiv duket i tradhtuar nga Milani.

Kështu vetëm Alegri mund të thuhet se e kishte të mbyllur aventurën me kuqezinjtë, pavarësisht si përfundonte ndeshja me Kaljarin.

Mateo Moreto tregon se Tare foli me Andoni Iraolan në javën e kaluar. Ky i fundit qëndron si dëshira e madhe e Milanit për të zëvendësuar Alegrin.

Po ashtu, me Iraolan folën edhe Furlani me Monkadan. Më pas u mbajt takimi me anëtarë të tjerë të menaxhmentit të Milanit. Spanjolli nuk e konsideron Milanin si zgjedhje të parë.

Iraola është i zhgënjyer për mënyrën si klubi italian administrohet. Kjo u vërejt edhe nga shkarkimi i Tares me një vendim të menjëhershëm, pasi klubi dështoi të kthehet në Champions.

The post Tradhti te Milani? Del në dritë plani sekret i Igli Tares, foli me trajnerin e ri që do pasonte Alegrin appeared first on Albeu.com.

Ibrahimoviç si këshilltar i Kardinales rezultoi edhe më i “forti”. Bashkë do të punojnë për ndërtimin e Milanit të ri.

Dje nga Italia u tregua se Ibra nuk e preferonte drejtorin shqiptar. Kështu Tare duket se u bë “armik” me të vetmin që nuk duhej.

Fjalët e Ibrës rreth dy vite më parë rezultuan të vërteta. Ishte Zvonimir Boban, që para një ndeshje në Champions mes Milanit dhe Liverpulit, e pyeti suedezin për rolin e tij.

Dhe Ibrahimoviç u përgjigj: “Komandoj unë, jam bosi dhe të gjithë të tjerët punojnë për mua”. Diçka e tillë rezulton tashmë e vërtetë.

The post Igli Tare u bë “armik” me të vetmin që nuk duhej, deklarata e bujshme që nuk u mor seriozisht te Milani appeared first on Albeu.com.