Hajri Robi, i arrestuar më 12 mars për dhunë ndaj njërës prej motrave të tij, u nda nga jeta pas një arresti kardio-respirator dhe komplikacioneve shëndetësore.

Burime pranë familjes tregojnë se prej vitesh ai vuante nga probleme të shëndetit mendor. 12 vite më parë kishte tentuar edhe vetëdjegie në qendër të qytetit, ndërsa fqinjët e përshkruajnë si njeri të respektuar në lagje, por me vështirësi të theksuara që e rënduan marrëdhëniet brenda familjes.

“Janë familje shumë e mirë. Njerëz shumë të urtë e pozitivë. Motrat janë kujdesur gjithë jetën për të, po ai ka qenë me probleme mendore. Është trajtuar, po kohët e fundit degradoi shumë. Arriti dhe vuri dorë mbi të dyja motrat. Njërën motër e ka të sëmurë. Të dyja janë kujdesur në maksimum.

Me të tjerët në lagje nuk kishte probleme, gëzonte respekt. I kishte problemet vetëm me veten, po tani në fund edhe me familjarët. Ai tani i mbylli të gjitha. Na vjen keq.”-shprehen fqinjët për mediat.

Motrat e tij, të cilat e kishin kujdesur për vite, u përballën me dhunë nga ana e tij, duke e çuar çështjen deri në arrestim. Pas vendimit të gjykatës për mjekim të detyruar, ai u transferua fillimisht në burgun e Lezhës, më pas në spitalin e burgjeve, por gjendja e tij u përkeqësua dhe përfundoi në QSUT, ku nuk arriti të mbijetonte.

The post I arrestuar për dhunë në familje, i burgosuri ndërroi jetë në spital, flasin fqinjët: Së fundmi degradoi, vuri dorë ndaj 2 motrave appeared first on Albeu.com.

Bëhet fjalë për shtetasin Hysni Qamil Repaj, 64-vjeç, lindur dhe banues në Shkodër, i cili vuante dënimin për veprat penale “vrasje me dashje në lidhje me një krim tjetër” dhe “armëmbajtje pa leje”.

Sipas burimeve zyrtare, rreth orës 09:40, gjatë një kontrolli mjekësor në institucionin e vuajtjes së dënimit, mjeku konstatoi përmes oksimetrit se i dënuari kishte rrahje të ulëta të zemrës (bradikardi).

Për shkak të gjendjes, ai u dërgua menjëherë në urgjencën e Spitalit Rajonal Korçë për trajtim të specializuar.

Gjatë ekzaminimeve në spital, gjendja e tij shëndetësore u përkeqësua, duke kaluar në arrest kardiak respirator. Pavarësisht përpjekjeve të mjekëve për ta rikthyer në jetë, 64-vjeçari ndërroi jetë.

Mësohet se gjatë vuajtjes së dënimit, Repaj kishte shfaqur edhe probleme të shëndetit mendor dhe ishte trajtuar nga mjekë specialistë.

Lidhur me ngjarjen janë njoftuar organet e Prokurorisë, si dhe Shërbimi për Çështjet e Brendshme dhe Ankesat (SHKKB), ndërsa pritet zbardhja e plotë e rrethanave të rastit.

The post Shkoi me urgjencë në spital, humb jetën i burgosuri në Korçë (EMRI) appeared first on Albeu.com.

Sipas uniformave blu, avokati 56-vjeçar, i cili është nën ‘arrest me burg’, ka përdorur prokuroren që ia ka marrë 70-vjeçari.

Tërheqja e parave nga llogaria bankare e të burgosurit, raportohet se ka ndodhur gjatë periudhës 2020-2022, ndërsa aviokati ka shfrytëzuar besimin dhe gjendjen shëndetësore të tij.

“Specialistët e Sektorit për Hetimin e Krimit Ekonomik dhe Financiar referuan materialet në Prokurori, për shtetasin A. L., 56 vjeç, me profesion avokat, aktualisht me masë sigurie “Arrest në burg”, pasi dyshohet se gjatë periudhës 2020-2022, ka tërhequr shuma parash nga llogaria bankare e një 70-vjeçari (aktualisht në IEVP Shënkoll), duke përdorur prokurorën që ia ka marrë duke shfrytëzuar besimin dhe gjendjen shëndetësore të tij”, njoftimi i policisë.

Dënimi me burg për Arben Lenën

GJKKO ka dënuar me një vendim të datës 27 Korrik 2024, ish-kreun e Dhomës së Avokatisë Korçë, Arben Lena dhe 5 persona të tjerë, ndërsa njëri u shpall i pafajshëm.

Ata akuzohen se kanë tentuar të korruptonin gjyqtarët e Apelit për të liruar një të burgosur.

Konkretisht, janë shpallur fajtorë Arben Lena, Nikolla Hafësllari, Nikolla Jesku, Dajana Kodra (Ninga), Blerand Kozici dhe Artiana Kozici. Ndërsa Dritan Tabaku u shpall i pafajshëm.

Arben Lena, u dënua me dy vite burgim per vepren penale “Ushtrimi i ndikimit të paligjshëm ndaj personave që ushtrojnë funksione publike” si dhe iu hoq e drejta per te ushtruar profesionin per nje periudhe 3 vjecare.

Nikolla Hafësllari dhe Nikolla Jesku, u dënuan me nga nje vit burgim, Dajan Koda u dënua me dy vite e 8 muaj shërbim prove, si dhe heqja e të drejtës për të ushtruar profesionin per nje muaj.

Blerand Kozici u dënua me 1 vit e katër muaj burgim. Me shërbim prove për 1 vit e 4 muaj u denua edhe Artiana Kozici.

NJOFTIM PËR MEDIAT

Prokuroria e Posaçme Kundër Korrupsionit dhe Krimit të Organizuar, më datën 10.05.2024, Nr. 79 Regj.Themeltar, ka paraqitur pranë Gjykatës kërkesën me objekt: Gjykimin e çështjes penale në ngarkim të të pandehurve: Arben Lena, Nikolla Hafësllari, Nikolla Jesku, Dajana Kodra (Ninga), Blerand Kozici, Dritan Tabaku, Artiana Kozici.

Gjykimi i kësaj ҫështje u zhvillua me rregullat e gjykimit të shkurtuar. Në përfundim të gjykimit, Gjykata e Posaçme e Shkallës së Parë për Korrupsionin dhe Krimin e Organizuar, me trup gjykues të përbërë nga gjyqtarët Erjon Çela, Irena Gjoka dhe Erjon Bani, mbështetur në nenet 39, 59, 245/1 parag. 2 dhe 4 dhe 300 të K.Penal, nenet 190, 403 – 406, 393 dhe 485 të K.Pr.Penale, me vendimin
Nr. 41, datë 27.06.2024 vendosi:

Deklarimin fajtor të të pandehurit Arben Lena, për kryerjen e veprës penale “Ushtrimi i ndikimit të paligjshëm ndaj personave që ushtrojnë funksione publike” kryer në bashkëpunim, e parashikuar nga neni 245/1 paragrafi 4 e 25 i K.Penal, dhe në bazë të kësaj dispozite dënimin e tij me 3 (tre) vjet burgim.
Në aplikim të nenit 406 të K.Pr.Penale uljen e dënimit me 1/3 duke e dënuar përfundimisht të pandehurin Arben Lena me 2 (dy) vite burgim.

Vuajtja e dënimit për të pandehurin Arben Lena do të fillojë nga dita që ndaj tijështë zbatuar masa e sigurimit personal “Arrest në burg” dt. 27.01.2024 dhe do të kryhet në një IEVP, burg i sigurisë së zakonshme.

Në aplikim të nenit 39 të K.Penal, heqjen e të drejtës për të ushtruar profesionin për të pandehurin Arben Lena për një periudhë kohore prej 3 (tre) vjetësh.

Deklarimin fajtor të të pandehurit Nikolla Hafësllari, për kryerjen e veprës penale “Ushtrimi i ndikimit të paligjshëm ndaj personave që ushtrojnë funksione publike” kryer në bashkëpunim, e parashikuar nga neni 245/1 paragrafi 2 e 25 i K.Penal, dhe në bazë të kësaj dispozite dënimin e tij me 1 (një) vit dhe 6 (gjashtë) muaj burgim.

Në aplikim të nenit 406 të K.Pr.Penale uljen e dënimit me 1/3 duke e dënuar përfundimisht të pandehurin Nikolla Hafësllari me 1 (një) vit burgim.

Vuajtja e dënimit për të pandehurin Nikolla Hafësllari do të fillojë nga dita që ndaj tij është zbatuar masa e sigurimit personal “Arrest në burg” dt. 26.12.2023 dhe do të kryhet në një IEVP, burg i sigurisë së zakonshme.

Deklarimin fajtor të të pandehurit Nikolla Jesku, për kryerjen e veprës penale “Ushtrimi i ndikimit të paligjshëm ndaj personave që ushtrojnë funksione publike” kryer në bashkëpunim, e parashikuar nga neni 245/1 paragrafi 2 e 25 i K.Penal, dhe në bazë të kësaj dispozite dënimin e tij me 1 (një) vit dhe 6 (gjashtë) muaj burgim.

Në aplikim të nenit 406 të K.Pr.Penale uljen e dënimit me 1/3 duke e dënuar përfundimisht të pandehurin Nikolla Jesku me 1 (një) vit burgim.

Vuajtja e dënimit për të pandehurin Nikolla Jesku do të fillojë nga dita që ndaj tij është zbatuar masa e sigurimit personal “Arrest në burg” dt. 25.12.2023 dhe do të kryhet në një IEVP, burg i sigurisë së zakonshme.

Deklarimin fajtore të të pandehurës Dajana Kodra (Ninga), për kryerjen e veprës penale “Ushtrimi i ndikimit të paligjshëm ndaj personave që ushtrojnë funksione publike” kryer në bashkëpunim, e parashikuar nga neni 245/1 paragrafi 4 e 25 i K.Penal, dhe në bazë të kësaj dispozite dënimin e saj me 2 (dy) vjet burgim.

Në aplikim të nenit 406 të K.Pr.Penale uljen e dënimit me 1/3 duke e dënuar përfundimisht të pandehurën Dajana Kodra (Ninga) me 1 (një) vit e 4 (katër) muaj burgim.

Në aplikim të nenit 59 të K.Penal urdherohet pezullimi i ekzekutimit të vendimit të dënimit me burgim për pjesën e mbetur pa vuajtur të tij duke e vene të pandehurën Dajana Kodra Ninga ne provë për një periudhë kohe prej 2 (dy) vite dhe 8 (tetë) muaj, me kusht që gjatë kësaj kohe të mos kryeje vepër tjetër penale si dhe të mbajë kontakte të rregullta me Zyren e Shërbimit të Provës ku ka vëndbanimin e saj.
Në zbatim të nenit 261/1 shkronja “b” të K.Pr.Penale shuarjen e masës së sigurimit personal “Detyrimi për tu paraqitur në Policinë Gjyqësore” e caktuar ndaj të pandehures Dajana Kodra (Ninga) me vendimin nr. 201 dt. 16.04.2024 të Gjykatës së Posaçme të Shkalles së Parë për Korrupsionin dhe Krimin e Organizuar.

Në aplikim të nenit 39 të K.Penal, heqjen e të drejtës për të ushtruar profesionin për të pandehurën Dajana Kodra (Ninga) për një periudhë kohore prej 1 (një) muaji.

Deklarimin e pafajshëm të të pandehurit Dritan Tabaku, për kryerjen e veprës penale “Moskallëzimi i krimit”, e parashikuar nga neni 300 i K.Penal, kjo pasi në zbatim të nenit 388/1 shkronja “a” të K.Pr.Penale, fakti nuk ekziston.

Në zbatim të nenit 261/1 shkronja “a” dhe nenit 389 të K.Pr.Penale shuarjen e masës së sigurimit personal “Detyrimi për tu paraqitur në Policinë Gjyqësore” e caktuar ndaj të pandehurit Dritan Tabaku me vendimin nr. 137 dt. 25.12.2023 të Gjykatës së Posaçme të Shkalles së Parë për Korrupsionin dhe Krimin e Organizuar.

Deklarimin fajtor të të pandehurit Blerand Kozici, për kryerjen e veprës penale “Ushtrimi i ndikimit të paligjshëm ndaj personave që ushtrojnë funksione publike” kryer në bashkëpunim, e parashikuar nga neni 245/1 paragrafi 2 e 25 i K.Penal, dhe në bazë të kësaj dispozite dënimin e tij me 2 (dy) vjet burgim.
Në aplikim të nenit 406 të K.Pr.Penale uljen e dënimit me 1/3 duke e dënuar përfundimisht të pandehurin Blerand Kozici me 1 (një) vit e 4 (katër) muaj burgim.

Vuajtja e dënimit për të pandehurin Blerand Kozici do të fillojë nga dita që ndaj tij është zbatuar masa e sigurimit personal “Arrest në burg” dt. 25.12.2023 dhe do të kryhet në një IEVP, burg i sigurisë së zakonshme.

Deklarimin fajtore të të pandehurës Artiana Kozici, për kryerjen e veprës penale “Ushtrimi i ndikimit të paligjshëm ndaj personave që ushtrojnë funksione publike” kryer në bashkëpunim, e parashikuar nga neni 245/1 paragrafi 2 e 25 i K.Penal, dhe në bazë të kësaj dispozite dënimin e saj me 1 (një) vit burgim.
Në aplikim të nenit 406 të K.Pr.Penale uljen e dënimit me 1/3 duke e dënuar përfundimisht të pandehurën Artiana Kozici me 8 (tetë) muaj burgim.

Në aplikim të nenit 59 të K.Penal urdherohet pezullimi i ekzekutimit të vendimit të dënimit me burgim duke e vënë të pandehurën Artiana Kozici ne provë për një periudhë kohe prej 1 (një) vit dhe 4 (katër) muaj, me kusht që gjatë kësaj kohe të mos kryeje vepër tjetër penale si dhe të mbajë kontakte të rregullta me Zyren e Shërbimit të Provës ku ka vëndbanimin e saj.

Në zbatim të nenit 261/1 shkronja “b” të K.Pr.Penale shuarjen e masës së sigurimit personal “Detyrimi për tu paraqitur në Policinë Gjyqësore” e caktuar ndaj të pandehures Artiana Kozici me vendimin nr. 137 dt. 25.12.2024 të Gjykatës së Posaçme të Shkalles së Parë për Korrupsionin dhe Krimin e Organizuar.
Në lidhje me provat materiale të sekuestruara për llogari të këtij procedimi penal, gjykata në bazë të nenit 190 të K.Pr.Penale disponon që ato ti kthehen të pandehurve që i takojnë

Shpenzimet proceduriale të kryera gjatë fazës së hetimit të cilat në bazë të nenit 485/1 të K.Pr.Penale janë parapaguar nga shteti, si dhe shpenzimet gjyqësore t’iu ngarkohen të pandehurve në mënyrë solidare, në bazë të neneve 393/1 dhe 406/4 të K.Pr.Penale.

Kundër këtij vendimi mund të bëhet ankim nga palët brenda 15 (pesëmbedhjetë) ditëve në Gjykatën e Posaçme të Apelit për Korrupsionin dhe Krimin e Organizuar, afat i cili fillon nga dita e nesërme e njoftimit të vendimit.

Tiranë, më datë 27.06.2024

Gjykata e Posaçme e Shkallës së Parë për Korrupsionin dhe Krimin e Organizuar

The post Tërhoqi para nga llogaria bankare e një të burgosuri, nën hetim ish-kreu i Dhomës së Avokatisë appeared first on Albeu.com.

Gjykata e Tiranës nuk mori në konsideratë pretendimet e avokatit, për një masë më të lehtë sigurie, ndonëse Koçiu ishte me probleme të rënda shëndetësore dhe i rrezikohej jeta.
“Ka pasur probleme të rënda shëndetësore. Ai nuk duhet të rrinte qoftë dhe një moment, qoftë dhe një orë në paraburgim, ku ata e lanë dhe nuk morën asnjë lloj masë për shëndetin e tij.
Vuante nga një goditje në tru, ishemi, diabet dhe shumë sëmundje të tjera.
Ne paraqitem të gjithë dokumentacionin që i përkiste për pjesën e shëndetit të vëllait tonë, por ata nuk e morën parasysh, se çfarë bëhej me të”, tha Eranda Sejdini .

Familjarët pretendojnë se përgjatë 5 orëve Besniku shfaqi probleme shëndetësore, nuk iu dha ndihma dhe ai u mbajt i izoluar në një qeli të veçantë.

Pyetjes se kë sheh si përgjegjës, Eranda Sejdini iku përgjigj: Pa diskutim që shtetin. Unë vetë e mendoj që përgjegjës janë pjesë e njerëzve që kanë qenë kompetent aty, që nuk i kanë dhënë ndihmën e parë.

Ndërkohë vëllai i Besnikut, Maksim Kociu u shpreh: Me vëllain kanë neglizhuar shumë shumë gjera, që nga burgu që nga gjykata….Nuk i dhanë asnjë lloj ndihme.

Familja i është drejtuar prokurorisë me një kallëzim penal dhe kërkon hetim të plotë të ngjarjes dhe dënimin e personave përgjegjës

“Ne kërkojmë të hapen kamerat dhe drejtësia te shkojë deri në fund. Të paktën të dimë sesi ka vdekur vëllai jonë. Nuk kemi asnjë përgjigje nga shteti, se çfarë dhe si ka ndodhur në atë paraburgim”, tha Eranda Sejdini.

Vëllai i Besnikut, u shpreh se nuk do të ndalet derisa të gjejë të vërtetën për vëllanë.

“Nuk do të ndalem derisa ta gjej të drejtën e vëllait. Përgjegjësia fillon që te gjykata, që nuk morën parasysh asnjë lloj gjëje,. Si gjykojnë këta, një gjykatës një prokuror. Që nga këto e kërkoj drejtësinë. Dua të shikoj kamerat, dua dosjen e vëllait tim, çdo njeri të marrë përgjegjësinë për çfarë ka ndodhur”, tha ai.

Besnik Koçiu u arrestua më 12 korrik 2025 në dyshimet për plagosje me armë sportive.

Më datë 15 gjykata caktoi masën e sigurisë arrest me burg për të dhe ai u vendos në ambientet e paraburgimit dhe një javë më vonë humbi jetën.

The post “Vuante nga ishemia dhe diabeti”/ Ndërroi jetë pas 10 ditëve në paraburgim, familjarët e Besnik Koçiut: Të hapen kamerat! U mbajt i izoluar dhe nuk iu dha ndihma e parë appeared first on Albeu.com.

Kjo është vrasja e dytë e një punonjësi në burgun Smith, në më pak se një vit. Oficeri i burgut Robert Clarke, 42-vjeç, vdiq tetorin e kaluar pasi një i burgosur e sulmoi nga pas me një armë të bërë vetë.

Një hetim në burgun Smith, çoi në arrestimin dhe shkarkimin e drejtorit të burgut Bryan Adams në shkurt 2023.

Adams u akuzua për shantazh, ryshfet, bërje ose shkrim të deklaratave të rreme dhe shkelje të betimit të tij si nëpunës publik.

Ai ka qenë në burg që nga viti 2015, pasi u dënua për vrasje dhe mund të dalë në vitin 2043.

The post E rëndë/ I dënuari vret punonjësin e burgut dhe më pas veten appeared first on Albeu.com.

Në deklaratë, theksohet se i burgosuri ishte duke u trajtuar sipas rekomandimeve të institucioneve shëndetësore publike (IPFK-së).

Më tej, Shërbimi Korrektues i Kosovës, thekson se organet kompetente po zhvillojnë procedurat ligjore, teksa autopsia do të dalë në përfundime për shkakun e vdekjes.

“Shërbimi Korrektues i Kosovës dhe Departamenti Shëndetësor i Burgjeve njoftojnë se sot rreth orës 07:40 në Qendrën e Paraburgimit në Prishtinë ka ndërruar jetë i burgosuri, V.M. Vdekja është konstatuar nga ekipi i Qendrës Emergjente të Qytetit. I burgosuri ishte duke u trajtuar sipas rekomandimeve të institucioneve shëndetësore publike (IPFK-së)”, thuhet në njoftim.

The post Ndërron jetë një i burgosur në Prishtinë appeared first on Albeu.com.

Ndërsa ndiqte një rast të një vrasjeje makabre ku mbronte viktimën, vrasësi i cili vuan nga probleme të rënda të shëndetit mendor e kërcënon.

Një javë më vonë, në derën e avokates mbërrin një letër që ajo e ruan ende, përmbajtja e së cilës ishte ngjethëse.

Margarita Kola: Unë kam një moment, kam disa  momente të vështira por këtë do ta ndaj për herë të parë në këtë studio, ndoshta edhe familja ime që e dëgjon do të shqetësohet sepse nuk ua kam thënë asnjëherë. Para pak kohësh, një i dënuar me burgim të përjetshëm, unë mbroja viktimën e cila kishte vdekur në duart e tij dhe ishte copëtuar, ai kishte probleme të tipit mendor, më kërcënon në sallën e gjyqit dhe më thotë që “ti je e dënuar si mua me burgim të përjetshëm”.

Pas një jave të asaj, më mbërrin një letër nga një kushëri i tij ku ai shkruan dhe thotë që “nëse ndonjë ditë do dal jashtë këtij burgu, ty do të të vras”. Unë kam buzëqeshur, e kam marrë atë letrën, nuk ia kam treguar asnjëherë familjarëve të mi, kjo është hera e parë që po e ndaj me ju dhe këto janë momente të vështira të profesionit tonë.

Rudina Magjistari: Letrën ti e ruan?

Margarita Kola: Unë e ruaj letrën, por ai është një person me probleme të rënda të shëndetit mendor. Ka vrarë gruan e vet dhe kunatën e vet, i ka copëtuar dhe i ka futur në frigorifer. Është ngjarje makabër, unë e di nga psikologjia ligjore që këta janë të papërgjegjshëm, kështu që unë në këtë kuadër unë nuk e marr seriozisht, por janë momente të vështira./tvklan.al

The post “Nëse dal jashtë ty do të të vras”, avokatja shqiptare tregon kërcënimet që merrte nga i burgosuri appeared first on Albeu.com.

Gjatë kontrolleve, një të dënuari i janë gjetur 6 doza të dyshuara cannabis.

Sipas informacioneve të siguruara, dozat i janë gjetur të dënuarit Kristaq Izet brenda qelisë ku vuan dënimin për veprën penale “vjedhje”.

Policia e burgut ka arritur tja gjejë këtë sasi në gojë, gjatë përpjekjes së të dënuarit për ta fshehur.

Kanë filluar hetimet nga SHKB e burgjeve për të zbardhur plotësisht ngjarjen dhe se si kjo sasi u gjet brenda këtij institucioni./albeu.com

The post EMRI/ Tentoi ta fshihte në gojë, policia i gjen lëndë narkotike të burgosurit në Drenovë appeared first on Albeu.com.

Një ngjarje e rëndë raportohet të ketë ndodhur në burgun e Drenovës në Korçë.

Sipas burimeve një 28-vjeçar ka tentuar të vrasë veten pas kërcënimit që mori nga shokët e qelisë.

Sipas burimeve bëhet me dije se i riu Pandi Stefo, ka tentuar të vrasë veten me një mjet prerës të improvizuar, duke u dëmtuar në pjesën e qafës.

Ngjarja ka ndodhur rreth orës 1, pas mesnate.

Dyshohet se Stefo është kërcënuar nga të burgosurit e tjerë në dhomë, dhe në gjendje depresioni ka tentuar ti japë fund jetës.

Është transportuar në spitalin e Korçës, ku ndodhet në gjendje kritike për jetën.

Pandi Stefo është dënuar për veprën penale të “trafikimit të narkotikëve”, ndërsa ky rast është tentativa e dytë brenda dy javëve që prej rastit të Llazar Dines.

The post E kërcënuan “shokët” e qelisë, 28-vjeçari tenton t’i japë fund jetës në burgun e Drenovës appeared first on Albeu.com.

Me bindjen se veshjet personale dhe çdo gjë që i përkiste ja kishte vjedhur ish e dashura, A. C shkoi në polici, tek e njëjta që e arrestoi një vit më parë dhe denoncoi ish partneren për vjedhje. Kjo çështje u mbajt shënim nga policia numër 3 thanë burimet e Gazetasi.al që pasi kanë regjistruar ankesën penale, kanë shkuar në banesën e 34 vjeçarit me inicialet A.C.

I riu me një kartelë të pasur për dhunë në familje ndaj ish të dashurave, më e fundit një grua e divorcuar këmbëngul se partnerja e fundit jo vetëm kishte gënjyer, por është zhdukur duke përvetësuar unazën e tij dhe sende të tjera që kishin kuptim shpirtëror për të.

“Pasi u arrestova dhe kreva burgun u ktheva në shtëpi, ish e dashura ime kishte vjedhur të gjitha rrobat e mia, aparatët celuarë katër të tillë, tapetet e shtëpisë, 6 mijë lekë të reja shqiptare, 40 euro, dy byzylykë të thjeshtë dore, një unazë sermi që kushtonte 7 mijë lekë të reja, enët e kuzhinës dhe madje edhe derën e shtëpisë”. Për këtë të fundit 33 vjeçari e përshkruan se ishte material duralumini.

“Unë dua sendet e mia, s’dua ta shoh me sy ish të dashurën. Në dijeninë time këto sende ja ka bllokuar policia e shtetit atëherë kur u arrestova, kështu që gjenden edhe në procesverbalë dhe ajo i ka vjedhur. Ish e dashura ka ardhur dhe i ka marrë me procesverbal sendet e mia që ishin një unazë sermi dhe 22 mijë lekë të vjetra”

Policia i thotë Gazetasi.al se mbasi ka kqyrur banesën ku jetonte çifti përpara se i riu të arrestohej ka zbuluar adresën e re të gruas, me status e divorcuar dhe 11 vjet më e madhe në moshë se denoncuesi.

“Ish bashkejetuesi ra në burg pasi më dhunonte – thotë gruaja – dhe tek shtëpia ku ne bashkëjetuam qëndrova dhe tre apo katër muaj.”

Gruaja këmbëngul se ish i dashuri s’kishte para, dhe as sende por vetëm rroba. Gruaja mohon që t’i ketë vjedhur pasi nuk kishte për çfarë t’i duheshin.

“Rrobat e tij i hodha në plehra, enët e kuzhinës i mora me vete, telefonët i flaka se ishin të prishur. Nuk ka patur as euro dhe as unazë sermi. Kishte vetëm 6 mijë lekë të vjetra që se kam idenë ku janë”, insiston gruaja që pretendon se ish-i dashuri e ka dorëzuar këtë kallzim për ta shqetësuar atë dhe për mos ta lejuar që të vazhdojë jetën.

Por policia nuk është e bindur nëse ajo po thotë të vërtetën, pasi ka dyshime se gruaja në nerva e sipër mund ta ketë boshatisur banesën përshi edhe derën si një shenjë reagimi kundër dhunës së vazhdueshme.

“Kallzuesi njihet në polici si një i alkoolizuar dhe problematik me gratë, është dënuar katër herë dhe kjo e bën atë të dyshimtë ndonëse në këtë rast pse jo ai mund të ketë të drejtë pjesërisht, duke qenë se ish e dashura ja flaku rrobat në plehra”, mbyll për Gazetasi.al burimi policor.

The post Del nga burgu, kërkon arrestimin e ish të dashurës. Ajo ia hodhi në plehra rrobat, i shkuli edhe derën e shtëpisë appeared first on Albeu.com.