Ndërsa moti në Britaninë e Madhe është i ftohtë, mendimi për pushimet e ardhshme mund të jetë joshës.

Sigurisht, ne të gjithë po ëndërrojmë për diell dhe rërë, por ajo që mund t’i largojë njerëzit nga udhëtimet janë çmimet e larta.

Një faqe e TikTok-ut, e njohur si @travel.cove me mijëra ndjekës, tha se mund të rezervoni pushimet më të mira edhe nëse keni një buxhet të limituar.

Në video, faqja zbulon Shqipërinë si vendin ideal për të udhëtuar – pasi turistët britanikë mund të përfitojnë nga fluturimet vajtje-ardhje për 24 paund dhe nga hotelet që kushtojnë vetëm 32 paund për natë.

Por, kjo nuk është e gjitha,  pasi shpenzimet atje janë gjithashtu të lira, me 1,90 paund ju mund të konsumoni një krikëll birrë dhe një vakt me vetëm 8 paund.

Sipas “Skycanner”, ju mund të bëni fluturime të lira dhe akomodoheni në hotele me çmime të përballueshme.

Nëse planifikoni të udhëtoni në dhjetor, fluturimi kushton vetëm 30 paund me hotele me katër yje të disponueshme për 25 paund.

Ndërkohë, ekspertët e udhëtimeve mendojnë se koha më e mirë për të udhëtuar në Shqipëri është nga prilli deri në fillim të qershorit – ku moti është i shkëlqyer për ecje dhe çiklizëm.

Por, ju ende mund ta vizitoni midis dhjetorit dhe shkurtit pasi mund t’i shpëtoni turmave të vizitorëve.

Destinacioni më popullor në Shqipëri është Tirana, kryeqyteti i cili njihet për restorantet dhe baret e shumta.

Ju do të paguani 2-5 dollarë për një pjatë në një restorant lokal ose tezgë ushqimi në rrugë, ndërsa ngrënia në një restorant i nivelit të mesëm mund të kushtojë midis 5-15 dollarë.

Nëse ju pëlqen një vakt pak më i shijshëm, ai mund të kushtojë më shumë se 20 dollarë.

Në përgjithësi, kur bëhet fjalë për pije, kafeja kushton më pak se 1 euro, dhe një krikëll birrë vendase rreth 2 dollarë.

Padyshim që, varet nga vendi ku shkoni, pasi diku tjetër këto mund të jenë edhe më lirë. Vlen të kujtojmë se monedha zyrtare e Shqipërisë është Leku, por shumica e bankave, supermarketeve dhe hoteleve pranojnë karta krediti dhe debiti.

“Albania Tour Guides”, sugjeron se vendi nuk është i shtrenjtë për t’u vizituar në krahasim me destinacionet e tjera evropiane.

Shqipëria është një perlë e fshehur e Evropës, e cila krenohet me plazhet e bukura dhe malet mbresëlënëse.

Shqipëria ka plazhe mahnitëse dhe Saranda është një qytet i bukur bregdetar për t’u vizituar falë afërsisë me Ksamilin, një nga plazhet më të mira të rajonit.

Ndërkohë, Mali i Dajtit është një tjetër vend i mrekullueshëm për adhuruesit e natyrës, i cili ndodhet jashtë Tiranës.

Ju mund të udhëtoni me një buxhet të kufizuar dhe të shijoni diellin e nevojshëm.

The post “The Mirror”: Shqipëria destinacioni më tërheqës për britanikët edhe në dimër appeared first on Albeu.com.

Hapat e parë në art, si sufler në teatër e më pas rolet një e nga një erdhën përmes zërit kumbues të aktorit Kadri Roshi që krijoi personazhe të paharrueshme në një Shqipëri të mbyllur bardhezi e brenda kuadrit.

Nga fëmijëria e varfër te madhështia në skenë dhe ekran, jeta e Kadri Roshit u soll e plotë në një sallë teatri të tejmbushur ku publiku qëndroi në këmbë ndërsa artistë të njohur e politikanë nderuan kujtimin e veprën e tij.

Vepra artistike e Kadri Roshit, konsiderohet si monument kulture nëpërmjet një dokumentari realizuar për të si dhe Promovimi i librit “Në jetët e të tjerëve” ku personalitete të artit, medias dhe politikës shqiptare kanë ndarë në këtë botim kujtimet e tyre personale me Kadri Roshin.

The post 100 vjetori i mjeshtrit të skenës dhe kinemasë, Kadri Roshi/ I biri i kushton një poezi appeared first on Albeu.com.

Afshin është njeriu i katërt më i shkurtër i verifikuar ndonjëherë nga Rekordet Botërore Guinness. Ai u dërgua në zyrën në Dubai, ku matjet u morën tre herë gjatë 24 orëve, duke rezultuar në lartësinë e saktë rekord.
Afshin u zbulua në një fshat të largët që ndodhet në Qarkun Bukan, Provinca e Azerbajxhanit Perëndimor, Iran. Ai mund të flasë kurdisht ashtu edhe persisht, duke përdorur dialektin farsi. Ai lindi me një peshë trupore prej 700 g dhe tani është rritur në pothuajse 6.5 kg.

Jeta e Afshinit në Iranin verior nuk ka qenë e lehtë. Në pamundësi për të ndjekur shkollën për shkak të madhësisë së tij, ai është i kënaqur që kohët e fundit ka mësuar të shkruajë emrin e tij.

Shtëpia në të cilën jeton Afshin është modeste dhe megjithëse familja e tij punon shumë, ndonjëherë ata luftojnë për të siguruar mjaftueshëm shpenzimet e tij të jetesës, mjekimin dhe trajtimin.

The post 20-vjeçari iranian konfirmohet si njeriu më i shkurtër në botë appeared first on Albeu.com.