Ngjarja ndodhi në orët e vona të ditës së djeshme dhe sipas raportimeve paraprake, viktima ishte pjesë e një grupi turistësh që po udhëtonin pa guidë të organizuar.

Miqtë e tij gjithashtu turistë të huaj, të tronditur nga ngjarja, njoftuan menjëherë shërbimet e emergjencës.

Sipas policisë, telefonata alarmuese mbërriti rreth orës 19:00, ku u raportua se turisti kishte rrëshqitur nga një shkëmb dhe kishte rënë në humnerë në një zonë të thepisur të shtegut malor.

Nisur nga serioziteti i situatës, menjëherë u mobilizuan forcat e Policisë së Shtetit, ekipet e kërkim-shpëtimit malor, infermierë si dhe një helikopter u nis nga Tirana për të lehtësuar aksesin në terren dhe për të mundësuar evakuimin e mundshëm të personave të tjerë në rrezik.

Në vendin e ngjarjes sipas Artur Gunit, President i Federates Shqiptare te Alpinizmit dhe Turizmit Malor, mbërritën edhe specialistët e njësive të shpëtimit malor nga Shqipëria dhe Kosova, si pjesë e një bashkëpunimi rajonal për ndërhyrje emergjente në zonat e thella malore.

Federata Shqiptare e Alpinizmit dhe Turizmit Malor, iu përgjigj menjëherë thirrjes për ndihmë duke dërguar një ekip profesionistësh nga zona e Valbonës, të cilëve iu bashkua edhe një përfaqësues i policisë lokale.

Po ashtu, në ndihmë u angazhua edhe një grup i specializuar nga Federata e Bjeshkatarisë dhe Ngjitjes Sportive të Kosovës.

Operacioni për lokalizimin dhe nxjerrjen e trupit të pajetë u përball me vështirësi ekstreme, për shkak të terrenit të vështirë dhe rrezikshmërisë së lartë.

Pavarësisht orëve të vona dhe kushteve të vështira, ekipet e shpëtimit punuan pa u ndalur gjatë gjithë natës.

Vetëm në orët e para të mëngjesit të sotëm, pas një përpjekjeje të gjatë dhe të rrezikshme u bë e mundur nxjerrja e trupit të pajetë nga humnera ku kishte rënë turisti.

Zonat malore të Thethit dhe Valbonës, janë ndër më të vizituarat në Shqipëri nga turistët vendas dhe të huaj, por shtegu që lidh këto dy destinacione, ndonëse mbresëlënës për bukurinë natyrore, mbetet sfidues dhe kërkon përgatitje të mirë fizike, orientim të qartë dhe në shumë raste shoqërim me guidë të licencuar.

Rasti i fundit rikthen edhe një herë në vëmendje nevojën për masë më të rrepta sigurie dhe ndjekjen e protokolleve të sigurisë në udhëtimet malore.

Gjatë muajve të fundit, ky është rasti i dytë i një ngjarje me pasoja tragjike për jetën e turistëve të huaj në Alpet e Shqipërisë.Autoritetet shqiptare kanë nisur hetimet për të zbuluar të gjitha rrethanat e ngjarjes, ndërsa trupi i pajetë i turistit do të transportohet për në morgun e spitalit të Shkodrës, për procedurat e mëtejshme ligjore dhe identifikimin zyrtar nga autoritetet konsullore holandeze.

The post Tragjike/ Nxirret nga humnera trupi i pajetë i turistit holandez appeared first on Albeu.com.

Mëngjesin e sotëm, familjarët 34-vjeçarit, banues në fshatin Berishë Vendi, kanë njoftuar Policinë se kishin humbur kontaktet të riun që prej mbrëmjes së datës 28 shtator.

Ai kishte shkuar në fshatin Iballë ditën e djeshme dhe në mbrëmje kishte njoftuar familjen se po kthehej për në banesë.

Gjatë kontrollit të rrugës paraditen e sotme, në vendin e quajtur “Laku i Qershisë”, në një rrugë dytësore që të çon në lagjen Bullicë të fshatit Berishë Vendi, rreth 50 metra poshtë rrugës është gjetur i pajetë i të riut.

Dyshohet se 34-vjeçari, duke u kthyer me automjet për në banesë, si pasojë e motit të keq ka humbur kontrollin mbi drejtimin e automjetit dhe ka dalë nga rruga.

Ndërkohë janë publikuar edhe pamjet nga makina e cila është shkatërruar e gjitha dhe shanset për të shpëtuar kanë qenë shumë të vogla.’

The post Makina përfundoi në humnerë, PAMJE nga aksidenti me 1 viktimë në Pukë appeared first on Albeu.com.

Aksidenti ka ndodhur rreth orës 22.30 fshatin Shushicë në afërsi të digës së HC të Banjës në Gramsh.

Fatmirësisht drejtuesi i automjetit, një 25-vjeçar ka shpëtuar pa dëmtime serioze, ndërsa automjeti është shkatërruar plotësisht.

Drejtuesi i automjetit ka njoftuar vetë policinë, e cila ka shkuar në vendngjarje, ndërsa i dëmtuari është transportuar për trajtim mjekësor në Spitalin Rajonal të Elbasanit.

The post FOTO/ Aksident i frikshëm në Gramsh, makina “fluturon” nga rruga e në humnerë appeared first on Albeu.com.

Burime bëjnë me dije se foristrada e drejtuar nga 56-vjeçari S.A ka rënë në humnerë, për pasojë ka mbetur i plagosur drejtuesi i mjetit.

Ai është transportuar në spitalin e Traumës në Tiranë.

Grupi hetimor ndodhet në vendngjarje dhe po punon për sqarimin e rrethanave të aksidentit.

The post Tjetër aksident i rëndë në Shqipëri, Foristrada bie në humnerë, një i plagosur appeared first on Albeu.com.

Si pasojë e aksidentit ka ndërruar jetë personi tjetër që ndodhej në mjet, ndërs D.Ç është dëmtuar rëndë dhe është dërguar menjëherë për ndihmë në spital.

Njoftimi:

Më datë 21.07.2023, në fshatin Fortuzaj, ka rënë në humnerë një mjet tip “Range Rover” në të cilin ndodheshin shtetasi D. Ç., 33 vjeç, dhe një shtetas tjetër ende i paidentifikuar.

Si pasojë shtetasi D. Ç., 33 vjeç, është dëmtuar dhe ndodhet në spital, ndërsa shtetasi tjetër ka humbur jetën. 

Grupi hetimor ndodhet në vendngjarje dhe po punon për sqarimin e rrethanave të aksidentit.

The post Nuk kanë fund tragjeditë këtë të premte, Range Rover bie në humnerë, një person humb jetën appeared first on Albeu.com.

Mësohet se një fuoristradë ka rënë në humnerë.

Shoferi Gjelosh Rushaj është në gjendje të rëndë shëndetësore. Ai është dërguar me helikopter në spitalin e Shkodrës për ndihmë mjekësore.

Nuk dihen ende detaje të tjera nga aksidenti.

Rruga e Dukagjinit është ndër më problematiket në të gjithë veriun e vendit dhe mbi 50 persona kanë humbur jetën në 30 vitet e fundit.

Banorët e kësaj zone u ngritën në 2 protesta përpara bashkisë së Shkodrës por ende nuk ka asnjë reagim për nisjen e punimeve në këtë rrugë./Albeu.com/

The post EMRI/ Aksident në Dukagjin, fuoristrada bie në humnerë, në gjendje të rëndë shoferi appeared first on Albeu.com.

Një aksident është regjistruar ditën e sotme në dalje të fshatit Ungrej në Lezhë.

Mësohet se një automjet ka dalë nga rruga dhe ka përfunduar disa metra në humnerë.

Si pasojë e aksidentit, raportohet për disa të lënduar, ndërsa drejtuesi ka marrë fraktura të shumta në trup dhe është transportuar drejt spitalit të Lezhës.

Policia dhe ambulanca ndodhen në vendin e ngjarjes./Albeu.com/

The post Automjeti përfundon në humnerë në Lezhë, raportohet për të lënduar (FOTO) appeared first on Albeu.com.

Për nxjerrjen e trupit të pajetë të turistit nga gremina janë dashur orë të tëra pune nga ekipet e kërkim shpëtimit, ku është dashur edhe ndihma e ekipeve të shpëtimit nga Kosova.

Shërbimi i Kërkim-Shpëtimit Malor të Kosovës ka publikuar foto nga ky operacion i vështirë në “Majën e grykave të hapura” në Valbonë. Trupi i pajetë është dashur të transportohet nga aty me litar dhe barrelë deri te helikopteri. Dy bashkëkombas të tjerë të 52-vjeçarit u transportuan në Valbonë në gjendje të mirë shëndetësore./albeu.com

The post Ra në humnerë, nxirret trupi i pajetë i turistit serb në Valbonë nga forcat e Kosovës appeared first on Albeu.com.

Ndërkohë dy turistët e tjerë paraqiten në gjendje të mirë shëndetësore.

Në lidhje me informacionin e dhënë më parë, për turistët e huaj të cilët janë dëmtuar rëndë, duke eksploruar zonën e Valbonës, ju informojmë se:

Shërbimet e Komisariatit të Policisë Tropojë, pas disa orësh kërkime, kanë bërë të mundur gjetjen e turistëve, në vendin e quajtur “Qafë Valbonë”.

Nga deklarimet paraprake të njërës prej turistëve, shtetases M. S., 29 vjeçe, rezulton se ajo po eksploronte zonën e Valbonës, së bashku me një turist tjetër, shtetasin D. J., 30 vjeç, i cili duke u ngjitur në një shkëmb të thepisur, me dëborë, ka rrëshkitur dhe ka rënë në humnerë, për pasojë ky shtetas ka humbur jetën.

Nga shërbimet e Komisariatit të Policisë Tropojë është bërë e mundur nxjerrja nga humnera e trupi të pajetë të shtetasit D. J.

Ndërsa shtetasja M. S. po transportohet me helikopter, në spitalin e Bajram Currit./albeu.com

The post Ra në humnerë, nxirret trupi i pajetë i turistit në Valbonë appeared first on Albeu.com.

Danezi ishte shumë me fat sepse kaloi i padëmtuar dhe me gjithë rënien përfundoi në dhjetëshen e parë në fazën e dytë të garës.

– Unë jam mirë, jam mirë. Më jep vetëm një biçikletë tjetër tha çiklisti i guximshëm.

Pas garës, ai tha se ishte i lumtur që nuk ishte lënduar.

– Nëse ka ndonjë gjë të mirë në rënie, atëherë është adrenalina ajo që ju pushton. Nuk ndjeva asnjë dhimbje. Ndihem mirë, duhet të kem pasur me vete një engjëll mbrojtës. Isha shumë me fat përfundoi çiklisti danez. /albeu.com/

“I’m fine, just give me a bike”@skjelmose_ had a scary moment today at Volta A Catalunya! pic.twitter.com/gsCsJAVK0g

— GCN Racing (@GcnRacing) March 22, 2022

The post Çiklisti ra në një humnerë 15 metra dhe vazhdoi garën (VIDEO) appeared first on Albeu.com.