Mbrojtësi shqiptar u shpreh i zhgënjyer për rezultatin, duke theksuar se ekipi duhej të kishte marrë fitoren në një ndeshje të tillë.

“Sigurisht që do të doja ta festoja ndryshe këtë moment të veçantë. Jam mes gëzimit për 100 ndeshjet me Kombëtaren dhe zhgënjimit për rezultatin. Duhej të fitonim dhe më vjen keq që nuk ia dolëm”, deklaroi Hysaj për “SuperSport”.

Ai komentoi edhe atmosferën në stadium, duke pranuar se mungesa e tifozëve u ndje, por shtoi se skuadra duhet të fokusohet te e ardhmja dhe të korrigjojë gabimet e bëra.

Sipas Hysajt, fundi i sezonit ka ndikuar te forma e disa futbollistëve, duke qenë se shumë prej tyre vijnë pas një kalendari të ngarkuar, ndërsa të tjerë e kanë mendjen te pushimet verore. Megjithatë, ai theksoi se profesionalizmi duhet të mbetet prioritet kur bëhet fjalë për Kombëtaren.

Mbrojtësi kuqezi foli edhe për periudhën e tranzicionit pas ndryshimit në pankinë, duke e cilësuar si një moment delikat për grupin. Ai zbuloi se ka biseduar me lojtarët për të ruajtur fokusin dhe për të mos lejuar që skuadra të humbasë drejtimin në këtë fazë.

Duke analizuar ndeshjen, Hysaj pranoi se kundërshtari kishte studiuar mirë pikat e dobëta të Shqipërisë dhe se gabimet në organizimin e presingut u shfrytëzuan nga Luksemburgu. Sipas tij, kuqezinjtë krijuan disa raste të mira shënimi, por mungesa e konkretizimit vazhdon të mbetet një problem.

“Në futboll, nëse nuk jep maksimumin, çdo kundërshtar mund të të ndëshkojë. Kemi pasur raste për të shënuar, por nuk i shfrytëzuam. Shpresoj që sulmuesit të gjejnë sa më shpejt golin dhe të dalim nga kjo situatë”, përfundoi Hysaj.

The post Disfata me Luksemburgun, Hysaj reagon pas ndeshjes së tij të 100-të: Jam i lumtur dhe i zhgënjyer, duhej të fitonim appeared first on Albeu.com.

Pas përfundimit të takimit, mbrojtësi kuqezi foli për angazhimin e tij me fanellën e Kombëtares, duke theksuar se vazhdon të japë maksimumin sa herë që përfaqëson Shqipërinë.

“Kur luaj për Kombëtaren, objektivi im është të jap gjithçka në fushë deri në momentin që kam forcë. Kjo është mënyra ime e të vepruarit dhe kështu do të vazhdoj”, deklaroi Hysaj për DigitAlb.

Futbollisti komentoi edhe nisjen e epokës së re me trajnerin Rolando Maran, duke theksuar se skuadra ka nevojë për kohë për t’u përshtatur me idetë e reja taktike.

“Trajneri ka sjellë ide të reja dhe kemi punuar vetëm pak ditë së bashku. Ka një qasje më sulmuese dhe besoj se me kalimin e kohës do të përmirësohemi edhe më shumë”, u shpreh ai.

Duke u ndalur te përplasja me autorin e golit të Izraelit, Hysaj pranoi se reagimi i tij ishte emocional dhe kërkoi ndjesë për episodin.

“Nuk më pëlqen të jem pjesë e skenave të tilla. Por kur pashë gjestin ndaj tifozëve tanë, reagova në çast. Kërkoj falje, sepse janë situata që ndodhin në futboll. E rëndësishme është që gjithçka përfundoi pa pasoja”, tha mbrojtësi shqiptar.

Hysaj foli edhe për të ardhmen e tij në nivel klubesh, duke konfirmuar se aktualisht është pa kontratë dhe po shqyrton opsionet e mundshme për sezonin e ardhshëm.

“Jam në bisedime me menaxherin tim. Po vlerësojmë alternativat më të mira dhe në momentin e duhur do të merret një vendim për të ardhmen”, përfundoi ai.

The post “Trajneri ka sjellë ide të reja, me kalimin e kohës do përmirësohemi”/ Përplasja me lojtarin izraelit, Hysaj: Kur pashë gjestin ndaj tifozëve tanë reagova në çast appeared first on Albeu.com.

Ai u shfaq në fushën e lojës në minutat e fundit të duelit ndaj Napolit dhe mund të jetë protagonist edhe në ndeshjen e mesjavës në Kupën e Italisë, ku Lacio do të synojë kualifikimin në finale pas barazimit 2-2 në ndeshjen e parë.

Lazari dhe Marusiç, dy anësorët e mbrojtjes, kanë probleme fizike ndaj eksperienca e Hysajt mund të jetë e nevojshme në fushë për këtë duel delikat. Te Lacio e vlerësojnë si sfida më e rëndësishme e sezonit, pasi mund t’u hapë dyert e finales e njëkohësisht pjesëmarrjes në kompeticionet europiane.L

The post Një mbyllje sezoni si protagonist për Hysajn, pritet në fushë për ndeshjen më të rëndësishme appeared first on Albeu.com.

Është hera e parë që vij për të parë seleksionimet e Kombëtares. Është shumë bukur, një organizim shumë i mirë i bërë nga Federata. Këta djem të rinj kanë një mundësi për të treguar veten dhe për të veshur fanellën e Kombëtares në të ardhmen e tyre.

Sigurisht që të jep një shtysë më të madhe për të vazhduar për t’u stërvitur më mirë me ekipin që luan, sepse të vish këtu, te U15 apo U16, është një shtysë, sepse ti tregon veten, të jep krenari, sepse vjen me familjen, nga jashtë vendit, pasi disa prej tyre ndoshta as nuk flasin shqip, varet ku janë rritur.

Besoj se është diçka e bukur, si për lojtarin ashtu edhe për familjen e tij. Shpresoj që të vazhdojnë të përqëndrohen, të japin gjithçka për futbollin dhe u uroj suksese të gjithëve.

The post Deklarata e Hysajt: Të rinjtë të ndihen krenarë për fanellën kuqezi appeared first on Albeu.com.

Tekniku i Kombëtares shqiptare, Sylvinho, ka zgjedhur që mos t’i rrezikojë lojtarët të ndëshkuar me karton të verdhë, në mënyrë që të mos humbasin sfidën play off, duke kryer një lloj rotacioni në disa reparte të skuadrës.
Në portë do të jetë sërish Strakosha, ndërsa mbrojtja përbëhet nga Hysaj, Ismajli, Gjimshiti, Aliji. Më mesfushë rreshtohen Asllani, Ramadani, Laçi, ndërsa sulmi përbëhet nga Bajrami, Hoxha dhe Uzuni në qendër, duke ulur në stol Armando Brojën.

Një lloj rotacioni ka zgjedhur të bëjë edhe trajneri i Anglisë, Thomas Tuchel, i cili deri më tani ka grumbulluar pikë të plota me “Tre Luanët”, madje duke mos pësuar asnjë gol.
Drejtësia në këtë sfidë do të vendoset nga italianët, me Marco Guida si arbitër kryesorë, Giorgio Peretti dhe Alessio Berti si anësorë dhe Simone Sozza arbitër i katërt. Në VAR do të jenë Marco Di Bello dhe Valerio Marini.
Rezultati Live:
Shqipëri 0-0 Angli
Komenti Live:
39′ Wharton shkakton një ndërhyrje të gabuar ndaj Asllanit dhe gjyqtari e ndëshkon me karton të verdhë.
37′ Quansah godet me kokë, me Strakoshën që e ndal sërish.
37′ Bowen provon me një gjuajtje brenda zonës, por Strakosha tregohet i vëmendshëm, dhe i mohon golin anglezëve.
36′ Aliji hedh një top drejt zonës, por askush nuk e arrin.
26′ Zëvendësim i detyruar te Shqipëria. Hysaj braktis fushën i dëmtuar, në vendin e tij futet Balliu.
18′ Hysaj provon një gjuajtje nga distanca, por goditja e tij shkon mbi kuadrat.
15′ Ramadani shkakton një ndërhyrje të gabuar ndaj Harry Kane dhe ndëshkohet me karton të verdhë.
4′ Declan Rice merr një top në zonë dhe godet me të djathtën, por Strakosha e kontrollon pa probleme.

The post Shqipëri-Angli/ “Dhimbje koke” për Sylvinhon, Hysaj lë fushën i dëmtuar appeared first on Albeu.com.

Sarri që e njeh mirë skuadrën e Juventusit, ka vendosur që të ulë sërish në stol mbrojtësin e Kombëtares, Elseid Hysaj. Para Kombëtares, Hysaj luajti 90 minuta në ndeshjen e fundit, pasi Marusiç ishte i dëmtuar, megjithatë pas rikthimit të Marusiç, Hysaj u ul në stol. sfidën e fundit të kampionatit, Hysaj ishte rezervë, duke mos u aktivizuar as nga stoli, ndërkohë që edhe nesër do të jetë sërish në stol duke mos pasur hapësirë në skuadër.

Sarri e njeh mirë Hysajn pasi së bashku kanë punuar edhe te Napoli shumë vite më parë dhe gjithmonë e ka pasur ndër të preferuarit në skuadër, megjithatë gjërat kanë ndryshuar dhe tashmë po kalon si mbrojtës i tretë në skuadrën kryeqytetase.

The post Hysaj “tradhtohet” sërish nga trajneri i tij, jashtë për Juven appeared first on Albeu.com.

Mbrojtësi shkodran që hyri në fushë me shiritin e kapitenit, u shpreh se u ndje krenar për këtë arritje, teksa shtoi se me Canën do të hajë edhe një darkë.

Sa i përket Kombëtares, ai u shpreh se kanë shumë besim për në Botëror, ku kuqezinjtë mund të arrijnë “Play Off”.

Rekord për Hysajn, paraqitje shumë të mira. Si ndihet Elseid Hysaj në këtë Kombëtare?

Ky është një emocion i rrallë, nuk mund ta tregoj sepse vërtet ndodh rrallë, prandaj dua ta shijoj dhe ta vazhdoj këtë emocion deri në nëntor, deri kur të vijnë ndeshjet e tjera me Kombëtaren. Jam shumë i lumtur.

A keni kontaktuar me Canën për rekordin e thyer dhe si u ndjeve nga pritja e tifozëve?

Shumë mirë u ndjeva. Me Canën akoma nuk kam komunikuar, kur të kthehem në Romë, pasi aty jeton, besoj do të hamë një darkë së bashku. Për tifozët, shpresoj që stadiumi të jetë edhe më plot, sepse vërtetë sot kishte tifozë. I falenderoj që erdhën dhe shpresoj që herët e tjera të ketë edhe më shumë, sepse na duhen.

Sa beson te kjo kombëtare për të arritur atë që të gjithë e ëndërrojmë, Botërorin?

Të them të vërtetën, unë besoj shumë, sepse e kemi treguar që mund të luajmë me skuadrat e mëdha dhe mund të fitojmë. Duhet vetëm të dimë si të fitojmë dhe të mos na kapë ajo euforia sikur fituam dy ndeshje dhe eja të shkojmë përpara.

3 fitore dhe 2 barazime. A i përmbush Kombëtarja pritshmërinë apo keni ndonjë peng?

Jo, të them të vërtetën, nuk kam pengje, sepse kemi marrë shumë pak gola. Kjo është një gjë e rëndësishme për një ekip kombëtar, që mbrojtja të jetë solide. Pastaj, shpresojmë që sulmuesit tanë, disa u zhbllokuan, t’i kemi gati për në nëntor.

Çfarë i mungon kësaj kombëtareje për t’u motivuar njësoj si në sfidën ndaj Serbisë?

Nuk i mungon asgjë besoj, sepse po gjejmë një grup shumë të mirë dhe po gjejmë një frymëzim shumë të bukur. Trajneri ka besim tek ne, ne kemi besim te trajneri. Do të vazhdojmë kështu.

Paraqiteni me shiritin e kapitenit. Një mesazh për djemtë që debutuan sot…

Për djemtë, unë i kam uruar. Ky është një emocion i rrallë që e kanë provuar dhe ata dhe besoj se do t’ju tregojnë vetë emocionet që kanë pasur.

The post Rekordmeni i Kombëtares, Hysaj: Nuk na mungon asgjë, Canës do i jap darkë appeared first on Albeu.com.

Ky moment i artë erdhi gjatë miqësores ndaj Jordanisë, ku Hysaj u aktivizua në minutën e 77-të, për t’u bërë zyrtarisht rekordmeni absolut i Shqipërisë, duke kaluar çdo futbollist tjetër që ka përfaqësuar ngjyrat kuqezi ndër vite.

31-vjeçari, që prej disa sezonesh mbron ngjyrat e Lacios në Serie A, është shembulli më i mirë i përkushtimit, profesionalizmit dhe stabilitetit në shërbim të Kombëtares.

Që nga debutimi i tij në vitin 2013, Hysaj është shndërruar në një shtyllë të mbrojtjes dhe një lider të qetë në fushë, duke qenë pjesë e sukseseve më të mëdha të futbollit shqiptar – përfshirë Euro 2016 dhe Euro 2024.

Me këtë arritje të jashtëzakonshme, Elseid Hysaj vulos emrin e tij në librin e artë të historisë së Kombëtares shqiptare, si një nga futbollistët më të rëndësishëm që ka njohur ndonjëherë futbolli kuqezi.

The post Elseid Hysaj shkruan historinë e futbollit shqiptar, bëhet rekordmeni i fanelës kuqezi appeared first on Albeu.com.

Si është kjo pragsfidë? Të them të drejtën për mua emocionalisht gati e njëjta. Po e përjetoj shumë emocionalisht, është e vështirë dhe e bukur. Me zorr po pres të jemi në fushë nesër.

Masat e sigurisë kanë qenë edhe herën e kaluar, besoj një gjë për sigurinë e tyre. Mund të na japin karikim, meqë jemi të mbrojtur.

Të them të drejtën është kënaqësi dhe nder të arrij rekordin e Lorik Canës, por mendoj për ndeshjen dhe Kombëtaren. Jam për skuadrën, pastaj do shikojmë gjëra tjera mbrapa.

Këshilla për të rinjtë? Të them të drejtën është shumë e thjeshtë se sa erdhëm këtu, nga sa u nisëm nga hoteli e deri tani, lojtarët e kanë përjetuar emocionalisht gjithçka dhe besoj se do të jetë një motivim se të gjithë e kanë kuptuar se si do të jetë kjo ndeshje.

Pritshmëria për ndeshjen? Normalisht që në ndeshjen e kaluar fitorja ishte për ne se luajtëm mirë dhe të them të drejtën këtu kemi ardhur me të njëjtën gjë. Një ndeshje është, ndeshje futbolli që nuk dihet si mund të shkojë, siç ishte në Shqipëri, por futbolli është futboll, mund të kesh raste ti, të shënosh apo humbasësh, thjesht të japim 100% dhe pastaj të shohim si do të shkojë pas ndeshjes.

Përqindje për fitoren e ndeshjes? Ne kemi ardhur këtu për fitore, as për barazim a humbje, siç e thashë duhet të jemi të përqendruar. 100% ndoshta nuk del, duhet të jemi 120%, se është ndeshje delikate dhe e fortë se mund të jetë finale për ne dhe ata.

Të gjithë, si unë, e mendojnë si unë, që duhet të vijmë për fitore se nuk vijmë për rezultat tjetër. Por siç e thashë, futbolli është shumë i çuditshëm, nuk dihet si mund të shkojë. Gjëja e rëndësishme është që të gjithë të hyjmë në fushë në një mendje që të hyjmë në fushë për një fitore dhe nesër mund të jetë dita.

Normale, e dimë se Serbia ka lojtarë dhe sulmues të mirë. Kam luajtur në Itali me sulmuesit që ka Serbia. Janë të gjithë me kualitet, edhe ne kemi. Dimë ta përballojmë sulmin e Serbisë, tha Hysaj.

The post Hysaj: “Kemi ardhur këtu për fitore, por ndaj Serbisë nuk mjafton 100%” appeared first on Albeu.com.

Shansi i dhënë në Kupën e Italisë u duk më shumë si një kërkesë ndjese nga ana e Baronit, i cili në fund të ndeshjes ka tentuar që të “shfajsohet” për situatën e krijuar duke akuzuar rregulloren edhe shqiptari përfundoi jashtë projektit lacias për shkak të rrogës së lartë që përfiton.

“Hysaj tregoi se është një lojtar dhe profesiosnist i madh pasi gjithmonë ëshë vënë në dispozicion të ekipit. Ia kisha borxh këtë ndeshje dhe jam i lumtur që e luajti me këtë intensitet. Ai ka mbetur jashtë liste, por gjithmonë është gjendur i gatshëm. Meritonte të luante në këtë ndeshje. Për fat të keq unë nuk merrem me rregulloren, por është një mëkat që disa lojtarë që kanë dhënë kaq shumë për klubin nuk mund të aktivizohen vetëm se nuk figurojnë në një listë që bëhet ç’do fillim sezoni”, tha Baroni në fund të takimit ku Lacio eliminoi Napolin.

The post Baroni “ndjesë” Hysajt: Ia kisha “borxh” këtë ndeshje, s’luan për faj të rregullores appeared first on Albeu.com.