i dyshuari Archives - Albeu.com

Një i arrestuar për atentatin ndaj Elis Rroshkodolit në Shkodër, dyshohet se ndihmoi autorin

V K — Fri, 06 Sep 2024 09:28:45 +0000

Policia e Shkodrës, bën me dije se një person është arrestuar në lidhje me vrasjen e Elis Rroshkodolit, ngjarje e ndodhur pak ditë më parë. I arrestuari i cili identifikohet me nicialet Xh.M, mësohet se ka ndihmuar autorin dhe nuk dyshohet se është ai ekzekutuesi. Mësohet se mbrëmjen e djeshme, janë shoqëruar në lidhje me [...]

U gjet e pajetë në autostradë, arrestohet i dyshuari për vdekjen e 23-vjeçares

V K — Thu, 18 Apr 2024 07:11:16 +0000

Një 23-vjeçare ukrainase, e quajtur Olena Kozij, u gjet e vdekur nga Policia e Kosovës, më 21 shkurt të këtij viti në autostradën “Arbën Xhaferi”.

Mësohet se lidhur me rastin, është arrestuar një person i dyshuar.

Burime nga Policia, thonë se i arrestuari dyshohet se ka qenë në veturë me viktimën, ndërsa pas një mosmarrëveshje që është zhvilluar mes tyre, shtetasja ukrainase ka dalë nga vetura dhe dyshohet se ajo më pas është goditur nga një veturë tjetër në autostradën Ferizaj – Prishtinë.

Sipas KALLXO.com , mësohet se rasti është duke u hetuar nga Njësiti i Autostradave i Policisë së Kosovës, i cili po përpiqet të identifikojë automjetin i cili viktimës i ka shkaktuar lëndime vdekjeprurëse.

E ndjera në tetor të vitit 2023, kishte ardhur në Kosovë dhe kishte kërkuar azil në Departamentin për Shtetësi, Azil dhe Migrim.

Arsyeja e ardhjes në Kosovë, sipas burimeve, ishte lufta që po zhvillohej në Ukrainë. Viktima kishte ardhur e vetme, pa qenë e shoqëruar nga ndonjë familjar.

The post U gjet e pajetë në autostradë, arrestohet i dyshuari për vdekjen e 23-vjeçares appeared first on Albeu.com.

I dyshuari për të shtënat në SHBA përballet me 7 akuza për vrasje

E B — Wed, 06 Jul 2022 06:52:15 +0000

Personi i akuzuar për të shtënat më 4 korrik në afërsi të Çikagos është akuzuar për shtatë vrasje, thanë zyrtarët amerikanë.

Robert Crimo, 21 vjeç, do të ndëshkohet “për vrasjet kundër komunitetit tonë”, tha prokurori Eric Rienhart.

Sulmi në Higland Park, ku po mbahej një paradë për Ditën e Pavarësisë së Shteteve të Bashkuara, la të vdekur shtatë persona dhe mbi 30 të plagosur.

Rinehart shtoi se dhjetëra akuza të tjera do të ngrehen para se të përfundojë hetimi për këtë ngjarje.

“Këto janë akuzat e para të shumë akuzave që do të ngrehen kundë Crimo”, tha ai.

“Dua ta theksoj këtë, do të ketë më shumë akuza”, shtoi prokurori Rinehart.

I dyshuari po akuzohet se ka qëlluar 70 plumba të një pushke të fuqishme drejt turmës dhe për maskim si grua në mënyrë që të mund të ikte nga vendi i ngjarjes së bashku me turmën.

Pas tetë orësh ndjekjeje më 4 korrik, policia arrestoi Crimon dhe atij më pas iu gjet edhe një pushkë tjetër, e ngjashme me atë që kishte përdorur për ta kryer sulmin. Ndërkaq, edhe tri armë të tjera zjarri iu gjetën në shtëpi.

Policia amerikane ka thënë se beson se i dyshuari kishte pasur dy kontakte të mëhershme me forcat e zbatimit të ligjit, por megjithatë kishte qenë në gjendje që të blinte pesë armë gjatë vitit të kaluar.

Në prill të vitit 2019, policia ishte thirrur në shtëpinë e tij pas supozimeve se ai kishte tentuar që ta vriste veten. Ndërkaq, në shtator të po atij viti, policia ishte thirrur nga një familjar i tij, i cili ka thënë se Crimo kishte kërcënuar se do të “vriste të gjithë”. Në atë rast, policia kishte konfiskuar 16 thika dhe një shpatë në shtëpinë e Crimos.

Crimo do të dalë para gjykatës të mërkurën për vrasjen e shtatë personave më 4 korrik.

SHBA-ja viteve të fundit po përballet vazhdimisht me të shtëna masive./rel

The post I dyshuari për të shtënat në SHBA përballet me 7 akuza për vrasje appeared first on Albeu.com.