hristjan miskovski Archives - Albeu.com

Mickoski: Nga 1 korriku, çmimi i energjisë elektrike do të rritet së paku me 10%

E B — Sat, 28 May 2022 13:01:08 +0000

Kreu i VMRO-DPMNE-së, Hristijan Mickoski në konferencën e sotme për shtyp tha se çmimi i rrymës elektrike në vend nga 1 korriku pritet të rritet për minimum 10 për qind, përcjell TV21. Mickoski thotë se për këtë është fajtore Qeveria, pasi, siç tha ai vendi importon rrymë elektrike ndërsa termocentralet në vend janë në gjendje të mjerueshme.

“Nga 1 korriku qytetarët i pret një tronditje e re e çmimeve me atë se përveç 30 për qind të çmimit më të lartë për rrymë elektrike nga ardhja e qeverisë së LSDM-së, nga 1 korriku fatkeqësisht do të kemi minimum 10 për qind rritje të faturave për energji elektrike tek qytetarët, them minimum për shkak se jam i bindur se ky numër do të pësojë ndryshime dhe do të jetë më i lartë”, deklaroi mes tjerash Mickoski.

I pyetur se si do të zgjidhte problemin me energjinë elektrike në rast se do të vinte në pushtet, Mickoski tha se të njëjtën do ta bënte brenda 6 muajve, gjegjësisht duke e kthyer prodhimin e energjisë elektrike së paku në nivelin e vitit 2019.

“Shumë thjeshtë, të kthehemi së paku në prodhimin e vitit 2019, shumë thjeshtë, dhe këtë do ta bëjmë për më pak se 6 muaj”, tha mes tjerash Mickoski.

The post Mickoski: Nga 1 korriku, çmimi i energjisë elektrike do të rritet së paku me 10% appeared first on Albeu.com.

Hristijan Mickoski merr mandatin e dytë në krye të VMRO-DPMNE

admin — Sun, 12 Dec 2021 19:44:29 +0000

Ka përfunduar votimi në VMRO-DPMNE për zgjedhjen e kryetarit të ri. Lideri aktual, Hristijan Mickoski, ka fituar edhe një mandat në krye të partisë që drejton momentalisht. “493 delagatëve, të drejtën e votës në Kongresin e XVII e kanë shfrytëzuar 492 delegatë. Prej tyre kemi 3 fletëvotime të pavlefshme dhe 489 fletëvotime për kandidatin profesor [...]

Jo vetëm Berisha, VMRO-DPMNE mbledh Kuvendin e partisë pas fitores në zgjedhje

admin — Sun, 12 Dec 2021 15:31:56 +0000

Duket se dhjetori është muaji i mbledhjes së Kuvendeve të partive të djathta në rajon.

Pas Kuvendit të 11 dhjetorit në Tiranë, të thirrur nga Berisha, edhe në Maqedoninë e Veriut partia Konservatore e VMRO-DMPNE-së do të mbajë Kuvendin e saj, ku pritet që delegatët të votëbesojnë kryetarin e kësaj force politike Hristjan Mickovski.

Mbi 500 delegatë do të diskutojnë për sfidat që e presin të djathtën konservatore në Maqedoninë e Veriut, si edhe do të vendosin nëse kryetari i saj aktual, Hristjan Mickovski do të vijojë të qëndrojë në detyrë apo jo.

Aktualisht për kryetar të partisë është parashtruar vetëm një kandidaturë, vetëm ajo e liderit aktual Mickoski.

Anëtarët e tjerë të kësaj force politike do të kenë mundësi të parashtrojnë kandidaturën gjatë kohës që zhvillohet kongresi.

Në Kuvend pritet që Mickovski të japë paralajmërime për rifreskimin dhe rimobilizimin e VMRO-DPMNE-së në përputhje me politikat e reja të saj./albeu.com/

The post Jo vetëm Berisha, VMRO-DPMNE mbledh Kuvendin e partisë pas fitores në zgjedhje appeared first on Albeu.com.

Kush është kandidati i vetëm për kryetar të VMRO-DPMNE-së?

admin — Sat, 11 Dec 2021 18:50:37 +0000

Deri më tani kandidati i vetëm për kryetar të VMRO-DPMNE është Hristjan Mickovski.

“Jo, deri më tani nuk ka arritur asnjë kandidaturë tjetër për zgjedhjen e ardhshme të kryetarit të VMRO-DPMNE. Është vetëm kandidatura e kryetarit Hristijan Mickoski, por ajo vazhdon të jetë e hapur”, deklaroi Naum Stoillkovski, zëdhënës i VMRO-DPMNE-së.

Doktrina tashmë e njohur e viteve ’90 është përditësuar me vlera evropiane, kurse vlerat që i kultivojnë po përmenden në urimin e Partisë Popullore Evropiane.

“Në urimin janë përmendur edhe problemet më të mëdha të Maqedonisë. Problemet të cilat janë cekur në urimin e Partisë popullore janë: korrupsioni, sundimi i së drejtës dhe kriza ekonomike sa i takon përparimit tonë drejt BE-së”, shton më tej Stoillkovski.

Sipas VMRO-DPMNE-së, qëllimi kryesor është që të kthehet shpresa te qytetarët dhe se edhe në Maqedoni mund të jetohet mirë. albeu.com/

The post Kush është kandidati i vetëm për kryetar të VMRO-DPMNE-së? appeared first on Albeu.com.