i denuar per vrasje Archives - Albeu.com

I dënuar për vrasje, arrestohet shqiptari në Greqi

Erv Isa — Tue, 11 Jul 2023 06:41:22 +0000

Një 35-vjeçar shqiptar është arrestuar në Greqi, pasi rezulton të jetë i dënuar për vrasje.

35-vjeçari i cili u arrestua në ishullin e Zakynthos ishte dënuar 8 vjet e 6 muaj burg, ndërkohë që gjatë arrestimit ai u kap me një pistoletë, fishekë dhe një thikë.

Përveç shqiptarit, policia arrestoi dhe tre persona të tjerë që ishin me të, një 36-vjeçar dhe dy vajza të moshës 23 dhe 26 vjeç të cilët akuzohen për trafik droge, raportojnë mediet greke.

Në operacionin treditor të organizuar nga Sigurimi i Atikës, nga e premtja e kaluar deri të dielën, me pjesëmarrjen e punonjësve të policisë së Prokurorisë së Narkotikëve, Departamentit të Zhvatjes, Departamentit të Vrasjeve, OPKE, si dhe autoriteteve lokale të policisë, janë kryer 43 kontrolle. Gjatë aksionit në fjalë janë sekuestruar sasi të drogave të ndryshme, armë, municione e para, që ishin siguruar nga aktiviteti i paligjshëm./albeu.com/

The post I dënuar për vrasje, arrestohet shqiptari në Greqi appeared first on Albeu.com.

EMRI/ I dënuar dy herë për ekzekutim dhe vrasje në tentativë, arresohet “i forti” nga Fieri

E B — Thu, 05 Jan 2023 07:54:52 +0000

Policia ka vënë në pranga një 49-vjeçaar me rrezikshmëri të lartë shoqërore, Shpëtim Kanda, 49 vjeç, banues në Fier, i dënuar 2 herë më parë, për veprat penale “Vrasja”, “Vrasja”, kryer në bashkëpunim, mbetur në tentativë, dhe “Mbajtja pa leje e armëve, armëve shpërthyese dhe e municionit luftarak”.

Kanda akuzohet për vrasje dhe gjithashtu, në bashkëpunim me Arbër Mehmetin në vitin 2013, kanë tentuar të vrasin me armë zjarri pistoletë shtetasit E.S, 30 vjeç dhe E. S., 21 vjeç.

Ai u kap ndërsa qarkullonte i armatosur me pistoletë me fishek në fole, gati për qitje, kapet dhe vihet në pranga 49-vjeçari me rrezikshmëri të lartë shoqërore në fushën e krimeve kundër personit.

Në cilësinë e provës materiale u sekuestrua edhe automjeti tip “Benz” me të cilin udhëtonte ky shtetas.

Materialet i kaluan Prokurorisë pranë Gjykatës së Rrethit Gjyqësor Fier, për veprime të mëtejshme.

Njoftimi i policisë:

Fier/Finalizohet operacioni policor i koduar “Hoxhara”, i zhvilluar nga Komisariati i Policisë Fier.

Qarkullonte i armatosur me pistoletë me fishek në fole, gati për qitje, kapet dhe vihet në pranga 49-vjeçari me rrezikshmëri të lartë shoqërore në fushën e krimeve kundër personit.

49-vjeçari, i dënuar 2 herë më parë, për vrasje dhe për vrasje të mbetur në tentativë.

Sekuestrohen arma e zjarrit pistoletë, municioni luftarak dhe 1 automjet.

Shërbimet e Policisë Kriminale të Komisariatit të Policisë Fier, bazuar në inteligjencën informative për një shtetas me rrezikshmëri shoqërore që mund të qarkullonte me armë zjarri me vete, kanë organizuar dhe finalizuar operacionin policor të koduar “Hoxhara”.

Si rezultat i këtij operacioni, në fshatin Hoxharë, u bë kapja dhe arrestimi në flagrancë i shtetasit:

– Sh. K., 49 vjeç, banues në Fier, i dënuar 2 herë më parë, për veprat penale “Vrasja”, “Vrasja”, kryer në bashkëpunim, mbetur në tentativë, dhe “Mbajtja pa leje e armëve, armëve shpërthyese dhe e municionit luftarak”.

Gjatë kontrollit, shërbimet e Policisë gjetën dhe sekuestruan në cilësinë e provës materiale 1 armë zjarri pistoletë me fishek në fole, gati për qitje, dhe një krehër me municion luftarak.

Gjithashtu, në cilësinë e provës materiale u sekuestrua edhe automjeti tip “Benz” me të cilin udhëtonte ky shtetas.

Materialet i kaluan Prokurorisë pranë Gjykatës së Rrethit Gjyqësor Fier, për veprime të mëtejshme./albeu.com

The post EMRI/ I dënuar dy herë për ekzekutim dhe vrasje në tentativë, arresohet “i forti” nga Fieri appeared first on Albeu.com.

I dënuar për vrasje, arrestohet 28-vjeçari shqiptar në Itali

E S — Mon, 18 Jul 2022 14:07:57 +0000

Foto ilustruese

Një i ri shqiptar ka rënë në prangat e policisë italiane. 28-vjeçari shqiptar është arrestuar nga karabinierët e stacionit Santa Maria a Monte.

28-vjeçari është dënuar me shtatë vite burg, për vrasje, kryer në Bientinë në vitin 2018.

Ishte një mosmarrëveshje në vendin e punës e cila kishte degraduar më pas në përplasje fizike me një kolegun e tij më 8 mars të 2018. 28-vjeçari e kishte goditur në kokë, dëmtim që çoi në vdekjen e kolegut , pas tre javësh i shtruar në spital./albeu.com

The post I dënuar për vrasje, arrestohet 28-vjeçari shqiptar në Itali appeared first on Albeu.com.