Qeveria e re do të ketë 4 ministri më shumë nga ajo aktuale. Përveç kryeministrit do të ketë edhe 23 ministra.

Qeveria “Mickoski” do të ketë 5 zëvendëskryeministra, një prej tyre zëvendëskryeministër i parë. VMRO-DPMNE-ja do të drejtojë me 15 dikastere, 6 ministri janë të VLEN-it dhe 2 të ZNAM-it, raporton Alsat.

Mickoski një ditë më parë në tha se fokusi i Qeverisë së re të jetë ekonomia dhe zhvillimi, pasi shumë kohë dhe energji është shpenzuar për tema të imagjinuara dhe çështje etnike.

Ai u shpreh se informacionet që i ka marrë tregojnë se gjendja në shtet nuk është aspak e mirë.

“Është koha, vjen ora kur atdheu duhet të bëjë më shumë për çdo qytetar! Secili nga ju, maqedonas, shqiptar, turk, serb, rom, vlleh, boshnjak dhe të gjithë të tjerët, bëri gjithçka për atdheun.

Ajo që e mësojmë për gjendjen në shtet, tregon se ajo është baras me vdekjen klinike në shumë fusha të rëndësishme, e shkatërruar deri në masë të madhe, pasi institucionet janë para rrënimit të plotë dhe mosfunksionimit që nuk mbahet mend.

Për këtë publiku do të njoftohet dhe nuk kam për qëllim që për gjendjen e rëndë të arsyetohem ose të ankohemi, por vendosmërisht do të përgjigjemi, sepse kjo gjeneratë nuk ka opsion mossuksesin”, deklaroi Hristijan Mickoski, kandidat për kryeministër.

Me votimin e Qeverisë së re, partnerët e derisotëm qeverisës, LSDM dhe BDI-ja shkojnë në opozitë. Partia e Ali Ahmetit ishte pjesë e Qeverive të Maqedonisë së Veriut, herë me VMRO DPMNE-në e herë me LSDM-në, që nga viti 2002.

Ndërsa që nga pavarësia e vendit më shumë mandate si kryeministër ka pasur ish kryeministri azilant në Hungari, Nikolla Gruevski, i cili që nga viti 2006 deri në vitin 2016, 4 herë ka formuar Qeverinë.

MINISTRAT E VMRO-DPMNE-së
1. Vllado Misajllovski, ministër i Mbrojtjes
2. Timço Mucunski, ministër i Punëve të Jashtme dhe Tregtisë
3. Pançe Toshkovski, ministër i Punëve të Brendshme
4. Aleksandar Nikollovski, ministër i Transportit- zv.kryeministër
5. Ivan Stoillkovië, ministër për Marrëdhënie mes Bashkësive -zv.kryeministër
6. Gordana Dimitrieska Koçovska, ministre e Financave
7.Sanja Bozhinovska, ministre e Energjetikës
8. Cvetan Tripunovski, ministër i Bujqësisë
9. Vesna Janevska, ministre e Arsimit dhe Shkencës
10. Zllatko Perinski, ministër i Vetëqeverisjes Lokale
11. Zoran Lutkov, ministër i Kulturës dhe Turizmit
12. Stefan Andonovski, ministër i Transformimit Dixhital
13. Borko Ristovski, ministër për Sport
14. Lupço Dimovski, zv.kryeministër për Sistem Politik
15. Shaban Saliu, ministër për zbatimin e dekadës së romëve

MINISTRAT E KOALICIONIT “VLEN”
1.Izet Mexhiti, Zv.kryeministër i parë, Ministër i Ekologjisë
2. Arben Taravari, ministër i Shëndetësisë
3. Besar Durmishi, ministër i Politikës Sociale, Demografisë dhe Rinisë
4. Fatmir Limani, ministër i Ekonomisë dhe Punës.
5.Arben Fetai, zv.kryeministër për Qeverisje të Mirë
6.Orhan Murtezani, ministër i Eurointegrimeve

MINISTRAT E LËVIZJES “ZNAM”
1. Igor Fillkov, ministër i Drejtësisë
2. Goran Minçev, ministër i Administratës

The post Mickoski kryeministri i 13-të i RMV-së/ Kabineti i ri me 4 ministri më shumë, kush janë shqiptarët që do jenë pjesë e qeverisë së re appeared first on Albeu.com.

Sipas Kushtetutës, mandati për formimin e Qeverisë i jepet partisë, e cila në zgjedhje ka fituar numrin më të madh të deputetëve dhe që arrin të sigurojë mbi 60 vota për votimin e saj në Kuvend.

Në zgjedhjet parlamentare më 8 maj, VMRO DPMNE-ja ka fituar 58 ulëse në Kuvendin e Maqedonisë së Veriut, nga 120 sa janë gjithsej.

Pas marrjes së mandatit, kryetari i VMRO DPMNE-së, Hristijan Mickoski, ka afat prej 20 ditësh për paraqitjen në Kuvend të përbërjes së re të Qeverisë, si dhe programin e punës.

Mickoski, ka thënë se dorëzimin e listës me emrat për përbërjen e Qeverisë së re do ta bëjë në afatin e parë të mundshëm.

“Pres që ta dorëzoj përbërjen sa më shpejt të jetë e mundur, apo para festave fetare që vijnë – Kurban Bajrami (16 qershor) dhe Dita e shpirtrave (21 qershor)”, ka thënë Mickoski.

Qeveria e re do të formohet nga VMRO DPMNE-ja, koalicioni shqiptar VLEN dhe lëvizja ZNAM. Këto tri parti së bashku do të kenë 78 deputetë.

Para votimit të Qeverisë, Kuvendi duhet të miratojë një ligj për riorganizimin e ministrive, megjithatë, për këtë nevojitet shumica prej dy të tretash (apo 80 vota) në Kuvendin prej 120 anëtarësh.

Mickoski të mërkurën i ka dorëzuar propozim-amendamentet në Kuvend, por ndonëse nuk ka dashur të konfirmojë drejtpërdrejt se a ka siguruar mbështetjen e 80 deputetëve, ka thënë se ata nuk janë “fillestarë në politikë” për të “besuar në rastësi”.

“Ne nuk jemi politikanë naivë që të besojmë në rastësi. Në politikë rrallëherë ka rastësi”, është shprehur Mickoski.

Mickoski nuk ka dhënë detaje rreth ndarjes së ministrive apo se kush do t’i drejtojë ato, ndërkohë që përfaqësues të koalicionit VLEN kanë thënë se në Qeverinë e re do të kenë një zëvendëskryeministër, gjashtë ministri, dy prej të cilëve do të jenë pa resor, si dhe shtatë zëvendësministra. Nga radhët e koalicionit VLEN është edhe kryetari i Kuvendit, Afrim Gashi, i cili në këtë post u zgjodh më 28 maj.

The post Mandatohet sot qeveria e re e Maqedonisë së Veriut, Hristijan Mickoski kryeministër i ri appeared first on Albeu.com.

Pas paralajmërimeve të Kovaçevskit se planifikon që ky takim të jetë publik, Mickoski në një intervistë për press24 tha se nuk pajtohet me takime të fshehta, ndërsa në lidhje me atë se kur do të kumtojë kandidatët, paralajmëroi se kjo do të bëhet pas festave.

“Jo, nuk kemi pasur asnjëfarë takimi. Dhe nuk ekziston diçka si paralajmërim publik për takim të fshehtë, siç tha edhe vet kryeministri. Vlerësoj se nuk ka nevojë që të takohemi në ndonjë takim sekret. Nuk e di për Kovaçevskin, por unë me të nuk kam asnjë të fshehtë për të ndarë. Pas festës së Ujit të Bekuar do të kemi pasqyrë të plotë për përmbajtjen e ardhshme. Nuk shpejtojmë në këtë plan. VMRO-DPMNE ka numër të madh të kuadrit që mund të përgjigjen në pozitat që kërkohen”, tha Hristijan Mickoski, kryetar i VMRO-DPMNE-së.

Por kryeministri Kovaçevski pohon se asnjëherë nuk ka thënë se do të ketë takime sekrete, mbase tha se do ta ftojë Mickoskin në rrugën Maqedonia.

“Unë nuk shoh se ka nevojë që të kemi takime të fshehta, kështu që kur do të kemi takim do të jetë takim që do të ndodhë në hapësirë publike, a do të jetë në Klubin e deputetëve, në Kuvend apo në rrugën Maqedonia, apo në ndonjë kafene. Do të shohim se si do të dakordohemi, ne kemi komunikim në nivel partiak. Nënkryetari i VMRO-DPMNE-së është në komunikim të vazhdueshëm me nënkryetaren e LSDM-së”, deklaroi Dimitar Kovaçevski, kryeministër.

Kovaçevski pret që të kalojnë festat dhe të fillojë bisedimet me BDI-në rreth formimit të Frontit Europian, në të cilin i fton të gjithë partitë. Nuk kemi biseduar këto ditë duke pasur parasysh se ishin festat e fund vitit, u përgjigj shkurt kryeministri.

The post Mickoski nuk pranon takime të fshehta, Kovaçevski përgjigjet: Mund të ulemi edhe në ndonjë kafene appeared first on Albeu.com.

“Me një shpenzim…mos t’i rëndojmë qytetarët me shpenzime të dyfishta, të organizojmë zgjedhje presidenciale dhe me raundin e dytë të zgjedhjeve presidenciale edhe zgjedhje parlamentare”, tha Hristijan Mickoski – kryetar i VMRO-DPMNE-së.

Kreu i opozitës ka komentuar edhe hyrjen në koalicion të bllokut opozitar shqiptar, BESA, Alternativa dhe Lëvizja Demokratike.

“Çdo garë në skenën politike është e mirëseardhur. Vlerësoj se do të ofrojnë, së paku nga sa dëgjoj nga mesazhet e deritanishme, diçka që paraqet vizion të së ardhmes, e jo vizion të së kaluarës, që do të dalin nga kjo lojë që Ali Ahmeti dhe BDI-ja do të përpiqen të imponojnë, që është retorikë nacionaliste-shoviniste, që së bashku me qytetarët do të shikojnë përpara”, u shpreh Hristijan Mickoski– kryetar i VMRO-DPMNE-së.

Derisa është ende e paqartë se kur do të mbahen zgjedhjet e ardhshme, grupi punues i Ministrisë së Drejtësisë, në të cilin nuk morën pjesë as VMRO e as partitë opozitare shqiptare, ka finalizuar ndryshimet në Kodin zgjedhor. Së shpejti pritet që amendamentet t’u paraqiten deputetëve, andaj mbetet për t’u parë nëse do të kenë mbështetje nga opozita. Ndryshimet duhet të hyjnë në fuqi më pak se gjashtë muaj përpara mbajtjes së zgjedhjeve. Megjithatë, grupi i punës informon se KSHZ-ja do të ketë kohë të mjaftueshme për t’i zbatuar ndryshimet.

“Varet se si do të pajtohen partitë politike. Nuk mund ta dimë se për çfarë do të bien dakord, zgjedhje të përbashkëta apo speciale. Mendoj se jemi në momentin e duhur, tani topi është në fushën e Parlamentit”, tha Aleksandar Novakovski– kryetar i grupit punues.

“Sipas Kushtetutës, zgjedhjet e para janë zgjedhjet presidenciale dhe ka kohë të mjaftueshme që ato të miratohen para shpalljes së zgjedhjeve sepse nuk bëhet fjalë për ndonjë ndryshim thelbësor, që të mos munde aktorët dhe pjesëmarrësit e procesit zgjedhor ta zbatojnë këtë”, nënvizoi Viktoria Madiq– zëvendësministre e Drejtësisë.

Grupi i punës sqaroi se nuk janë ngarkuar të diskutojnë për datën e zgjedhjeve, por vetëm për rekomandimet e OSBE/ODIHR-it, që kanë të bëjnë me mënyrën e financimit të partive, mbrojtjen e të drejtës së votës dhe përfaqësimin në media. /Alsat.mk

The post VMRO pret që në dy javët e ardhshme të arrihet marrëveshje për datën e zgjedhjeve appeared first on Albeu.com.

“Si të thotë Kovaçevski për datën dhe ditën, vetëm le të takohen grupet e punës dhe të bisedojnë. Ajo që do ta propozojnë, atë do ta diskutojmë. Ja e pranoj, ata fituan, nuk kishte zgjedhje të parakohshme, zgjedhjet do të jenë të rregullta”, tha Mickoski.

Mickoski u shpreh se kanë problem me Komisionin Shtetëror Zgjedhor, i cili, sipas tij nuk funksionon në pajtim me Ligjin, pasi për momenrin punon me 6 anëtarë.

“Është e definuar qartë struktura e KSHZ-së, 4 anëtarë të pushtetit dhe 3 të opozitës. Ne kemi 2 anëtarë të opozitës dhe çfarë bënë pushteti? Ajo pengon emërimin e një antari të opozitës”.

Kryeministri Dimitar Kovaçevski ka thënë se terminin për mbajtjen e zgjedhjeve të rregullta presidenciale dhe parlamentare , duhet të jetë temë diskutimi me të gjitha partitë politike, e jo vetëm e dy partive. Ai gjithashtu nuk e komentoi propozimin e Mickoskit që zgjedhjet parlamentare të mbahen gjatë rrethit të dytë të zgjedhjeve presidenciale më 8 maj 2024.

The post VMRO, e gatshme të bisedojnë me LSDM për datën e zgjedhjeve appeared first on Albeu.com.

“Ne thamë kemi kushte, kushti i parë është që përfundimisht Maqedoninë ta çlirojmë nga BDI, nuk ka nevojë që të jetë pjesë e asaj, kushtimisht thënë, Qeverie të përkohshme. Dhe unë e përshëndes veprimin e z.Bujar Osmanit që e pranoi këtë në emrin e BDI-së, që mos të jenë pjesë e Qeverisë së përkohshme deri në zgjedhje, më pas qytetarët do të tregojnë nëse do të jenë ose nuk do të jenë në ndonjë qeveri të ardhshme”, tha Mickoski.

Mickoski gjithashtu u shpreh se nëse ata bëhen pjesë e qeverisë pa BDI-në, deri në zgjedhjet e ardhshme, atëherë kryeministri në muajt e fundit nuk do të jetë shqiptar. Sipas tij, në këtë rast nuk do të vlente marrëveshja mes LSDM-së dhe BDI-së.

“Kryeministri i ardhshëm nuk do të jetë për shkak të marrëveshjes që e kanë bërë LSDM dhe BDI, ose kushtimisht thënë, etnikisht shqiptar, por do të jetë kryeministër që e kanë zgjedhur shumica e deputetëve në korniza të Kuvendit”, tha Mickoski.

The post Mickoski sulmon BDI-në: Dëshirojmë ta çlirojmë Maqedoninë e Veriut nga kjo parti appeared first on Albeu.com.

Darko Kaeski, deputet i LSDM-së
 

“Para Hristijan Mickoskit është vendimi: nëse do ta mbështesë të ardhmen e vendit në BE ose do ta ndjek rrugën e paraardhësit të tij, Nikola Gruevskit. Me ditë të tëra Mickoski hesht për vendimin e tij. Por, do të presim deri në takimin e liderëve për të parë nëse atë që e flet publikisht do ta thotë edhe atje. Javën e ardhshme do të bëhet e qartë nëse Mickoski është pjesë e bllokut të BE-së ose do të mbetet në bllokun anti-evropian me “Levicën”

Kanë reaguar menjëherë nga partia opozitare maqedonase VMRO-DPMNE, të cilët nuk janë të sigurtë se do të mbahet takimi i liderëve, por thonë nëse do të mbahet i njëjti do të shihet në qoftë se LSDM-ja është poltron i BDI-së.

VMRO-DPMNE

“Në takimin e liderëve, nëse LSDM ndërpret me lojërat e fëmijëve dhe nëse do të mbahet, do të bëhet e qartë nëse Kovaçevski është ose jo, poltron i BDI-së. Nëse LSDM mendon se dikush beson se Artani dhe Talati janë evropianë dhe për vlera evropiane, atëherë ose e nënçmojnë popullin ose janë aq të korruptuar sa që nuk guxojnë të flasin nga BDI-ja”

Ka disa ditë që po flitet për një takim midis, kryeministri njëherit dhe kreut të social-demokratëve, Dimitar Kovaçevski dhe atij të VMRO-DPMNE-së, Hristijan Mickoski, në të cilin do të diskutohet për ndryshimet kushtetuese. Nga LSDM, thonë se ftesa është dorëzuar, ndërsa dje, Mickoski mohoi një gjë të tillë, i cili tha se nuk ka asgjë zyrtare përveç zërave në opinion./shenja

The post LSDM: Mickoski para sfidës, është pro BE-së ose ndjek hapat e Gruevskit appeared first on Albeu.com.

“Deri më sot po ofrohen të ndërmjetësojnë, ndërsa në esencë nuk kanë pushtet, disa njerëz që kanë qenë pjesë e kryesisë së mëparshëm të VMRO-DPMNE-së. Ata gënjejnë edhe nga qeveria, po gënjehen edhe nga ndërkombëtarët se nëse ofrojnë amnisti për disa zyrtarë të VMRO-DPMNE-së se ata do t’ju sjellin disa vota në Kuvend dhe do të shkaktonin përçarje në VMRO, gënjehen”, deklaroi Hristijan Mickoski – kryetar i VMRO-DPMNE-së.

Mickoski përsëriti se për hapin e parë të procesit të ndryshimeve kushtetuese kërkohet një shumicë prej dy të tretash dhe i bëri thirrje kryeministrit Kovaçevski që të fillojë menjëherë procedurën, sepse, siç akuzoi ai, Kovaçevski po gënjen bashkësinë ndërkombëtare se ka progres në bisedime me deputetë të opozitës. Mickoski shtoi se mbeten në propozimin për ndryshimin e Kushtetutës sipas modelit kroat.

“Për modelin kroat, nëse vijmë në fazën e dytë për të diskutuar modelin kroat dhe nëse ka konsensus, ne jemi gati që nesër. Ja, me çmimin e dëmit politik që do ta pësojmë… siç është Preambula në Kushtetutën e Kroacisë, ashtu duhet të jetë Preambula në Kushtetutën e Maqedonisë. Ne jemi gati të flasim nesër”, shtoi Hristijan Mickoski – kryetar i VMRO-DPMNE-së.

Sipas Mickoskit, në këtë përbërje parlamentare nuk do të ketë ndryshime kushtetuese. /Alsat.mk

The post Mickoski: Asnjë deputet i VMRO-së nuk do t’i votojë ndryshimet kushtetuese appeared first on Albeu.com.

Neve na nevojitet modeli maqedonas me të cilin do të vazhdojmë rrugën e anëtarësimit në BE, theksoi Kovaçevski në konferencën e përbashkët për media me homologun kroat Andrej Plenkoviq.

Ai gjithashtu refuzoi thirrjen e Mickoskit që për këtë temë të debatohet në takim liderësh, për shkak se siç tha një takim i tillë u mbajt në dhjetor.

“Në atë takim liderësh gjithë liderët e partive politike u pajtuan për nevojën për sjelljen e ndryshimeve kushtetuese përveç njërit që heshte dhe dy që nuk erdhën. Andaj vlerësoj se nuk ka nevojë për takim liderësh. Debati – Ndryshime kushtetuese – nuk udhëhiqet nëpër televizion, e as kur fillohen punët ndërtimore për gypat e kanalizimit në komuna të caktuara, debati për ndryshimet kushtetuese udhëhiqet në grup punë ku çdo parti politike delegon përfaqësues të tyre”, tha Dimitar Kovaçevski, kryeministër.

Kryeministrie kroat, Plenkoviq pret që të gjithë partitë politike të arrijnë konsensus për ndryshimet kushtetuese që janë të rëndësishme për të mos u bllokuar procesi i anëtarësimit në BE.

“Do të ishte mirë që të arrihet konsensus pas të cilit do të mund të qëndrojë të gjithë dhe pas të cilit para se gjithash do të qëndrojë populli dhe përfaqësuesit e tyre politik. Partive politike në Maqedoni dhe institucioneve të vendit u mbetet që të gjejnë model për ndryshimet kushtetuese dhe zgjidhjet më të mira që janë karakteristike për Maqedoninë e Veriut. Sa i përket gatishmërisë së Qeverisë maqedonase, në suaza të ndryshimeve kushtetuese në Kushtetutë të vendoset edhe pakica kroate, ne e përshëndesim këtë gjë”, pohoi Andrej Plenkoviq, kryeministër kroat.

Kryeministri kroat Andrej Plenkoviq i cili është në vizitë në vendin tonë së bashku me delegacionin shtetërorë pas takimit në Qeveri u takua edhe me presidentin Stevo Pendarovski, ndërsa mbajti fjalim edhe para deputetëve të Kuvendit të RMV-së./tv21

The post Kovaçevski refuzoi Mickoskin për takim liderësh: Debati për ndryshimet kushtetuese nuk bëhet kur lëshon kanalizim appeared first on Albeu.com.

“Nuk është koha për takim liderësh, por për shpërndarjen e Qeverisë dhe zgjedhje të parakohshme”, theksoi Mickoski duke iu përgjigjur kryeministrit Kovaçevski, i cili dje ka paralajmëruar se në muajin maj fillon procesi për ndryshimet kushtetuese po pa konsultime liderësh, sepse kjo çështje kërkon koncensus nacional.

Ministri i Jashtëm, Bujar Osmani, thotë se duhet të arrihet konsensusi mbipartiak për ndryshimet kushtetuese.

Ai në një intervistë për portalin “racin.mk” thotë se duhet të lihen anash interesat e politikës ditore, të ulet e të analizohen të gjitha aspektet “për” dhe “kundër” ndryshimeve me të cilët Bullgarët duhet të futen në Kushtetutën e Maqedonisë së Veriut./ina

The post Qeveria prioritet ndryshimet kushtetuese, Mickoski kërkon zgjedhje appeared first on Albeu.com.