Franca hyri në gjysmëfinalen e Kupës së Botës 2026 me peshën e favoritës absolute, e bindur se do të mposhtte Spanjën dhe do të vazhdonte rrugën drejt trofeut. Megjithatë, realiteti në fushë rezultoi krejtësisht i ndryshëm për “Gjelat”, që u dorëzuan pa shumë rezistencë.

Skuadra e drejtuar nga Didier Deschamps pësoi një disfatë të pastër 0-2 nga iberikët, duke u shfaqur totalisht e zbehtë dhe pa ide gjatë gjithë 90 minutave. Pas ndeshjes, ylli i ekipit, Kylian Mbappe, foli hapur për dështimin që la të tronditur gjithë kombin francez.

“Performanca jonë ishte larg asaj që kishim parashikuar. Synimi ishte të ushtronim një presion të lartë për t’ua mohuar kontrollin e lojës, por taktika dështoi plotësisht. Në mesfushë përballemi vazhdimisht me epërsi numerike të kundërshtarit, në situata 3 kundër 2, dhe përballë Spanjës kjo u shndërrua në një hendikep të madh,” shpjegoi sulmuesi francez.

Ai shtoi më tej se synimi për të arritur në finale ishte një ëndërr e përbashkët. “Zhgënjimi është kolosal, por tani na duhet të rimarrim veten. Do të shkëputemi për pushime dhe më pas do të nisim një cikël të ri,” deklaroi Mbappe, duke sinjalizuar fundin e një epoke për këtë gjeneratë futbollistësh.

The post Mbappe pranon dështimin pas goditjes së Francës nga Spanja: Asgjë nuk shkoi sipas planit appeared first on Albeu.com.

Avokati Gazmend Halilaj ka publikuar një reagim në rrjetet sociale, ku është shprehur se ish-presidentja Vjosa Osmani nuk u mposht vetëm në zgjedhje, por edhe në “betejën juridike” pranë Prokurorisë Speciale.

Sipas Halilajt, gjatë muajit mars ishte bërë përpjekje që Halil Geci të përfundonte në burg. Ai vlerëson se ngjarjet që pasuan e dëshmuan se “Baci Lila ishte i pastër si loti”.

Në postimin e tij, Halilaj shkroi se humbja zgjedhore nuk ishte e vetmja për Vjosa Osmanin, duke pretenduar se ajo humbi edhe përballjen juridike me të dhe me Bacin Lilë në Prokurorinë Speciale.

Ai shtoi se, në cilësinë e presidentes, Osmani ishte munduar në mars ta burgoste Bacin Lilë, por sipas tij, koha tregoi se ai ishte “i pastër si loti”.

The post Halilaj: Vjosa Osmani pësoi humbje edhe në përballjen juridike appeared first on Albeu.com.

Sipas të afërmve, Dallëndyshja është parë për herë të fundit pranë Rrugës së Re në Vlorë, rreth orës 15:00-17:00, ku ka thënë se do të shkonte drejt Armenit me furgon.

Që prej atij momenti, familjarët nuk kanë më asnjë të dhënë për vendndodhjen apo lëvizjet e saj.

Në çastin kur u humb kontakti, 72-vjeçarja kishte të veshura rroba të zeza dhe mbante një kapele të bardhë. Familja njofton se ajo vuan nga demenca, gjë që e vështirëson orientimin e saj.

Çdokush që e ka parë ose disponon informacion për vendndodhjen e saj, kërkohet të telefonojë familjarët në numrat:

06960554050685555875

Çdo njoftim mund të ndihmojë në kthimin e saj pranë familjes.

The post Apel për ndihmë! Familja humb kontaktet me 72-vjeçaren në Vlorë, nënë Dallëndyshja vuan nga demenca appeared first on Albeu.com.

Pavarësisht optimizmit për të marrë një rezultat të mirë ndaj Astanës në Conference League, Dinamo e mbylli sfidën në disavantazh, duke u mundur me shifrat 0-1.

Golin e vetëm të takimit e realizoi Karimov për miqtë në minutën e 69-të.

Menjëherë pas këtij rezultati negativ, “blutë” reaguan në rrjetet sociale me mesazhin: “Mbyllet ndeshja në Elbasan. Beteja vazhdon”.

Ndeshja e kthimit e vlefshme për raundin e parë të Conference League do të luhet më 16 korrik, në tokën kazake.

The post Dinamo mposhtet 0-1 nga Astana në “Elbasan Arena”, por kryeqytetasit besojnë ende te Conference League appeared first on Albeu.com.

Pavarësisht humbjes së thellë, klubi shkodran reagoi në rrjetet sociale pa e konsideruar si “dramë” këtë disfatë, duke theksuar se përballë kishte një nga skuadrat më të forta të Sllovenisë.

Te Vllaznia ka pasur edhe afrime të reja në ditët e fundit dhe skuadrës do t’i duhet kohë që këta lojtarë të përshtaten me grupin e mëparshëm. Testi i ardhshëm miqësor për kuqeblutë do të jetë ndaj NK Rudes.

The post Vllaznia mposhtet 4-0 nga NK Olimpija Ljubljana, shkodranët nuk e dramatizojnë rezultatin appeared first on Albeu.com.

Kështu u shpreh sot në studion e “News 24” ish-ministri i Bujqësisë dhe ish-deputeti i PL-së, Edmond Panariti.

“Ikja e Viktor Orban do ketë efekt zinxhir edhe në vendet e tjera. Zgjedhjet në Hungari dhanë një mandat për transformim. Ardhja e Magyar në pushtet dhe humbja e Orban ishte më shumë një fitore për BE”, tha ai.

Dhe për të vijuar diskursin dhe analogjinë politike, duke përdorur edhe aforizma, ai shtoi:

“Ka një aforizëm se sa më gjatë të qëndrosh në pushtet, aq më shumë fiton tiparet e djallit dhe bëhesh diabolik dhe pushteti absolut korrupton, kalon në degradim, s’ka më balancë pas 4 apo 5 mandatesh. Shkatërron edhe sistemet e tjera, si drejtësinë apo pushtetet e pavarura dhe futet në cikël vicioz, pa shpresë dhe për këtë arsye ka gjithmonë terren për të reflektuar. Pushteti absolut korrupton në mënyrë absolute. Shpresoj të jetë moment reflektimi dhe besoj pak shpresë kam për Shqipërinë për reflektim”.

Por Panariti vuri në dukje se Shqipëria ka potenciale dhe elemente me integritet dhe ishte momenti i një elite të re. Dhe besonte se ky ndryshim do të vinte.

“Unë mendoj se Shqipëria ka elementë, potenciale, të shkolluar, eksponentë me integritet, pasi ky vend kërkon ndryshim dhe qarkullim figurash, kërkon të rinj, energji të reja e fizike, duhet ndryshim. Propaganda prodhon lajme çdo ditë, nuk e shuan jehonën, mban opinionin publik nën breshërinë e lajmeve, pa i dhënë mundësinë. Por mendoj se ndryshimi do vijë, është e pashmangshme, e kemi parë edhe në kohën e diktaturës”, vijoi ish-deputeti.

Ndërsa nënvizoi se në vendin tonë janë prishur mekanizmat për shkak të kontrollit të pushtetit nga qeveria, ai solli në vëmendje atë që ndodhi në Hungari, e cila ndoqi kursin e Evropës dhe jo të Lindjes.

“Por në Shqipëri është prishur mekanizmi i kontrollit të pushtetit. Nëse vërtetë je i bindur se do të shkulësh një regjim dhe qeverisje, këto i bën ose tre muajt e para për të shkulur atë rrjet të kalcifikuar pushteti autokratik dhe sistem. Megjithatë mandati është i fortë dhe mbetet për t’u parë. Vizita e parë e Magyar do jetë në Bruksel për të zhbllokuar ato 17 mld euro si dhe çështja e reformave”, u shpreh Panariti.

The post Panariti flet për zgjedhjet në Hungari: Ndryshimi në Shqipëri do vijë, është i pashmangshëm, ikja e Orban do ketë efekt zinxhir dhe në vende të tjera appeared first on Albeu.com.

Magyar, avokat me profesion dhe ish-eurodeputet, u shfaq në skenën politike me një ritëm të shpejtë, duke kapitalizuar pakënaqësinë në rritje të një pjese të konsiderueshme të shoqërisë hungareze.

Nga brenda sistemit drejt pushtetit

Karriera e tij politike lidhet fillimisht me partinë në pushtet Fidesz, çka i dha mundësinë të njohë nga afër funksionimin e mekanizmave shtetërorë. Përpara se të ndiqte një rrugë të pavarur, ai ishte pjesë e strukturave të lidhura me qeverinë.

Në vitin 2020, ai themeloi partinë Tisza, ndërsa në vitin 2024 u zgjodh eurodeputet, duke u bashkuar me grupin e Partive Popullore Evropiane. Edhe pse formacioni i tij konsiderohet më pro-evropian krahasuar me Fidesz, Magyar ka mbajtur një qëndrim të kujdesshëm ndaj Bashkimit Evropian, duke shmangur pozicione që mund të rezultonin të papëlqyera në opinionin e brendshëm.

Skandali që e nxori në pah

Ngjitja e tij politike lidhet ngushtë me zhvillimet e vitit 2023, kur ai denoncoi publikisht qeverinë për çështje korrupsioni. Një element kyç ishte publikimi i një regjistrimi të fshehtë të një bisede me ish-bashkëshorten e tij, Judit Varga, asokohe ministre e Drejtësisë, ku përmendej ndërhyrje e supozuar politike në një çështje korrupsioni.

Rasti shkaktoi reagime të forta politike dhe mediatike. Nga ana tjetër, Varga e akuzoi Magyar për dhunë në familje dhe shantazh, duke pretenduar se nuk ishte në dijeni të regjistrimit. Pavarësisht përplasjes së ashpër, kjo nuk ndikoi ndjeshëm në mbështetjen publike ndaj tij.

Balancë mes BE-së dhe politikës së brendshme

Në planin politik, Magyar ka shmangur një rreshtim të plotë me linjat e Brukselit, duke tentuar të ruajë një ekuilibër mes orientimit evropian dhe skepticizmit që ekziston në një pjesë të elektoratit hungarez.

Çështje të ndjeshme si anëtarësimi i mundshëm i Ukrainës në BE apo ndihma financiare për Kievin mbeten tema delikate në politikën e brendshme, duke kufizuar hapësirën për qëndrime të forta pro-evropiane.

Nga ana e tij, Orban e ka cilësuar shpesh Magyar si “marionetë të Brukselit”, një akuzë që lideri i ri e ka hedhur poshtë, duke u përpjekur të projektojë imazhin e një politikani që kombinon kursin evropian me mbrojtjen e interesave kombëtare.

Një kapitull i ri për Hungarinë

Zgjedhja e Peter Magyar shënon një ndryshim të thellë politik në Hungari, duke hapur një kapitull të ri pas një periudhe të gjatë dominimi nga Orban. Pritet që drejtimi i ri të ndikojë jo vetëm në politikën e brendshme, por edhe në raportet e vendit me Bashkimin Evropian dhe arenën ndërkombëtare.

The post Peter Magyar, kryeministri i ri i Hungarisë/ Politikani që i dha fund epokës Orban, ngjitja në pushtet e avokatit 45-vjeçar appeared first on Albeu.com.

Lajmi për gjetjen e saj është bërë me dije nga e ëma e saj. Ende nuk dihen shkaqet e largimi të saj nga banesa, ndësa policia po heton më shumë mbi rastin.

The post U raportua e zhdukur nga familja, gjendet pas disa orësh kërkime 14-vjeçarja në Tiranë appeared first on Albeu.com.

“Jemi të zhgënjyer, e provuam deri në fund, bëmë një sforco të madhe, por në të njëjtën kohë jemi edhe krenar. Energjia që na dha stadiumi është ajo pas së cilës duhet të kapemi nga këtu e deri në fund të sezonit. Kemi qenë edhe të pafat me disa episode arbitrale. E kuqja e Kelly? Nuk do të kisha dëshirë të ishe në vendin e arbitrit, kam pak për të thënë. Spalletti? Që kur ka ardhur ai kemi gabuar vetëm një ndeshje e gjysmë. Nuk ka pasur kurrë dyshime në lidhje me të ardhmen e tij, ka qenë gjithnjë prioritet. Për Vlahovic të shohim. Po bën gjithçka për t’u rikuperuar, ai është një lojtar që e ka Juven në shpirt, është i rëndësishëm për ne nga këtu e deri në fund të qershorit”, u shpreh Chiellini.

Prej kohësh, në Torino, emri i Osimhen është prezent, me drejtuesit e “Zonjës së Vjetër” që e shohin si një opsion për të përforcuar fazën ofensive.

Mosfestimi i tij pas golit të shënuar ngriti edhe më shumë dyshime, por nigeriani theksoi se e bëri diçka të tillë në shenjë respekti ndaj Spallettit: “Nuk ishte e nevojshme, ishte në shenjë respekti ndaj një njeriu që ka pasur një rol të rëndësishëm në karrierën time. Përtej kësaj, kjo ishte një ndeshje ku nuk luajtëm mirë, nuk gjeta asnjë arsye për të festuar”, u shpreh Osimhen.

The post Spalletti “zhduket” pas ndeshjes, por Chiellini e konfirmon, drejtori flet edhe për Vlahovic appeared first on Albeu.com.

“Më pëlqen të flas me qetësi pas ndeshjeve, por sot është e vështirë. Si t’ua shpjegoj djemve që humbëm një ndeshje si kjo? Do ta mendoj sonte dhe do të flas me ta nesër në mëngjes. Ekipi luajti një ndeshje të mirë, provuam shumë gjëra të mira, por në fund humbëm 3-1. Do të thotë që duhet të përmirësojmë shumë gjëra.

Ndonjëherë kur flas, keqkuptohem. E përsëris, sot është e vështirë për mua të analizoj, preferoj t’i lejoj të tjerët ta bëjnë. Sot është shumë e vështirë për mua, normalisht do të kishte qenë një ndeshje që duhet ta kishim fituar sepse dominuam. Bëmë 700 pasime dhe Milani 200… Menja bëri shumë pritje, pastaj Rabio fitoi ndeshjen. Ata janë lojtarë shumë të fortë, individualiteti të bën të fitosh. Por ekipi im luajti një ndeshje të shkëlqyer.

Ne u përgatitëm për një ndeshje duke e ditur se mund të humbnim për shkak të dy gjërave: lojës së tyre individuale, ku ne bëmë presing mjaft mirë, dhe kundërsulmit. Herën e parë që humbëm topin, ata morën një penallti. Mbaj mend vetëm një ndeshje aq dominuese sa kjo nga Lacio, dhe ajo ishte kundër Milanit, një ekip që e ndiqja në TV kur isha fëmijë. Po shkoj në shtëpi i zemëruar, por duhet të jem i kthjellët kur të flas me djemtë sepse janë të rinj. Mund të ndodhë që të humbasësh tre ose katër topa kur bën 750 pasime, por dhemb nëse ata shënojnë tre gola… Nëse do të kishim shënuar golin e dytë, mund të kishim fituar, por Milani, me një portier dhe një lojtar të shkëlqyer, e fitoi ndeshjen”, ishin fjalët e Fabregas pas sfidës.

The post Fabregasit nuk i del e keqja pas Milanit: Si t’ua shpjegoj djemve që humbëm? Bëmë 700 pasime dhe ata 200, humbëm tre topa dhe na shënuan 3 appeared first on Albeu.com.