Paraprakisht bëhet me dije se kemi të bëjmë me të dhënat e sistemit MEMEX të Policisë së Shtetit.

Janë dhjetëra dokumente me emra dhe foto shqiptarët, ku në fund të çdo faqe të secilit dokument shkruhet “Albanian suspects”. Pra, “shqiptarët e dyshuar”.

Ndërkohë albeu.com ka arritur të sigurojë një foto të biznesmenit të shumëkërkuar nga SAPK, Ervis Martinaj.

Nisur nga pamja dhe tiparet, krahasuar me fotot e fundit të “mbretit të kumarit”, bëhet fjalë për një imazh të viteve më parë, kur Ervis Martinaj është skeduar për herë të parë nga Policia.

Në dhjetëra dokumentet e publikuara sot nga hakerat, ka mijëra emra të personave të skeduar nga Policia shqiptare për vepra të ndryshme të kundërligjshme. Ish-kryeministri Sali Berisha është shprehur se të dhënat lidhen pikërisht me sistemin MEMEX, me 105 mijë emra të skeduar.

Kujtojmë se Martinaj rezulton i zhdukur prej 2 muajsh dhe ende nuk ka asnjë gjurmë të tij. Policia po heton në dy pista kryesore, atë të eliminimit të tij dhe në atë të një inskenimi të mundshëm./albeu.com/

The post Hakerat e nxjerrin “zbuluar”, publikohet fotografia e Ervis Martinaj nga skedarët e policisë, çfarë bie në sy appeared first on Albeu.com.