Në këtë klimë tensioni të panevojshëm, Idrizi, ka reaguar gjatë një takimi me Shoqatën “Çamëria” në selinë e partisë së tij. Ai e konsideroi këtë valë përçarjeje si një shembull tipik të manipulimit të ndjeshmërive kombëtare për qëllime të ulëta, duke thënë se po shihte një zhurmë të madhe në rrjetet sociale, një përçarje të panevojshme, vetëm sepse një nga Shqipëria goditi një nga Kosova.

Më tej, ai theksoi se rrjetet sociale ishin mbushur me “idiotë të dobishëm që, ndoshta pa vetëdije, i shërbejnë interesave dashakeqe të Athinës dhe Beogradit.” Për Idrizin, rasti nuk është veçse një ngjarje banale televizive që nuk duhet të ketë asnjë ngarkesë kombëtare.

Duke theksuar rëndësinë e unitetit kombëtar përballë provokimeve të kota, Idrizi përmbylli deklaratën e tij me fjalë që u duartrokitën: “Sebepi më i vogël për të nxitur diferencat… Ato që na bashkojnë nuk janë të mëdha – janë gjithçka.” Një mesazh i qartë për të mos rënë pre e manipulimeve virtuale dhe për të mos lejuar që spektakli të zëvendësojë vëllazërinë.

The post Idrizi reagon për shuplakën që iu dha Gjestit në “Big Brother VIP Albania” appeared first on Albeu.com.

Në një emision televiziv, Idrizi u shpreh se djali i Belerit nuk duhet të merret me çështje të tilla si VorioEpiri, pasi nuk i bën nder.

Lidhur me kandidaturën e Partisë Socialiste për Himarën, Vangjel Tavon, Idrizi nënvizoi se e njeh këtë të fundit dhe se ka konsideratë për të.

The post A do ta votojë Vangjel Tavon për Himarën? Ja se si përgjigjet Shpëtim Idrizi appeared first on Albeu.com.

“Më kujtohet një plak i Kosovës kur po flisnim për masakrën e Reçakut, dhe kur e pyetën se kanë kaluar 25 vjet. Tha ‘Gjenocidi nuk ka moshë’. Prandaj jemi këtu për ta sfiduar derisa të kemi drejtësi. Prania jonë sot është respektimi dhe përkujtimi më i mirë që mund t’i bëjmë ndaj kësaj drame të madhe kombëtare. Sot është data 10 qershor dhe për ne është dita e Lidhjes së Prizrenit, ditë kur shqiptarët u bënë bashkë për të mos lejuar copëtimin e trojeve shqiptare nga fuqitë e huaja. Në Çamëri u krijua lidhja shqiptare e jugut, me Abdyl Frashërin dhe Abedin Bej Dinon, një figurë e jashtëzakonshme e beut të Prevezës, ish ministër i Jashtëm i Perandorisë Osmane, i thirrur në të gjithë negociatat për 30 vjet, nga 1878-1913, punoi dhe bëri gjithçka që të ndalonte copëtimin e Çamërisë. Në përkujtim të kësaj dite vendosëm që ky aktivitet, në parlamentin e Shqipërisë të na bashkojë bashkë, përfaqësues të politikës, akademikë për të ngritur zërin për një nga gjymtyrët e prera të kombit shqiptar, për Çamërinë.”, tha ai.

Idrizi thotë se me Çamërinë janë shkelur konventat ndërkombëtare.

“Dua t’ju rikujtoj edhe konventat ndërkombëtare që janë shkelur me masakrën dhe gjenocidin e Çamërisë. Konventa për parandalimin e krimeve të gjenocidit të viteve 1945, konventa për krimet e luftës në 1968 dhe konventa e shoqërisë demokratike sot, për mbrojtjen e të drejtave dhe lirive themelore të njeriut.  Çështja çame s’duhet të trembë askënd prej nesh. Është e drejta e jetës së mohuar, e drejta e pronës së tjetërsuar, dinjiteti njerëzor i masakruar. Ndaj ne sot duhet të jemi të vetmit që nuk mund të ndihemi as në faj dhe as të trembur sepse jemi në trojet dhe në të drejtën tonë kombëtare.”, tha mes të tjerash ai.

The post “Gjenocidi nuk njeh moshë”, Idrizi: Çështja çame s’duhet të trembë askënd, të luftojmë për të drejtat e mohuara appeared first on Albeu.com.

Në fjalën e tij, kryetari i PDIU‐së, Shpëtim Idrizi nuk mund të shmangte edhe aktualitetin politik në Kosovë duke paralelizuar përpjekjet e shqiptarëve të Çamërisë në mbrojtje të identitetit dhe kauzës kombëtare.

“Çështja kombëtare dhe politika e jashtme nuk është as shaka dhe as e qeverive apo kryeministrave po është e shtetit dhe nuk ndërron … Neve 12 vjet më parë kur bëhej Censusi, na thonin është fobi, që duan të nxjerr 300 mijë… Po tani ja ku e ke Bejlerin , me Kaukaz e me Helenizim; i akuzuar se i ka duart me gjak.

Albin, Kosova u bë e pavarur sepse kishte gjithë kombin me vete, kishte Amerikën, UÇK-n. Ata komandantët që i përbaltët pa fund mbahen aty dhe si mekanizëm për të lehtësuar atë që po ndodh në Kosovë, se duke përbaltur ata, përbaltet drejtësinë e luftës së UÇK-së.

A ka të drejtë Albini për godinat për sulmet e orkestruara të Beogradit ka 100 përqind të drejtë po dhe ne Çamët kemi 200 përqind të drejtë po kjo nuk mjafton – duhet kohezion i Brendshëm dhe mbështetje nga SHBA E BE”, theksoi në fjalën e tij Idrizi.

Kohezioni dhe dialogu mes vetë shqiptarërve është zgjidhja sipas Idrizit.

“Kryeministri i Kosovës për çështje me rëndësi të te sovranitetit dhe integritetit të Kosovës e që janë më të mëdha e më të rëndësishme se supet e tij , duhet në radhë të parë të dialogojë, të krijojë kohezion me forcat politike të Kosovës të takohet me homologët e vet të partive politike .

Albin Kurti duhet të konsultohet me Kryeministrin e Shqipërisë. Parlamnetet tona, komisionet e jashtme dhe të sigurisë duhet të flasin me një zë. Ndryshe pa kohezion e dialog midis nesh –

dhe duke vënë në pikëpyetje qoftë dhe vetëm për një moment raportet me SHBA DHE BE, ne i bëjmë një dëm të madh çështjes kombëtare Shqiptare. Kostot do t’i paguajnë të gjithë shqiptarët kudo. Edhe Çamëria kur të behet Çështje Kombëtare do të triumfojë. Ne duhet ta mbajmë gjallë.

Çamëve u duhet kohezion midis vete – kohezion me politikën shqiptare që është ende larg detyrimit të vet për Camërinë dhe sigurisht me lobim ndërkombëtar.

Por këto mos i prisni vetëm nga mua dhe PDIU, por si angazhim i të tërëve”, tha në fjalën e tij Shpëtim Idrizi.

Nga Varrezat Monumentale të Kllogjerit kryetari i Partisë për Drejtësi Integrim dhe Unitet përsëriti sërish thirrjen se në emër të gjenocidit dhe atyre viktimave të bërë kurban në emër të politikës së dikurshme greke, kërkohet ende pas 79 vitesh një falje publike dhe nëse vërtet jemi fqinj të mirë Ligji i Luftës nuk ka vend mes nesh.

The post Idrizi-Kurtit: Albini ka të drejtë për sulmet e orkestruara nga Beogradi, por duhet kohezion me BE-në dhe SHBA-të appeared first on Albeu.com.

I ftuar në Neës 24, Idrizi tha se BF duhet të kishte nxjerrë si kandidat për Tiranën, Ilir Alimehmeti, pasi ai mund të prekte pjesën gri të elektoratit që nuk doli në zgjedhje.

“Mënyra si u zhvillua fushata do na çonte drejt kësaj mospjesëmarrjeje. Gjuha e kryeministrit, për të stigamtizuar opozitën, donte të mobilizonte të vetët por në këtë grackë ra opozita.

Ata që duhet të bëjnë ndryshimin, pra zona gri nuk votoi fare. Fushata u zhvillua e tillë që të dy palët iu drejtuan vetëm militantëve.

Raporti i OSBE flet për ndërhyrjen e shtetit dhe blerjen e votës.

Duhet reflektim i thellë. Surprizë ishin Shkodra e Himara.

Sa i përket Tiranës, do dëshiroja kandidat të ishte Alimehmeti se mund të mobilizonte një pjesë tjetër të PD. Kishte një background të mirë jo një militant i PD, kishte bërë një PR të mirë gjatë pandemisë, na çonte përtej PD-së. Sa për militantët është më e madhe dhe e organizuar PS.

PD duhet të kuptonte që duhet të dilte përtej vetes me një kandidat që e çonte përtej militantizmit, që e çonte në zonën gri. Ai mund të katalizonte më mirë zonën gri. Dy kandidatë kryesorë i drejtoheshin më shumë njëri tjetrin, nuk pashë një projekt për Tiranën, një metropol, Tirana nuk është vetëm një konvikt dhe zona rezidencale”, tha ai.

The post Idrizi: PD duhet të kandidonte Alimehmetin në Tiranë, mund të mobilizonte pjesën gri appeared first on Albeu.com.

Duke mos iu shmangur debatit politik në vend, kreu i PDIU-së, Z. Shpëtim Idrizi, nga Fieri ka komentuar çështjen e numëruesit të katërt që edhe më herët ka përplasur Partinë e Lirisë dhe PDIU-në në Komisionin Qendror të Zgjedhjeve. Pas kontestimit, Idrizi ka këtë përgjigje:

“Dëgjova se LSI kishte bërë prapë një kontestim në Kolegjin Zgjedhor për punën e numëruesit. E kishin të paqartë se ku ka qenë PDIU në vitin 2017. Meqë nuk e kujtojnë ata, po ua rikujtoj unë. Në zgjedhjet e vitit 2017 ne pamë Partinë Demokratike me Partinë Socialiste që bënë një qerveri të përbashkët dhe PD mori gjashtë ministra. Ndërkohë LSI merrte Presidencën. Të vetmit që ishin në opozitë ishte Partia Drejtësi Integrim dhe Unitet. Dhe kjo është përgjigjja që unë kam për ta. Ju ishit në bashkëqeverisje PD-PS, LSI mori Presidentin, kurse PDIU-ja ishte dhe do të mbetet në opozitë me këdo që kërkon të sillet në këtë mënyrë”.

Nga Fieri, Idrizi ka theksuar edhe potencialin ekonomik të Qarkut të Fierit, i cili deri më tani nuk është shfrytëzuar sa duhet.

“Kur flitet për qytetin, flitet për pallatet, shtëpitë, kanalizimet ujësjellësin. Fieri është tjetër gjë, është një vend ku duhet integruar e gjithë ekonomia e këtij qarku. Ne dimë që kemi industri të naftës. Është qyteti që gjatë gjithë kohës ka pasur industri shumë të zhvilluar. Po kur po përmendja diku këtë gjë më thotë njëri “e për cfarë na u desh ndonjëherë nafta ne”? Në fakt, kishte të drejtë. Në një vend pasuri kaq të mëdha, llogarit që ne eksportojmë1.5 milionë tonë në vit dhe importojmë 0.6 milionë. Por nga krahu tjetër nuk po flas vetëm për Fierin, Shqipëria ka sot 2.6 milionë banorë, rreth 1.3 milionë janë jashtë, janë emigrantë. Ata kthejnë çdo vit në Shqipëri rreth 800 milionë euro deri në 1 miliardë. Është e pakuptueshme, sidomos në Fier, se si Shqipëria sot importon 1.5 miliardë euro çdo vit mallra ushqimore, fruta, zarzavate, domate, speca. Imagjinoni miqtë e mi? Eksportojmë 1.3 milion shqiptarë dhe importojmë me paratë që na sjellin ata, riblejmë prapë jashtë 1.5 miliardë euro në vit ushqime. Ku? Në një vend që e ka bekuar Zoti siç është Shqipëria dhe kjo është arsyeja pse ne duhet mendojmë për Shqipërinë që prodhon dhe ky është rasti i qarkut të Fierit”, tha Idrizi.

Edhe kryetari i PDIU-së në Fier, njëkohësisht edhe deputet në Parlamentin shqiptar, Nustret Avdulla e vuri theksin në njësitë ekonomike që mund ta zhvillojnë edhe më shumë qarkun e Fierit.

“Ndjej keqardhje kur e shoh Fierin në këtë gjendje, krahasuar me potencialet që ka ky qytet për të ecur më përpara. Ju kujtoj se krahas bujqësisë nëntoka e këtij qarku ka mbajtur për vite me radhë gati 150 mijë njerëz të punësuar në të. Po cfarë u bë me ta? Glabërimi i sektorëve strategjikë në koorporata dhe mbyllja e rafinerisë shkaktuan një kaos të vërtetë. Ku janë këta njerëz sot? Disa me një pension minimal, të tjeret kanë marr rrugët e botës dhe mbi të gjitha po humbet kualifikimi i arritur me shumë mund ndër vite. Dhe sot e kësaj dite shesim produktet tona më jetike. Naftëen bruto e falim dhe e marrim me një çmim shumë të shtrenjtë. I përmenda këto elementë për t’ju kujtuar në radhë të parë kandidatëve për kryetarë bashkie por edhe kandidatëve për anëtarë të këshillit bashkiak që prioriteti i tyre në 4 vite në parlamentin e qytetit tonë të jetë ekonomia”.

Edhe Ylvi Sylejmani, i pari në listën për këshilltarë në qarkun e Fierit e vuri theksin te elementet që mund të ndalojnë plagën e shoqërisë, atë të largimit të të rinjve.

“Fieri meriton më shumë rrugë, investime, mbështetje sociale, transparencë në shpenzimet e taksave tona. Ne kemi nevojë për mundësi punësimi dhe alternativa për të rinjtë, që rinia jonë të mos iki”, tha ai.

I pranishëm në takimin me elektoratin në Fier, ishte edhe deputeti tjetër i PDIU-së në Parlamentin Shqiptar, Gëzim Ademaj që theksoi çështja çame do të vazhdojë të jetë një nga prioritetet kryesore të PDIU-së, ndonëse shqiptarët e Çamërsië tanimë i gjen në listat e gjithë partive të tjera që në fokus as që e kanë çështjen çame.

Thirrjes për të punuar me moton “Veç një Atdhe” iu bashkuan edhe Brunilda Çami kandidate për këshilltare në bashkinë e Fierit, Zihni Musai si kandidat për këshilltar në Bashkinë e Patosit, Fiorentina Nurçe, nga lista e PDIU-së në bashkinë Lushnje si edhe kryetari Shoqatës Patriotike “Çamëria” dega Fier Ali Aliu.

The post Idrizi i përgjigjet kontestimit për numëruesin e katërt: Në 2017-ën PD e PS ishin në bashkëqeverisje appeared first on Albeu.com.

Gjatë takimit Idrizi prezantoi pikat e programit politik që i përbashkon në zgjedhjet lokale të 14 majit.

Ai theksoi se rëndësia e këtyre zgjedhjeve është jo vetëm te vendimmarrja, por edhe te përgjegjësia politike për llogaridhënie në parlamentet lokale ku do të ulen këshilltarët e zgjedhur përmes votës në 14 maj.

“Ne sot vazhdojmë i shohim qytetet si qendra banimi. Durrësi është një qendër e madhe ekonomike. Është vendi ku duhet të integrohen së bashku porti më i madh dhe turizmi. Po padyshim është edhe zona industriale, zona e banimit. Si duhet ta kthejmë në një zonë ekonomike që të furnizojmë me prodhime vendase të gjithë këtë treg të madh turizmi dhe biznesi. Unë dua t’ju ftoj që të mos kërkojmë ato që shajnë më shumë njëri-tjetrin, por ato që kanë një projekt integral për Durrësin jo vetëm si një vendbanim, por si një qendër e madhe ekonomike, e cila së bashku me Tiranën përbën 70% – 80% të të gjithë veprimtarisë ekonomike dhe të biznesit”, theksoi Idrizi.

Duke e konsideruar joetik debatin politik të kësaj fushate, kryetari i PDIU-së vuri theksin te nevoja për të ndihmuar demokracinë në vend dhe për të gjetur modelet që kemi humbur.

“Ligjet nuk bëhen në parlament për të majtë apo të djathtë, por për të gjithë shqiptarët dhe e kanë afatin edhe më shumë se një mandate parlamenti prej katër vjetësh. Prandaj ne duhet të jemi ata që transmetojmë kulturën, kompromisin, debatin dhe jo sherrnajën. Flasim për të ndihmuar demokracinë. Po mirë, media ka problemet e veta, po shoqëria civile? Po sindikatat ku janë në këtë vend? Po institucionet e pavarura ku janë? Po drejtësia dhe shumë institucione të tjera që të gjitha bashkë mbajnë ekuilibrat në një shoqëri të shëndësoshë? Nuk i kemi. Praktikisht sepse ne kemi humbur modelin e vlerave që fillon nga dashuria për atdheun, flamurin, kombin, Zotin. Na mungojnë modelet”, -tha Idrizi.

Ndaj edhe në kuadër të zgjedhjeve lokale të 14 majit sekretarja e përgjithshme e PDIU-së, Znj. Mesila Doda bëri thirrje që të gjithë të votojnë PDIU si forcën që në thelb ka atdheun.

“Të mësuar me politikën shqiptare ku vëmendja shkon te dinosauri, te të mëdhenjtë, ndonjëherë harrojmë se kush duhet të jetë pushteti i vërtetë në demokraci. Harrojmë se përveç qeverisë, ka edhe një parmalent, ku disa njerëz debatojnë dhe bëjnë ligje të cilat më pas aplikohen në jetën e qytetarëve. Kështu është edhe për këshillat bashkiakë, që janë parlamentet e qyteteve. Aty ku kalohen projekte të rëndësishme dhe ku nuk duhet të kalojnë ato projekte që dëmtojnë qytetin e që mund t’i shërbejnë një biznesi apo një tjetri. Planet dhe idetë që shpalosët këtu, sot, ju porosis t’i mbani si premtime dhe kredo politike.”

I pari në listën e këshilltarëve për bashkinë e Durrësit nga lista e PDIU, Florian Tahiri ishte i qartë me 12 pikat që propozoi përballë elektoratit.

“Do t’ju rendis 12 propozime, njëlloj si numri jonë këto zgjedhje, 12. E para është biblioteka e re, mungesë prej vitesh për qytetin e dytë më të rëndësishëm në vend. Sistemimi i Kodrës së Currilave; rrëshqitja e vazhdueshme e dherave dhe mugesa e gjelbërimit janë ato që nuk i shkojnë për shtat një qyteti turistik si Durrësi. Korsitë e biçikletave në rrugët kryesore të qytetit janë një tjetër shqetësim. Lobimi që vila e Zogut të kthehet në Monument Kulture, të restaurohet dhe t’i shtohet atraksioneve të këtij qyteti. Vendosja e kullave të vrojtimit, ruajtja dhe promovimi i artizanëve, një mensë sociale për të ushqyer nevojtarët, strehëz për qentë endacakë, krijimi i maratonës së Durrësit, restaurimi dhe promovimi i trashëgimisë kulturore, banesa sociale për çiftet e reja që të ndalojmë ikjen e rinisë dhe grante financimi për bizneset e vogla. Këto janë 12 pika propozime që ne kemi për këshillim bashkiak”.

Një tjetër zë i rëndësishëm në listën e Durrësit nga PDIU është edhe Zhaneta Saliu, kryetare e forumit të gruas e cila bëri thirrje për më shumë vëmendje ndaj biznesit taksapagues të rregullt që presin që kontributi i tyre të përkthehet në më shumë investim për qytetin e Durrësit.

The post Idrizi nga Durrësi: Votoni ata që kanë projekte për ju, jo ata që shajnë appeared first on Albeu.com.

Në postimin e tij në Facebook, Idizi shkruan se flamuri pas shpinës së bejlerit nuk simbolizon as flamurin shqiptar e as atë bizantin, por vetullat e Fredit.

“Shqiponja në flamur nuk simbolizon shqiponjën shqiptare, as shqiponjën bizantine. Shqiponja në këtë flamur simbolizon thjesht vetullat e Fredit.”, shkruan Idrizi, ndërsa pas tij është flamuri i Vorio-Epirit.

Kujtojmë që idrizi pak ditë më parë doli hapur kundër kandidaturës së opozitës për Bashkinë e Himarës, duke theksuar se Bejleri është një i dënuar me vendim Gjykate për masakrëne Peshkëpisë.

“PDIU nuk i ka bërë kurrë thirrje mbështetësve të një partie tjetër politike se si duhet të votojnë, por sot është koha t’i bëjmë thirrje shqiptarëve të mos votojnë Fredi Bejlerin, njeriun e akuzuar për masakrën e Peshkëpisë dhe i dënuar me vendimin e Gjykatës Vlorë, me nr 224/24.9 2004 dhe me numër 302/26.12.2006 me 3 vite burg për dhunim të simboleve shtetërore shqiptare.”, tha Idrizi më herët për Bejlerin.

/AlbEu.com/

The post Kandidati i opozitës me flamurin e Vorio-Epirit, Idrizi ironizon Bejlerin: Simbolizon vetullat e Fredit appeared first on Albeu.com.