I ftuar si analist në emisionin e Champions League në Top Channel, Igli Tare ka komentuar mbylljen e sezonit të shkuar të Milanit. Sipas tij, dështimi i kuqezinjve për t’u kualifikuar në kompeticionin më të rëndësishëm europian ishte një hap fatal.

“Qëndrimi jashtë Champions League për Milanin sezonin e kaluar ishte thjesht vetëvrasje. Sidomos në katër ndeshjet e fundit të kampionatit. Juventusi dhe Milani konsideroheshin pretendentët kryesorë për një vend në katërshen e parë të renditjes,” u shpreh Tare.

Ai shtoi se mungesa e dy gjigantëve italianë në Champions nuk dëmton vetëm aspektin sportiv, por ka pasoja të rënda edhe në planin financiar për Italinë. Ndërkohë, vëmendje të veçantë tërhoqi edhe komenti i tij për trajnerin Massimiliano Allegri.

Kur mori detyrën e drejtorit sportiv te Milani, Tare kishte insistuar fort për Allegrin, të cilin e kishte cilësuar si teknik që do të dominonte ndeshjet. Megjithatë, mbrëmë ai ndryshoi qëndrim: “Pika më e fortë e Allegrit është aftësia për ta sistemuar skuadrën shumë mirë në fazën mbrojtëse”.

The post Vetëvrasje nga Milani”, Igli Tare tregon gabimin fatal të kuqezinjve! Flet hapur edhe për Allegrin appeared first on Albeu.com.

Igli Tare vijon të jetë i pranishëm në stadiumet ku zhvillohen ndeshjet e ekipeve të Superiores. Legjenda e Kombëtares shqiptare ndoqi nga afër edhe përballjen mes Teutës dhe Tiranës, të luajtur në stadiumin “Niko Dovana”.

Pas qëndrimit të shkurtër në rolin e drejtorit sportiv të Milanit, 53-vjeçari duket se po i kushton vëmendje futbollit shqiptar, duke u “transferuar” përkohësisht në Superiore.

Megjithatë, nga ana e vlonjatit ende nuk ka një vendim përfundimtar nëse do të rikthehet në drejtimin sportiv të një klubi të rëndësishëm europian apo do të qëndrojë jashtë kësaj detyre për disa muaj ose vite.

The post Igli Tare ndjek nga afër Superiore, pas eksperiencës së shkurtër te Milani appeared first on Albeu.com.