Sipas uniformave blu, 59-vjeçari është dënuar me burgim të përjetshëm, ndërsa motivi i ngjarjes ka qenë se xhaxhai i të miturit, i ka vrarë vëllanë dhe ishte arratisur nga IEVP-ja.
Ky shtetas fshihej në Greqi duke përdorur një identitet shqiptar fals.

Njoftimi i policisë:
Kjo fazë e operacionit, rezultat i bashkëpunimit disavjeçar ndërmjet Departamentit për Marrëdhëniet Ndërkombëtare të DPPSh-së, Interpol Tiranës, Oficerit Ndërlidhës të Policisë shqiptare në Athinë, Sektorit të Identifikimit dhe Krahasimit të fytyrës (Facial Recognition) dhe Interpol Athinës.
Kapet në Greqi, një shtetas i dënuar me burgim të përjetshëm, për vrasjen e një 9-vjeçari, në muajin mars, 1997, me motivin se xhaxhai i të miturit i kishte vrarë vëllanë dhe ishte arratisur nga IEVP-ja.
Ky shtetas fshihej në Greqi, duke përdorur një identitet shqiptar fals.
Në kuadër të kësaj faze të operacionit ndërkombëtar “The wanted”, koordinimi operacional i realizuar nëpërmjet Oficerit Ndërlidhës të Policisë shqiptare në Athinë, shkëmbimi intensiv i informacionit ndërmjet Interpol Tiranës dhe Interpol Athinës dhe verifikimet disavjeçare, mundësuan lokalizimin, kapjen dhe arrestimin me qëllim ekstradimin në Shqipëri, të shtetasit të shpallur në kërkim ndërkombëtar:
-Kostandin Nishku alias Baki Duzha alias H. V., 59 vjeç, lindur në Gramsh.
59-vjeçari, i cili është dënuar në vitin 1998, me burgim të përjetshëm, për veprën penale “Vrasja për shkak të cilësive të veçanta”, iu fshihej autoriteteve, në Greqi, ku përdorte një identitet shqiptar të falsifikuar (H. V.).
Në muajin mars, 1997, shtetasi Kostandin Nishku alias Baki Duzha alias H. V. dhe shtetasi R. K., kanë shkuar të armatosur, në shtëpinë e shtetasit K. B., dhe kanë kërkuar vëllanë e këtij të fundit, shtetasin V. B., i cili ishte arratisur nga IEVP ku vuante dënimin për vrasjen e vëllait të shtetasit Kostandin Nishku alias Baki Duzha alias H. V., në vitin 1993. Pasi shtetasi K. B. dhe familjarët e tij nuk i janë përgjigjur kërkesës së 59-vjeçarit, mbi vendndodhjen e shtetasit V. B., shtetasi Kostandin Nishku alias Baki Duzha alias H. V. ka vrarë me armë zjarri, djalin 9 vjeç të shtetasit K. B..
Identifikimi i këtij shtetasi është bërë i mundur si rezultat i krahasimit të fotografisë së tij, në vitin 1997 dhe fotografisë në pasaportën false të marrë në vitin 2013.
Bashkëpunimi ndërmjet strukturave homologe të INTERPOL-it vijon, për të finalizuar procedurën për ekstradimin e këtij shtetasi, në Shqipëri.

The post I dënuar me burgim të përjetshëm për vrasjen e një 9-vjeçari në 1997, arrestohet 59-vjeçari. Fshihej në Greqi appeared first on Albeu.com.

Helshani u gjet pa ndjenja nga bashkëvuajtësit e tij, ndërsa po lahej në dush. Pavarësisht ndërhyrjes së menjëhershme të mjekut të institucionit, i cili e shoqëroi drejt spitalit, Helshani ndërroi jetë në orën 09:15 në Spitalin e Rrogozhinës.

Helshani trajtohej për hipertension dhe nivele të larta të yndyrave në gjak gjatë qëndrimit në IEVP Rrogozhinë. Ai ishte i dënuar me 4 vite e 8 muaj heqje lirie, për prodhim të lëndëve narkotike.

Ngjarja po hetohet dhe janë ndjekur të gjitha procedurat e nevojshme. Janë njoftuar menjëherë Shërbimi i Kontrollit të Brendshëm në Burgje (SHKBSB), Komisariati i Policisë Rrogozhinë, Prokuroria, dhe familjarët e të ndjerit.

Drejtoria e Përgjithshme e Burgjeve, shpreh ngushëllimet e saj më të sinqerta familjes së të ndjerit.

The post U gjet pa ndjenja në dushin e burgut, i dënuari ndërron jetë në Spitalin e Rrogozhinës (EMRI) appeared first on Albeu.com.

Gjatë kontrollit nga forcat policore ka rezultuar se 30-vjeçari shqiptar ishte i dënuar nga drejtësia helene me 5 vite burg për ‘bashkëpunim të thjeshtë në grabitje”.

Ndërkohë që në Kordfhelio të Selanikut ëhstë arrestuar një tjetër shqiptar. Sipas mediave policia greke ka tentuar të ndalojë një automjet ku ndodheshin dy persona.

Mjeti ka shtuar shpejtësinë dhe ka kryer manovra të rrezikshme. Gjatë ndjekjes nga xhami u automjetit është hedhur një armë zjarri pistoletë me 4 fishekë.

Pasi është ndaluar mjeti, janë vënë në pranga dy personat që ndodheshin në të, një shqiptar 33 vjeç dhe një grek 37 vjeç. Nga verifikimi rezultoi se shqiptari ndodhej në mënyrë të paligjshme në Greqi.

The post I dënuar nga drejtësia helene me 5 vite burg, arrestohet në kufi 30-vjeçari shqiptar appeared first on Albeu.com.

Finalizohet si rezultat i shkëmbimit ndërkombëtar të inteligjencës policore, operacioni i koduar “Suporti”, për kapjen e një shtetasi të dënuar me burgim të përjetshëm.

Kapet në Republikën e Koresë dhe vihet në pranga një 50-vjeçar i dënuar me burgim të përjetshëm, për vepra të rënda penale kundër personit.

Në kuadër të operacionit “INFRA ATLAS” dhe si rezultat i shkëmbimit të inteligjencës policore, ndërmjet Drejtorisë së Interpolit, Interpol Seulit dhe Sekretariatit të Përgjithshëm të Interpolit (Sektori Fugitives Investigative Support (FIS)), u finalizua operacioni policor i koduar “Suporti”, gjatë të cilit u bë i mundur lokalizimi dhe arrestimi provizor, me qëllim ekstradimin, i shtetasit Ervin Shahini, 50 vjeç.

Ky shtetas ishte shpallur në kërkim ndërkombëtar, pasi Gjykata e Apelit, Tiranë, e ka dënuar me burgim të përjetshëm për veprat penale “Vjedhja me dhunë me pasojë vdekjen”, “Vjedhja me dhunë”, kryer në bashkëpunim dhe “Largimi i të burgosurit nga vendi i qëndrimit”.

Historik i shkurtër i ngjarjeve kriminale:

Ky shtetas, në kohë të ndryshme të vitit 1995, duke përdorur armë të ftohta (thika), ka vrarë dhe plagosur shtetas që punonin taksistë.

Pasi i faturonte si taksi, për të shkuar në destinacionet e kërkuara, ky shtetas i godiste drejtuesit e automjeteve, me thikë, iu merrte automjetet dhe largohej nga vendi i ngjarjes. Të njëjtin mekanizëm ka përdorur në të gjitha ngjarjet, konkretisht:
– më datë 15.05.1995, në bashkëpunim me shtetasit A. M. dhe N. K., plagosi me thikë shtetasit P. B. dhe A. A.
– më datë 10.07.1995, plagosi me thikë shtetasin S.H.;
– më datë 27.08.1995, vrau shtetasin Xh. A.;
– më datë 27.10.1995, plagosi me thikë shtetasin I. I.;

Gjatë trazirave të muajit mars të vitit 1997, ky shtetas është arratisur dhe është larguar në mënyrë të kundërligjshme, jashtë Shqipërisë.

Drejtoria e Interpolit, që prej vitit 2015, ka shkëmbyer korrespondenca të shumëfishta me zyrat homologe dhe me agjenci të tjera ligjzbatuese, me qëllim lokalizimin dhe më pas arrestimin provizor të këtij shtetasi, për ta ekstraduar në vendin tonë.

Së fundi, është siguruar informacion se ky shtetas strehohej në Republikën e Koresë.

Nga informacionet dhe verifikimet rezultoi se shtetasi Ervin Shahini përdorte identitetin e një shtetasi tjetër shqiptar, për t’iu shmangur arrestimit.

Interpol Tirana, në bashkëpunim me agjencitë ligjzbatuese dhe me Interpol Seulin, vijojnë punën për ekstradimin e këtij shtetasi, në Shqipëri.

The post I dënuar me burgim të përjetshëm/ Kapet në Kore krimineli shqiptar, u arratis gjatë vitit 1997 (Emri) appeared first on Albeu.com.

Karabinierët e Pozzallos kanë arrestuar 59 vjeçarin shqiptar pas një urdhër arresti të lëshuar nga Prokuroria e Monzës.

Ndaj tij kishte një dënim në fuqi me 3 vjet e 11 muaj dhe për trafik droge dhe evazion fiskal, ngjarje të ndodhura në vitin 2014. Mësohet se ndalimi i shqiptarit është bërë në portin e qytetit bregdetar dhe më pas ai është transferuar në burgun e Raguzës.

The post I dënuar me 3 vjet e 11 muaj burg për trafik droge, kapet shqiptari i kërkuar në Itali appeared first on Albeu.com.

Sipas informacioneve nga burgu i Drenovës i dënuari  me 10 vite burg Llazar Dine, dyshohet në gjendje të rënduar psikologjike, dhe në gjendje të dehur, ka debatuar verbalisht me të burgosur të tjerë.

Pas debatit me ta, ai ka tentuar të dëmtohet në qafë, me mjet mprehës të improvizuar, veprim ky para kamerave të institucionit.

Aty është pikasur nga forcat e policisë, të cilët e kanë futur në izolim, ku edhe aty ka thyer xhamat.

Ndërkohë, nën masa ekstreme ai vijon të mbahet në izolim.

The post EMRI/ I dënuar me 10 vite, i burgosuri në Drenovë tenton të dëmtojë veten, policia e vendos në izolim appeared first on Albeu.com.

Carl Wayne Buntion, 78 vjeç, vrau një oficer policie 37 vjeç në vitin 1990.

Buntion u dënua me vdekje për vrasje në vitin 1991, ndërsa tre dekadat e fundit ai i ka kaluar në burg.

Të premten, më 15 prill, një gjykatës federal refuzoi përpjekjet e avokatëve të Buntion për të ndaluar ekzekutimin me arsyetimin se dënimi është “mizor dhe i pazakontë”.

Sipas mediave të huaja, Buntion i cili është i lidhur në një karrige me rrota, tashmë vuan nga probleme të shumta shëndetësore, duke përfshirë hepatitin C, cirrozën dhe sëmundje kronike të mëlçisë.

Një apel i refuzuar i paraqitur nga avokatët e Buntion në tetor të vitit 2021 argumentoi:

Z. Buntion është një burrë i dobët, i moshuar që kërkon kujdes të specializuar për të kryer funksionet bazë. Gjatë 31 viteve që ai ka qenë i burgosur me dënim me vdekje, ai ka kryer vetëm tre shkelje disiplinore, ndërsa nuk ka bërë asnjë shkelje njëzet e tre vitet e fundit./albeu.com

The post Tre dekada pritje, vendoset ekzekutimi i njeriut më të vjetër në botë appeared first on Albeu.com.

Materialet iu referuan Prokurorisë së Rrethit Gjyqësor Korçë, për veprën penale “Falsifikimi i letërnjoftimeve, pasaportave ose vizave”.

“Paraqiti pasaportë të dyshuar si të falsifikuar në kufi, arrestohet në flagrancë 45-vjeçari me precedent të mëparshëm penal në fushën e krimeve kundër jetës. Nga shërbimet e Pikës së Kalimit Kufitar Kapshticë në bashkëpunim me specialistët për Hetimin e Krimit Ekonomik-Financiar në DVP Korçë, është arrestuar në flagrancë shtetasi B. Ç., 45 vjeç, banues në Tiranë (i dënuar më parë për veprën penale “Vrasja me paramendim”).

Ky shtetas është paraqitur në hyrje të Pikës së Kalimit Kufitar Kapshticë, me një pasaportë në emrin e një shtetasi tjetër, e dyshuar si e falsifikuar, e cila iu sekuestrua në cilësinë e provës materiale. Materialet iu referuan Prokurorisë së Rrethit Gjyqësor Korçë, për veprën penale “Falsifikimi i letërnjoftimeve, pasaportave ose vizave”, njofton policia.

The post I dënuar për vrasje, kapet në Kapshticë 45 vjeçari me pasaportë false appeared first on Albeu.com.

Mësohet se Gjykata e Elbasanit ka marrë vendimin për shtimin e këtij dënimi për Leskajn, disa muaj pasi i është gjetur celulari në qeli.

Leskaj, ish-anëtar i bandës së “Gaxhait” në Vlorë, është zbuluar se komunikonte me një vajzë me inicialet E.Gj, e cila kohët e fundit kishte shfaqur shqetësime, duke mos pranuar të bisedonte më me të, për arsye që ende nuk dihen. Vajza ka vendosur ta denoncojë Leskajn, duke qenë se ky i fundit vijonte ta telefononte dhe t’i shkruante.

Policia e burgjeve ka kryer verifikime dhe ka dalë në përfundimin se personi që e shqetësonte ishte pikërisht Leskaj. Pas kontrolleve të vazhdueshme në qelinë e tij, është gjetur dhe aparati celular i llojit “Samsung”, që tashmë është në duart e autoriteteve. Mesazhet dhe thirrjet telefonike u bënë pjesë e dosjes hetimore që sollën dënimin e Leskajn.

The post E pëson i dënuari me 25 vite burg, e reja i zbulon celularin e fshehtë brenda qelisë appeared first on Albeu.com.

46 vjeçari ishte shpallur në kërkim pasi Gjykata e Firences/ Itali e ka dënuar me 11 vite e 7 muaj burgim, për veprat penale “Trafikimi i lëndëve narkotike”, “Pjesëmarrje në grup kriminal “, “Plagosja”, “Rrëmbim personi” dhe “Kundërshtim i punonjësit të Policisë “. 46- vjeçari pritet që të ekstradohet në Itali.

“Vijojnë operacionet nga Policia e Lezhës, për kapjen e personave të shpallur në kërkim ndërkombëtar.Vihet në pranga një shtetas shqiptar i shpallur në kërkim ndërkombëtar, i dënuar nga autoritetet italiane me 11 vite e 7 muaj burgim, për disa vepra penale. Arrestimi provizor i tij u bë në bashkëpunim me Interpol Tirana, me qëllim ekstradimi drejt Italisë.Strukturat e Drejtorisë Vendore të Policisë Lezhë, në bashkëpunim dhe me Interpol Tirana, në vijim të punës për kapjen e personave të shpallur në kërkim ndërkombëtar, në bazë të informacioneve të siguruara në rrugë policore, kanë bërë të mundur lokalizimin, kapjen dhe arrestimin provizor, me qëllim ekstradimin drejt Italisë, të shtetasit:Ermir Lekstakaj, 46 vjeç, banues në fshatin Balldre, Lezhë. Ky shtetas ishte shpallur në kërkim ndërkombëtar nga Interpol Roma, pasi Gjykata e Firences/ Itali e ka dënuar me 11 vite e 7 muaj burgim, për veprat penale “Trafikimi i lëndëve narkotike”, “Pjesëmarrje në grup kriminal “, “Plagosja”, “Rrëmbim personi” dhe “Kundërshtim i punonjësit të Policisë ” parashikuar nga Kodi Penal italian.  Interpol Tirana, në bashkëpunim me Interpol Romën, vijon procedurat për ekstradimin e këtij shtetasi drejt Italisë”, njofton Policia.

The post I dënuar me 11 vite burg në Itali, kapet në Leshë shqiptari me rezikshmëri të lartë appeared first on Albeu.com.