Kardinali hungarez 72-vjeçar ka mbajtur poste të rëndësishme në Kishën Katolike gjatë dekadave të fundit dhe u përmend si kandidat potencial edhe në vitin 2013, kur përfundimisht u zgjodh Papa Françesku. A ka shanse Erdo të pasojë argjentinasin? Dhe, ndoshta më intriguese, cila është marrëdhënia e tij me kryeministrin gjithnjë e më autoritar të Hungarisë, Viktor Orban?

Kush është Peter Erdo?

Erdo konsiderohet gjerësisht si “papabile” – një term që përdoret për kandidatët me gjasa reale për t’u bërë papë.

Teorikisht, çdo mashkull i pagëzuar katolik është i pranueshëm për papatin, por që nga shekulli i 14-të, vetëm kardinalët janë zgjedhur. Aktualisht ka 252 kardinalë, por vetëm 135 prej tyre kanë të drejtë vote, pasi vetëm ata nën moshën 80-vjeçare mund të marrin pjesë në konklavë. Erdo mund të arrijë të sigurojë dy të tretat e votave në Konklavën Papnore që pritet të nisë në fillim të majit (jo më herët se 16 ditë pas ndarjes nga jeta të papës, sipas rregullave aktuale).

Kredencialet e tij janë të fuqishme: nga viti 2006 deri më 2016 ai ka drejtuar Këshillin e Konferencave Ipeshkvnore Evropiane – një organizatë e rëndësishme që përfaqëson ipeshkvijtë katolikë në Evropë.

Kjo është me peshë, pasi kardinalët evropianë vazhdojnë të përbëjnë bllokun më të madh të votuesve. Por Erdo nuk ka ndërtuar lidhje vetëm në Evropë. Nëpërmjet punës së tij në këshill, ai ka krijuar kontakte të rregullta me përfaqësues të Kishës nga Afrika, Azia dhe Amerika Latine – rajone që po fitojnë gjithnjë e më shumë ndikim në Kishën Katolike.

Ai flet rrjedhshëm italisht dhe latinisht – gjuhë kyçe në hierarkinë e Vatikanit – dhe është një ekspert i njohur i së drejtës kanonike, që rregullon funksionimin e brendshëm të Kishës. Një nga arritjet e tij më të mëdha është sjellja e Kongresit Ndërkombëtar Eukaristik në Budapest, në vitin 2021 – një ngjarje madhore e cila mblodhi klerikë dhe besimtarë nga mbarë bota, përfshirë edhe papën.

Ky aktivitet i dha Erdos një platformë të fuqishme për të rritur dukshmërinë dhe për të ndërtuar rrjete të rëndësishme si në Vatikan, ashtu edhe në famullitë katolike në mbarë globin. Por, ndoshta arma e tij më e fortë është pragmatizmi.

Edhe pse konsiderohet konservator – për shembull, ai është kundër dhënies së Kungimit të Shenjtë për katolikët e divorcuar – Erdo ka bashkëpunuar me Papa Françeskun dhe ka shmangur kritikat publike ndaj tij, ndryshe nga shumë figura të krahut tradicionalist. Papa Françesku madje e kishte përfshirë Erdon në organizimin e takimeve të posaçme të Vatikanit për çështjet familjare, dhe vizitoi Hungarinë dy herë gjatë mandatit të tij.

A ka lidhje Erdo me Viktor Orbanin?

Por, çfarë mund të thuhet për lidhjet e Erdos me Qeverinë e Viktor Orbanit dhe partinë në pushtet, Fidesz – që vetëidentifikohet si mbrojtëse e vlerave judeo-kristiane dhe shpeshherë përballet me institucionet e Bashkimit Evropian?

Shteti hungarez financon Kishën Katolike dhe komunitete të tjera fetare të njohura përmes mbështetjes për edukimin fetar, kompensimit për pronat e konfiskuara nga regjimi komunist dhe organizimin e ngjarjeve si Kongresi Eukaristik. Gjatë krizës së emigrantëve në vitin 2015, Erdo e krahasoi pranimin e emigrantëve me ndihmën ndaj trafikimit të qenieve njerëzore – një qëndrim që përputhej më shumë me retorikën e Orbanit sesa me qëndrimin më tolerant të Papës Françesku.

Megjithatë, ai më pas paralajmëroi kundër përplasjes së feve dhe vuri në pikëpyetje nëse një kontinent mund të quhet vërtet i “krishterë”, duke iu kundërvënë në mënyrë të tërthortë retorikës kundër “islamizimit të Evropës” nga ana e Orbanit.

Erdo duket se ndjek të njëjtën qasje pragmatike ndaj Qeverisë hungareze si ndaj fraksioneve brenda Kishës Katolike. Ai nuk e ka mbështetur publikisht partinë në pushtet, megjithatë shumë priftërinj në Hungari u kanë bërë thirrje besimtarëve që të votojnë për Fidesz.

Ai ka zgjedhur me kujdes betejat e tij me Budapestin. Ka qëndruar i heshtur ndaj disa ligjeve të debatueshme, por është shprehur hapur për të tjera. Për shembull, ai nuk e kritikoi ndalimin e njerëzve të pastrehë në vitin 2018 – një masë në kundërshtim me mësimet e Papës Françesku. Por, kur Qeveria ndërmori hapin për të shtetëzuar klinikat e fertilizimit (IVF) një vit më vonë, Erdo nuk kurseu kritikat.

Edhe pse shumë vëzhgues të Vatikanit mendojnë se mund të zgjidhet papa i parë afrikan apo aziatik, një kandidat kompromisi për të stabilizuar Kishën pas viteve progresive e sfiduese të Françeskut mund të jetë pikërisht primati i Hungarisë./ REL

The post A do të jetë pasardhësi i Papa Françeskut një hungarez? appeared first on Albeu.com.

Vendet anëtare të BE-së do të votojnë të premten nëse do të vendosin tarifa për pesë vjetët e ardhshme deri në 45% mbi importet e automjeteve elektrike të prodhuara në Kinë, raporton Reuters.

Nën udhëheqjen e  Orbanit, Hungaria është bërë një partner i rëndësishëm tregtar dhe investimesh për Kinën, në kontrast me disa vende të tjera të BE-së që po mendojnë të bëhen më pak të varura nga ekonomia e dytë më e madhe në botë.

“Ajo që po na shtyjnë të bëjmë tani, ose ajo që BE-ja dëshiron të bëjë, është një luftë e  ftohtë ekonomike”, ka theksuar Orban për radion shtetërore në një intervistë, duke iu referuar tarifave të propozuara ndaj Kinës.

The post Kryeministri hungarez paralajmëron: BE-ja po shkon drejt “luftës së ftohtë ekonomike” me Kinën appeared first on Albeu.com.

Dëmtimi dhe objektivat për sezonin e ardhshëm

“Për fat të keq, pjesa tjetër nuk doli saktësisht siç e planifikova, pasi pata një dëmtim të vogël para fundit të sezonit. Kishte një frakturë në dy gishtat e mi, kështu që pas gjashtë javësh isha në gjendje të bëja një stërvitje të plotë tani. Më duhet ende pak kohë për të arritur veten, por e di që së shpejti do të jem ai i vjetri përsëri. Fatkeqësisht, për shkak të dëmtimit tim, unë gjithashtu nuk isha në gjendje të përfaqësoja ekipin tim kombëtar. Edhe gjatë pushimit tim, vetëm futbolli më erdhi në mendje. U përpoqa të siguroja veten se kishim mbyllur një sezon të gjatë, por të suksesshëm, plus që ishim në gjendje të garonim në Champions League gjatë vjeshtës. Jam i kënaqur që jam këtu përsëri tani dhe mund të fillojmë të punojmë. Unë u ktheva në klub me të njëjtin qëllim si kur erdha këtu vitin e kaluar, që do të thotë se do të doja të fitoja përsëri kampionatin”.

Takimi me Ramën dhe Veliajn:

“Ishte një nder i madh për mua të takoja njerëz kaq të mëdhenj, pasi askush nuk mund të takojë udhëheqës të tillë të nivelit të lartë politik çdo ditë. Isha shumë i lumtur që kjo gjë m’u dha dhe i detyrohem të gjitha futbollit. Ata më përgëzuan për arritjet e mia në Fradi dhe e mirëpritën fanellën si dhuratë”.

Interesimi i shqiptarëve për futbollin hungarez:

“Që kur luaj në Hungari, shumë nga bashkatdhetarët e mi kanë filluar të ndjekin kampionatin hungarez. Gjithnjë e më shumë njerëz janë të interesuar për elitën e Hungarisë, duke menduar se cila skuadër është më e mira, dhe të lumtur me suksesin tim”.

Shpallja si lojtari më i mirë i sezonit:

“Iu detyrohem të gjithëve një falënderim të madh, mbështetja nga tifozët e klubit është e mirë. Për mua, ato janë motivi kryesor, sepse nëse tifozët tanë janë të kënaqur me mua, kjo do të thotë që po e bëj mirë punën time. Kjo, sigurisht, do të më japë një hov të madh edhe për sezonin e ardhshëm. Jam shumë i lumtur, përsëri shumë faleminderit”.

Mbështetja për Hungarinë:

“Edhe pse Shqipëria nuk arriti në turneun aktual, Hungaria e bëri dhe kjo është arsyeja pse unë jam po aq i lumtur. Kështu që, pasi Shqipëria nuk është atje në turne, unë do të mbështes hungarezët në maksimum, pasi aktualisht jetoj në këtë vend, luaj këtu, jeta ime e përditshme po zhvillohet aktualisht në Hungari. Mund të themi se kjo është shtëpia ime e dytë. Përveç kësaj, shumë nga lojtarët tanë janë në ekipin kombëtar hungarez, shpresoj se ata do të paraqiten mirë, unë do t’i mbështes ata, sepse ne jemi një familje”.

Shanset e Hungarisë në Euro2020:

“Mendoj se gjithçka mund të ndodhë në futboll. Hungarezët u vendosën në grupin më të vështirë të mundshëm. Më të mirët në botë luajnë si kundërshtarët e tyre, por unë mendoj se hungarezët mund të kompensojnë diferencat individuale me mentalitetin e tyre”, ka thënë Myrto Uzuni.

The post “Prej meje shqiptarët po ndjekin kampionatin hungarez”, Uzuni: I mbështes në maksimum në Euro 2020 appeared first on Albeu.com.