Njoftimi i Plotë:

Tiranë

Policia Rrugore e Tiranës vijon kontrollet e dedikuara për evidentimin dhe ndëshkimin e shkelësve të rregullave të qarkullimit që janë rrezik potencial për përfshirje në ngjarje rrugore.

Si rezultat i kontrolleve të dedikuara, u evidentua dhe u godit edhe 1 tjetër rast i drejtimit të automjetit, nën efektin e lëndëve narkotike, duke e çuar kështu në 25 numrin e drejtuesve të mjeteve që kanë rezultuar nën efektin e drogave, pas testimit me aparatin AquilaScan.

Në bulevardin “Bajram Curri”, shërbimet e Policisë kanë ndaluar mjetin me drejtues shtetasin E. S., 24 vjeç, i cili pas testimit me aparatin AquilaScan, ka rezultuar se drejtonte mjetin, nën efektin e lëndëve narkotike.

Në vijim të veprimeve u bë arrestimi në flagrancë i tij, për veprën penale “Drejtimi i automjeteve në mënyrë të parregullt”.

Policia Rrugore e Tiranës apelon për zbatim me rigorozitet të rregullave të qarkullimit rrugor dhe fton qytetarët që të denoncojnë në Komisariatin Dixhital dhe në numrin pa pagesë 112, çdo rast të shkeljes së rregullave të qarkullimit rrugor.

The post Drejtonte makinën nën efektin e drogës, policia arreston 24 vjeçarin në Tiranë appeared first on Albeu.com.

Së fundmi në një intervistë për “Ora Verore”, Erikut i është bërë një lojë e vogël nga gazetari, Ronaldo Sharka.

Për të parë reagimin e Erikut, gazetari e ka pyetur atë për disa “lajme” që po qarkullojnë së fundmi në rrjetet sociale ku këngëtari lakohet se ka konsumuar lëndë narkotike.

E duke qenë se ai nuk e ka bërë një gjë të tillë kjo shaka është pritur me mjaft sportivitet nga vetë ai.

Gazetari: A i ke parë lajmet që kanë plasur sot në portale për ty? Erik Lloshi këngëtari i njohur shqiptar fotografohet duke konsumuar lëndë narkotike në gjendje të degraduar?

Erik Lloshi: Jo nuk i kam lexuar portalet

Gazetari: Ishin me fakte, me foto

Erik Lloshi: Me fakte? Po mirë nëqoftëse e kam bërë le të dalin

Gjithashtu, ndër të tjera Eriku nuk qëndroi pa hedhur dhe disa thumba mbi kolegët e tij të cilët sapo publikojnë një projekt të ri muzikor hedhin 10 mijë euro për të marrë sa më shumë klikime.

“Nuk e ke vënë rë se ka dalë Don Xhoni e me rradhë që hedhin nga 10 mijë euro. Ka shumë artistë që hedhin 10 mijë euro sponsorizime për të marrë sa më shumë klikime”, tha Eriku.

The post Në gjendje të degraduar fotografohet duke konsumuar lëndë narkotike”, si reagon Erik Lloshi pas situatës së sikletshme appeared first on Albeu.com.