Blerim Vela, ish-Shef i Stafit të ish-presidentes së Kosovës, Vjosa Osmani, ka kundërshtuar deklaratat e ish-kryeministrit Avdullah Hoti për angazhimin e profesorit Bekim Sejdiu në Zyrën e Presidentes.

Përmes një postimi në X, Vela tha se pretendimi se Sejdiu ka ushtruar funksionin e këshilltarit politik të Presidentes nuk qëndron.

Ai sqaroi se, gjatë periudhës 2021–2023, kur drejtonte Kabinetin e Presidentes së Republikës së Kosovës, ishte i përfshirë drejtpërdrejt në procesin e angazhimit të profesorit Sejdiu në Zyrën e Presidentes.

Sipas Velës, Sejdiu ishte marrë si ekspert i jashtëm në kuadër të programit të Qeverisë së Norvegjisë për mbështetjen e institucionit të Presidencës. Programi zbatohej nga BPRG dhe nuk nënkuptonte as emërim në një post politik si këshilltar i Presidentes, as krijimin e një marrëdhënieje pune me Presidencën.

Vela e krahasoi këtë angazhim me modele të tjera të asistencës ndërkombëtare, përmes të cilave ishin përfshirë në dialog edhe Veton Surroi, Blerim Shala dhe ekspertë të tjerë, me mbështetje norvegjeze përmes BPRG. Ai shtoi se gjatë kohës së tij në Presidencë, përmes të njëjtit mekanizëm, u angazhuan edhe tre ekspertë të tjerë të jashtëm dhe asnjëri prej tyre nuk ishte këshilltar politik i emëruar.

Ish-këshilltari tha se kontributi i Sejdiut ishte i lidhur vetëm me ekspertizën e tij për çështje me rëndësi shtetërore. Sipas tij, profesori kishte punuar për modalitetet e raporteve me Vatikanin, komunikimin me SHBA-në dhe çështjet që lidheshin me marrëdhëniet me Turqinë, përfshirë edhe çështjen e dronëve. Vela theksoi se angazhimi i tij ishte bërë edhe me sugjerimin e partnerëve ndërkombëtarë.

Vela i kërkoi Hotit të bëjë publik dokumentin që pretendohet se dëshmon emërimin e Sejdiut si këshilltar politik, duke deklaruar se një vendim i tillë nuk ekziston. Ai shtoi se këtë e mbështet edhe deklarimi i pasurisë, pasi Sejdiu nuk i është nënshtruar këtij detyrimi, pikërisht sepse nuk ka mbajtur postin e këshilltarit politik.

“Debati publik duhet të bazohet në fakte dhe dokumente, jo në pretendime”, shkroi Vela.

The post Vela i përgjigjet Hotit: Nuk ka vendim për emërimin e Sejdiut si këshilltar politik appeared first on Albeu.com.

Në një postim të publikuar në Facebook, ajo tha se Hoti po kërkon protesta kundër kryeministrit Albin Kurti, ndërsa në anën tjetër Haziri po përmend mundësinë e një koalicioni me të.

Duke ironizuar këto qëndrime, Matoshi shkroi: “Koncentrohnu o burra, se as elektorati juej nuk o ka e din çka po doni, e leje mo na”.

Në postimin e saj në Facebook, ajo u shpreh: “Dulla thote duhet me protestu kunder Albinit.

Luta ne anen tjeter thote duhet me bo koalicion me Albinin.

Koncentrohnu o burra, se as elektorati juej nuk o ka e din çka po doni, e leje mo na”.

The post Adriana Matoshi tallet me qëndrimet e Hotit dhe Hazirit: “As elektorati juaj s’e ka të qartë çfarë doni” appeared first on Albeu.com.