Artisti, emri i vërtetë i të cilit është David Anthony Burke, u paraqit këtë të martë për herë të parë në gjykatë në Los Anxhelos, ku avokatët e tij dhanë deklarimin e pafajësisë në emër të tij.

Celeste Rivas Hernandez u zhduk në prill të vitit 2025 pasi kishte vizituar shtëpinë e këngëtarit në zonën e Hollyëood Hills.

Sipas prokurorisë, vajza nuk u pa më kurrë e gjallë pas asaj nate.

Mbetjet e saj të dekompozuara u zbuluan në shtator të po atij viti, në bagazhin e përparmë të një automjeti Tesla të regjistruar në adresën e Burke në Teksas.

Prokurori i qarkut të Los Anxhelosit, Nathan Hochman, deklaroi se ndaj këngëtarit janë ngritur tre akuza: vrasje në rrethana cilësuese, vrasje për përfitim financiar dhe eliminim i një dëshmitari.

Sipas tij, viktima mund të ketë qenë dëshmitare në një hetim që lidhej me sjellje të papërshtatshme seksuale të artistit.

Prokuroria pretendon se motivi i krimit lidhej me ruajtjen e karrierës së suksesshme muzikore të Burke, të cilën viktima dyshohet se po e kërcënonte.

Gjithashtu, dokumentet gjyqësore përshkruajnë detaje tronditëse, përfshirë copëtimin e trupit të 14 vjeçares.

Familja e saj ka deklaruar se është e vendosur të kërkojë drejtësi dhe të ruajë kujtimin e vajzës së tyre.

Nëse shpallet fajtor, Burke mund të përballet edhe me dënim me vdekje.

The post FAKTET FLASIN, I DYSHUARI JO! Artisti mohon David Anthony Burke akuzat për 14-vjeçaren appeared first on Albeu.com.

Në njoftimin e Policisë së Kosovës thuhet se i arrestuari dyshohet se ka kryer krime kundër popullatës civile në Kosovë në periudhën 1998-1999 në fshatin Gurakoc të Istogut.

Detaje të tjera për këtë rast nuk bëhen të ditura në njoftimin e policisë.

Megjithatë, Zyra për Kosovën në Qeverinë e Serbisë tha se bëhet fjalë për Çasllav Jolliq, 54 vjeç. Sipas kësaj zyreje, Jolliq është banor i Serbisë dhe për 23 vjet rregullisht kishte udhëtuar për në Kosovë dhe asnjëherë nuk kishte pasur probleme.

“Ai ka shkuar atje për të kryer detyrua të caktuara për seancën dëgjimore pas vdekjes së babit të tij dhe është arrestuar në bazë të aktakuzës së fundit. Ky rast vazhdon praktikën e aktakuzave të ngritura nga Prishtina kundër serbëve nga Kosova, që në këtë mënyrë t’i pengojë të kthehen në shtëpitë e tyre apo të kërkojnë të drejtat e tyre”, tha Zyra për Kosovën.

Në njoftimin e Zyrës për Kosovën në Qeverinë serbe po ashtu u tha se të arrestuarit i është ofruar mbrojtje ligjore dhe përfaqësuesit ndërkombëtar janë informuar për rastin./albeu.com

The post I dyshuar për krime lufte, policia e Kosovës arreston një serb appeared first on Albeu.com.

SPAK regjistroi procedimin penal në vitin 2019 dhe sot njoftoi se në përfundim të hetimeve të këtij procedimi penal është dërguar për gjykim i pandehuri Bijan Pooladrag.

“Prokuroria e Posaçme Kundër Korrupsionit dhe Krimit të Organizuar ka regjistruar procedimin penal nr.196 të vitit 2019, për veprat penale “Vepra me qëllime Terroriste”, “Organizata Terroriste”, “Pjesëmarrja në veprime luftarake në një shtet të huaj” dhe “Organizimi për pjesëmarrje në veprime luftarake në një shtet të huaj”, të parashikuara nga nenet 230/a, 234/a , 265/a dhe 265/b të Kodit Penal.

Në përfundim të hetimeve të këtij procedimi penal është dërguar për gjykim i pandehuri Bijan Pooladrag (shtetas nga Irani), pasi akuzohet se ka konsumuar elementet e veprave penale, “Kryerja e sherbimeve dhe veprimeve me persona të shpallur”, “Organizata Terroriste”, “Përgjimi i paligjshëm i të dhënave kompjuterike”, “Ndërhyrja në të dhënat kompjuterike”, “Ndërhyrja në sistemet kompjuterike”, “Keqpërdorimi i pajisjeve”, parashikuar nga nenet 230/ç ,234/a/2, 293/a/1, 293/b/1, 293/c/1 dhe 293/ç të Kodit Penal’, thuhet në njoftimin e prokurosisë.

The post I dyshuar si spiun, SPAK kalon për gjykim dosjen e iranianit appeared first on Albeu.com.