Humbje ne peshe Archives - Albeu.com

“Nuk kam më kohë të ushqehem”, Trump tregon arsyen e humbjes drastike në peshë: Ndryshe nga njerëzit normalë…

D Marku — Wed, 24 Jan 2024 11:29:48 +0000

Ish- presidenti i SHBA Donald Trump ka folur në lidhje me humbjen e tij dramatike në peshë, duke zbuluar se ka humbur rreth 10 kilogramë.

Ai ka deklaruar se kjo ka ndodhur si pasojë e axhendës së tij të ngjeshur.

Trump, i njohur për dashurinë e tij për fast-food-et, tha se e gjitha ka ndodhur pasi ishte aq shumë i zënë me punë sa nuk kishte kohë të ushqehej siç duhet.

“Unë nuk kam mundur të ulem dhe të ha si një person normal, si ju. Për mua është pak më e vështirë”, tha 77-vjeçari.

Preferencat e ushqimit të ish-presidentit kanë qenë kryefjalë e mediave amerikane, ndërsa flitet se kompanitë e tij të preferuar janë McDonald’s dhe KFC.

Programi i tij tepër i ngarkuar i vitit 2024 përfshin fushatën për të arritur në Zyrën Ovale, ndërsa përballet gjithashtu me katër hetime penale, si dhe një gjyq civil për shpifje të nisur nga shkrimtari E Jean Carroll.

The post “Nuk kam më kohë të ushqehem”, Trump tregon arsyen e humbjes drastike në peshë: Ndryshe nga njerëzit normalë… appeared first on Albeu.com.

Nga kokoshkat tek çokollata, këto janë ushqimet që ju ndihmojnë të humbni peshë

E S — Tue, 06 Dec 2022 18:12:07 +0000

Kur mbajmë dietë, përpiqemi të shmangim disa ushqime “të këqija” që ekzistojnë, duke besuar se kështu do të humbim peshë më lehtë. Në fakt, ne mund t’i konsumojmë në mënyrë që të kontribuojnë në një dietë të ekuilibruar.

Le të shohim se cilat janë ushqimet që shmangim (gabimisht) kur ushqehemi shëndetshëm:

Vezë

Është shumë ushqyes, ndërkohë që me të drejtë zë kryesimin e ndoshta ushqimit më të diskutueshëm. Hulumtimet e fundit tregojnë se një vezë në ditë është e sigurt dhe ushqyese, dhe konsumimi i saj çdo ditë mund të rrisë humbjen e peshës. Kjo është për shkak të përmbajtjes së shtuar të proteinave në vezë, e cila shkakton një ndjenjë të fortë të ngopjes. Në fakt, një mëngjes me bazë vezësh e vonon urinë më shumë sesa një mëngjes me bazë miell.

Makaronat

Janë shumë të njohura dhe ndoshta ushqimi i preferuar i shumicës së njerëzve! Makaronat cilësohen gjithmonë si “problem” për humbjen e peshës. Por çfarë është e vërtetë në realitet? Karbohidratet (ku bëjnë pjesë makaronat) janë pjesë përbërëse e një diete të ekuilibruar.

Në vend që t’i shmangim ato, ne zgjedhim makaronat me grurë integrale dhe i mbajmë porcionet tona në moderim. Hulumtimet tregojnë se njerëzit që hanë disa porcione ushqimesh të plota në ditë kanë më shumë gjasa të humbin peshë dhe ta mbajnë atë.

Produktet e qumështit

Njerëzit që duan të humbin peshë përpiqen të shkurtojnë kaloritë duke “prerë” bulmetin. Studimet tregojnë se kjo është e gabuar. Trupi “djeg” më shumë yndyrë kur merr mjaftueshëm kalcium, kështu që ngrënia e djathit, kosit dhe qumështit me pak yndyrë mund t’ju ndihmojë në të vërtetë të humbni peshë. Produktet e qumështit, veçanërisht kosi, janë gjithashtu të pasura me proteina, të cilat ndihmojnë në ngopjen.

Çokollatë

Është një snack i preferuar për të gjithë. Konsumi prej 40 gr. çokollatë e zezë çdo ditë dhe për një periudhë prej 2 javësh është vërtetuar se ndihmon në përmirësimin e disponimit të atyre me ankth të rëndë.

Çokollata e zezë është plot me antioksidantë dhe është treguar në studime se ndihmon insulinën të funksionojë më mirë në trupin tonë, ndërsa kontrollon ndjenjën e urisë. Përveç kësaj, ai përmban magnez, i cili ndihmon në menaxhimin e stresit, lodhjes dhe depresionit.

Pop corn (kokoshka)

Konsiderohet një snack i lehtë e i shëndetshëm, veçanërisht kur i bëjmë në shtëpi. Ato përmbajnë fibra dhe krijon një ndjenjë ngopjeje ndërmjet vakteve, ndërsa ndihmon edhe tretjen. Në të njëjtën kohë, është një ushqim i pasur me antioksidantë. Ka më shumë polifenole, një lëndë ushqyese që lufton inflamacionin, sesa perimet, pasi ato janë në një formë më të koncentruar. Gjatë përgatitjes është mirë të mos përdorni gjalpë, shumë kripë dhe sheqer ose karamel.

Salmoni

Është ndoshta peshku më i keqkuptuar, sepse është shumë i yndyrshëm. Ka vlera të mëdha ushqyese dhe veti të dobishme për lëkurën, imunitetin, zemrën dhe trurin. Konkretisht, salmoni është i pasur me niacinë, acid pantotenik, riboflavinë, vitaminë D, vitamina B, selen dhe fosfor.

Nuk ka shumë kalori apo acide yndyrore të ngopura, por kërkon vëmendje nga ata me kolesterol të lartë. Është një nga burimet më të mira të acideve yndyrore Ω3, të cilat janë të vlefshme për organizmin.

The post Nga kokoshkat tek çokollata, këto janë ushqimet që ju ndihmojnë të humbni peshë appeared first on Albeu.com.

Nëse doni të humbni peshë, hani darkë në këtë orë

E S — Fri, 07 Oct 2022 15:14:31 +0000

A keni menduar ndonjëherë se sekreti i humbjes së peshës varet nga koha kur hani vaktin tuaj të fundit? Këtë e vërtetojnë studime të ndryshme dhe ekspertët pohojnë se duhet të hani darkë para orës 20:00, mundësisht rreth orës 18:00 dhe në këtë mënyrë të rrisni shanset për të hequr qafe kilogramët e tepërt.

Është vërtetuar se një darkë e hershme ndikon pozitivisht në peshën tonë, sepse zgjat periudhën deri në kohën e gjumit dhe në këtë mënyrë nxit tretje më të mirë. Kjo është gjithashtu mënyra më e mirë për të shmangur dëshirat e natës dhe për të reduktuar depozitimin e yndyrës në trup sa më shumë që të jetë e mundur.

Pse nuk është mirë të hani menjëherë para gjumit?

Rekomandohet të mos hani të paktën 2 orë para gjumit, sepse kështu nuk do të keni probleme me stomakun dhe tretjen gjatë natës.

Megjithatë, mos hiqni dorë nga darka, sepse nëse stomaku juaj është bosh, nuk do të flini mirë nga uria. Nëse hani vonë, keni më shumë gjasa të zhvilloni refluks nga ushqimi i patretur dhe gjithashtu të shtoni peshë.

Gjithashtu, sigurohuni që darka juaj të jetë e lehtë, e pasur me perime dhe proteina. Nuk rekomandohet të hani ushqime të pasura me karbohidrate para se të shkoni në shtrat, sepse ato janë të pasura me energji që nuk ju nevojiten para se të shkoni në shtrat.

The post Nëse doni të humbni peshë, hani darkë në këtë orë appeared first on Albeu.com.

A mund të ndihmojë dushi i ftohtë në humbjen e peshës?

E S — Tue, 06 Sep 2022 18:44:57 +0000

Dushi i ftohtë ka shumë përfitime shëndetësore, duke filluar nga ulja e stresit deri te forcimi i sistemit imunitar. Por, a mund t’ju ndihmojë të humbni peshë?

Përfitimet shëndetësore të dushit të ftohtë

Dushi i ftohtë zvogëlon stresin psikologjik

Një dush i ftohtë ushtron presion në trup. Kjo shkakton një gjendje “ngurtësimi”, dhe më pas çon në një ambientim gradual të sistemit nervor në këtë nivel stresi. Pra, sistemi nervor do të jetë më i pajisur për të përballuar situatën.

Forcon sistemin imunitar

Studimet kanë treguar se një dush i ftohtë rrit numrin e qelizave të bardha të gjakut në trup që mbrojnë trupin nga sëmundjet. Bëni të paktën 2-3 dushe në javë për të parë rezultate.

Ul simptomat e depresionit

Për ata që vuajnë nga depresioni, dushi i ftohtë mund të “trondisë” trupin dhe të dërgojë impulse elektrike në tru. Uji i ftohtë shkakton rritjen e qartësisë dhe niveleve të energjisë. Gjithashtu, endorfina e çliruar çon në ndjenja të mirëqenies dhe lumturisë.

Cila është lidhja midis dushit të ftohtë dhe humbjes së peshës?

Ekspozimi ndaj temperaturave të ftohta inkurajon prodhimin e yndyrës kafe – një lloj specifik i indit dhjamor që prodhon energji duke djegur kalori. Ekspozimi ndaj të ftohtit rrit metabolizmin, sipas shkencëtarëve. Një përfitim tjetër i dushit të ftohtë është reduktimi i inflamacionit, ënjtjes dhe dhimbjes në muskuj.

Shumë atletë kanë pretenduar se përdorin banja të ftohta për të shpejtuar kohën e rikuperimit pas stërvitjes.

Si mund të mësohemi gradualisht me ujin e ftohtë?

Filloni me një dush të ftohtë një herë në javë, më pas bëni dy dhe më shumë. Përndryshe, “dushi skocez” i njohur është një zgjidhje shumë e mirë pasi alternimi i ftohtë-nxehtë rrit qarkullimin e gjakut. Një truk tjetër është të ulni gradualisht temperaturën në fund të dushit të zakonshëm të nxehtë dhe më pas të qëndroni nën ujë të ftohtë për dy minuta. /

The post A mund të ndihmojë dushi i ftohtë në humbjen e peshës? appeared first on Albeu.com.

Pija “magjike” që do t’ju dobësojë brenda pak kohësh

E S — Mon, 30 May 2022 20:25:55 +0000

Sikurse disa çajra të tjerë bimorë, që kanë veti të mira për shëndetin e njeriut, edhe çaji i zi ka shumë përfitime për shëndetin.

Sipas një studimi të bërë nga një ekip hulumtuesish, të publikuar në revistën “European Journal of Nutrition”, ky çaj arrin dukshëm të përmirësojë sistemin tonë tretës duke i eliminuar bakteret dhe duke përmirësuar funksionimin e metabolizmit.

Ky çaj së bashku më atë jeshil, aktivizojnë bakteret e mira, dhe eliminojnë ato të këqijat që janë të lidhura me obezitetin. Tek ky lloj i çajit polifenolet- substanca aktive ne të, kanë një rol të rëndësishëm në funksionimin normal të zorrëve, dhe kanë rol në formimin e zingjirëve të shkurtër yndyror që janë përgjegjës për energjinë e nevojshme të metabolizmit.

Gjithsesi duhet të keni parasysh që konsumimi i moderuar i tij ka kto përfitime, kurse nëse merrni sasi të lartë të tij kjo përbën një rrezik për shëndetin./albeu.com

The post Pija “magjike” që do t’ju dobësojë brenda pak kohësh appeared first on Albeu.com.

Dieta me kos, ju bën të humbisni 5 kg në javë

E S — Mon, 14 Feb 2022 19:00:44 +0000

Dieta me kos është një dietë bashkëkohore, e cila bazohet në receta të pasura me proteina dhe të varfra me karbohidrate. Ajo siguron elementët e nevojshëm ushqyes për organizmin nëpërmjet një ekuilibri ushqimor të përsosur dhe në të njëjtën kohë, pakëson ndjeshëm numrin e kalorive. Kjo bën që trupi për energjinë e nevojshme të sigurojë kaloritë nëpërmjet indeve dhjamore të depozituara, kryesisht në zonën e barkut, duke mundësuar në këtë mënyrë shkrirjen e yndyrave.

Dieta me kos përjashton ëmbëlsirat, duhanin, alkoolin dhe pijet e gazuara. Recetat e sallatrave janë ndërtuar me shumë pak vaj ulliri. Rekomandohet që gjatë kësaj diete të konsumoni sa më shumë ujë, si dhe të kryeni aktivitete fizike për rezultate sa më të mira.

Mëngjesi: 100 gr kos me tërshërë.

Dreka: Sallatë jeshile me një kokërr patate të zier.

Zemra: Kos me fruta (mollë, portokalle, limon).

Para gjumit: Një gotë kos me një domate të grirë në mikser.

Mëngjesi: 100 gr kos me tërshërë.Zemra:

Kos me fruta (mollë, boronica, pjeshkë).

Dreka: 50 gr oriz të shoqëruar me sallatë me domate.

Zemra: Kos me fruta (mollë, portokalle, limon).

Darka: Sallatë me perime mikse, e shoqëruar me një fetë buke të zezë, ose integrale.

Mëngjesi: 100 gr kos me tërshërë.

Zemra: Kos me fruta sipas dëshirës.

Dreka: Supë perimesh mikse e shoqëruar me sallatë perimesh mikse.

Zemra: Kos me fruta (mollë, portokalle, limon).

Darka: 200 gr peshk i pjekur në zgarë e shoqëruar me sallatë jeshile.

Mëngjesi: 100 gr kos me tërshërë.

Zemra: Kos me fruta sipas dëshirës.

Dreka: 200 gr fileto pule, e shoqëruar me sallatë greke (domate, ullinj, qepë, djath i bardhë).

Zemra: Kos me fruta (mollë, portokalle, limon).

Darka: 2 kokrra patate të ziera, të regjura në uthull molle.

Para gjumit: Një gotë kos me një domate të grirë në mikser.

Mëngjesi: 100 gr kos me tërshërë.

Zemra: Kos me fruta sipas dëshirës.

Zemra: Një gotë kos e shoqëruar me një fetë buke të thekur (bukë e zezë ose integrale).

Darka: 100 gr fileto pule e shoqëruar me sallatë perimesh mikse.

Para gjumit: Një thelë shalqi.

Mëngjesi: 100 gr kos me tërshërë.

Zemra: Kos me fruta sipas dëshirës.

Dreka: 200 gr peshk i pjekur në zgarë e shoqëruar me sallatë jeshile, ose me sallatë perimesh mikse, si dhe një fetë buke e zezë ose integrale.

Zemra: Një gotë kos e shoqëruar me një fetë buke të thekur (bukë e zezë ose integrale).

Darka: Perime të pjekura në zgarë.

Para gjumit: Një thelë pjepër.

Zgjidhni njërën nga recetat që dëshironi më shumë.

Kjo dietë rekomandohet të përsëritet jo më shumë se një herë në muaj. Pasi e realizuat dietën, kaloni gradualisht në recetat e personalizuara, duke pasur kujdes që të mos abuzoni me sasinë, pasi kilet që keni humbur mund t’i zëvendësoni sërish me shpejtësi.

The post Dieta me kos, ju bën të humbisni 5 kg në javë appeared first on Albeu.com.